தன் அலுவலகத்தில் விடுப்பு எடுத்துக்கொண்டு கடைக்கு சென்றாள். தன் அம்மா அப்பா இருவருக்கும் சேர்த்து ஐந்தாயிரத்தில் துணியும், தன் தங்கைக்கு ஐந்தாயிரத்தில் நாலு சுடியும். தங்கைக்கு நல்ல ஸ்மார்ட் போன் வாங்கிக்கொண்டு வீட்டிற்கு சென்றாள். சம்பள பணத்தில் முப்பதாயிரம் மட்டுமே மீதம் இருந்தது. மணி 5 ஆனது.
அவள் உள்ளே நுழைந்தவுடன் ரஸியா என்ன இவ்வளவு பை என்று கேள்வி கேட்க அவள் அம்மா அப்பா கூப்பிடு என்றவுடன் ரஸியா அவர்களை அழைத்தாள். அவர்களும் சற்று மகிழ்ச்சி உடன் வந்தனர். வந்தவுடன் தன் அம்மா அப்பாவிற்கு வாங்கின துணியை ரஸியாவிடம் கொடுத்து அப்பா அம்மா கிட்ட கொடு என்றாள். அவள் ஏன் நீங்க போய் கொடுக்க வேண்டியது தானே என்றவுடன் சுரையா அவளை முறைத்தாள். உடனே ரஸியா அதை வாங்கிக்கொண்டு இதுக்கொன்னும் கொறச்சல் இல்ல என்று கூறி கொண்டே அவர்களிடம் தந்தாள். அப்பாவும் அம்மாவும் அதை பிரித்து பார்த்தனர். அவர்களுக்கு பிடித்த நிறத்தில் சட்டையும் பேண்டு சேலை. பிறகு தன் தங்கைக்கு வாங்கி வந்த துணிகளை அவளிடம் தந்தாள். அதை பார்த்தவுடன் ரஸியாவிற்கு கண்களில் ஆனந்த கண்ணீர். அனைத்தும் அவளுக்கு பிடித்த மாதிரி இருந்தது. பிறகு அவளிடம் ஒரு கிப்டை நீட்டினாள் அவள் என்ன என்று கேட்டாள் பிரித்து பார் என்றவுடன் ரஸியா பிரித்து பார்த்தாள். அதில், கைபேசி இருந்தது. ஐஐ போன் என்று கூறி சுரையாவை கட்டி பிடித்து முத்தம் கொடுத்தாள். ஐ லவ் யூ அக்கா என்றாள்.
பிறகு இருவரும் தொழுக சென்றனர். தன் மகளை நினைத்து கொஞ்சம் இல்லை இல்லை அதிகமாகவே பெருமை கொண்டார்கள் மரியமும் ரஹீமும். தன் தாய் தந்தை இருவரின் மகிழ்ச்சி பார்த்து சுரையாவும் மகிழ்ச்சி அடைந்தாள். பிறகு அனைவரும் சாப்பிட்டு எழுந்தனர்.
ரஸியா தன் அக்காவிடம், சுரையா நீ அந்த பையனை பாத்தியா? என்றவுடன் சுரையா எந்த பையன் என்று ஆச்சிரியமாக கேட்டாள். அதான் உன் கனவுல வந்த பையன் என்றவுடன் இல்லை நான் பாக்கல அந்த கனவு பொய்யாக கூட இருக்கலாம் நீ தூங்கு எனக்கு தூக்கம் வருது என்று கூறி விட்டு படுத்தாள். இவள் எருமை மாடு உன்கிட்ட கேட்டதுக்கு செவுத்து கிட்ட கேட்டு இருந்தாலும் சொல்லிருக்கும். அப்ப போய் செவுத்து கிட்டையே கேட்டுக்கோ மூடிட்டு தூங்கு நாயே என்றாள் சுரையா. சரிசரி தூங்குற என்று கடுப்புடன் தூங்கினாள்.
அவன் , காலையில் சுரையாவை பார்த்தது, அவளை ரசித்தது இதெல்லாம் சேர்ந்து அவனை ஏதோ செய்து கொண்டிருந்தது. இதுவரை நான் நிறைய பொண்ணுககிட்ட பேசியிருக்க பாத்துயிருக்க பட் இவ என்னை என்னவோ பண்ணிடா. ஏன் தெரியல அவளை தன் மனைவி ஆக்கி கொள்ள அவன் மனம் துடித்தது. அவன் என்ன செய்வது? எப்படி அவளை பற்றி தெரிந்து கொள்வது? என்று யோசித்து கொண்டு இருந்தான். அப்போது அவன் அம்மா சாப்பிட அழைத்தார். இவனும் சாப்பிட சென்றான். அங்கு அவனுக்கு பிடித்த உணவு செய்திருந்தார் அவன் அம்மா. அவன் அதை சாப்பிட்டு விட்டு தன் அறைக்கு வந்தான். கட்டிலில் படுத்து கொண்டு யோசித்து கொண்டே எப்போது தூங்கினான் என்று அவனுக்கே தெரியவில்லை.
விடிந்தது.. இவன் கண்விழித்த போது தான் உணர்ந்தான் சுரையாவின் நினைவிலேயே உறங்கியது. அவன் புன்னகை விட்டு எழுந்து குளிக்கச் சென்றான்.
சிறிது நேரம் கழித்து வந்து அவளை பற்றி எப்படி தெரிந்து கொள்வது என்று யோசித்து கொண்டு இருந்தான். அவன் கைபேசி அடித்தது. அதை அட்டன் பண்ணான். சொல்லு மச்சி என்றான் இவன். என்ன மச்சி பண்ற? என்றான் அந்த பக்கம் இருந்தவன். இல்ல மச்சி வேலைக்கு கிளம்பிட்டு இருக்கேன். நீ சாப்பிட்டியா? சாப்பிட்டேன். மச்சி ஆபிஸ் கொஞ்சம் சீக்கிரம் வரீயா கொஞ்சம் பேசனும். சரி மச்சி. ஒகே பை டா. ம்ம்ம் பை போன் கட் ஆனது. பிறகு சாப்பிட்டு விட்டு ஆபிஸ் சென்றான்.
பிறகு ஆபிஸில் அவனுக்காக காத்திருந்தார்கள் அவன் நண்பர்கள். இவனை பாத்து என்ன மச்சி ஏதோ பேசனும் சொன்னியாமே ராம்கிட்ட என்றான் வினோத். ம்ம்ம் ஆமா டா என்றான் இவன். என்னடா பேசனும் என்றான் ரமேஷ். அவன் எப்படி ஆரம்பிப்பது என்று யோசித்தான் பிறகு டேய் மச்சி நேத்து ஒரு பொண்ண பாத்த அப்பலருந்து எனக்குள்ள ஏதேதோ செய்யுது மச்சி என்றவுடன். மூவரும் ஒருவர் முகத்தை ஒருவர் பார்த்து ஆச்சிரியத்துடன் டேய் இது எப்பத்திலிருந்து. ஜஸ்ட் ஃபரம் எஸ்டர்டே மச்சி என்றான் சிறு புன்னகையுடன். சரி டா அவள் பெயர் என்ன? பேரு சுரையா. ராம், ம்ம்ம் பெயர் நல்லா இருக்கு என்றவுடன் அவன் ராமை முறைத்தான். டேய் கோபத்தை பாரு டா நம்ம சாருக்கு என்றான் வினோத். அப்ப கன்பார்ம் இது காதல் தான் என்றான் ரமேஷ். தெரியும் மச்சி என்றான் அவன். அவளை பத்தி தெரிஞ்சிக்கிறது ஒன்னும் புரியல.
அப்படி என்னடா அவகிட்ட புதுசா பாத்த என்றான் ராம். துறுதுறு தேடுற அவள் கண்ணு தான் என்னை ஏதோ செஞ்சிடிச்சி என்றான். பிறகு நேற்று நடந்ததை எல்லாம் அவன் விளக்கினான்.
சரிடா நாங்க போய் அவளை பற்றி விசாரிச்சிட்டு வரோம் டா என்றான் ரமேஷ். டேய் ஒரு பொண்ண பற்றி ஒரு பையன் விசாரிக்கறது தப்பு. அது நாளிக்கு பிரச்சினை வரும் . ஸோ நம்ம வித்யா கிட்ட சொல்லி விசாரிக்க சொல்வோம் என்று வித்யாவிற்கு போன் செய்தான். வித்யாவிடம் விஷயத்தை சொன்னான் அவளும் சரி என்றாள்.
அலுவலகத்தில் தன் வேலையை செய்து கொண்டு இருந்தாள் சுரையா.
ஹலோ எஸ்கீயூஸ் மீ என்றாள் ஜரினா. அவளை பார்த்தவுடன் சுரையா மகிழ்ச்சி அடைந்தாள். ஜரினாவிற்கோ அதிர்ச்சி. இவள் எப்படி இங்கே? என்று அவளை பார்த்தாள். ஏய் உன் மேரேஜை ரெஜிஸ்டர் பண்ண தானே வந்திருக்க என்றாள் சுரையா. அவள் உன்கிட்ட என்று சொல்வதற்குள் முதல்ல வந்த வேலையை முடிப்போம் என்றாள் கரகரத்த குரலில். விரைவாக வேலையை முடித்து விட்டு மேல் அதிகாரிடம் விடுப்பு கேட்க சென்றாள். அவரும் கொடுத்து விட்டார்.
ஜரினா சுரையா இருவரும் சிறுவயதிலிருந்தே தோழிகள். சுரையாவின் ஒரே தோழி. ஜரினாவிற்கும் தான். சுரையாவை முழுவதும் அறிந்த இரண்டு பேர் ரஸியாவும் ஜரினாவும் தான். சுரையா ஜரினா மற்றும் ஜனினாவின் கணவன் அக்பர் மூவருக்கும் ஆட்டோவில் ஏறி பூங்காவிற்கு சென்றனர்.
அங்கு சிறிது நேரம் அமைதி நிலவியது.... பிறகு சுரையா ஜரினாவை அணைத்து கொண்டு அழுதாள். சுரையா ஏன்டி அழுகுற என்று இவளை அறியாமலே இவள் கண்களிலும் கண்ணீர். அவள் சற்று நேரம் அழுது விட்டு . எனக்கு இந்த வேலை பிடிக்கல ஜரி. எப்படா ரிசைன் பண்ணுவன்னு இருக்கு . பிடிக்காத வேலையை எவ்வளவு நாள் தான்டி செய்ய முடியும். என் கனவு எல்லாம் நாசமா போச்சுடி என்று அழுதாள். எல்லாம் தெரியும் நேத்து தான் ரஸியா எனக்கு போன் பண்ணி சொன்னா. வேலைக்கு போய் ஒரு மாசம் ஆகுது என்கிட்ட சொல்லனும் தோனல்ல அப்படி தானே என்றாள் ஜரினா கோபத்தோடு. ஏய் இல்ல உனக்கு இப்ப தான் மேரேஜ் ஆச்சு அதான் சொல்லி டிஸ்டர்ப் பண்ண வேண்டாம்னு விட்டுட்ட. சரிடி இனி என்ன நடந்தாலும் என்கிட்ட சொல்லனும் ஒகே வா. ம்ம்ம் என்றாள். சரி டைம் ஆயிடுச்சி நீ கிளம்பு நாங்களும் போய்ட்டு வரோம் என்று கூறி விட்டு விடைபெற்றனர் ஜரினாவும் அக்பரும். அவளும் தன் வீட்டிற்கு சென்றாள்.
வித்யாவை பார்க்க வந்த அவன் சுரையா அழுவதை பார்த்து என்னாச்சு என்று கொஞ்சம் பக்கத்தில் சென்று அங்கு நடப்பதை கவனித்தான். பிறகு தெரிந்து காரணம் தெரிந்து அவள் கனவு என்னவாக இருக்கும் என்று யோசித்தான். பிறகு வித்யா மற்றும் அவன் நண்பர்கள் வந்தனர். வித்யா முதலில் ஆரம்பித்தாள். டேய் அந்த பொண்ணு உனக்கு செட்டாகாது. அவள் கோபக்காரி பிடிவாதக்காரி. கேக்குற எல்லாரும் அப்படி தான் சொல்றாங்க. உனக்கு ஆபோசிட் அப்படியே என்றாள். உடனே அவன் ஆபோசிட் போல்ஸ் அட்ராக்ட் டூ ஈச் அதர். அவள் அட்ரஸ் கிடைச்சிச்சா என்றான். ம்ம்ம் கிடைச்சிடிச்சி என்று அவனிடம் நீட்டினாள் பேப்பரை. எப்படா பொண்ணு கேக்க போற என்றான் ரமேஷ். முதல்ல வீட்டுல பேசனும், அப்புறம் தான். பாப்போம் என்று கூறி விட்டு வீட்டிற்கு சென்றான்.
வீட்டிற்கு சென்றவுடன், அம்மா அப்பா என்று அழைத்தான். அனைவரும் வந்தனர். என்னப்பா என கேட்டார் அவன் அப்பா. இவன் , அப்பா நான் ஒரு பொண்ண லவ் பண்ற அவளை தான் நான் மேரேஜ் பண்ணிக்கனும் ஆசைபடுற.. அவள் பெயர் சுரையா என்று அவளை பற்றி அனைத்தையும் கூறினான். இந்த கல்யாணத்தில் எனக்கு சம்மதம் இல்லை என்றார் அவன் அம்மா. இவன் அதிர்ந்து ஏன்மா என்றான் கண்ணில் கண்ணீரோடு. பின்ன இரண்டு வருஷமா கேட்டு மனசு மாறவில்லை இப்ப மட்டும் என்ன? என்றார் அவன் அம்மா. அம்மா ஒரு பொண்ண பாத்ததும் நமக்கு தோனனும் மா அதை இவகிட்ட தான் நான் உணர்ந்த ப்ளீஸ் என்று கெஞ்சினான். அதான் அவன் இத்தனை தூரம் அவன் சொல்றாலே அந்த பொண்ண பாத்து பேசி முடிச்சிடுவோம் என்றார் அவன் மாமா. அண்...ணா என்றார் அவன் அம்மா. ம்ச் சொல்றலே என்றார் மாமா. சரி நீங்கள் சொல்ற மாதிரியே செய்யலாம் ஆனா ஆறு மாசம் வெய்ட் பண்ணணும் என்றார் அவன் அப்பா . ஓகே என்றான். இவனுக்கு சந்தோஷத்தில் தலை கால் புரியவில்லை. ரொம்ப தேங்கஸ் மாமா என்று தன் அறைக்கு சென்றான்.
ஆமாம் இப்ப எதுக்கு ஆறு மாசம் வெய்ட் பண்ண சொன்னீங்க என கேட்டார் அவன் அம்மா. காத்திருக்கிறதுல தான் காதல் அதிகரிக்கும் என்றார் அவன் அப்பா. அவன் அம்மாவும் சரியென்றார்...
நாட்களும் அப்படியே நகர்ந்தது, ஆறு மாத காலமும் முடிந்தது. ஆனாலும் சுரையாவின் கோபமும் பிடிவாதமும் குறையவில்லை. அவள் அம்மாவும் அப்பாவும் சற்று நொந்து தான் இருந்தனர். இன்னும் நான்கு மாதங்களில் ரஸியாவின் படிப்பும் நிறைவடையும் நிலையில் உள்ளது. சுரையா அன்று வழக்கம் போல் வேலைக்கு சென்றாள். ரஸியா காலேஜிற்கு செல்லவில்லை. சுரையா சென்ற பிறகு அவள் தாய் மரியம், நீங்க அவள் சுரையா ஆசைபடி டீச்சர் வேலைக்கு போக விட்டு இருந்தா அவ மாச சம்பளத்தை கொண்டாது என் கிட்ட கொடுத்திருப்பா ஆனால் நீங்கள் லஞ்சம் கொடுத்து அவளுக்கு வேலை வாங்கி கொடுத்திங்க ஆனா அவ நம்மள மதிக்காம காச கண்டவாரி செலவு செஞ்சிட்டு இருக்கா என்று தன் கணவர் ரஹீமிடம் குறை பட்டு கொண்டு இருந்தார் பணத்தாசையால் ரஸியா இருப்பதை மறந்து. இதை கேட்ட ரஸியா மிகவும் கடுப்புடன் ஏம்மா உனக்குலா கொஞ்ச கூட பாசமே இல்லையா. எப்பாரு பணம் காசு ச்சி. நான் கூட அக்கா ஏன் இப்படி பண்றா தப்பா நினைச்ச ஆனா அவள் பண்றதுல தப்பே இல்லை. அவள் வயசிலே இருக்க பாதி பேருக்கு கல்யாணம் முடிஞ்சிடிச்சி ஆனால் இங்க பணத்தாசையால அவளை கல்யாணம் பண்ணாம வச்சி இருக்கிங்க. உங்களை எல்லாம் ச்சே என்று கூறிவிட்டு உள்ளே சென்றுவிட்டாள் ரஸியா.
அவன் , வழக்கம் போல் வேலைக்கு செல்வதற்காக கிளம்பினான். அவன் அப்பா அம்மா இருவரும் சேர்ந்து சுரையா வீட்டிற்கு சென்றனர். அவர்களை உள்ளே அழைத்து அமர வைத்தார் அம்மா. இருவரும் தங்களை அறிமுகம் செய்து கொண்டனர். சுரையாவின் அப்பா தான் பேச ஆரம்பித்தார் என்ன விஷயம்? அதாவது நாங்கள் ஒரு வாரத்திற்கு முன்பு உங்கள் மகள் சுரையாவை அலுவலகத்தில் பாத்தோம் எங்கள் மகனுக்கு உங்கள் பொண்ணை எங்க வீட்டு மருமகள் ஆக வரனும் ஆசைபடுறோம் அப்புறம் இறைவன் விட்ட வழி என்றார் அவன் அப்பா . சுரையாவின் பெற்றோர் இருவரும் அமைதியாக இருந்தனர். பிறகு அவன் அம்மா பேச தொடங்கினார் .
எங்கள் வீட்டில் வசதிக்கு எந்த கொறச்சலும் இல்லை. எம்மகன் மாசம் ஏழுபதாயிரம் சம்பாதிக்கிறான். உங்கள் மகளை நாங்கள் நன்றாக பாத்து கொள்வோம் என்றவுடன் இருவரும் சரியென்று தலையசைத்தனர். பிறகு ரஸியா சுரையாவிற்கு போன் செய்து விவரத்தை கூறி வீட்டிற்கு வர சொன்னாள். சற்று நேரத்தில் அங்கு சுரையா வந்தாள். ரஸியா இன்று அடைந்த மகிழ்ச்சிக்கு அளவே இல்லை. சுரையா சிறிது நேரத்தில் ரெடியாகி அவர்கள் முன் வந்தமர்ந்தாள்.
சுரையா அவர்களிடம் ஒரு விஷயம் நான் கொஞ்சம் கோவக்க... என்று சொல்வதற்குள் அதெல்லாம் தெரியும் மா எனக்கு என்றார் அவன் அம்மா . எங்களுக்கு சம்மதம் தான் என்றார் அவன் அப்பா. அம்மா அப்பா சம்மதம் என்றால் எனக்கும் சம்மதம் தான் என்றாள் சுரையா. அப்புறம் என்ன மக்னா(நிச்சயதார்த்தம்) எப்ப வச்சிகலாம் என்றார் அவன் அப்பா. ம்ம்ம் நாளைக்கே வச்சிகலாம் என்றார் ரஹீம். அவர்கள் மகிழ்ச்சியுடன் விடைபெற்று சென்றனர்.
சுரையாவின் பெற்றோர்கள் மகிழ்ச்சியுடன் நாளை நடக்க போக இருக்கும் நிச்சயத்திற்கு வேலைகளை செய்து கொண்டு இருந்தனர். சுரையாவிற்கு தன்னை மணந்து கொள்ள இருப்பவனை பார்க்க வேண்டும் என்று ஆசை இருந்தது. ஜரினாவும் ரஸியாவும் அவளை கலாய்த்தவாறு இருந்தனர். நாளைக்கு தேவையானவற்றை எடுத்து கொண்டு இருந்தனர். அவரவர் வேலைகளில் ஈடுபட்டு கொண்டு இருந்தனர். ஜரினா ஏய் கல்யாண பொண்ணே என்ன யோசனை என்று கேட்டவளை பார்த்து வெட்கப்பட்டு கொண்டு நா..ன் அவரை பாக்கனும் என்றாள். ஓஹோ
மேடம்க்கு அவங்க ஆள பாக்கனுமாமே ரஸி என்று கலாய்த்தாள் ஜரினா. ஏய் அதான் நாளைக்கு பாக்க போறல்ல அப்பறம் என்ன சுரையா என ரஸியா கூற அவள் ஏதோ சரியென்று தலையாட்டினாள். பிறகு மூவரும் வுளு செய்து விட்டு இஷா தொழுது கொண்டு சாப்பிட்டு தூங்க சென்றனர். அனைவரும் உறங்கினர். ஆனால் சுரையாவிற்கு தூக்கம் வரவில்லை. நாளை தன்னவனை பார்க்க போகும் சந்தோஷத்தில் மனம் குதுகலித்து கொண்டு இருந்தது. ஆனால் கொஞ்சம் வருத்தமும் அவளை தொற்றி கொண்டது .
இந்த வீட்டை அவள் தங்கையை பிரிய போகிறாள் என்று நினைத்து கவலை பட்டாலும் மனம் தன்னவனை பார்க்கும் ஆவலில் சிறிது புன்னகை விட்டாள். அப்படியே உறங்கியும் போனாள்.
சுரையா திருமணத்திற்கு சம்மதம் தெரிவித்ததை அறிந்த அவன் அடைந்த மகிழ்ச்சிக்கு எல்லையே இல்லை . இரவு சாப்பிட்டு விட்டு தன் அறையில் வந்து அமர்ந்தான் அவன். நாளைக்கு எந்த டிரஸ் போடலாம் என்று பீரோ திறந்து பார்த்தான். கண்ணாடி முன் நின்று எந்த டிரஸ் நல்லா இருக்கும் என்று ஒவ்வொன்றாக வைத்து பாத்து கொண்டு பிறகு ஒரு டிரஸை செலக்ட் செய்து கொண்டு தூங்க சென்றான்...
சுரையாவிற்கு அழகான விடியலாய் விடிந்தது இன்று. நான்கு மணிக்கே எல்லாரும் எழுந்துவிட்டனர். பிறகு சுரையா குளித்து விட்டு வந்தாள் . அனைவரும் ஒன்றன் பின் ஒன்றாக குளித்து விட்டு வந்து வேலைகளை செய்து கொண்டு இருந்தனர். இவள் வேலை செய்ய சென்றாலும் அவளை வேலை செய்ய விடாமல் தடுத்து அவளை உள்ளே அனுப்பினார் அவள் தாய். பிறகு கொஞ்சம் கொஞ்சமாக சூரியன் வெளியே வந்தது. ரஸியாவும் ஜரினாவும் சேர்ந்து சுரையாவை தேவதையாக மாற்றினர். அந்த மெருன் கலர் புடவை சுரையாவின் அழகை மேலும் கூட்டியது. அக்கா இந்த சேரில மட்டும் மாமா பாத்தாரு அவ்வளவு தான் ப்ளாட் ஆய்டுவார் என்று கிண்டல் செய்து கொண்டு இருந்தாள் ரஸியா. அவள் ச்சி பே லூசு என்று வெட்கப்பட்டு தலைகுனிந்து கொண்டாள்.
அய்யோ டா வெட்கத்தை பாரு மேடத்திக்கு என்று கூறி சிரித்தார்கள் இருவரும். சாப்பிட சென்றார்கள்.
அவனுக்கும் இதே நிலைமை தான். அவனை வருத்து எடுத்து விட்டனர் அவன் நண்பர்கள் மற்றும் தங்கை. அவன் அழகாக ரெடியாகி வந்தான். அவன் வந்தவுடன் சாப்பிட்டு விட்டு கிளம்பினர். அதற்குள் சுரையாவின் அப்பா போன் செய்து எங்க இருக்கிறார்கள் என்று கேட்டு கொண்டார். அவர்களும் வந்து விட்டனர்.
வந்தவர்களை வரவேற்றார் ரஹீம். அவர்கள் வந்தவுடன் ரஸியா சென்று அங்கேயே நில்லுங்க என்றாள் ரஸியா. அவர்கள் அதிர்ந்தனர். எதுக்கு மா நிக்க சொல்ற என அவன் அம்மா கேட்க . யாரு மாப்பிள்ளை? இவன் தான் என்று காட்டினார் அவன் தந்தை. ம்ம்ம் என்று அவனை ஒரு பார்வை பார்த்து சிரித்துவிட்டு மாமா கன்பார்ம் என் அக்கா பிளாட் என்றாள் . பெரியவர்களுக்கு புரியவில்லை. ஆனால் சிறியவர்கள் புரிந்து கொண்டு சிரித்தனர். அவர்களும் காரணம் தெரியாமல் சிரித்தனர். ஒரு நிமிஷம் ஒரு போட்டோ என்று போட்டோ எடுத்து கொண்டாள். மாமா அக்காவ பிடிக்கலனா சொல்லுங்க நான் உங்களை மேரேஜ் பண்ணிக்கிற என்றவுடன் அவள் தலையில் பலமாக இரண்டு கொட்டு விழுந்தது. கொட்டியது வேறு யாருமில்லை அவள் அம்மா தான் . வந்தவங்க கிட்ட பேசுற பேச்ச பாரு எருமை போடி. அவளை ஏன் அடிக்கிறிங்க சின்ன பொண்ணு என்றார் அவன் அம்மா. ரஸியா அவன் பாட்டியை பார்த்து என்ன தாதி தங்கச்சியே இந்த வாய்னா அக்கா எப்படி இருப்பானு தானே கவலையே வேண்டாம் அவளுக்கும் இதே அளவுக்கு தான் வாய் என்றாள். அதை கேட்டு அனைவரும் சிரித்தனர். மேலும் மாமா நேத்து கேட்க மறந்துட்டேன் உங்க பேரு என்ன என்றவுடன் சாகித் என்றான். இவள் சற்று அதிர்ந்தாள். பிறகு மாமா நீங்கள் மட்டும் தனியாக நில்லுங்க ஒரு போட்டோ எடுத்துக்கிற என்றவுடன் அவனும் நின்றான். இவள் போட்டோ எடுத்து கொண்டு ரொம்ப தேங்க்ஸ் என்று கூறிவிட்டு உள்ளே சென்றாள்.
ரஸியா அந்த போட்டோவை சுரையாவிடம் காட்டினாள். அவள் அதை வாங்கி பார்த்ததும் சற்று அதிர்ந்தாள். பிறகு ரஸியா, சுரையா இவர் பேர் கூட சாகித் தானா என்றாள். ஏய் என் கனவுல வந்த அந்த சாகித் தான்டி இவரு என்றாள் . ஜரினாவிற்கோ எதுவும் புரியவில்லை என்ன டி சொல்ற ஆமாம் என்று தன் கனவை கூறினாள்....
ஆம் அவன் வேறு யாருமில்லை சுரையாவின் கனவில் வந்த அந்த சாகித் தான் அவன்....
ரஸியா, சாகித்தின் போட்டோவை சுரையாவிடம் காட்டி இவர் தான் சுரையா உன் வருங்கால உத்பி என்றாள். அவள் அதை வாங்கி பார்த்தாள். இவளுக்கு அதிர்ச்சி இவன் நம் கனவில் வந்தவன் ஆயிற்றே! இவன் எப்படி இங்கே? என்று மனதில் யோசித்து கொண்டு இருந்தாள். ஏய் சுரையா என்னாச்சு? என்று ஜரினா கேட்க நினைவுக்கு வந்தவளாய் இவன் என் கனவுல வந்தவன் டி ரஸியா என்றாள். ஜரினாவிற்கு புரியவில்லை. என்ன சொல்ற? ஆமாம் ஜரினா என்று எல்லாத்தையும் கூறி முடித்தாள். செம சுரையா என்ஜாய் என்றாள் ரஸியா புன்னகை உடன். பிறகு கதவு தட்டப்பட்டது. யார் என்று திறந்தாள் ரஸியா. அட! நீ இங்க தான் இருக்கியா என்று கூறி கொண்டே உள்ளே நுழைந்தார் சாகித் அம்மா மும்தாஜ். பின்ன வேற எங்க இருக்கனும் என்று ரஸியா கேட்க சுரையா செல்லமாக தட்டினாள். விடுமா என்று கூறி சீக்கிரம் ரெடியாகு மா என்று கூறி விட்டு சென்றார். பிறகு சாகித்தின் அண்ணி தங்கை மாமன் மகள்கள் வந்தனர் உள்ளே.
உள்ளே வந்தவுடன் சாகித்தின் அண்ணி சுரையா நான் தான் சாகித்தின் அண்ணி பிர்தவுஸ். இவள் அவன் தங்கை மக்முதா. இவங்க சாகித்தின் மாமா மகள்கள் அதாவது என் தங்கச்சிங்க இவ ராபிதா, இவ ருக்கையா என்று அறிமுகம் செய்து வைத்தாள். அவளும் அனைவருக்கும் ஸலாம் சொன்னாள். பிறகு எல்லாரும் ஒன்றாக சேர்ந்து சுரையாவை அழகு தேவதையாக மாற்றினர்.
சுரையா ஹாலிக்கு சென்று உங்கள் எல்லார்கிட்டயும் கொஞ்சம் பேசனும் என்றனர். என்னமா பேசனும் என சாகித்தின் அப்பா நிஜாம் கேட்க . சொல்றேன் என்று ஆரம்பித்தாள். எனக்கு நிக்காஹ் எவ்வளவு சிம்பிளா பண்ண முடியுமோ அந்த அளவுக்கு சிம்பிளா பண்ணம். வீண் விரயங்கள் தேவயில்ல. அதாவது மஹால பாட்டு போடுறது தேவையில்லாத செலவு அவள் சொன்னவுடன் அது எப்படி பாட்டு இல்லாமல் என்றார் அங்கு வந்தவர்களில். அதுக்கு பதிலா பயான் (சொற்பொழிவு) வச்சிக்குவோம் வந்தவங்க மார்கத்தை பற்றி தெரிஞ்சிகிட்ட மாதிரியும் இருக்கும் நமக்கு நன்மைகள் கிடைச்ச மாதிரியும் இருக்கும். அதே மாதிரி இன்வீடேஷன் கொஞ்சம் சிம்பிளா இருந்தா போதும். முக்கியமா என்ன அலங்காரம் பண்ண பியூடிஷியன் தேவையில்லை. எனக்கு இயற்கை அழகு தான் பிடிக்கும். வரவங்க எல்லாருக்கும் ஒரு யாசின் கிதாப்(புத்தகம்) கொடுக்கலாம். அப்புறம் சாப்பாடு மீதம் இருந்திசினா ஏழைகளுக்கு அதை கொடுத்துடலாம் வேஸ்ட் பண்ணாம என்று ஓரே மூச்சில் கூறி முடித்தாள். சரி உனக்கு மஹர் என்ன வேணும்? என நிஜாம் கேட்க 30 கிராம் வெள்ளி தான் மஹர் உடைய அளவு. ஸோ டட்ஸ் யூவர் விஷ் என்றாள். அவள் சொன்னவுடன் இது நல்லா இருக்கே என்றார் சாகித்தின் அண்ணன் ரியாஸ். சரிமா இப்படியே செஞ்சிடுவோம் என்றார்கள் அனைவரும்.
அதுக்கப்புறம் இந்த கல்யாணத்தோட செலவு எல்லாம் நான் தான் செய்ய போறேன் . என்னோட சம்பளத்தை சேர்த்து வச்சியிருக்க என்றவளை அதிர்ச்சியோடு பார்த்தனர் அனைவரும். பிறகு சரி நம்ம ஆரம்பிச்சிடுவோம் என்றார் அம்மா . சாகித் சுரையாவின் அழகில் மயங்கி விட்டான். அன்று சுடிதாரில் பார்த்தவன் இன்று சேவையில் பார்கிறான். சுரையாவோ அவனை பார்த்தால் , எங்கு தடுமாறிடுவோமோ என்ற பயத்தில் அவனை பார்க்கவே இல்லை. பிறகு நிச்சயம் முடிந்தது. அனைவரும் சாப்பிட சென்றனர். சாப்பிட்டு முடித்தவுடன், அனைவரும் உட்கார்ந்து பேசி கொண்டு இருந்தனர். சுரையா ரஸியாவிடம் ஜரினா எங்கடி என்று கேட்க அவள் ஜரினா அக்கா மாடில இருக்காங்க என்று பதில் அளித்தாள். சுரையா உடனே மாடிக்கு சென்றாள்.
ஜரினா ஜரினா என்று கூப்பிட்டு கொண்டே மேலே ஏறினாள். ஆனால் ஜரினாவிற்கு பதில் சாகித் இருந்தான். அவளின் குரல் கேட்டு திருப்பினான். இவள் அவனை பார்த்தவுடன் கீழே செல்ல முயன்ற போது ஒரு நிமிஷம் நில் என்றான். அவளும் நின்றாள். இவன் அவள் அருகில் வந்து நின்றான். என்ன பேசுவது என்று இருவருக்கும் தெரியவில்லை. அமைதியாக நின்றிருந்தனர். உன் போன் நம்பர் தர முடியுமா? என கேட்க அவள் தன் நம்பரை கொடுத்தாள்.
ம்ம்ம் நீங்க ஒரு மிஸ்டு கால் கொடுத்துடுங்க என்றாள். அவனும் கொடுத்தான். பிறகு இவள் நான் நம்பர் கொடுத்ததால் பேசலாம் வாட்ஸ் ஆப் சேட் பண்ணலாம் நினைக்காதிங்க. நான் பேச மாட்டேன் எல்லாம் மேரேஜ் அப்பறம் தான் என்றாள் கடுகடுபான குரலில். இவன் அடிப்பாவி ஆறு மாசம் தான் பேச முடியாம தவிச்ச இப்பயுமா என்று மனதில் நினைத்து கொண்டான். இவள் உன் கிட்ட பேசுன அவ்வளவு தான் எல்லாமே மறந்துடுவேன் என்ன இன்னும் கொஞ்ச நாள் தானே என்று மனதில் நினைத்து கொண்டாள். பிறகு நான் போய்ட்டு வரேன் என்ற போது இந்த புடவையில் செமயா இருக்க என்றான் அவள் காதருகில். இவள் வெட்கத்தோடு தேங்கஸ் என்று கூறி விட்டு கீழே இறங்கி விட்டாள். அவள் பேசியதில் இவன் மணம் மயங்கியது. மான் போல் சென்ற அவளை பாத்து கொண்டே இருந்தான்.
ஒரு மாதத்தில் திருமணம் என்று முடிவெடுத்தார்கள். சுரையா தன் அறையில் எல்லாருடனும் அமர்ந்து இருந்தாள். ஆனால் அவள் மனம் மட்டும் சாகித்தை சுத்தி சுத்தி வந்தது. பிறகு அனைவரும் விடைபெற்று சென்றனர் . ரஸியா ரெண்டு பேரும் கிளம்புக இன்வீடேஷன் அடிக்க கடைக்கு போகனும் என்றார் அப்பா. இருவரும் ரெடியாகி வந்தனர். நான்கு பேரும் காரில் ஏறி கடைக்கு சென்றனர். அங்கு அவளுக்கு பிடித்த இன்வீடேஷன் ஒன்றை எடுத்து காண்பித்தாள். அது ரொம்ப சிம்பிளாகவும் அழகாகவும் இருந்தது. ஆர்டர் கொடுத்து விட்டு வீட்டிற்கு வந்து சேர்ந்தனர்.
சாகித் பிசிஏ முடித்து விட்டு கம்பெனி ஒன்றில் வேலை பார்க்கிறான். நல்ல குணம். அவன் குடும்பம் நண்பர்கள் மட்டுமே அவன் உலகம்.
போகும் வழியில் இன்வீடேஷன் அடிக்க ஆர்டர் கொடுத்து விட்டு சென்றனர் சாகித்தின் அம்மாவும் அப்பாவும். பிறகு வீட்டிற்கு வந்து சேர்ந்தனர். என்னடா இப்ப சந்தோஷமா என கேட்டார் சாகித் அப்பா. ம்ம்ம் ரொம்ப என்றான். ரொம்ப தேங்க்ஸ் பா எதுக்கு டா? இல்ல எனக்கு பிடிச்ச பொண்ண எனக்கு நிக்காஹ் பண்ண சம்மதம் சொன்னதுக்கு ஏய் உன் சந்தோஷம் தான் எங்க சந்தோஷம் புரியுதா என்றார் அப்பா . கண்ணீரோடு தன் அப்பாவை அணைத்து கொண்டான். பிறகு டேய் டேய் ரொம்ப சீன் போடாத என்று கலாய்த்தாள் தங்கை மக்முதா. இவன் தலையில் கொட்டி போடி எருமை என்று திட்டி விட்டு அறைக்குள் நுழைந்து கொண்டான்.
உள்ளே நுழைந்த சாகித் மக்னாவில் அவன் போனை மக்முதாவிடம் கொடுத்து சுரையாவை போட்டோ எடுக்க சொன்னான். அந்த போட்டோவை பார்த்து எனக்கு ஒரு மாசம் எப்படி போக போது தெரியலை. ஆறு மாசம் வெய்ட் பண்ணிட்ட பட் இந்த ஒரு மாசம்.. உனக்காக எத்தனை ஜென்மம் எடுத்தாலும் காத்திருப்பேன் மா. உன்னை நான் யாருக்காகவும் விட்டு கொடுக்க மாட்டேன். உன்னை பாத்த மாத்திரத்தில் என்னை இழந்துவிட்டேன் என்று அவள் போட்டோவை வைத்து பேசி கொண்டு இருந்தான் சாகித். அவனை அறியாமல் அவனுக்குள் சுரையா அவன் மனதில் ஆழமாக பதிந்து விட்டாள். இவன் தன்னவளுக்காக மஹர் என்ன வாங்கி கொடுக்கலாம் என்று யோசித்து கொண்டு இருந்தான். என்ன வாங்கலாம்?? மோதிரம் இல்லை கொலுசு ம்ம்ம் வேண்டா கம்மல் 🤔🤔 ம்ம்ம் செய்ன் நோ நெக்லஸ் வேஸ்ட் வேற என்ன வாங்கலாம்🤔🤔🤔 எதுவும் தோன மாட்டேன்தே.... என்ன பண்றது....... என்று யோசித்து கொண்டே தூங்கி விட்டான். அவனை சாப்பிட எழுப்புவதற்காக அவன் அம்மா வந்தார். சாகித் எழுந்துடு பா சாப்பிடனும் என்று அழைத்தார். ஆனால் அவனோ விழித்த பாடு இல்லை . மக்முதா அவனே அண்ணி கூட டூயட் பாடிட்டு இருப்பா நீ என்னமோ டிஸ்டர்ப் பண்ற என்றவளை முறைத்தார் அம்மா. விடுங்க அதான் நல்லா தூங்கறால அப்பறம் என்ன வாங்க என்று ரியாஸ் அவர்களை அழைத்து சென்றான்.
சுரையாவிற்கு தூக்கம் வரவில்லை இத்தனை நாள் அழுவதற்காக முழித்திருந்தாள். ஆனால் முதல் முறையாக ஆனந்த கண்ணீரோடு முழித்திருந்தாள். இன்று அவனிடம் பேசியது அவனை ஒளிந்து இருந்து திருட்டு தனமாக ரசித்தது எல்லாம் எண்ணி எண்ணி தன்னையே மறந்தாள். அவளை அறியாமல் சாகித் அவள் மனதில் கொஞ்சம் கொஞ்சமாக வாழ தொடங்கினான். அவள் போனில் இருந்த அவன் போட்டோவை பார்த்து ஒரு மாசம்.... எப்படி போக போது தெரில.... உன்கிட்ட பேசனும் நிறைய பேசனும் பட் ஏனோ தெரியவில்லை மனசு வேண்டா சொல்லுது.... அவளை அறியாமலே கண்கள் கலங்கி விட்டது அதை துடைத்து விட்டு படுத்து விட்டாள்..
காலை.....
எப்போதும் போல் சுரையா வேலைக்கு கிளம்பி கொண்டு இருந்தாள். சுரையாவின் முகம் சற்று அழகாக இருந்தது. ரஸியாவும் சுரையாவும் சாப்பிட்டு விட்டு கிளம்பினார்கள். இருவரும் நடந்து செல்லும் போது ரஸியா, அக்கா நான் உன்கிட்ட ஒன்னு கேட்ப ஒழுங்கா பதில் சொல்லனும். ம்ம்ம் கேள். இந்த கல்யாணத்தில் உனக்கு இஷ்டம் தானே. ஏன்டி இப்படி கேக்குற இஷ்டம் இல்லாமலா சம்மதம் சொன்ன. அப்ப ஒகே. சரி பஸ் வருது பாத்து போ சரியா. ம்ம்ம் சரி சுரையா.
இவள் அலுவலகத்திக்கு வந்து சேர்ந்தாள்.
அங்கு அவளுடன் பணியாற்றும் ஒருவர் ஏன்மா நேத்து வரல? எனக்கு நேத்து எங்கேஜ்மட் ஸோ அதான் லீவு போட வேண்டியதா போய்டிச்சி. ஓஓ கங்ராஜ்லேஷன் கைகூடும் என்று அவளுடன் கை கொடுத்து விட்டு தன் வேலைகள் செய்து கொண்டு இருந்தாள். எப்போதும் இல்லாமல் இப்போது உற்சாகமாக வேலைகளை செய்து கொண்டு இருந்தாள். அவள் போன் அடித்தது எடுத்தாள். ஹலோ யார்? ஆ ஹலோ மேடம் நீங்கள் இன்வீடேஷன் ஆர்டர் பண்ணி இருந்திங்கல ஒரு சேம்பிள் மட்டும் அடிச்சி வச்சியிருக்கோம். நீங்கள் வந்து பாத்து சரியா இருக்குன்னு சொன்னா மத்தத பண்ணிடலாம். ம்ம் ஒகேணா நான் வரேன். சரிங்க. போன் கட்டானது. இவளுக்கு லீவு கேட்க சற்று தயக்கமாக இருந்தது. சரி வா கேட்டு தான் ஆகனும் என்று எழுந்து சென்றாள். மேல் அதிகாரியகடம் சார் எனக்கு ஹாப் டே லீவு வேண்டும் சார் என்றாள். ஏன்மா நேத்து லீவு போட்ட அதுக்கு முந்தைய நாள் லீவு என்ன தான் மனசுல நினைச்சிட்டு இருக்க? சார் நேத்து எனக்கு எங்கேஜ்மட் சார் அதனால தான் வர முடியல. இன்பாமாது பண்ணிருக்கனும் அதுவும் இல்லை. சாரி சார். இனி இப்படி நடக்காது. ப்ளீஸ் சார் இன்னிக்கு இன்வீடேஷன் சேம்பிள் வந்திருக்கு அத பாக்க தான் போறேன் மணி இப்பவே இரண்டு பர்மிஷன் போட முடியாது அதனால் தான் லீவு கேக்குற ப்ளீஸ் என்றாள். ம்ம்ம் சரிசரி எடுத்துக்கோங்க என்றார் . இவளும் விடுப்பு எடுத்து கொண்டு கடைக்கு சென்றாள்.
அங்கு அவர்கள் காட்டிய இன்வீடேஷன் எல்லாம் சரியாக இருக்கிறதா என்று பார்த்தாள் எல்லா சரியா இருக்கு நீங்கள் ரெடி பண்ணிடுங்க அப்றம் எப்ப கொடுப்பிங்க டூ டேஸ் ரெடியாகிடும். நீங்கள் வாங்கிட்டு போய்டலாம். சரி என்று கூறிவிட்டு தன் பையில் இனுந்து அட்வான்ஸ் பணத்தை கொடுத்து விட்டு வீட்டிற்கு சென்றாள். அங்கு இன்வீடேஷன் இன்னும் ரெண்டு நாள்ல ரெடியாகிடும் என்றாள். அவர்களும் சரி என்றனர். இவள் தன் சிறு வயது ஆல்பம் எடுத்து பார்த்து கொண்டு இருந்தாள். பிறகு நாளிதழ் படித்து கொண்டு இருந்தாள்.
டேய் சாகித் ஆல் தி பேஸ்ட் உனக்கு மேரேஜ் சொன்னாங்க கை கொடு என்று கை நீட்டினாள் சுதா. ஆனால் சாகித்தோ தேங்க்ஸ் மட்டும் போதும் கை கொடுக்க முடியாது என்றான். ஏன்டா கை கொடுக்க முடியாது? கேட்டாள். பர்ஸ்ட் இந்த டா போட்டு கூப்பிடுறத நிறுத்து சுத்தமா பிடிக்கல. நான் பிரண்டு முறையில் கூப்பிட்ட என்றாள் . எத்தனை முறை சொன்னாலும் புரிய மாட்டேன்ற. எனக்கு பிடிக்கல தயவு செய்து இனி அப்படி கூப்பிடாதே என்று கூறி விட்டான். இவளும் நான் அப்படி கூப்பிடல. பொண்ணு போட்டோ இருக்கா. ம்ம்ம் இருக்கு என்று தன் போனில் இருந்த போட்டோவை காண்பித்தான். அழகா இருக்கா பா பொண்ணு. ம்ம்ம் தேங்கஸ். சரி சரி நான் என் டேபிள் போற என்று எழுந்து சென்றாள் சுதா. சிறிது நேரம் சுரையாவின் போட்டோவை பார்த்து ரசித்து கொண்டு இருந்தான். எவ்வளவு நேரம் சென்றது என்று அவனுக்கு தெரியவில்லை. டேய் போதும் போதும் வழியுது தொடச்சிக்கோ என்றான் வினோத். பிறகு தான் தன்னிலைக்கு வந்தான். ஐயோ இவன் தொல்லை தாங்க முடியல டா சாமி என்றான் ரமேஷ். டேய் என்று பாவமாக வைத்திருந்தான் முகத்தை சாகித். ரொம்ப நடிக்காத டைம் ஆயிடுச்சி வீட்டுக்கு கிளம்பு என்றவுடன் ஈஈஈ என்று சிரித்து கொண்டே வீட்டிற்கு விரைந்தான்....
This site uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.
