- Messages
- 112
- Reaction score
- 53
- Points
- 28
அத்தியாயம்..... 42 
ஒருநாள் மூன்று பெரியவர்கள் பரந்தாமனை பார்த்து ஆறுதல் சொல்வதற்காக பண்ணையார் வீட்டுககு சென்றார்கள்...
பரந்தாமன் வீட்டு வாசலில் பைக்கை சுத்தம் செய்து கொண்டிருந்தான்.. அப்போது இந்த மூன்று பெரியவர்களும் பரந்தாமனை பார்த்து மரியாதை கொடுத்தார்கள் ..
பரந்தாமனும் அவர்களை நலம் விசாரித்தான்..
இப்போதைக்கு விவசாயம் செய்வதற்கான நேரம் சரியாக அமையவில்லை ஐயா .. கொஞ்சநாள் பொறுத்துக்குங்க நமக்குன்னு நேரம் கனிந்து வரும் என்று பரந்தாமன் அவர்களுக்கு ஆறுதல் சொன்னான்..
நாங்கள் உங்களைப் பார்த்து ஆறுதல் சொல்லிவிட்டுப் போகலாம் என்று வந்தோம் ..ஆனால் நீங்கள் எங்களுக்கு ஆறுதல் சொல்றீங்களே சாமி ..
இது வரைக்கும் நம்ம தோட்டம் இப்படி எரிஞ்சி போனதா சரித்திரமே கிடையாது ..
இதை எல்லாம் பார்க்க கூடாது என்று தான் பண்ணையாரும் முத்தையாவும் சீக்கிரமாகவே போய் சேர்ந்துட்டாங்க போல தெரியுது அவங்க இருந்திருந்தா அவங்களால இதை தாங்கி இருக்கவே முடியாது..
என்று ஒரு பெரியவர் சொன்னார்...
உண்மைதான் ஐயா ...நமக்கு நேரம் சரியில்லையோ என்னவோ தெரியல ..நானும் எவ்வளவோ முயற்சி செய்யறேன் விவசாயம் நல்லபடியா நடக்கணும் என்று ஆனால் எதுவுமே கூடி வர மாட்டேங்குது ..நான் என்ன செய்ய முடியும் என்று வருத்தத்தோடு சொன்னான் பரந்தாமன்..
அதுக்குத்தான் நாங்களே ஒரு யோசனை சொல்லலாம் என்று வந்திருக்கிறோம் ..
ஆனால் இதைக் கேட்டு நீங்கள் கோபப்படக் கூடாது என்று இன்னொரு பெரியவர் சொன்னார்..
விவசாயம் நடக்க வேண்டுமெனறால் நான் எதையும் செய்ய தயாராக இருக்கிறேன் ஐயா தயங்காமல் சொல்லுங்கள் என்று பரந்தாமன் சொல்லும்போது சந்திரனும் தீனாவும் வந்து அங்கு நின்றார்கள்...
நமது ஊரில் உள்ள சாட்டையடி சாமியார் பற்றி உங்களுக்கு நன்றாகவே தெரியும் ..
அவர் கொஞ்ச நாளா நம்ம ஊருக்கு சோதனைக் காலம் வரப் போகுதுன்னு சொல்லிக்கிட்டே இருந்தாரு ...
அதே போல தான் நமக்கும் சோதனைக்காலம் வந்து கொண்டேதான் இருக்கிறது அதனால் அவரை நீங்க சந்தித்து இதற்கு ஏதாவது பரிகாரம் செய்யனும் என்றால் அதை செய்து விட்டால் ..
எல்லோரும் நிம்மதியாக இருக்கலாம் ..
இது எங்கள் மனதுக்கு பட்டது உங்களுக்கு சரின்னு பட்டல் அவரை சந்திக்கலாம் என்று அந்தப் பெரியவர் சொன்னார்...
நீங்க ஒரு நல்ல யோசனையை சொல்லுவீங்கன்னு எதிர்பார்த்தோம் ..
ஆனால் நீங்க சொன்ன யோசனை அவ்வளவாக எடுபடாது ஐயா என்று சந்திரன் அவர்களிடம் சொன்னான்..
முன்கூட்டியே நமக்கு கணிச்சி சொல்ற அவருக்கு ...
வரப்போறா நாட்களையும் நமக்கு நல்லபடியாக அமைத்துக் கொடுக்க மாட்டாரா தம்பி ...
அவர் மேல நம்பிக்கை வச்சா நிச்சயம் பலன் இருக்கும் தம்பி என்று மறுபடியும் ஒரு பெரியவர் சந்திரனுக்கு எடுத்துச் சொன்னார்..
இதுவரைக்கும் சொன்னது எப்படியோ அவர் சொன்ன மாதிரியே நடந்திருக்கலாம் ... ஆனால் அவர் சொல்றதுதான் நடக்கும் என்பது நிச்சயம் இல்லையா என்று தீனாவும் சொன்னான்...
ஆரம்பத்துல நானும் உங்களைப் போலவே தான் அவரைப் பற்றி பேசினேன் ..
ஆனால் ஒருநாள் என் வீட்டின் அருகில் இருந்த தென்னை மரத்தின் மீது ஒரு பேய் சிரித்துக்கொண்டே எங்களை பயமுறுத்தியது ...மறுநாள் ஒருவர் எங்களுக்கு அவரின் பெருமையை எடுத்துச் சொன்னார் நானும் நம்பிக்கை இல்லாமல் அவரிடம் சென்று என்னுடைய பிரச்சனையை சொன்னேன் ..
மறுநாள் இரவு அவர் வந்து அந்தப் பேயை அங்கிருந்து விரட்டி அடித்து விட்டார் ...
அப்போதுதான் எனக்கும் அவர் மீது நிறைய நம்பிக்கை ஏற்பட்டது ..
அந்த பேய் தென்னைமரத்தின் மீது உச்சியில் இருந்தபடி சிரித்துக் கொண்டே எங்களை ரொம்பவே பயமுறுத்தியது ...
இவரால் இந்த பேயை விரட்ட முடியுமா என்ற சந்தேகம் கூட எங்களுக்கு இருந்தது ..
ஆனால் துளியும் பயப்படாமல் அவர் அந்த பேயை விரட்டிவிட்டார் அன்றுமுதல் எங்களுக்கு பேய் தொல்லையே கிடையாது ..
இப்படி எல்லா விஷயத்திலும் அவர் சக்தியோடு செயல்படுகிறார் அதனால்தான் சொல்கிறேன் அவரை நீங்கள் சந்தித்தால் நிச்சயம் உங்களுக்கு ஏதாவது பலன் இருக்கும் என்று அந்தப் பெரியவர் சொன்னார்...
அப்போது பரந்தாமனுக்கு ஒரு யோசனை தோன்றியது...
நாமும் இந்த சாமியாரிடம் பம்புசெட்டில் பேய் இருக்குது என்று சொல்லி ..
இவரை அழைத்துக்கொண்டு சங்கரையும் ரேகாவையும் விரட்டி விடலாமா என்று யோசிக்க ஆரம்பித்தான்..
அப்படின்னா ..அந்த சாமியாரு பேய் பிசாசு விரட்டுவதில் சாமர்த்தியமானவரா என்று பரந்தாமன் கேட்டான்..
நிச்சயம் அவர் நம் ஊரில் உள்ள நிறையபேர் வீட்டின் டேய் தொல்லையை விரட்டி இருக்கிறார் அதனால்தான் சொல்கிறேன்...
சரி ஐயா ..நீங்கள் இவ்வளவு தூரம் அவரைப் பற்றி சொல்லும் போது நாங்களும் அவரை சந்திப்பதில் எங்களுக்கு எந்த தயக்கமும் இல்லை ... ஒருவேளை நீங்கள் சொல்வதைப்பொல அவரால் நம்முடைய பிரச்சனைகள் தீர்ந்தால் அதுவே எங்களுக்குப் போதும் என்று பரந்தாமன் மகிழ்ச்சியோடு அவர்களிடம் சொன்னான்..
நாங்கள் கிளம்புகிறோம்
நீங்களும் கூடிய சீக்கிரத்தில் எந்த ஒரு பிரச்சனையும் இல்லாமல் நிம்மதியா இருக்கணும் என்று கடவுளை நாங்கள் வேண்டுகிறோம் இந்த ஊர் மக்களுக்காக உங்கள் குடும்பம் படும் பாடு...
கொஞ்சம் நஞ்சம் அல்ல நிச்சயம் கடவுள் உங்களை சந்தோஷமா பாத்துக்குவார் என்று சொல்லிவிட்டு மூவரும் அங்கிருந்து கிளம்பினார்கள்..
அண்ணே ..அந்த சாமியாரைப் பார்த்தாலே ஏதோ பித்தலாட்டம் பண்றவன் போல தெரியுது ..
இந்த ஊர் மக்கள்தான் அந்த ஆளை நம்புறாங்க நீங்களுமா என்று தீனா கேட்டான்...
தம்பி இப்போ நமக்கு இருக்கிற பிரச்சினை பேயாக இருக்கும் சங்கரையும் ரேகாவையும் அங்கிருந்து விரட்டிவிட்டால் நமக்கு எந்த பிரச்சினையும் கிடையாது
இந்த ஊர் மக்கள் பேயை விரட்டுவதில் வல்லவன் என்று அந்த சாமியாரை சொல்கிறார்கள் அப்படி அந்த ஆளு வல்லவனாக இருந்தாள் ..
சங்கரையும் ரேகாவையும் விரட்டி அடிக்கட்டும் ...
அப்படி முடியவில்லை என்றால் நாம மூணு பேரும் சேர்ந்து அந்த ஆளை விரட்டி அடிக்கலாம் ...
என்னா நான் சொல்றது ...
என்று பரந்தாமன் தம்பிகளிடம் சொன்னான்...
எனக்கென்னமோ நம்ம தான் அந்த ஆளை விரட்டி அடிக்க போறோம் என்று தெரியுத அண்ணா என்று சிரித்தபடி சொன்னான் சந்திரன்...
சரி சரி கிளம்புங்க இன்னைக்கே அந்த சாமியாரை பார்க்கலாம் ஆனால் அவரிடம் எதையுமே வெளிப்படையாக நம்ம சொல்லக்கூடாது என்று சொல்லிவிட்டு மூவரும் பைக்கில் ஊருக்குள்ளே கிளம்பினார்கள் சாட்டையடி சாமியாரை சந்திக்க...
பரந்தாமன் சந்திரன் தீனா மூவரும் பைக்கில் ஊருக்குள்ளே சென்று கொண்டிருக்கும்போது திடீரென்று ரேகாவின் அம்மா ஓடிவந்து இவர்களை வழி மறித்தாள்...ஐயா எங்க போறீங்க ...
இதோ. இருக்குது எங்க வீடு
என் மகள் வந்துட்டாளா இதை சொல்றதுக்கு தான் நீங்க இங்கு வந்தீங்களா என்று சிரித்தபடியே அவர்களிடம் கேட்டாள்...
அப்போது பரந்தாமன் திருதிருவென முழித்தான் என்ன பதில் சொல்வது என்று தெரியாமல்..
என் மருமகன் சங்கரும் வந்துட்டானா ..என்னை கூட்டி வர சொன்னா ...அதுக்கு தான் நீங்கள் வந்தீங்களா என்று மறுபடியும் சந்தோஷமாக புன்னகையோடு கேட்டாள் லட்சுமி அம்மாள்..
லட்சுமி அம்மாளை பார்த்தது சந்திரனுக்கும் தீனாவுக்கும் பரிதாபமாக இருந்தது ...
பாவம் நன்றாக வாழ்ந்த குடும்பத்தை இப்படி கொன்று விட்டோமே என்று நினைத்து சோகத்தில் அமைதியாக லட்சுமி அம்மாளை பார்த்தபடி இருந்தார்கள்..
அப்போது அருகில் இருந்தவர்கள் ஓடிவந்து லட்சுமி அம்மாவை சமாதானம் செய்தார்கள்...
ஆமாம் ..உன் மகளும் மருமகனும் சீக்கிரமாகவே வர போறாங்களாம் அதை சொல்றதுக்கு தான் வந்தாங்க ...அவங்களை விட்டுடுமா என்று சமாதானம் சொல்லி அழைத்துச் சென்றார்கள்....
லட்சுமி அம்மாளின் மன நிலைமையை புரிந்துகொண்ட சந்திரனும் தீணாவும் ரொம்பவே கவலையோடு இருந்தார்கள் அப்போது பரந்தாமன்.. உடனே அங்கிருந்து கிளம்பி விட்டான்....
அண்ணே பாவம் அந்த அம்மா இனிமேலாவது இந்த ஊர் மக்களுக்கு நல்லது செய்து பாவத்தை கழிக்கணும் அண்ணே என்று சந்திரன் சொன்னான்...
அதுக்காகத்தான் நான் விவசாயம் செய்ய வேண்டும் என்ற லட்சியத்தோடு இருக்கிறேன் தம்பி அப்போதுதான் நாம் செய்த பாவத்தை எல்லாம் தீர்க்க முடியும் என்று நல்லவன் போல பதில் சொன்னான் பரந்தாமன்..
குருவே நம்மளை தேடிக்கொண்டு பண்ணையார் மகன்கள் வந்துகொண்டிருக்கிறார்கள் குருவே என்று சாட்டையடி சாமியாரிடம் அவனது சிஷ்யன் சொன்னான்..என்னடா சொல்ற ....நம்மை தேடிக்கொண்டு பண்ணையார் மகன்கள் வராங்களா ...
ஒருவேளை இந்த ஊருக்கு சோதனை காலம் வரப் போகுதுன்னு சொன்னதுக்காக என்னை அடிக்க வராங்களா.... ஒண்ணுமே புரியலடா .. எப்படியாவது அவங்கள நீயே விசாரிச்சு அனுப்பி விடுடா .. என்னை கேட்டா குரு வெளில போயிருக்காரு ன்னு சொல்லிடு என்று பயத்தோடு சாட்டையடி சாமியார் தனது சிஷ்யர்களிடம் சொன்னார்..
பரந்தாமன் மோட்டார் பைக்கை ஓரமாக நிறுத்திவிட்டு சாட்டையடி சாமியாரின் பூஜை அறைக்கு சென்றான்..
என்ன ஐயா.. இவ்வளவு தூரம் வந்து இருக்கீங்க என்று நடுக்கத்தோடு கேட்டான் சிஷ்யன்..
ஒன்றுமில்லை சாமியாரைப் பார்த்து ஒரு யோசனை கேட்கலாம் என்று வந்தேன்...
யோசனையா........ ஒன்றும் புரியவில்லையே ஐயா..
எங்களுக்கு எந்த விவகாரமும் கைகூடி வரமாட்டேங்குது அதனால் தான் சாமியாரிடம் ஏதாவது பரிகாரம் செய்யலாமா என்று கேட்க வந்தேன் என்று பரந்தாமன் சொன்னான்..
உடனே சிஷ்யன் முகம் பூ போல மலர்ந்தது நம்ம எதிர்பார்த்தபடியே பண்ணையார் மகன்கள் நம் வலையில் சிக்கி விட்டார்கள் என்று நினைத்துக் கொண்டு சந்தோஷமாக சொன்னான்...
ஐயா நீங்கள் ஒன்றும் கவலைப் படாதீங்க எல்லாத்தையும் எங்க குரு பாத்துக்குவார் இதோ நீங்கள் வந்திருக்கும் விஷயத்தை எங்கள் குருவிடம் சொல்கிறேன் என்று சொல்லிவிட்டு உள்ளே நுழைந்தான்...
என்னடா சொல்றானுங்க இனிமேல் அப்படியெல்லாம் எங்கள் குரு சொல்ல மாட்டார் என்று சொன்னாயா.... என்று பதட்டத்தோடு சிஷ்யனை பார்த்து சொன்னார் சாட்டையடி சாமியார்..குருவே நீங்க பயப்படாதீங்க அவங்க நம்மகிட்ட யோசனை கேட்க வந்திருக்காங்க
நம்ம நினைத்தபடியே நம்ம வலையில் சிக்கிட்டாங்க குருவே இனிமேல் உங்களுடைய திறமையை காட்டி
இந்த ஊரை நம்ம கைக்குள்ள போட்டுக்கணும் குருவே ..
என்று இரண்டு சிஷ்யர்களும் சொன்னார்கள்...
அப்படியா சொல்றே இனிமேல் அவனுங்கள நான் பாத்துக்குறேன் உள்ள வர சொல்லு...
குருவே ஊர் மக்களிடம் கேட்பதுபோல ஆயிரம் இரண்டாயிரம் கேட்காதீங்க ஒரேடியா அஞ்சாயிரம் கேளுங்க குருவே ...
வருமானம் கிடைத்து ரொம்ப நாளாச்சு ..
இவனுங்களை விட்டால் அதுக்கப்புறம் பிடிக்க முடியாது குருவே என்று சிஷ்யன் சொன்னான்..
அஞ்சாயிரம் தானே ..நான் பார்த்துக்கொள்கிறேன் அவனுங்கள உள்ளே கூட்டிக் கொண்டுவா ....
என்று சாட்டையடி சாமியார் சொல்லிவிட்டு கண்களை மூடியபடி அமர்ந்திருந்தார்...
பரந்தாமன் சந்திரன் தீனா மூவரும் சாட்டையடி சாமியாரின் பூஜை அறைக்கு சென்று அவரை பார்த்து பணிவாக அமர்ந்தார்கள்..
சாமி எங்களுடைய பிரச்சனை பெரிய பிரச்சனையாக இருக்குது சாமி இதை நீங்கள் தான் சரி கட்டணம் என்று பரந்தாமன் பேச ஆரம்பித்தான்..
பரந்தாமனின் பேச்சைக் கேட்டதும் கண்களை மூடியபடி இருந்த சாட்டையடி சாமியார் யோசிக்க ஆரம்பித்தார்...
இவனுக்கு என்ன பிரச்சனையாக இருக்கும் ...
எந்த பிரச்சினையாக இருந்தாலும் நமக்கு தெரிந்தது பேய்
ஓட்டுவதுதான் இதையே சொல்லி சமாளிப்போம் என்று மனதுக்குள் நினைத்துக் கொண்டு உடனே சாமி வந்தவன் போல தலையை ஆட்டிக் கொண்டே கம்பீரமாக சொன்னான் சாட்டையடி சாமியார்...
உங்களை அந்த பிசாசு நிம்மதியாக விடாது என்று வழக்கம்போல சொன்னார் சாமியார்...
சாமியாரின் பேச்சைக் கேட்டதும் ஆச்சரியத்தோடு வியப்போடு அவரைப் பார்த்தார்கள் மூவரும்...
கரெக்டா சொல்றாரு பரவாயில்லையே என்று மனதில் நினைத்துக்கொண்டு பரந்தாமன் மறுபடியும் சாமி நீங்கள் தான் இதை எப்படியாவது சரி செய்யணும்...
நிச்சயமா சரி செய்கிறேன் ஆனால் அதற்கு கொஞ்சம் பணம் அதிகமாகவே செலவாகும் ஏனென்றால் அங்கு இரண்டு பேய் இருக்கிறது என்று சாட்டையடி சாமியார் ஐந்தாயிரம் ரூபாய் வாங்குவதற்காக இரண்டு பேய் என்று சொல்லி விட்டான்...
மேலும் பரந்தாமனுக்கு அவனது தம்பிகளுக்கும் ஆச்சரியமும் வியப்பும் ஏற்பட்டது ...
இந்த சாமியார் உண்மையாகவே சரியாக சொல்கிறானே என்று நினைத்து ஆச்சரியப் பட்டார்கள்..
சாமி நீங்க நாளைக்கே வந்து அந்த பேயை விரட்ட வேண்டும் அப்போதுதான் நாங்கள் நிம்மதியாக இருக்க முடியும் என்று பரந்தாமன் சொன்னான்..
நிச்சயம் நாளைக்கு வருகிறேன் இப்போது பூஜை சாமான் வாங்குவதற்கு 3 கொடுங்கள் பிறகு அந்த பேயை விரட்டியதும் 2 கொடுங்கள் என்று கண்களை மூடிக்கொண்டு சாட்டையடி சாமியார் சொன்னார்...
சாமி என்னிடம் இப்போதைக்கு இரண்டு தான் இருக்கிறது நீங்கள் அந்தப் பேயை விரட்டிய தும்3 தருகிறேன் என்று சொல்லி விட்டு பரந்தாமன் தனது இடுப்பில் இருந்து இரண்டு கட்டு பணத்தை எடுத்து சாமியாரின் முன்பு வைத்தான்...
அப்போது இதை பார்த்து இருந்த சிஷ்யர்களுக்கு தலைசுற்றியது நம்ம குரூப் 2 என்று சொன்னது 2000 ரூபாய் ஆனால் பண்ணையார் மகன்-2 என்று சொன்னதை ..
2 லட்சம் என்று நினைத்து விட்டார்களே என்று நினைத்து சந்தோசத்தில் அவர்களுக்கு தலையே சுற்றியது...
சாமி நாங்கள் கிளம்புகிறோம் நாளைக்கு நீங்கள் நிச்சயம் வரவேண்டும் என்று சொல்லிவிட்டு பரந்தாமன் தனது தம்பிகளுடன் அங்கிருந்து புறப்பட்டான்...
பண்ணையார் மகன்கள் சென்று விட்டார்கள் என்று நினைத்து சாட்டையடி சாமியார் கண் திறந்து பணத்தை பார்த்தார் ....
அப்போது பெரும் அதிர்ச்சியாக இருந்தது...
என்னடா இது இவ்வளவு பணம் என்று ஆச்சரியத்தோடு கேட்டார் சாட்டையடி சாமியார்...
குருவே இனிமே நமக்கு நல்ல காலம்தன்..
பண்ணையார் மகன்கள் நீங்கள்
5 ன்னு சொன்னதை அவனுங்க 5லட்சம் என்று நெனச்சு கிட்டாங்க அப்படினா நாளைக்கு மூன்று லட்சம் நமக்கு குடுப்பாங்க ...
நம்ம இனிமேல் இந்த கூலிக்காரன் பசங்களை எல்லாம் ஏமாற்ற வேண்டாம் ...
நேரா பண்ணையார் மகன் களையே ஏமாற்றி ...லட்ச லட்சமா பணம் புடுங்கலாம் குருவே என்று சிஷ்யர்கள் சந்தோஷமாக சொன்னார்கள்..
நான் கொஞ்சம் கூட எதிர் பாக்கல டா இவ்வளவு சீக்கிரத்தில் இவனுங்க மாட்டுவானுங்க என்று...
குருவே அவனுங்க கிட்ட நீங்க 2 பேய் இருக்குதுன்னு சொல்லிட்டீங்க ஆனா நம்ம செல் போன்ல பொம்பள பேய் மட்டும் சிரிக்கிற மாதிரி தானே ரிங்டோன் வைத்திருக்கிறோம் இன்னொரு பேய் சிரிக்கிற ரிங்டோன் இல்லையே குருவே...
அட விடுடா ...இன்னொரு பேய் உண்மை என்று சொல்லலாம் இனிமே நம்ம சொல்றதுதான் அவனுங்க கேட்பானுங்க என்று சாமியார் தில்லாக சொன்னார்..
அண்ணே... அந்த சாமியார் எல்லாத்தையும் சரியா சொல்றான் என்று சந்திரன் கேட்டான்....
ஆமாண்டா தம்பி ...
நானும் கொஞ்சம் கூட எதிர்
பாக்கல டா ... எல்லாத்தையும் அவனே சொல்லிட்டான்...
இருந்தாலும் பணம் அதிகமா வாங்கு றாரே...
பரவாயில்லை சங்கரையும் ரேகாவையும் அந்த ஆளு விரட்டிவிட்டால் போதும்..
பணத்தை பொறுமையா சம்பாதிக்கலாம்...
ஒருவேளை சங்கரையும்
ரேகாவையம் விரட்ட முடியாமல் போனால்...
முதலில் சங்கர் அந்த சாமியாரை கொன்றுவிடுவான் ..
ஒருவேளை சங்கர் சாமியாரை விட்டுவிட்டாலும் ..
நம்ம சாமியாரை அடித்தே கொன்று விடலாம் என்று பரந்தாமன் தனது தம்பிகள் இடம் சொல்லிக்கொண்டு மோட்டார் பைக்கில் சென்றார்கள்....
சாமியாரிடம் பரந்தாமன் சிக்கிக்கொண்டான...
இல்லை பரந்தாமனிடம் சாமியாரிடம் சிக்கிக்கொண்டார ..
இல்லை இவர்கள் இருவருமே சங்கரிடம் சிக்கிக் கொள்வார்களா..
என்று பொறுத்திருந்து பார்க்கலாம்.....
தொடரும்........
செல்போனை எடுத்து சுவிட்ச் ஆப் செய்து கொண்டு தனது இடுப்பில் மறைத்து வைத்துக்கொண்டு ..
ஒரு நாள் சந்திரனும் தீனாவும் பரந்தாமனிடம் தயங்கிக்கொண்டே பேச ஆரம்பித்தார்கள்..
மோட்டார் பைக் சத்தம் கேட்டது...
spr ...............
எரித்தால்..
...50 