Barani Usha
Saha Writer
- Messages
- 67
- Reaction score
- 37
- Points
- 18
NYD-80
யாருக்கும் தெரியாமல் சரவணன் செல்வியை தனியாக அழைத்து சென்றான். அவன் தன்னை வசை பாடுவதற்குத்தான் அழைத்து செல்கிறான் என்பது செல்விக்கு நன்றாகவே தெரியும். பயந்து கொண்டேதான் சென்றாள் .ஏய்! எருமை! அவங்களே இப்பதான் சிரிச்சு பேச ஆரம்பிச்சருக்காங்க, அவங்களுக்கு நடுவுல போய் நிக்கற ?
இல்ல, முத்தண்ணன் அவங்கள ஏதாவது சொல்லிடுவாங்களோன்னுதான்,
அது அவங்க புருஷன் பொண்டாட்டி விஷயம். ஒனக்கென்ன ?
இல்ல, டாக்டருக்கு பூ வைக்க ரொம்ப ஆச , அதோட பூ வச்சுக்கிட்டா அவங்க ரொம்ப அழகா இருப்பாங்க அதான்.......
பூ வச்சுக்கிட்டா எல்லா பொண்ணுங்களுமே அழகுதான் ... அவனை முடிக்க விடாமல், அவள் முந்திக் கொண்டாள் .
அப்ப நானும் அழகுதானா !!!!
ஏ! ஜில்லு... பூ வைக்கலானும் நீ அழகுதாண்டி, லேசாக கன்னத்தில் விழும் குழியில் விரல் தடவி சொன்னான்..
அவளின் அந்த மாநிற கன்னத்தில் செம்மை படர்ந்தது. மற்றவர்கள் என்னதான் நீ அழகா இருக்க, இந்த கலர் ஒனக்கு பொருத்தமா இருக்கு , என்று எத்தனையோ புகழாரங்களை கொடுத்தாலும், கணவனின் ஒரு பார்வைக்குத்தான் பெண்கள் மயங்குகிறார்கள். கணவன் சொல்லும்போது மட்டுமே கன்னத்தில் செம்மை பூக்கிறது.....
ஒனக்கு என்ன வேணுமோ கேளு ,,
இனிமே என்ன திட்ட கூடாது.
நேற்று அவள் பட்ட பாடில் இருந்தே அவன் மனதில் நினைத்துதான், ஏனோ அவனையும் அறியாமல் ஏதோ அதிகாரம் செய்து விட்டான்.
அவனின் காதலும் அன்பும் ஆசையும் அக்கறையும் அவளுக்கு தெரியாதா என்ன? நடுவில் தான் ஏதேதோ இருவருக்குள்ளும் சில பிரச்சனைகள்...அதுவும் இப்போது சரியாகி விட்டது .
சரி,இனிமே உன்ன திட்ட மாட்டேன், என்று நெஞ்சில் சாய்த்து கொண்டான். இதே செல்விதான் அவனை இனி அழவைக்க போகிறாள், அவன் காதலே அவன் கண்ணீருக்கு காரணமாக போகிறது... என்பது அவனுக்கு தெரியாது பாவம்......
முத்துவும் சத்யாவும் காலை சிற்றுண்டிக்கு சென்றனர். வழியில் முத்துவை தெரிந்தவர்கள் வந்து பேச்சு கொடுக்கும்போது , இவள் நகர்ந்து நின்று கொண்டாள் . இளையவர்கள் ஒன்றும் சொல்லாமல் சென்றாலும், வயதில் மூத்தவர்கள் வாயை விட்டே தனது சந்தேகத்தை கேட்டு தீர்த்துக் கொண்டார்கள்,
என்ன?
அதான்,
இவதான் உன் பொண்டாட்டியா ?
சிலருக்கு நின்று நிதானமாக அறிமுக படுத்தினான், சிலருக்கு ம்ம் என்று சிரிப்புடனே பதில் கூறி நகர்ந்து விட்டான் . அதிலிருந்தே அவர்கள் எந்த அளவுக்கு அவனுக்கு முக்கியம் என்பதை காட்டி விட்டான்.
கணவனின் பதவிசான பேச்சில் இவள் மயங்கித்தான் போனாள் .இவனை எப்படி முரடன் என்று சொல்ல முடியும் ? யோசனையுடனே நடந்து சென்றாள் .
இவள் மனதை படித்தவன், என்ன டாக்டரு என்ன யோசனை ?
ம்ம்!! இந்த கலரு உங்களுக்கு ரொம்ப நல்லா பொருந்துதுன்னு நினச்சேன் சட்டென்று அவள் சமாளித்தாலும், காலையில் , அவன் உடை மாற்றும் போது,
பட்டனை சரியாக போடவில்லை. ஆனால் அந்த மெரூன் கலர் சர்ட்டும் வெள்ளை வேட்டியும் அவனுக்கு மிக பொருத்தமாகத்தான் இருந்தது.
ப்ச்! என்ன இது இப்படி தப்பா போட்டுருக்கீங்க ? என்றவள் அதை சரியாக போட்டு விட்டாள் .அதில் அவன் மயங்கித்தான் போனான்.
டாக்டர்... மெதுவாகத்தான் குரல் வந்தது.
ம்ம்... பட்டன் போடுவதில் கவனமாக இருந்தாள் .
நீங்களும் இப்போ என்னோட கல்யாணத்துக்கு வறீங்களா ??
அவங்க என்ன கூப்பிடலையே ???
யாரு சொன்னா ?
உன்னோட பொண்டாட்டிய நாங்க பாக்கணும், நீ அவளோடதான் வரணுன்னு கண்டிப்பா சொல்லிருக்காங்க !!!
அப்போ நீங்களா கூப்பிடலையா ???
கூப்பிடவேண்டான்னுதான் இப்படி நிக்கறேனா ???
அப்போதுதான் அவள் அவனை ஒட்டி நிற்பதையே அவள் கவனித்தாள் .
சட்டென நகர்ந்து கொண்டவள் இதோ ரெடியாயிட்டு வந்துடறேன், என்று அவசரமாய் குளியல் அறைக்கு சென்றாள் .
என்ன கொல்லறியேடி , மனதை கட்டு படுத்திக் கொண்டு
கதவை தட்டியவன், நான் வெளில காத்திருக்கேன், நீங்க உடுப்பு மாத்திட்டு வந்துருங்க...
இந்த புது புடைவையில் வந்தவளை பார்த்து மயங்கியவன் தானே அவளது நெற்றி பொட்டை சரி செய்தான். இவளுக்குத்தான் ஒரு நொடி மூச்சு நின்று திரும்பியது.
எல்லாம் சரியா இருக்கா ? கிளம்பலாமா ? கண்ணை அகல விரித்து கேட்டாள் .
மௌனமாக தலையை மட்டும் ஆட்டினான்.
லூசு லூசு, அழகா இருக்கன்னு சொன்னாத்தான் என்னவாம் ?? உனக்கெல்லாம் நான் கிடைச்சேன் பாரு !!! உனக்கெல்லாம் ....இன்னும் ஏதேதோ மனதில் நன்றாகவே திட்டினாள்.
ஆனால் மண்டபத்தின் மின்தூக்கி கண்ணாடியில் தன்னையும் அவளையும் பார்த்தவன், நீங்க ரொம்ப அழகா இருக்கீங்க டாக்டர், நான்தான் உங்களுக்கு பொருத்தம் இல்ல.
பரவல்லடா ஆணழகா என்றவள் சட்டென எம்பி கன்னத்தில் முத்தமிட்டாள், கதவு திறந்து கொண்டதும் ஒன்றும் தெரியாதவள் போல,
வாங்க என்று முன்னாடி எடுத்து வைத்து சென்றாள் .
சத்யா... என்னாலையே முடியலையே,, அந்த பையன் எப்படிம்மா !!!
இப்போதைக்கு அவர்கள் காலை சிற்றுண்டிக்கு செல்லட்டும் .
மதியம் மருத்துவமனைக்கு
மீண்டும் வருவாள் தேவதை..........
