- Messages
- 51
- Reaction score
- 91
- Points
- 18
5.2
அனிக்காவை ஆண்ட்டி-ஹீரோ கதைக்கு நாயகியாக கொஞ்சமும் பொருத்திப்பார்க்க முடியவில்லை கமலியால்.
‘ச்ச. இவன் டேஸ்ட் எங்கயாவது ஆண்ட்டி-ஹீரோ மாதிரி இருக்கா’ என்று லெனினை உள்ளுக்குள் திட்டிக்கொண்டிருந்தாள்.
“இங்க என்ன பண்றீங்க?” என்று அனிக்கா முதல் முறைக் கேட்ட போது, அதற்குப் பதிலளிக்காமல், மூவரும் அவர்களுக்குள்ளேயே பேசியவாறு இருக்க, மீண்டும் அதே கேள்வியைக் கேட்டாள், இன்னும் கொஞ்சம் சத்தமாக.
“அது ஒன்னுமில்ல அனி. இவங்க எனக்குப் புது ஃப்ரெண்ட்ஸ். அதான் உன்ன இன்ட்ரோ குடுக்க வந்தேன்” என்றான் லெனி.
“ஓஹ்! ‘இவங்க இங்க வேலை செய்றாங்க’ன்னு இன்ட்ரோ குடுத்தியா?” என்று அனிக்கா கேட்க, “நோ. நான் தான் பொய் சொல்ல மாட்டேனே. ‘நான் இந்தப் பொண்ணை லவ் பண்றேன்’ன்னு இன்ட்ரோ குடுத்தேன்” என்றான் லெனின் நிரஞ்சன்.
“வாட்? லெனின். நான் தான் எனக்கு உன் மேல லவ் இல்லைன்னு சொன்னேனே” என்றாள் அனிக்கா.
“உனக்கு லவ் இல்ல. அதுக்காக நான் லவ் பண்றது இல்லைன்னு ஆகிடுமா!” என்று அனிக்காவைப் பார்த்துக் கண் சிமிட்டினான் லெனின்.
“அடேய். என்ன டா நடக்குது இங்க. நீ இப்படி சமரசமா உக்கார்ந்து பேசிக்கிட்டு இருந்தா உன்ன ஆண்ட்டி-ஹீரோன்னு எவனாவது ஒத்துக்குவானா டா. அவ உன் மேல லவ் இல்லன்னு சொல்றா. அப்போவும் பேக்கு மாதிரி லவ் டயலாக் பேசிட்டு இருக்க. இந்நேரம் வில்லன் ரேஞ்சுக்கு ‘உன்னை எப்படி எனக்குச் சொந்தமானவளா ஆக்கிக்கணும்ன்னு எனக்குத் தெரியும்’ன்னு டயலாக் பேசியிருக்க வேணாமா!” என்று கிட்டத்தட்ட அழுகும் நிலைக்குச் சென்றுவிட்டாள் கமலி.
அப்பொழுதும் கூட பாவம் பார்க்காமல், அவளை வம்புக்கு இழுத்தார் பாட்டி. “லவ் பண்ற பொண்ணுக்குத் தாலி கட்டுனா அவ அவனோட சொந்தமா ஆவா. அது எப்டி சொந்தமானவளா ஆவா?” என்று பாட்டி கேட்க, “அது கல்யாணம் பண்ணா சொந்தம் ஆவா. கல்யாணத்துக்கு அப்புறம் நடக்கவேண்டியதை எல்லாம் முன்னாடியே பண்ணா சொந்தமானவளா ஆகிடுவா” என்று கமலி சொல்ல, “ச்சைக். என்ன கருமம் டி இது!” என்று முகம் சுழித்தார் பாட்டி.
“என்னது கருமமா?“ என்று கமலி கேட்க, “ஆமாம் பின்ன? பொண்ணுங்களை எப்போ பொருட்கள் லிஸ்ட்ல சேர்த்தீங்க? உங்க ஹீரோ அவளை அவனுக்கு சொந்தமானவளா ஆக்கிக்கறதுக்கு? அது மட்டும் இல்லாம, உன் கதைய படிக்க பசங்க அந்த சீன்ல இருந்து என்ன கத்துக்குவாங்க? ஒரு பொண்ணை தனக்கு சொந்தமானவளா ஆக்கிக்கணும்ன்னா அவ கூட செக்ஸ். சாரி. சாரி. அவளை ரேப் பண்ணா போதும்ன்னா?
சரி குடும்ப நாவல் அதிகம் படிக்கற பொண்ணுங்களுக்கு என்ன சொல்லி குடுக்கற? யாரும் உன்னை ரேப் பண்ணா நீ அவனுக்கு சொந்தமானவளா ஆகிடுவன்னா?” என்று கேள்வி மேல் கேள்வி கேட்டார் பாட்டி.
“எது? செக்ஸ். ரேப்பா? வாய்ல அடி. வாய்ல அடி. கூடல்ன்னு சொல்லு. இதெல்லாம் தான் பக்கா ஆன்டி ஹீரோ கன்டென்ட். இதுல எல்லாம் கேள்வி கேட்காத” என்று கமலி அந்த பேச்சை இத்துடன் முடிக்கப் பார்த்தாள். “எது? ரேப்ப ரோமன்டிசைஸ் பண்ணி எழுதுறது தான் ஆண்ட்டி-ஹீரோ கதையா? ஆனா. இப்போ உன் ஹீரோ ஊத்துற ஜொள்ளுல உன் ஆண்ட்டி-ஹீரோ கதைப் பக்கங்கள் எல்லாம் ஊறிப்போய் நாறிப்போகப் போகுது பாரு” என்றார் பாட்டி.
“ஆமாம். இவன் வேற கேரக்டருக்குச் சம்மந்தமே இல்லாம லவ் பண்ணிட்டு இருக்கான். விட்டா ரொமாண்டிக் ஹீரோ ஆகிடுவான் போல” என்று பாட்டியிடம் சொல்லிவிட்டு, “லெனி. நீ வா” என்று கமலி லெனினை இழுக்கவும், அனிக்கா தலையில் அடித்துக்கொண்டு உள்ளே செல்லவும், எங்கிருந்தோ ஓடிவந்த பணியாள் ஒருவர், “சார். யாரோ போலீஸ் ஆஃபிசர் உங்கள பார்க்க வந்திருக்காங்க. உங்க ரூம்ல உக்கார வச்சிருக்கேன்” என்று சொல்லவும் சரியாக இருந்தது.
“எது? போலீஸா?” என்று கமலி கேட்க, “யாரைக் கேட்டு அவரை என் ரூம்க்குள்ள விட்டீங்க?” என்று குரல் உயர்த்தினான் லெனின்.
அந்த ஊழியரோ, “சார். அவர் போலீஸ் அதான்” என்று தயங்க, “ஸோ வாட்? போலீஸ்ன்னா விட்டுடுவீங்களா? இது என் காலேஜ். இங்க நான் தான் தலை. என்னைக் கேட்காம எந்த வாலும் அசையக் கூடாது” என்றான் லெனின்.
“சார். நீங்க உங்க ஆஃபிஸ் ரூம்ல இல்ல. அதனால தான்...” என்று ஊழியர் இழுக்க, “நான் இல்லாத நேரம் யார் வந்தாலும் ரூம் உள்ள விட்டுடுவீங்களா? நோ. என்னால வந்து பார்க்க முடியாது. அந்தப் போலீஸ்காரருக்கு அவ்ளோ அவசரம்ன்னா கேண்டீனுக்கு வர சொல்லுங்க. அவர் என்னைத் தேடி வந்து பார்த்ததா தான் இருக்கணும். அவர் வந்ததும், நான் ஓடிவந்துட்டேன்னு நெனச்சிக்கக் கூடாது” என்றான் லெனின் நிரஞ்சன்.
“சரி சார். நான் சொல்றேன்” என்று அந்த ஊழியர் அங்கிருந்து நகர, “லெனி. அவர் போலீஸ்காரர் லெனி” என்றாள் கமலி.
“ஸோ வாட்? காக்கிச்சட்டைய கழட்டிட்டா, அவரும் சாதாரண மனுஷன் தான. வரட்டும்” என்று சொன்னவன், கேண்டீன் நோக்கி நடப்பதாய் தெரியவில்லை. நின்ற இடத்திலேயே நின்றுப் பேசிக்கொண்டிருந்தான்.
“சரி. அதை விடு. உனக்கு இந்த அனிக்காவ தான் பிடிச்சிருக்கா. இந்த அப்பாவிப் பொண்ணுங்க எல்லாம் வேணாமா?” என்று கமலி கேட்க, “ச்ச. எனக்கு இந்த அப்பாவிப் பொண்ணுங்களை எல்லாம் பார்த்தா பிடிக்கறதில்ல. வேற யாருக்காவது பிடிக்குமோ என்னமோ. ஆனா, எனக்கு அவங்க எல்லாம் கொஞ்சமும் செட் ஆக மாட்டாங்க” என்றான் லெனி.
“ஏன்? ஏன்? ஏன்?” என்று கமலி கேட்க, “நான் சிங்கம் டெடி” என்றான் லெனின்.
“அதுக்கு?” என்று கமலி விழிக்க, “நான் சிங்கம். என்னைச் சுத்தி இருக்கற எல்லாம் சிங்கமும், சிறுத்தையும், ஓநாயும். இதுல ஒரு மானையோ, முயலையோ இணையா வச்சிக்கிட்டு நான் என்ன செய்ய? முழு நேரமும் அந்த முயலைச் சிறுத்தைக்கிட்ட இருந்தும், ஓநாய்கிட்ட இருந்தும் பாதுகாக்குறதே வேலையா இருக்கவா?
தன்னைத் தானே பாதுகாத்துக்கற சிங்கம் தான் இணையா இருக்க முடியும்” என்றான் லெனின் நிரஞ்சன் உறுதியாக. முடிவாக.
“இதெல்லாம் ஒரு காரணமா லெனி. உன் அம்மா, தங்கை எல்லாம் பக்கா அமைதி டைப் தான. அவங்கள எல்லாம் உன்னைச் சுத்தியிருக்க சிறுத்தை ஓநாய் எல்லாம் ஏதாவது செஞ்சிதா?” – கமலி.
“இதுவரை இல்ல. இனிமே?” – லெனின்.
“இனிமே அவங்கக் கிட்ட யாராவது பிரச்சனைப் பண்ணா, நீ போய் காப்பாத்த மாட்டியா?” – கமலி.
“நோ” என்றான் லெனி.
“இரக்கமே இல்லையா?” என்று கமலி கேட்க, “நான் அப்படி இருக்கணும்ன்னு தான உனக்கு விருப்பம் டெடி” என்று அவளைப் பார்த்துப் புன்னகைத்தவன், “ஆண் சிங்கங்கள் சுயநலமானவை” என்றான்.
அவனையே கண்ணிமைக்காமல் கமலி பார்த்துக்கொண்டு நிற்க, “இந்நேரம் அந்தப் போலீஸ்காரர் கேண்டீனுக்கு வந்திருப்பார். வா போலாம். சிங்கமா சிறுத்தையான்னு பார்ப்போம்” என்றான் லெனின்.
“என்ன?” என்று கமலி புரியாமல் கேட்க, “வந்திருக்க போலீஸ் சிங்கம் சூர்யாவா, சிறுத்தை கார்த்தியா பார்ப்போம்ன்னு சொன்னேன். வா” என்று அழைத்துச் சென்றான் லெனின் நிரஞ்சன்.
அவள் உருவாக்கிய கதாப்பாத்திரம் தான். ஆனால், தாயும் தங்கையும் பிரச்சனையில் மாட்டினாலும், ‘அதற்கும் எனக்கும் சம்பந்தம் இல்லை என்பது போல் இருப்பேன்' என்று சொல்லும் லெனினின் குணம் ஏனோ கொஞ்சமாக உறுத்தத்தொடங்கியது கமலிக்கு.
மந்திரித்து விட்டவள் போல் நின்றிருந்தவளைக் கிட்டத்தட்ட இழுத்துச் சென்றான் லெனின் நிரஞ்சன்.
இவர்கள் சிற்றுண்டியகத்துக்குப் பின் பக்கமாக நுழையும்போது தான், அந்தக் காவல்துறை அதிகாரி முன் பக்கமாக நுழைந்து ஒரு பழச்சாறினைச் சொல்லிவிட்டு ஒரு மேசையில் அமர்ந்தார்.
அவரைப் பார்த்ததும், லெனின் அவருக்கெதிரில் இருக்கும் இருக்கையில் அமர, அவனுக்கு இருபக்கமும் நின்றுக்கொண்டிருந்தனர் கமலியும் பாட்டியும்.
“லெனின் நிரஞ்சன்?” என்று அந்தக் காவல்துறை அதிகாரி கேட்க, “நோ!” என்றான் லெனின்.
அவர் கேள்வியாய் நோக்க, “லெனி. கால் மீ லெனி” என்றான் லெனின்.
“ஓகே லெனி. நான் நவீன். இந்த ஸிட்டில இருக்க ரவுடிஸத்தை ஒழிக்க என்னை ஸ்பெஷல் ஆஃபிஸரா அப்பாய்ண்ட் பண்ணியிருக்காங்க” என்று சொல்லி அவர் கரத்தை நட்பாக லெனினிடம் நீட்ட, லெனினோ, அதைக் கண்டுக்கொள்ளாதது போல் அமர்ந்திருந்தான்.
நீட்டிய கரத்தைப் பின்னே இழுத்துக்கொண்டவர், “என்னோட டார்கெட் லிஸ்ட்ல உன் அப்பா, உன் மச்சான்ஸ் எல்லாரும் இருக்காங்க” என்று அவர் சொல்ல, “மச்சானா?” என்று கமலி கேள்விக் கேட்க, “சார் லவ் பண்ற பொண்ணோட அண்ணனுங்க” என்றார் அவர்.
“என் லிஸ்ட்ல இருக்குறவங்க எல்லாருக்கும் ஒன்னு என்கவுண்டர் இல்ல ஆயுள் தண்டனை” என்று நவீன் சொல்லிவிட்டு, லெனினை ஆழப்பார்வைப் பார்க்க, “ஓகே. என்னைப் பார்க்க வந்த காரணம்?” என்று நேராக விடயத்துக்கு வந்தான் லெனின்.
“என் லிஸ்ட்ல உன்னையும் சேர்த்துக்கணுமா இல்லையான்னு ஒரு யோசனை. அதான் நேர்ல பார்த்து முடிவு செய்ய!” என்றார் நவீன்.
“ஏன் டௌட்?” என்று லெனின் கேட்க, “ஏன்னா! இப்போவரை லெனின் நிரஞ்சன் எந்தக் க்ரைமும் செய்யலையே. இப்போவரை இந்தக் காலேஜை மட்டும் தான பார்த்துட்டு இருக்கார்” என்றார் நவீன்.
“ஆனா, சீக்கிரம் செய்வானே. உங்க லிஸ்ட்ல இருக்குறவங்களை விட அதிகமா செய்வானே இந்த லெனி” என்று லெனின் சொல்ல, “அப்போ ஓகே” என்று மெலிதாய் சிரித்துக்கொண்டே அமைதியாய் எழுந்தான் நவீன்.
“வீட்ல இருக்குறவங்களைப் பத்திரமா இருக்கச் சொல்லுங்க. உங்கத் தங்கச்சி கூட இந்தக் காலேஜ்ல தான் படிக்கறான்னு சொன்னாங்க. ஸ்கூல் படிக்கற ஒரு தம்பி கூட இருக்கான்னு கேள்விப்பட்டேன்” என்று நவீன் சொல்ல, “ஹாஹா. ஆஃபிஸர். எலிக்குத் தேங்காய் துண்டு வச்சு பிடிக்கற மாதிரி, இந்த லெனியைப் பிடிக்க முடியாது. லெனியை வீழ்த்தனும்ன்னா நேரடியா மோதி தான் ஆகணும்” என்றான் லெனின்.
“கேள்விப்பட்டேன். லெனின் நிரஞ்சனுக்கு இந்தக் குடும்ப செண்டிமெண்ட்ஸ் எல்லாம் இல்ல. ஃப்ரெண்ட்ஸ்ன்னும் யாரையும் நெருக்கமா கூட வச்சிக்கறது இல்லைன்னு” என்று சொன்ன நவீனின் பார்வை கமலி மேல் விழுந்தது.
“ஆனா, இதோ இந்தப் பொண்ணும் பாட்டியும். கார் பார்க்கிங்ல இருந்து கேண்டீன் வரை உன்கூடவே வராங்க. அவ்ளோ நெருக்கமா?” என்று நவீன் கேட்க, “ஹாஹா. ஆமா. கொஞ்சம் நெருக்கம் தான்” என்றான் லெனின்.
“அப்போ. தேங்காய் துண்டா இவங்க இருந்தா?” என்று நவீன் கேட்க, “தேங்காய் பீஸ் யாரா இருந்தா என்ன? சிங்கம் எப்போவும் எலிப் பொறியில் மாட்டாது. தேங்காய் தான் எலிக்காகக் காத்திருந்து அழுகிப்போகும்” என்று லெனின் சொல்ல, தூக்கி வாரிப்போட்டது கமலிக்கு.
‘எனக்கு ஏதேனும் ஆனால் கூட காப்பாற்ற வர மாட்டானா! அத்தனைச் சுயநலமானவன், அத்தனைக் கொடூரனா என் கற்பனையில் உதித்தான்!’ என்றக் கேள்விகள் கொஞ்சம் கொஞ்சமாக அவள் சிந்தனையை ஆக்கிரமிக்கத் தொடங்கியது.
அவள் முகத்திலிருந்த யோசனை ரேகைகளைப் பார்த்த பாட்டிக்கு அவள் எண்ணம் புரிய அமைதியாக இருந்தார். அவளின் குழப்பமான முகத்தை மனதில் பதியவைத்துக் கொண்டு வெளியேறினான் நவீன்.
“சிறுத்தை” என்று லெனின் சொல்ல, நிகழ்வுக்கு வந்தவள், “என்ன?” என்றாள்.
“அவன் சிறுத்தைன்னு சொன்னேன் டெடி” என்றான் லெனின் மீண்டும்.
“ஓஹ். ஏன் அப்டி சொல்ற?” என்று கமலி கேட்க, “அவனைப் பார்க்க உடல் வலிமைவாய்ந்தவனா தெரியல. அவன் ஒரு வார்த்தை கூட குரல் உயர்த்திப் பேசல” என்றான் லெனின்.
“அதற்கு என்ன?” என்று கமலி கேட்க, “சிறுத்தை சிங்கம் போல் கர்ஜிப்பதே இல்லை. சிங்கத்துக்கு இருக்கறது போல கம்பீரமான உடலமைப்பு கொண்டது இல்லை. இன்னும் சொல்லணும்ன்னா. சிறுத்தைகள் வலிமைக்குப் பேர் போனவை இல்ல. வேகத்துக்குப் பேர் போனவை” என்றான் லெனின்.
“அவன் உன் அளவுக்கு வலிமையானவன் இல்லைன்னு சொல்றியா லெனி? அப்போ அவனைப் பத்திக் கவலைப்பட வேணாமா?” என்று கமலி கேட்க, “வேகமானவன்னு சொன்னேனே! என்ன பண்றான்னு பார்ப்போம். எந்த மரத்துல ஏறி நின்னுட்டு நம்ப மேல பாயக் காத்திருக்கான்னு பார்ப்போம்” என்று ஒரு நீண்ட மூச்சை வெளியிட்டான் லெனின்.
“சரி வா. நம்ப வேலையைப் பாப்போம்” என்று லெனி சிற்றுண்டியகத்தை விட்டு வெளியேற அங்கிருந்து நகராமல் நின்றாள் கமலி.
‘எனக்கு ஆபத்துன்னா கூட இவன் வர மாட்டானா! என் கழுத்துக்கு வர கத்திக்குக் கூட இவனை இரக்கப்பட வைக்க வாய்ப்பில்லையா?’ என்றக் கேள்வியே அவள் மனம் முழுதும் இருந்தது.
:: :: :: :: :: :: :: ::
அனிக்காவை ஆண்ட்டி-ஹீரோ கதைக்கு நாயகியாக கொஞ்சமும் பொருத்திப்பார்க்க முடியவில்லை கமலியால்.
‘ச்ச. இவன் டேஸ்ட் எங்கயாவது ஆண்ட்டி-ஹீரோ மாதிரி இருக்கா’ என்று லெனினை உள்ளுக்குள் திட்டிக்கொண்டிருந்தாள்.
“இங்க என்ன பண்றீங்க?” என்று அனிக்கா முதல் முறைக் கேட்ட போது, அதற்குப் பதிலளிக்காமல், மூவரும் அவர்களுக்குள்ளேயே பேசியவாறு இருக்க, மீண்டும் அதே கேள்வியைக் கேட்டாள், இன்னும் கொஞ்சம் சத்தமாக.
“அது ஒன்னுமில்ல அனி. இவங்க எனக்குப் புது ஃப்ரெண்ட்ஸ். அதான் உன்ன இன்ட்ரோ குடுக்க வந்தேன்” என்றான் லெனி.
“ஓஹ்! ‘இவங்க இங்க வேலை செய்றாங்க’ன்னு இன்ட்ரோ குடுத்தியா?” என்று அனிக்கா கேட்க, “நோ. நான் தான் பொய் சொல்ல மாட்டேனே. ‘நான் இந்தப் பொண்ணை லவ் பண்றேன்’ன்னு இன்ட்ரோ குடுத்தேன்” என்றான் லெனின் நிரஞ்சன்.
“வாட்? லெனின். நான் தான் எனக்கு உன் மேல லவ் இல்லைன்னு சொன்னேனே” என்றாள் அனிக்கா.
“உனக்கு லவ் இல்ல. அதுக்காக நான் லவ் பண்றது இல்லைன்னு ஆகிடுமா!” என்று அனிக்காவைப் பார்த்துக் கண் சிமிட்டினான் லெனின்.
“அடேய். என்ன டா நடக்குது இங்க. நீ இப்படி சமரசமா உக்கார்ந்து பேசிக்கிட்டு இருந்தா உன்ன ஆண்ட்டி-ஹீரோன்னு எவனாவது ஒத்துக்குவானா டா. அவ உன் மேல லவ் இல்லன்னு சொல்றா. அப்போவும் பேக்கு மாதிரி லவ் டயலாக் பேசிட்டு இருக்க. இந்நேரம் வில்லன் ரேஞ்சுக்கு ‘உன்னை எப்படி எனக்குச் சொந்தமானவளா ஆக்கிக்கணும்ன்னு எனக்குத் தெரியும்’ன்னு டயலாக் பேசியிருக்க வேணாமா!” என்று கிட்டத்தட்ட அழுகும் நிலைக்குச் சென்றுவிட்டாள் கமலி.
அப்பொழுதும் கூட பாவம் பார்க்காமல், அவளை வம்புக்கு இழுத்தார் பாட்டி. “லவ் பண்ற பொண்ணுக்குத் தாலி கட்டுனா அவ அவனோட சொந்தமா ஆவா. அது எப்டி சொந்தமானவளா ஆவா?” என்று பாட்டி கேட்க, “அது கல்யாணம் பண்ணா சொந்தம் ஆவா. கல்யாணத்துக்கு அப்புறம் நடக்கவேண்டியதை எல்லாம் முன்னாடியே பண்ணா சொந்தமானவளா ஆகிடுவா” என்று கமலி சொல்ல, “ச்சைக். என்ன கருமம் டி இது!” என்று முகம் சுழித்தார் பாட்டி.
“என்னது கருமமா?“ என்று கமலி கேட்க, “ஆமாம் பின்ன? பொண்ணுங்களை எப்போ பொருட்கள் லிஸ்ட்ல சேர்த்தீங்க? உங்க ஹீரோ அவளை அவனுக்கு சொந்தமானவளா ஆக்கிக்கறதுக்கு? அது மட்டும் இல்லாம, உன் கதைய படிக்க பசங்க அந்த சீன்ல இருந்து என்ன கத்துக்குவாங்க? ஒரு பொண்ணை தனக்கு சொந்தமானவளா ஆக்கிக்கணும்ன்னா அவ கூட செக்ஸ். சாரி. சாரி. அவளை ரேப் பண்ணா போதும்ன்னா?
சரி குடும்ப நாவல் அதிகம் படிக்கற பொண்ணுங்களுக்கு என்ன சொல்லி குடுக்கற? யாரும் உன்னை ரேப் பண்ணா நீ அவனுக்கு சொந்தமானவளா ஆகிடுவன்னா?” என்று கேள்வி மேல் கேள்வி கேட்டார் பாட்டி.
“எது? செக்ஸ். ரேப்பா? வாய்ல அடி. வாய்ல அடி. கூடல்ன்னு சொல்லு. இதெல்லாம் தான் பக்கா ஆன்டி ஹீரோ கன்டென்ட். இதுல எல்லாம் கேள்வி கேட்காத” என்று கமலி அந்த பேச்சை இத்துடன் முடிக்கப் பார்த்தாள். “எது? ரேப்ப ரோமன்டிசைஸ் பண்ணி எழுதுறது தான் ஆண்ட்டி-ஹீரோ கதையா? ஆனா. இப்போ உன் ஹீரோ ஊத்துற ஜொள்ளுல உன் ஆண்ட்டி-ஹீரோ கதைப் பக்கங்கள் எல்லாம் ஊறிப்போய் நாறிப்போகப் போகுது பாரு” என்றார் பாட்டி.
“ஆமாம். இவன் வேற கேரக்டருக்குச் சம்மந்தமே இல்லாம லவ் பண்ணிட்டு இருக்கான். விட்டா ரொமாண்டிக் ஹீரோ ஆகிடுவான் போல” என்று பாட்டியிடம் சொல்லிவிட்டு, “லெனி. நீ வா” என்று கமலி லெனினை இழுக்கவும், அனிக்கா தலையில் அடித்துக்கொண்டு உள்ளே செல்லவும், எங்கிருந்தோ ஓடிவந்த பணியாள் ஒருவர், “சார். யாரோ போலீஸ் ஆஃபிசர் உங்கள பார்க்க வந்திருக்காங்க. உங்க ரூம்ல உக்கார வச்சிருக்கேன்” என்று சொல்லவும் சரியாக இருந்தது.
“எது? போலீஸா?” என்று கமலி கேட்க, “யாரைக் கேட்டு அவரை என் ரூம்க்குள்ள விட்டீங்க?” என்று குரல் உயர்த்தினான் லெனின்.
அந்த ஊழியரோ, “சார். அவர் போலீஸ் அதான்” என்று தயங்க, “ஸோ வாட்? போலீஸ்ன்னா விட்டுடுவீங்களா? இது என் காலேஜ். இங்க நான் தான் தலை. என்னைக் கேட்காம எந்த வாலும் அசையக் கூடாது” என்றான் லெனின்.
“சார். நீங்க உங்க ஆஃபிஸ் ரூம்ல இல்ல. அதனால தான்...” என்று ஊழியர் இழுக்க, “நான் இல்லாத நேரம் யார் வந்தாலும் ரூம் உள்ள விட்டுடுவீங்களா? நோ. என்னால வந்து பார்க்க முடியாது. அந்தப் போலீஸ்காரருக்கு அவ்ளோ அவசரம்ன்னா கேண்டீனுக்கு வர சொல்லுங்க. அவர் என்னைத் தேடி வந்து பார்த்ததா தான் இருக்கணும். அவர் வந்ததும், நான் ஓடிவந்துட்டேன்னு நெனச்சிக்கக் கூடாது” என்றான் லெனின் நிரஞ்சன்.
“சரி சார். நான் சொல்றேன்” என்று அந்த ஊழியர் அங்கிருந்து நகர, “லெனி. அவர் போலீஸ்காரர் லெனி” என்றாள் கமலி.
“ஸோ வாட்? காக்கிச்சட்டைய கழட்டிட்டா, அவரும் சாதாரண மனுஷன் தான. வரட்டும்” என்று சொன்னவன், கேண்டீன் நோக்கி நடப்பதாய் தெரியவில்லை. நின்ற இடத்திலேயே நின்றுப் பேசிக்கொண்டிருந்தான்.
“சரி. அதை விடு. உனக்கு இந்த அனிக்காவ தான் பிடிச்சிருக்கா. இந்த அப்பாவிப் பொண்ணுங்க எல்லாம் வேணாமா?” என்று கமலி கேட்க, “ச்ச. எனக்கு இந்த அப்பாவிப் பொண்ணுங்களை எல்லாம் பார்த்தா பிடிக்கறதில்ல. வேற யாருக்காவது பிடிக்குமோ என்னமோ. ஆனா, எனக்கு அவங்க எல்லாம் கொஞ்சமும் செட் ஆக மாட்டாங்க” என்றான் லெனி.
“ஏன்? ஏன்? ஏன்?” என்று கமலி கேட்க, “நான் சிங்கம் டெடி” என்றான் லெனின்.
“அதுக்கு?” என்று கமலி விழிக்க, “நான் சிங்கம். என்னைச் சுத்தி இருக்கற எல்லாம் சிங்கமும், சிறுத்தையும், ஓநாயும். இதுல ஒரு மானையோ, முயலையோ இணையா வச்சிக்கிட்டு நான் என்ன செய்ய? முழு நேரமும் அந்த முயலைச் சிறுத்தைக்கிட்ட இருந்தும், ஓநாய்கிட்ட இருந்தும் பாதுகாக்குறதே வேலையா இருக்கவா?
தன்னைத் தானே பாதுகாத்துக்கற சிங்கம் தான் இணையா இருக்க முடியும்” என்றான் லெனின் நிரஞ்சன் உறுதியாக. முடிவாக.
“இதெல்லாம் ஒரு காரணமா லெனி. உன் அம்மா, தங்கை எல்லாம் பக்கா அமைதி டைப் தான. அவங்கள எல்லாம் உன்னைச் சுத்தியிருக்க சிறுத்தை ஓநாய் எல்லாம் ஏதாவது செஞ்சிதா?” – கமலி.
“இதுவரை இல்ல. இனிமே?” – லெனின்.
“இனிமே அவங்கக் கிட்ட யாராவது பிரச்சனைப் பண்ணா, நீ போய் காப்பாத்த மாட்டியா?” – கமலி.
“நோ” என்றான் லெனி.
“இரக்கமே இல்லையா?” என்று கமலி கேட்க, “நான் அப்படி இருக்கணும்ன்னு தான உனக்கு விருப்பம் டெடி” என்று அவளைப் பார்த்துப் புன்னகைத்தவன், “ஆண் சிங்கங்கள் சுயநலமானவை” என்றான்.
அவனையே கண்ணிமைக்காமல் கமலி பார்த்துக்கொண்டு நிற்க, “இந்நேரம் அந்தப் போலீஸ்காரர் கேண்டீனுக்கு வந்திருப்பார். வா போலாம். சிங்கமா சிறுத்தையான்னு பார்ப்போம்” என்றான் லெனின்.
“என்ன?” என்று கமலி புரியாமல் கேட்க, “வந்திருக்க போலீஸ் சிங்கம் சூர்யாவா, சிறுத்தை கார்த்தியா பார்ப்போம்ன்னு சொன்னேன். வா” என்று அழைத்துச் சென்றான் லெனின் நிரஞ்சன்.
அவள் உருவாக்கிய கதாப்பாத்திரம் தான். ஆனால், தாயும் தங்கையும் பிரச்சனையில் மாட்டினாலும், ‘அதற்கும் எனக்கும் சம்பந்தம் இல்லை என்பது போல் இருப்பேன்' என்று சொல்லும் லெனினின் குணம் ஏனோ கொஞ்சமாக உறுத்தத்தொடங்கியது கமலிக்கு.
மந்திரித்து விட்டவள் போல் நின்றிருந்தவளைக் கிட்டத்தட்ட இழுத்துச் சென்றான் லெனின் நிரஞ்சன்.
இவர்கள் சிற்றுண்டியகத்துக்குப் பின் பக்கமாக நுழையும்போது தான், அந்தக் காவல்துறை அதிகாரி முன் பக்கமாக நுழைந்து ஒரு பழச்சாறினைச் சொல்லிவிட்டு ஒரு மேசையில் அமர்ந்தார்.
அவரைப் பார்த்ததும், லெனின் அவருக்கெதிரில் இருக்கும் இருக்கையில் அமர, அவனுக்கு இருபக்கமும் நின்றுக்கொண்டிருந்தனர் கமலியும் பாட்டியும்.
“லெனின் நிரஞ்சன்?” என்று அந்தக் காவல்துறை அதிகாரி கேட்க, “நோ!” என்றான் லெனின்.
அவர் கேள்வியாய் நோக்க, “லெனி. கால் மீ லெனி” என்றான் லெனின்.
“ஓகே லெனி. நான் நவீன். இந்த ஸிட்டில இருக்க ரவுடிஸத்தை ஒழிக்க என்னை ஸ்பெஷல் ஆஃபிஸரா அப்பாய்ண்ட் பண்ணியிருக்காங்க” என்று சொல்லி அவர் கரத்தை நட்பாக லெனினிடம் நீட்ட, லெனினோ, அதைக் கண்டுக்கொள்ளாதது போல் அமர்ந்திருந்தான்.
நீட்டிய கரத்தைப் பின்னே இழுத்துக்கொண்டவர், “என்னோட டார்கெட் லிஸ்ட்ல உன் அப்பா, உன் மச்சான்ஸ் எல்லாரும் இருக்காங்க” என்று அவர் சொல்ல, “மச்சானா?” என்று கமலி கேள்விக் கேட்க, “சார் லவ் பண்ற பொண்ணோட அண்ணனுங்க” என்றார் அவர்.
“என் லிஸ்ட்ல இருக்குறவங்க எல்லாருக்கும் ஒன்னு என்கவுண்டர் இல்ல ஆயுள் தண்டனை” என்று நவீன் சொல்லிவிட்டு, லெனினை ஆழப்பார்வைப் பார்க்க, “ஓகே. என்னைப் பார்க்க வந்த காரணம்?” என்று நேராக விடயத்துக்கு வந்தான் லெனின்.
“என் லிஸ்ட்ல உன்னையும் சேர்த்துக்கணுமா இல்லையான்னு ஒரு யோசனை. அதான் நேர்ல பார்த்து முடிவு செய்ய!” என்றார் நவீன்.
“ஏன் டௌட்?” என்று லெனின் கேட்க, “ஏன்னா! இப்போவரை லெனின் நிரஞ்சன் எந்தக் க்ரைமும் செய்யலையே. இப்போவரை இந்தக் காலேஜை மட்டும் தான பார்த்துட்டு இருக்கார்” என்றார் நவீன்.
“ஆனா, சீக்கிரம் செய்வானே. உங்க லிஸ்ட்ல இருக்குறவங்களை விட அதிகமா செய்வானே இந்த லெனி” என்று லெனின் சொல்ல, “அப்போ ஓகே” என்று மெலிதாய் சிரித்துக்கொண்டே அமைதியாய் எழுந்தான் நவீன்.
“வீட்ல இருக்குறவங்களைப் பத்திரமா இருக்கச் சொல்லுங்க. உங்கத் தங்கச்சி கூட இந்தக் காலேஜ்ல தான் படிக்கறான்னு சொன்னாங்க. ஸ்கூல் படிக்கற ஒரு தம்பி கூட இருக்கான்னு கேள்விப்பட்டேன்” என்று நவீன் சொல்ல, “ஹாஹா. ஆஃபிஸர். எலிக்குத் தேங்காய் துண்டு வச்சு பிடிக்கற மாதிரி, இந்த லெனியைப் பிடிக்க முடியாது. லெனியை வீழ்த்தனும்ன்னா நேரடியா மோதி தான் ஆகணும்” என்றான் லெனின்.
“கேள்விப்பட்டேன். லெனின் நிரஞ்சனுக்கு இந்தக் குடும்ப செண்டிமெண்ட்ஸ் எல்லாம் இல்ல. ஃப்ரெண்ட்ஸ்ன்னும் யாரையும் நெருக்கமா கூட வச்சிக்கறது இல்லைன்னு” என்று சொன்ன நவீனின் பார்வை கமலி மேல் விழுந்தது.
“ஆனா, இதோ இந்தப் பொண்ணும் பாட்டியும். கார் பார்க்கிங்ல இருந்து கேண்டீன் வரை உன்கூடவே வராங்க. அவ்ளோ நெருக்கமா?” என்று நவீன் கேட்க, “ஹாஹா. ஆமா. கொஞ்சம் நெருக்கம் தான்” என்றான் லெனின்.
“அப்போ. தேங்காய் துண்டா இவங்க இருந்தா?” என்று நவீன் கேட்க, “தேங்காய் பீஸ் யாரா இருந்தா என்ன? சிங்கம் எப்போவும் எலிப் பொறியில் மாட்டாது. தேங்காய் தான் எலிக்காகக் காத்திருந்து அழுகிப்போகும்” என்று லெனின் சொல்ல, தூக்கி வாரிப்போட்டது கமலிக்கு.
‘எனக்கு ஏதேனும் ஆனால் கூட காப்பாற்ற வர மாட்டானா! அத்தனைச் சுயநலமானவன், அத்தனைக் கொடூரனா என் கற்பனையில் உதித்தான்!’ என்றக் கேள்விகள் கொஞ்சம் கொஞ்சமாக அவள் சிந்தனையை ஆக்கிரமிக்கத் தொடங்கியது.
அவள் முகத்திலிருந்த யோசனை ரேகைகளைப் பார்த்த பாட்டிக்கு அவள் எண்ணம் புரிய அமைதியாக இருந்தார். அவளின் குழப்பமான முகத்தை மனதில் பதியவைத்துக் கொண்டு வெளியேறினான் நவீன்.
“சிறுத்தை” என்று லெனின் சொல்ல, நிகழ்வுக்கு வந்தவள், “என்ன?” என்றாள்.
“அவன் சிறுத்தைன்னு சொன்னேன் டெடி” என்றான் லெனின் மீண்டும்.
“ஓஹ். ஏன் அப்டி சொல்ற?” என்று கமலி கேட்க, “அவனைப் பார்க்க உடல் வலிமைவாய்ந்தவனா தெரியல. அவன் ஒரு வார்த்தை கூட குரல் உயர்த்திப் பேசல” என்றான் லெனின்.
“அதற்கு என்ன?” என்று கமலி கேட்க, “சிறுத்தை சிங்கம் போல் கர்ஜிப்பதே இல்லை. சிங்கத்துக்கு இருக்கறது போல கம்பீரமான உடலமைப்பு கொண்டது இல்லை. இன்னும் சொல்லணும்ன்னா. சிறுத்தைகள் வலிமைக்குப் பேர் போனவை இல்ல. வேகத்துக்குப் பேர் போனவை” என்றான் லெனின்.
“அவன் உன் அளவுக்கு வலிமையானவன் இல்லைன்னு சொல்றியா லெனி? அப்போ அவனைப் பத்திக் கவலைப்பட வேணாமா?” என்று கமலி கேட்க, “வேகமானவன்னு சொன்னேனே! என்ன பண்றான்னு பார்ப்போம். எந்த மரத்துல ஏறி நின்னுட்டு நம்ப மேல பாயக் காத்திருக்கான்னு பார்ப்போம்” என்று ஒரு நீண்ட மூச்சை வெளியிட்டான் லெனின்.
“சரி வா. நம்ப வேலையைப் பாப்போம்” என்று லெனி சிற்றுண்டியகத்தை விட்டு வெளியேற அங்கிருந்து நகராமல் நின்றாள் கமலி.
‘எனக்கு ஆபத்துன்னா கூட இவன் வர மாட்டானா! என் கழுத்துக்கு வர கத்திக்குக் கூட இவனை இரக்கப்பட வைக்க வாய்ப்பில்லையா?’ என்றக் கேள்வியே அவள் மனம் முழுதும் இருந்தது.
:: :: :: :: :: :: :: ::