On Hold இதயம் கேட்கும் காதல்

[ஷமீம் பானு]

❤️ 05 ❤️

தன் அண்ணி கருவுற்ற விஷயத்தை கேள்வி பட்டு எல்லையற்ற மகிழ்ச்சியில் இருந்த ஷெஹனாஸ் அல்லாஹ்விடம் தொழுது நன்றி செலுத்தினாள்.

பிறகு தன் தந்தையிடம் சென்றவள், " அப்பா என்கூட கடைக்கு வர முடியுமா? " என்று கேட்வளிடம் , " ம்ம்ம் போலாம் டா " என்றார்.

" ஏய் கழுதை எங்க போய் ஊர் சுத்திட்டு வர?" என்று அம்மா ஆயிஷா கோபிக்க

" வேலைக்கு போய்ட்டு வரேன் போதுமா?" என்றாள் முறைத்தப்படி

" யாரை கேட்டு நீ வேலைக்கு போற?..."

" யாரை கேட்கனும் ?..." என்று கடுமையுடன் கேட்டவளை ,

" என்னை கேட்கனும்..."

" எதுக்கு கேட்கனும்? கேட்டா வேண்டாம் தானே சொல்ல போறிங்க அப்பறம் எதுக்கு கேட்கனும்? உங்க கிட்ட பேச எனக்கு விருப்பமில்லை. அப்பா வாங்க ப்பா போலாம்..." என்று எரிச்சலாக சொல்லிவிட்டு அங்கிருந்து வெளியே வந்தாள் , ஷெஹனாஸ்.

உஸ்மான் எதுவும் சொல்லாமல் அமைதியாக தன் மகளை அழைத்து கொண்டு சென்றார்.

" அப்பா முதல்ல பூங்காக்கு போங்க ப்பா உங்க கிட்ட பேசனும் " என்று சொன்னவளை அமைதியாக தன் வண்டியை பூங்காவிற்கு செலுத்தினார்.

" எதுக்கு மா எப்ப பார்த்தாலும் ஷெஹனாஸை திட்டிக்கிட்ட இருக்கிங்க? அவள் அப்படி என்ன தான் பண்ணா உங்களுக்கு?..." என்று ரஸாஹ் கோபமாக கேட்க

" அழகில்லாமல் பொறந்து என் உசுர எடுத்துட்டு இருக்கா. அவள் வயசு பிள்ளைகள் எவ்வளவு அழகா இருக்காங்க சீக்கிரமா கல்யாணமும் ஆயிடுச்சு ஆனா இதுக்கு அப்படியா? இது எப்ப பொறந்திச்சோ அப்போதில் இருந்து இப்போ வரைக்கும் எனக்கு பிரச்சினை தான் ச்சே..." என்று எரிச்சல் பட்டவரை

" நீங்களெல்லாம் என்ன ஜென்மமோ?? " என்று ரஸாஹ் கோபப்பட

" ஏய் ரக்ஷனா அவளை உன் பக்கத்தில கூட வர விடாத .." என்று மிரட்டியவரை ரக்ஷனா பேச முனைந்தவளை தடுத்து தான் பேசினான்.

" அம்மா இது எங்க குழந்தை எங்களுக்கு தெரியும் உங்க வேலை என்னவோ அதை பார்த்துட்டு போங்க" என்று ரஸாஹ் கடுமையாக சொல்லிவிட்டு தன் அறைக்கு சென்றான் ரக்ஷனாவை அழைத்து கொண்டு.

பூங்காவிற்குள் சென்றவர்கள் அங்கிருந்த இருக்கையில் அமர்ந்தார்கள் இருவரும்.

அமைதியாக இருந்த தன் மகளின் தலையை மெல்ல வருடியபடி , " உன் மேல எந்த கோபமும் இல்லை டா அப்பாவுக்கு, நீ எந்த தப்பும் பண்ண மாட்ட டா அந்த நம்பிக்கை எனக்கு இருக்கு டா, புரியுதா?..." என்று பொறுமையாக சொன்னவரை அணைத்து கொண்டு, " ஐ லவ் யூ ப்பா😘😘" என்று கூறி தன் கண்களை துடைத்து கொண்டாள்.

" ம்ம்ம் சரிடா இதுக்கு தான் கடைக்கு போலாம் சொன்னியா? "

" இல்லை ப்பா அண்ணிக்கு ஒரு சில பொருட்கள் வாங்கனும் அதுக்கு தான் "

" அப்படியா டா சரி வா "

தன் அண்ணிக்கு தேவையானதை தேடி தேடி கவனமாக ஒவ்வொரு பொருட்களையும் வாங்கினாள். பிறகு அக்பர் கடைக்கு சென்று ஒரு கிதாப்கள் வாங்கி கொண்டு கூடவே பழங்கள் என வாங்கி கொண்டு வந்து சேர்வதற்கு மணி எட்டானது.

ஷெஹனாஸ் தான் வாங்கி வந்த பொருட்களை எடுத்து கொண்டு ரஸாஹ் அறைக்கு சென்றாள்.

" ஹே எங்க போயிருந்த?" என்று ரஸாஹ் கேட்க

" சும்மா தான் கடைக்கு போயிருந்தேன்" என்று தான் வாங்கியதை எல்லாம் ரக்ஷனாவிடம் கொடுத்தாள்.

பிறகு அந்த அறையில் அல்லாஹ்வின் வாசகங்களை மாட்டினாள். தினமும் என்ன செய்ய வேண்டும் என்பதை ஒரு கால அட்டவணையாக மாற்றி விட்டாள். அது மட்டுமல்லாமல் அவளுக்கு தேடி தேடி வாங்கிய துணிகளை அவளிடம் நீட்டி , " அண்ணி இந்த டிரஸ் உங்களுக்கு கொஞ்சம் comfortable ஆ இருக்கும் அதனால தூங்கும் போது இதை போட்டுக்கோங்க இதாங்க " என்று நீட்டியவளிடம் எதுவும் பேசாமல் அமைதியாக வாங்கிக்கொண்டாள் ரக்ஷனா.

" அண்ணி நீங்க ஏன் இன்னும் சாப்பிடலை ? " என்று கேட்டு கொண்டே அவளுக்கு ஊட்டி விட ரக்ஷனா கண்கள் கலங்க பார்த்து கொண்டு இருந்தாள் , ஷெஹனாஸை.

" அண்ணி ஏன் இப்ப அழுறீங்க?.."

" ம்ஹூம் ஒன்னுமில்லை " என்று ஷெஹனாஸ் நெற்றியில் முத்தமிட்டாள்.

அவளும் சிரித்துக்கொண்டே , " அண்ணி சாப்பிடுங்க " என்று ஊட்டிவிட்டாள்.

இருவரின் அன்பை கண்டு மனம் நிறைந்தது ரஸாஹ்கிற்கு.

"ரஸாஹ் என்னை மன்னிச்சிடு " என்று கூறியவளை புரியாமல் , " எதுக்கு??" என்று கேட்டான்.

" உன்கிட்ட சொல்லாமல் நான் வேலைக்கு சேர்ந்தேன் அதுக்கு தான்"

" ஹே லூசு அதெல்லாம் ஒன்னுமில்லை நீ தப்பு பண்ண மாட்ட அதை எனக்கு நல்லா தெரியும் "

" ம்ம்ம் சரி எனக்கு வேலை இருக்கு நான் அப்புறம் வரேன் " என்று சொல்லிவிட்டு சாப்பிட்டு முடித்துவிட்டு தன் அலுவலக வேலையில் ஈடுபட்டாள்.

" ஏய் பொம்மை நான் இன்னிக்கி ரொம்ப சந்தோஷமா இருக்கேன்" என்று ரக்ஷனாவிடம் மகிழ்ச்சியாக சொல்லி கொண்டு இருக்க ஆனால் அவள் எதையோ யோசித்த வண்ணம் இருந்தாள்.

" ரக்ஷனா "

"...."

" ஏய் ரக்ஷனா " என்று சற்று அதட்டி கூப்பிட அவள் மிரண்டு விட்டாள்.

" ஹே அம்மு ஒன்னுமில்லை ஏதோ யோசிச்சிட்டு இருந்தியே அதான் கொஞ்சம் அதட்டுன " என்று அவன் பதட்டமாக கேட்க

" ம்ஹூம் ஒன்னுமில்லை ரஸீ லவ் யூ லவ் யூ சோ மச்❤️❤️❤️" என்று அவனை அணைத்து கொண்டாள்.

" லவ் யூ டூ 😘.."

" யா அல்லாஹ்!! என்ன கொடுமை இது இவ்வளவு தப்பு இருக்கு இந்த ரெண்டு filesla, இது யாரு பண்ணியிருப்பா?. " என்று யோசித்து கொண்டே பாஸ்கரை அழைத்தாள்.

" சொல்லுங்க ஷெஹனாஸ் "

" ஹான் ஹலோ அண்ணா நீங்க கொடுத்த ரெண்டு filesum நல்லா பார்த்துட்ட எல்லா கோடிங்ஸீம் தப்பா இருக்கு எனக்கு இந்த கோடிங்ஸ் பண்ணவங்களோட முழு விவரம் அப்பறம் இதுக்கு முன்ன அவங்க பண்ண கோடிங்ஸ் இதெல்லாம் உடனே என் மெயில்க்கு அனுப்பிறிங்களா? அப்றம் கூடவே நம்ம கம்பெனி முழு விவரமும் அனுப்பிடுங்க ..." என்று மூச்சு விடாமல் தான் சொல்ல வந்ததை சரியாக சொல்லிவிட அங்கு அவனுக்கோ சாப்பிட்டு கொண்டு இருந்தவனுக்கு என்ன சொல்வதென்று அமைதியாக இருந்துவிட்டு பிறகு , " சரி அனுப்பி வைக்கிறேன்" என்று விட்டு அலைபேசியை வைத்தவன் தன் அறைக்கு விரைந்தான்.

"இந்த கோடிங்ஸ் பண்றவங்க தான் எப்பயும் பண்றாங்க என்றால் கண்டிப்பா நம்ம கம்பெனி நஷ்டத்தில தான் போய்ட்டு இருக்கும் யா அல்லாஹ் அப்படி எதுவும் நடக்கக்கூடாது "என்று அவள் அல்லாஹ்விடம் துஆ செய்து கொண்டிருக்கவும் பாஸ்கர் அவள் மெயிலுக்கு மொத்த விவரமும் அனுப்பவும் சரியாக இருந்தது.

அவள் அதை எல்லாம் எடுத்து படிக்க படிக்க அவள் தலையே சுற்றியது ஷெஹனாஸிற்கு. பிஸ்மி சாப்ட்வேர் கம்பெனி தொடங்கி நான்கு ஆண்டு ஆகுது. இதுவரை மூன்று assistant manager மாறியிருக்காங்க என்னையும் சேர்த்து. இரண்டாவதா வந்த assistant manager வேலையில சேர்ந்திலிருந்து நம்ம கம்பெனி கொஞ்சம் நஷ்டத்தில போகுது அதுவும் ஒரு வருஷமா? இதை எப்படி ஒன்னுமே புரியலையே! யா அல்லாஹ் " என்று மனதில் நினைத்து கொண்டு பாஸ்கருக்கு அழைக்க

அவன் அழைப்பை ஏற்று , " ம்ம்ம் சொல்லுங்க ஷெஹனாஸ் "

தனக்கு எழுந்த அத்தனை சந்தேகங்களையும் தெளிவாக அவன் முன் எடுத்து வைக்க பாஸ்கருக்கு தலையே சுற்ற ஆரம்பித்து விட்டது. " ஷெஹனாஸ் நாளைக்கு கொஞ்சம் சீக்கிரமா வர முடியுமா? இதை நாம நேர்லை பேசிக்கலாம் "

" ம்ம்ம் சரிங்க அண்ணா " என்று கூறிவிட்டு அலைபேசியை வைத்தவள் தொழுதுவிட்டு தூங்கினாள்.

ஷெஹனாஸின் புத்தி கூர்மை பாஸ்கருக்கு சற்று பிரமிக்க வைத்தது. அதைவிட அவள் சொன்ன விஷயத்தை பற்றி மனம் சிந்திக்க தொடங்கியது. உடனே சித்தீக் அழைத்தான்.

" என்னடா இந்த நேரத்தில அழைச்சி இருக்கேன் என்ன விஷயம் ? " என்று சித்தீக் கேட்டு கொண்டே ராஹிலாவை தூங்க வைத்தான்.

ஷெஹனாஸ் சொன்னதை எல்லாம் அவன் சொல்ல , " ஹே என்ன சொல்ற உண்மையாவா? "

" ம்ம்ம் ஆமா , நாளைக்கு கொஞ்சம் சீக்கிரமாவே வந்திடு புரியுதா மத்ததெல்லாம் நேர்ல பேசிக்கலாம்"

" ம்ம்ம் சரி மச்சான் "என்று விட்டு அலைபேசியை வைத்தவன் ராஹிலாவை தூங்க வைத்துவிட்டு தொழுதுவிட்டு தூங்கினான்.

பார்ப்போம் நஷ்டத்திற்கு காரணமானவர்கள் யாரென்று?

தொடரும்

staytune frds

 

[ஷமீம் பானு]

💕 06 💕

காலையில் சீக்கிரம் விழித்த சித்தீக் , மசூதி சென்று தஹஜ்ஜித் மற்றும் ஃபஜ்ர் இரண்டு தொழுகைகளையும் முடித்துவிட்டு வீடு வந்து சேர்ந்தவன் தன் அறைக்கு சென்று கிளம்பினான்.

அவன் கிளம்பி வருவதை பார்த்த அம்மா ஆரிஃபா , " என்னப்பா இன்னிக்கி சீக்கிரமா போகனுமா? " என்று கேட்க

" ம்ம்ம் ஆமாம் ம்மா முக்கியமான மீட்டிங் அதான் கொஞ்சம் சீக்கிரம்"

" சரி அப்பு உட்காரு சாப்பிடுவ" என்று அவனுக்கு தட்டை வைத்து இரண்டு சப்பாத்தி வைத்து குர்மா வைக்க அதை அவன் சாப்பிட்டு விட்டு ராஹிலாவின் கன்னத்தில் முத்தமிட்டு சென்றான்.

விரைவாக சென்ற தன் மகனை கண்களில் கண்ணீரோடு பார்த்து கொண்டு இருந்தார் ஆரிஃபா. அப்போது லியாக்கத் அங்கே வர, "என்ன ஆரிஃபா யோசனை எல்லாம் பலமா இருக்கு? " என்று கேட்டு கொண்டே சாப்பிட அமர்ந்தார்.

ஆரிஃபாவிடம் இருந்து எந்த பதிலும் இல்லாமல் இருக்க அவரை பார்த்த லியாக்கத் , " என்னாச்சு ஆரிஃபா ? " என்று அவரை உலுக்க , அவர் நிதானதுக்கு வந்தார்.

"நீங்க எப்போ வந்தீங்க? "

" அதுசரி அப்படி என்ன யோசனை ? சித்தீக் சாப்பிட்டானா?"

" ம்ம்ம் இன்னிக்கி முக்கியமான மீட்டிங் இருக்குன்னு சீக்கிரமா சாப்பிட்டு கிளம்பிட்டான். இவனை நினைச்சாலே கஷ்டமா இருக்கு? என்னால முடியலை நமக்கு இருக்கிறது ஒரே பையன் அவனை இந்த நிலைமையில பார்க்கையில மனசு வேதனையா இருக்குங்க! நல்லா துறுதுறு இருந்த பையன் இப்ப " என்று வந்த கண்ணீரை தன் சேலை நுனியால் துடைத்தார் ஆரிஃபா.

அப்பா லியாக்கத்திற்கும் என்ன சொல்வதென்று தெரியவில்லை தன் மகனின் நிலைமை அவரையும் வருத்தமடைய தான் செய்தது. பிறகு, தன்னை திடப்படுத்தி கொண்டு , " ஆரிஃபா விடு கவலைப்படாதே! அல்லாஹ் பார்த்துப்பான் " என்று ஆறுதல் சொல்ல அவரும் தலையசைத்து விட்டு அவருக்கு பரிமாறினார்.

" அண்ணா எனக்கு ஒரு உதவி பண்ண முடியுமா? " என்று ஷெஹனாஸ் கேட்க

" ம்ம்ம் சொல்லு " என்று ரஸாஹ் சொன்னவுடன்

"அண்ணா உனக்கு வாட்ஸ் ஆப்ல ஒரு pdf அனுப்பி இருக்கிறேன் அதுல இரூக்கிறவங்க மொத்த விவரமும் இன்னிக்கி மதியானத்துக்குள்ள வேணும் " என்று அவள் அலுவலக பிரச்சினை சொல்ல ,

"ஹே ஏதோ பெரிய தப்பு நடக்குது தோனுது எனக்கு சரி இன்ஷா அல்லாஹ் மதியானத்துக்குள்ள எல்லா விவரமும் உனக்கு அலுவலகத்திலே வந்து தரேன் சரியா "

" ம்ம்ம் சரி ரஸாஹ் இன்னிக்கி ஒரு முக்கியமான மீட்டிங் இருக்கு சீக்கிரம் போகனும் " என்று சொல்லிவிட்டு ஏதோ அரக்க பரக்க சாப்பிட்டு விட்டு காலையில் இருந்த உணவையே மதியத்திற்கும் எடுத்து கொண்டு சென்றவளை,

" ஷெஹனாஸ் இருடா உன்னை நான் அலுவலகத்தில விடுறேன் " என்று உஸ்மான் சொல்ல,

" அப்பா அதெல்லாம் வேண்டாம் " என்று தடுத்தவளை

" வீட்டில சும்மா தானே டா அப்பா இருக்க வா " என்று அவர் தன் வண்டியை எடுக்க தன் அப்பாவின் பேச்சை தட்டாமல் அமைதியாக அலுவலகத்திற்கு சென்றாள்.

பாஸ்கரும் மற்றும் சித்தீக் இருவரும் வந்த இரண்டு நிமிடத்தில் ஷெஹனாஸும் வந்து இறங்கினாள்.

அவள் உள்ளே அனுமதி கேட்டு சென்றவுடன் சித்தீக் தன் உதவியாளரிடம் "இன்று யாரையும் எங்கள் மூன்று பேர் அறைக்குள் அனுமதிக்காதிங்க இளங்கோ " என்றவுடன் , " கண்டிப்பாக "என்றான்.

" சரிங்க இளங்கோ நீங்க கொஞ்சம் வெளியே இருங்க "என்றவுடன் அவனும் எதுவும் சொல்லாமல் வெளியே சென்றான்.

இளங்கோ இந்த அலுவலகம் துவங்கிய நாட்களில் இருந்து இன்று வரை நேர்மையாக உழைக்கும் மனிதன் . இளங்கோவிற்கு சித்தீக் மற்றும் பாஸ்கர் இருவரின் மேல் மிகுந்த மரியாதையும் அன்பும் வைத்திருப்பவன்.

" சொல்லுங்க ஷெஹனாஸ் " என்று சித்தீக் கூற

" நேத்து பாஸ்கர் சார் என்கிட்ட இந்த ரெண்டு கோப்புகளையும் கொடுத்து இதுல இருக்கும் கோடிங்ஸ் சரி பார்த்து அவரோட இடத்திற்கு அனுப்ப சொன்னாரு, நான் நேத்து வீட்டில பார்த்துட்டு இருந்த ரெண்டு fileslaium ஏகப்பட்ட தவறுகள். ஏதோ தப்பு பட்டுச்சு மனசுல அதனால சார்கிட்ட இருந்து இந்த கோடிங்ஸ் பண்ணவங்களோட முழுவிவரம் அவங்க இதுக்கு முன்ன பண்ண கோடிங்ஸ் நம்ம கம்பெனி விவரம் இதை எல்லாம் வாங்கின ; அதுல நம்ம கம்பெனி தொடங்கி நாலு வருஷம் ஆகுது. இதுவரைக்கும் இரண்டு assistant manager மாறியிருக்காங்க . நான் மூன்றாவதா வந்திருக்க. இதுல மூனு வருஷம் எந்த நஷ்டமும் இல்லாமல் போய்ட்டு இருந்த நம்ம கம்பெனி தீடிருனு ஒரு வருஷமா நஷ்டத்தில போகுது அதுவும் இரண்டாவதா திரு. தென்னரசு வந்ததிலிருந்து. அவர் மட்டுமில்லை இந்த கோடிங்ஸ் பண்ண தீப்தி மற்றும் மேரியும் திரு.தென்னரசு வேலைக்கு சேர்ந்த அன்னிக்கி தான் இவங்களுக்கும் வேலைக்கு சேர்ந்திருக்காங்க. இவங்க பண்ற கோடிங்ஸ் எல்லாமே தப்பா இருக்கு. நாம பார்க்கிறதுக்கு எல்லாமே சரியா இருக்கும் ஆனா அதை practicala செய்யும் போது அதுல அவங்க பண்ற தப்பை கண்டு பிடிக்கலாம்" என்று பொறுமையாக கணினி வழியாக எல்லாத்தையும் விளக்கினாள் ஷெஹனாஸ்.

பாஸ்கர் சித்தீக் இருவருக்கும் அதிர்ச்சியாக இருந்தது, இருவருக்கும் கோபம் தலைக்கேறியது.

" இன்னிக்கி அவங்க ரெண்டு பேரையும் சும்மா விடப்போறதில்லை " என்று கண்கள் சிவக்க கோபமாக கூறிய சித்தீக்யிடம் , " கோபப்பட வேண்டிய நேரமில்லை இது, நிதானமாக இருக்குங்க. இவங்க வெறும் கூலி ஆட்கள் இவங்களை ஏவி விட்டவங்க யாருன்னு தெரியலை. அதனால கொஞ்சம் பொறுங்க அதை கண்டுபிடிக்கனும்" என்று ஷெஹனாஸ் கூற

" எப்படி ? " என்று பாஸ்கர் சற்று கோபமா கேட்க

" என் அண்ணன் detective officerta அவர் கிட்ட காலையில பிரச்சினைய சொன்ன அவர் இன்ஷா அல்லாஹ் மதியானத்துக்குள்ள கண்டுபிடிச்சு தரேன் சொல்லியிருக்கிறார் . கொஞ்சம் காத்திருப்போம்" என்றவுடன் மூவரும் பலத்த யோசனையுடன் காத்திருந்தனர்.

மணி பன்னிரண்டை எட்டியும் மூவரும் வெளியே வராததை பார்த்து யாருக்கும் ஒன்றும் விளங்கவில்லை. இளங்கோவின் மனம் தான் அடித்து கொண்டது, " எதாவது பிரச்சினையா ஏன் ரெண்டு பேரும் இப்படி கோபமா இருக்காங்க ஒன்னும் புரியலை, அந்த பொண்ணு எதாவது பிரச்சினை பண்ணுதா ? இல்லையோ பார்த்தா நல்ல பொண்ணு மாதிரி இருக்கு அப்றம் எப்படி? " என்று இளங்கோ மனம் அலை பாய அங்கும் இங்கும் நடந்து கொண்டு இருந்தான்.

அப்போது " வணக்கம் " என்ற குரலை கேட்டு நிதானத்திற்கு வந்தவன் , " சொல்லுங்க என்ன வேண்டும் ? "

" நான் ரஸாஹ் . உங்க எம்டி பார்க்கனும்"

" இல்லை சார் மீட்டிங் நடந்துட்டு இருக்கு, அவர் யாரையும் உள்ள அனுப்ப கூடாது சொல்லிட்டாரு"

" ரொம்ப முக்கியமான விஷயம்"என்று அவன் காதில் சுருக்கமாக சொல்ல அவன் சென்று , " சார் ரஸாஹ் உங்களை பார்க்க வந்திருக்காங்க " என்றவுடன் சித்தீக் புரிந்து கொண்டு "அவரை உள்ளே அனுப்புங்க இளங்கோ " என்று சொன்னவுடன் " சரிங்க சார்" என்றுவிட்டு சென்றான்.

" உள்ள போங்க சார் "

" ம்ம்ம் நன்றி " என்று விட்டு உள்ளே சென்றான்.

" அஸ்ஸலாமு அலைக்கும்(வரஹ்) ஷெஹனாஸ்" என்றான்.

" வ அலைக்குமுஸலாம்(வரஹ்) ரஸாஹ்" என்றுவிட்டு சித்தீகிடம் , "சார் இவர் தான் எங்க அண்ணன் ரஸாஹ் அண்ணா இவர் சித்தீக் இந்த கம்பெனி எம்டி அவர் பாஸ்கர் அவரும் இந்த கம்பெனி எம்டி தான் " என்றாள்.

ரஸாஹ் ஸலாம் வைத்து விட்டு கைகுலுக்கினார்கள் மூவரும்.

" சார் நான் நேரடியா விஷயத்திற்கு வரேன். தீப்தி மற்றும் மேரி இவங்க ரெண்டு பேரும் ஹேக்கர்ஸ் " என்றவுடன் சித்தீக் பாஸ்கர் மற்றும் ஷெஹனாஸ் அதிர்ந்தனர்.

உடனே பாஸ்கர் " என்னது ஹேக்கர்ஸ் அதுவும் " என்ன சொல்ல வருகிறான் என்பதை புரிந்த ஷெஹனாஸ், " ஸார் பசங்க மட்டும் தான் தப்பு பண்ணுவாங்களா? பொண்ணுங்க எந்த தப்பும் பண்ண மாட்டாங்களா என்ன? அதுவும் இந்த காலத்தில " என்றவுடன் இருவரும் அமைதியாகினர்.

" அவங்க ரெண்டு பேரும் பண்ண தப்பை திரு. தென்னரசு கண்டுபிடிச்சிட்டாரு அவரை உங்க மனைவி குழந்தைகளை கொன்றுவிடுவோம் மிரட்டி அவங்க தேவைக்கு பயன் படுத்தி இருக்கிறாங்க. அவருக்கு பிடிக்காம இந்த வேலை வேணாம் போய்ட்டாரு..." என்று சொல்ல சித்தீக் கோபத்தின் உச்சத்திற்கே சென்றுவிட்டான். பாஸ்கர் கண்கள் சிவந்து விட்டது கோபத்தில்.

" ம்ம்ம் சார் அப்றம் முக்கியமான விஷயம் இவங்களை ஏவி விட்டது தினேஷ் கம்பெனி முதலாளி ராமகிருஷ்ணன். இவங்களுக்கு உங்களுக்கு எதாவது பிரச்சினையா ? " என்று கேட்ட பிறகு தான் சித்தீக் நினைவு வந்தது.

" ஆமாம் சார் ஒரு வருஷத்திற்கு முன்ன அவர் வந்து எங்க கூட டீல் பேசினாரு எங்களுக்கு பிடிக்கலை ஏன்னா அவர் கொஞ்சம் தப்பான மனிஷன் தெரியும் அதனால நாங்க வேண்டாம் சொல்லிட்டோம்" என்று பாஸ்கர் கூற,

" இப்ப அதுதான் பிரச்சினை, நீங்க வளரது பிடிக்காம அவங்களோட டீல் பேசாததால அவரு உங்களை பழி வாங்குறாரு அவ்வளவு தான் அண்ட் முக்கியமான விஷயம் இன்னிக்கி நீங்க இவங்க மேல போலீஸ் கிட்ட புகார் கூடுங்க அவரை ஒன்னுமில்லாம ஆக்க இன்னும் கொஞ்சம் ஆதாரத்தோட நான் காவல் நிலையத்திற்கு வந்துவிடுறேன் . இந்தாங்க அவங்களோட மொத்த விவரம் " என்று ஒரு பென்டிரைவை அவர்களிடம் கொடுக்க பாஸ்கர் அதை வாங்கி வைத்து கொண்டான்.

"அப்றம் நான் கிளம்பிறேன் " என்று ரஸாஹ் கூற , " jajakhallahu khair ( அல்லாஹ் உங்களுக்கு நல்லதை செய்வானாக )" என்று சித்தீக் சொல்ல , "ஆமீன் " என்றுவிட்டு தன் தங்கையிடம் கூறிவிட்டு சென்றான்.

இளங்கோ உள்ளே வர, " வாங்க இளங்கோ " என்று சித்தீக் அழைத்தான். அவனும் உள்ள வந்து அமைதியாக நிற்க , " இளங்கோ தீப்தி மற்றும் மேரி ரெண்டு பேரையும் உள்ளே வரச்சொல் " என்று கோபமாக கத்தினான் சித்தீக்.

இளங்கோ உடனே தீப்தி மற்றும் மேரி இருவரையும் அழைத்து வரவும் காவலர்கள் அங்கே வரவுமீ சரியாக இருந்தது.

" சார் இவங்க தான் ஹேக்கர்ஸ் தீப்தி மற்றும் மேரி " என்று பாஸ்கர் சொன்னவுடன் இருவருமே அதிர்ந்து விட்டனர் தங்கள் உண்மையான முகம் வெளியே தெரிந்து விட்டது என்று ஆனாலும் அதை சமாளித்து , " சார் யாரு சார் ஹேக்கர்ஸ் ? அப்படின்னா என்னன்னு கூட தெரியாது எங்களுக்கு "என்று தீப்தி சொல்ல எரிச்சலாக வந்தது மூவருக்கும்.

" ஹே எங்க எல்லாருக்கும் காதுக் குத்திட்டாங்க புரியுதா ?..." என்று ஷெஹனாஸ் எரிச்சலாக சொல்ல

" நேத்து வந்த கழுதைக்கு இவ்வளவு திமிரா? " என்று தீப்தி சொல்லவும் பாஸ்கரின் கரம் அவளை பதம் பார்க்கவும் சரியாக இருந்தது .

"இழுத்துட்டு போங்க சார் இந்த நாய்களை" என்று பீறிட்ட பாஸ்கரின் குரலுக்கு தலையசைத்தவாறு அவளை கைது செய்து கொண்டு அந்த ஆதாரமாக இருக்கும் அந்த பென்டிரைவை தான் ஒரு காபி எடுத்து கொண்டு அவர்களிடம் மற்றொன்றை தந்தான், சித்தீக்.

" ஷெஹனாஸ் நீங்க இருங்க நாங்க மட்டும் போய்ட்டு வரோம் " என்றுவிட்டு பாஸ்கர் சித்தீக் இருவரும் அவர்களுடன் கிளம்பினர்.

திருப்பாபுலியூர் காவல் நிலையத்தில் அவர்களை அழைத்து கொண்டு வர ரஸாஹ் அங்கு ராமகிருஷ்ணனின் கோல்மாக் செய்த ஆதாரங்களோடு நின்று கொண்டு இருந்தான்.

அவர்களை அழைத்து கொண்டு உள்ளே செல்ல ரஸாஹ் அவர்களிடம் ஆதாரத்தை நீட்ட காவல் அதிகாரியான திரு. இளமாறன் அதை படித்தவுடன் கோபம் ஏற " பரதேசி இந்த நாய் இந்த வேலை எல்லாம் செய்றானா? இவனை இன்னிக்கி ஒரு வழி பண்ணிட வேண்டியது தான் "என்று அவன் வீட்டிற்கு சென்று ஆதாரத்துடன் அவனை கைது செய்தனர்.

இளமாறனே இதை கண்டுபிடித்ததாக சொல்லி அவனை கைது செய்யும் படி ரஸாஹ் வேண்டுகோள் விடுக்க அவன் நலம் கருதி அப்படியே செய்தார். ராமகிருஷ்ணன் ஆடிப்போய் நின்றான்.

இன்று வேலை நாட்கள் என்பதால் நீதிமன்றத்தின் முன் நிற்க பட்டான் ராமகிருஷ்ணன்.

பல ஏழைகளின் நிலத்தை அநியாயமாக அபகரித்து அதில் கட்டிய கம்பெனியை அவன் கண்முன்னே இடித்து அதை உரியவர்களுக்கு வழங்கினார் இளமாறன்.

பல கடைகளின் முதலாளிகளை ஏமாற்றி வாங்கின அத்தனை சொத்துக்களையும் அவர்களிடமே திருப்பி கொடுத்து விட பட்டது.

இப்போது அவன் ஒன்றும் இல்லாமல் சிறையில் அடைக்கப்பட்டான் நீதிமன்றத்தின் உத்தரவு படி.

தொடரும்

Staytuned

 

[ஷமீம் பானு]

07. இதயம் கேட்கும் காதல்
நீதிமன்றத்தை விட்டு வெளிய வந்தார்கள் மூவரும். ராமகிருஷ்ணன் , அவர்களை முறைத்து கொண்டே காவல் வண்டியில் ஏற அவனை பார்த்து ஒரு ஏளன பார்வை சிந்தினார்கள் மூவரும்.

அவன் சென்ற பிறகு, " நன்றி சார் உங்க உதவி இல்லாமல் இது சாத்தியம் இல்லை " என்று பாஸ்கர் சொல்ல

" என்னால எதுவும் இல்லை சார் எல்லாம் அல்லாஹ்வால . அதை மாதிரி நேர்மையா இருந்த திரு.இளமாறன் அப்பறம் இதுக்கு ஒத்துழைப்பு கொடுத்த நீங்கலாமும் இருந்ததால தான் இது சாத்தியம் " என்று சாதாரணமாக சொன்ன ரஸாஹ்யை ஆச்சரியமாக பார்த்தனர் இருவரும்.

" சார் இதுக்கு எவ்வளவு சொன்னிங்கனா..." என்று சித்தீக் என்ன கேட்க வருகிறான் என்பதை புரிந்த கொண்ட ரஸாஹ் புன்னகையுடன், " பணமெல்லாம் வேண்டாம் சார். இது என் கடமை அதை தான் செய்தேன் " என்றவுடன் அவர்கள் எவ்வளவு கூறியும் மறுத்துவிட்டான் ரஸாஹ்.

" அப்றம் எனக்கு ரொம்ப வயசு ஆகலை என்னை ரஸாஹ் பெயர் சொல்லிய அழைங்க " என்றவுடன் இருவரும் சரி என்று புன்னகைத்தனர்.

" சரி சார் நான் கிளம்பிறேன் " என்று ரஸாஹ் கூற

" ஹலோ பாஸ் நீங்க மட்டும் சார் கூப்பிட்டா எப்படி ? " என்று சித்தீக் கேட்க

" அ...அது அப்ப சரி மச்சி எனக்கு நேரமாச்சு நான் கிளம்பிறேன் " என்றவனை பார்த்து " என்னது மச்சியா😳😳 ? " என்று சித்தீக் கேட்க

" நீங்க தானே சொன்னிங்க எங்களை மட்டும் சார் கூப்பிட்டா எப்படி ? அதான் மச்சி கூப்பிட்ட பிடிக்கலைன்னா சொலுங்க மாத்திக்கலாம் " என்று ரஸாஹ் சொல்ல , " இல்ல இல்ல இப்பிடியே கூப்பிடு நல்லா இருக்கு " என்று பாஸ்கர் சொல்ல அவனை தலையசைத்து விட்டு போய்ட்டு வரேன் வரேன் என்றுவிட்டு தன் அலுவலம் புறப்பட்டான் ரஸாஹ்.

ரஸாஹ்யின் இந்த குணத்தை வெகுவாக கவர்ந்தது இருவருக்கும். அவர்களும் தங்கள் கம்பெனிக்கு வந்தார்கள்.

ஷெஹனாஸ், என்ன ஆயிற்று என்று தெரியாமல் தவித்து கொண்டு இருந்தாள்.
அல்லாஹ்வின் மீது நம்பிக்கை போட்டு விட்டு பிற வேலைகளை கவனித்து கொண்டிருந்தாள்.

அவள் மனமோ ராஹிலாவை நினைத்தது . அவளை பார்க்க அவள் மனம் துடித்தது. ராஹிலாவின் மழலை சிரிப்பும் அவள் தன்னை அம்மா என்று அழைத்ததும் அவள் கண்முன் வர "ஏன் ராஹிலா என்னை அம்மா கூப்பிட்டா? " என்று அவள் மனம் கேட்க, கண்களை மூடியவாறு நாற்காலியில் சாய்ந்து யோசித்து கொண்டு இருந்தாள்.

மணி நான்கை எட்டியிருக்க , பாஸ்கரும் சித்தீக்கும் கம்பெனி வந்தனர்.

" என்ன சார் பிரச்சினை முடிச்சிடுச்சு தானே! " என்று இளங்கோ கேட்க , " பிரச்சினை சுலபமா முடிச்சிடுச்சு, ம்ம்ம் ஆமா மச்சி ஏன் தீப்தி ஷெஹனாஸை திட்டதும் உனக்கு அவ்வளவு கோபம் வந்திச்சு, அதுவும் கை ஓங்குற அளவுக்கு?.." என்று பாஸ்கரை பார்த்து கேட்டான் சித்தீக்.

" பின்னே தன்னோட குற்றத்தை மறக்க இன்னொருத்தர் மேல தப்பு சொல்றது பாவம்ல அதான் விட்ட இதுல என்ன தப்பு? " என்று பாஸ்கர் கேட்க

" அதுவும் சரிதான் "

" இளங்கோ ஷெஹனாஸ் எங்கே? " என்று சித்தீக் கேட்க

"அவங்க அறையில இருக்காங்க ஸார் " என்றவுடன் அவர்கள் மூவரும் அவள் அறைக்கு சென்றனர்.

" ஷெஹனாஸ்" என்ற பாஸ்கரின் குரலில் தன்னிலை வந்தவள் அவர்களை பார்த்து புன்னகைத்து , "வாங்க சார் " என்று வரவேற்றாள்.

"Jajakhallahu khair(அல்லாஹ் உங்களுக்கு உதவி செய்வானாக) இவ்வளவு பெரிய உதவிக்கு " என்று சித்தீக் சொல்ல

" ஆமீன் சார். சின்ன உதவி தான் சார். எல்லாம் அல்லாஹ்வோட செயல் "

" ஹான் ஷெஹனாஸ் நாளைக்கு மதியம் நமக்கு செல்வம் கம்பெனி எம்டி உடன் மீட்டிங்க இருக்கு அதுக்கு தேவையானதை உங்களுக்கு அனுப்புற பார்த்துக்கோங்க, " என்றான் சித்தீக்

" ம்ம்ம் சரிங்க சார் "

மூவரும் தங்கள் வேலையை பார்க்க தொடங்கினர். இளங்கோவிடம் ஒருசில கோப்பைகளை குடுத்து அதை சரிபார்க்க சொல்லி ஷெஹனாஸ்யிடம் கொடுக்குமாறு சொன்னான் சித்தீக்.

இளங்கோ அதை வாங்கிகொண்டு ஷெஹனாஸ் அறைக்கு சென்று அவளிடம் கொடுக்க அவளும் அதை வாங்கி கொண்டு அதை சரிப்பார்த்து கொண்டு இருந்தாள்.

அதில் ஒருசில திருத்தங்களை மட்டும் செய்துவிட்டு மணியை பார்க்க 5.45 எட்டியது. உடனே தன் உடமைகளை எடுத்துக்கொண்டு வீட்டிற்கு கிளம்பினாள். அந்த கோப்பை எடுத்து கொண்டு சித்தீகின் அறைக்கு சென்றவள், " சார் இந்த filelam பார்த்திட்டே ஒருசில மிஸ்டேக் தான் இருந்திச்சு அதையும் சரி பண்ணிட்டேன்" என்று கூறி இரு filesaium நீட்ட சித்தீக் ஆச்சரியத்துடன் அதை வாங்கி கொண்டான்.

" சார் நான் கிளம்பிறேன்" என்று ஷெஹனாஸ் சொல்ல , " ம்ம்ம் கிளம்புங்க ஷெஹனாஸ் " என்றான் பாஸ்கர்.

அவளின் திறமை அவர்களை சற்று பிரமிக்க வைத்தது. மிக குறுகிய காலத்தில் அவர்களின் நம்பிக்கையை ஈட்டிவிட்டாள், ஷெஹனாஸ்.

அவளின் திறமை பேச்சு என எல்லாமே வித்தியாசமாக இருந்தது. அவர்கள் இருவருக்குமே ஒரு வித நிம்மதி.

பாஸ்கர் தன் அலைபேசியை எடுத்து பார்த்தவன் , " டேய் இன்னிக்கி நான் செத்த டா மச்சி" என்றவுடன்

" ஏன்டா ?.."

" பிருந்தா தான் இருபது தடவை கால் பண்ணியிருக்கா , இந்த பிரச்சினையில போனை சைலட் மோடு போட்டேன், என்ன பண்ண போறாளோ நான் கிளம்பிறேன் டா " என்றவுடன் " சரிசரி கிளம்பு என்று சொன்னவுடன் பறந்துவிட்டான் தன் வீட்டிற்கு.

வீட்டிற்கு சென்றவன் பிருந்தா முன் நின்று தோப்புக்கரணம் போட்டு கொண்டே , " அம்மு ஸாரி டா இன்னிக்கி ரொம்ப முக்கியமான வேலை அதான் நீ அழைச்சது எனக்கு நெரியலை மன்னிச்சிடுடா " என்றவனை பார்த்து முறைத்து கொண்டு இருந்தாள் பிருந்தா.

" டேய் செம கோவத்தில இருக்க போய்டு!😬😬.."

" ஹே அம்மு மன்னிச்சிடு டி என் செல்லம் தானே 😩😩😩 " என்று அவன் கொஞ்ச அவளோ முடியாது என்று அடம்பிடித்து கொண்டிருந்தாள்.

அவன் மெதுவாக அவள் கன்னத்தில் இதழ் பதிக்க அவள் ஒரு நிமிடம் உறைந்தவள் உடனே தன்னிலை வந்து அவன் தலையில் கொட்டினாள்.

" பிசாசு எதுக்கு டி இப்ப கொட்டுன ? " என்று தலையை தேய்த்து கொண்டு கேட்க

" டேய் தம்..பி..." என்ற குரல் வர , " என்னடி என் அக்கா மாதிரி பேசுற " என்று பாஸ்கர் கேட்க , " அறிவு , பேசுனது உன் அக்கா தான் அங்க கொஞ்சம் திரும்பி பாரு " என்று பிருந்தா சொல்ல அவன் திரும்பி பார்க்க மொத்த குடும்பமும் அவனை முறைத்து கொண்டு இருந்தது.

" அத்தைக்கு மட்டும் தான் முத்தா கொடுப்பியா மாமா எனக்கு கொடுக்க மாட்டியா? "என்று அவன் அக்காவின் மூன்று வயது மகன் வினய் கேட்க

" டேய் பெரியவனே உனக்கு இல்லாமலா" என்று தூக்கி கொண்டு அவன் கன்னத்தில் முத்தம் கொடுக்க அவனும் தன் மாமாவிற்கு முத்தம் கொடுத்தான் அழகாய்.

" எப்பக்கா வந்தீங்க ? மாமா எங்க ? " என்று கேட்க

" காலையில பத்து மணிக்கு வந்தோம் . உன் மாமா இப்ப தான் வெளியே போனாரு. ஆமா நீ ஏன் போனை எடுக்கவே இல்லை " என்று அக்கா சம்யூக்தா கேட்க நடந்த அனைத்தையும் சொல்ல " இந்த காலத்தில பொண்ணுங்க பண்ணாத தப்புனா அதுதான் இப்ப அதுவுமா? " என்று நொந்தாள் பிருந்தா.

" நாம நொந்து போறது தான் மிச்சம். அந்த பொண்ணோட புத்திசாலி தனமும் அவளோட அண்ணனோட விவேகமும் தான் நம்ம கம்பெனி தப்புச்சு " என்று சம்யூக்தா சொல்ல , " உண்மை தான் க்கா" என்று பேசி கொண்டிருந்தார்கள்.

"சரி எல்லாரும் வாங்க சுட சுட சீடை முறுக்கு செஞ்சு வச்சு இருக்க சாப்பிடுவிங்க " என்று அம்மா புனிதா சொல்ல அனைவரும் அமர்ந்து சாப்பிட்டு கொண்டிருந்தார்கள்.

சரி வாங்க நாம அவங்களை பற்றி பார்ப்போம்.

பாஸ்கர் சித்தீக் இருவரும் பள்ளி முதல் இப்போது வரை நெருங்கிய நண்பர்கள். கல்லூரியிலும் இருவரும் ஒரே துறை எடுத்து இப்போது ஒன்றாக தொழிலையும் சேர்ந்தே நடத்தும் நண்பர்கள். இவர்கள் மட்டுமின்றி இவர்கள் பெற்றோர்களும் நல்ல நண்பர்கள்.

பாஸ்கரின் அம்மா புனிதா , ஓய்வு பெற்ற அரசாங்க ஊழியர். அப்பா லோகேஷ் ஓய்வு பெற்ற ஆசிரியர். பாஸ்கரின் அக்கா சம்யூக்தா , MBA முடித்துவிட்டு பாண்டியில் சொந்தமாக tailoring வகுப்பையும் நடத்துகிறாள். இவள் கணவர் மனோகர் , தனியார் பள்ளியில் வேதியியல் ஆசிரியராக பணியாற்றுகிறான். இவர்களின் செல்ல மகன் வினய் பாண்டியில் உள்ள பள்ளியில் எல்கேஜி படிக்கிறான். பிருந்தா , நம் பாஸ்கரின் காதல் மனைவி. பெற்றோர்கள் பார்த்து செய்த திருமணம் என்றாலும் அவர்களின் காதலுக்கு அளவே இல்லை என்றே கூறலாம். பிருந்தா இளங்கலை ஆங்கிலம் படித்து விட்டு வேலை வேண்டாம் என்றுவிட்டு வீட்டில் இருக்கிறாள்.

பாஸ்கர் பலமுறை சொல்லியும் வேண்டாம் என்று மறுத்து விட்டாள். அவளின் முழு உலகமும் பாஸ்கர் மட்டுமே. சிறுவயதில் தாய் தந்தை இறந்து விட தன் சித்தி சித்தப்பாவின் அரவணைப்பில் வளர்ந்தவள் பிருந்தா. சித்தி சித்தப்பா அவளை அம்மா அப்பா இவ்லை என்ற ஏக்கம் அவளுக்கு ஒருபோதும் காட்டியதில்லை அவளின் சித்தி சித்தப்பா. அதை விட பன்மடங்கு அதிகமாக பாஸ்கர் அவளை பார்த்து கொள்கிறான்.

வீட்டிற்கு வந்த ஷெஹனாஸ் இன்று நடந்ததை யோசித்து கொண்டு இருந்தாள் . அல்லாஹ்விற்கு நன்றி செலுத்தி விட்டு இஷா தொழுதுவிட்டு சீக்கிரமே உறங்கி விட்டாள்.

அவளை சாப்பிட அழைக்க வந்த ரக்ஷனா அவள் தூங்குவதை பார்த்து கொண்டு இருந்தாள். " ஹே பொம்மை என்ன ஷெஹனாஸ் சாப்பிட கூடிட்டு வரேன் சொல்லிட்டு இங்க நிக்கிற?" என்று ரஸாஹ் கேட்க

" ஷ்ஷ்ஷ் அவள் தூங்குறாள் " என்று ரக்ஷனா சொல்ல , " மேடம் இவ்வளவு சீக்கிரமா தூங்கிடாங்க அவ்வளவு களைப்பு "

" தூக்கத்தில கூட அழகா சிரிக்கிறா பாரேன் ரஸாஹ்" என்று ஷெஹனாஸ் தலையை வருடி அவள் நெற்றியில் முத்தமிட்டாள் ரக்ஷனா.

அவளின் அன்பை கண்டு மனமகிழ்ந்தவன், " ம்ம்ம் ஆமா. சரிவா நாம போய் சாப்பிட்டு தூங்குவோம் " என்று இருவரும் சாப்பிட்டு விட்டு உறங்கினர்.

சித்தீக் இன்று நடந்தவைகளை அசை போட்டான். ஷெஹனாஸ் மற்றும் ரஸாஹ் செய்த உதவி எப்போதும் அவன் மறக்க மாட்டான். ஷெஹனாஸின் புத்தி கூர்மை திறமை இதெல்லாம் அவனை ஒரு நிமிடம் ஆட வைத்துவிட்டது. இறைவனுக்கு நன்றி செலுத்தியபடி உறங்கி போனான் தன் செல்ல மகளோடு.

நாட்கள் நல்லபடியாக சென்று கொண்டிருக்கிறது அனைவருக்கும் . தன் வலிகளை தற்காலிகமாக மறந்து இருந்தாள் ஷெஹனாஸ். ஷெஹனாஸ் வேலை செல்வதில் உஸ்மான் சற்று நிம்மதி அடைந்தார்.

சித்தீக் பாஸ்கர் ரஸாஹ் மூவரும் நண்பர்களாகி விட்டனர். ஷெஹனாஸ், மனம் அவ்வப்போது ராஹிலாவை நினைத்தது.

அன்று சித்தீக் ஷெஹனாஸ் இருவரும் அலுவலக விஷயங்களை பேசி கொண்டிருக்க பாஸ்கர் வேறு ஒரு சிந்தனையில் இருந்தான். அவனுக்கு ஒரு யோசனை தோன்றியது . அந்த யோசனை என்ன ?

தொடரும்

Stay tune​

 

[ஷமீம் பானு]

08. இதயம் கேட்கும் காதல்



நாட்கள் அதன் போக்கில் நகர , அன்று ஷெஹனாஸீம் சித்தீக்கும் அலுவலக வேலை விஷயமாக பேசி கொண்டிருப்பதை கவனித்த பாஸ்கருக்கு ஒரு யோசனை தோன்றியது.

அவனுக்கு ஏன் அப்படி ஒரு யோசனை தோன்றியது என்றெல்லாம் தெரியவில்லை ஆனால், அந்த யோசனை கண்டிப்பாக சரிவரும் என்று தோன்றியது. அதை செயல்படுத்த தொடங்கினான்.

பாஸ்கர் உடனே தன் வண்டியை சித்தீக் வீட்டிற்கு செலுத்தினான்.

" அத்தை மாமா எப்படி இருக்கிங்க?.." என்று கேட்டு கொண்டே உள்ளே நுழைந்தான் பாஸ்கர்.

" அல்ஹம்துலில்லாஹ் நல்லா இருக்கோம் " என்று லியாக்கத் சொல்ல

" டேய் பெரிய மனிஷா இப்ப தான் உனக்கு எங்களை பார்க்கனும் தோனிச்சா? " என்று ஆரிஃபா செல்லமாக சண்டையிட

" அப்படி எல்லாம் ஒன்னுமில்லை அத்தை, கொஞ்சம் வேலை அதிகம் அதான்" என்றான் சமையலறையில் ஆரிஃபா செய்த முறுக்கை சுவைத்த படி .

" சரி பாஸ்கர் வீட்டில எல்லாரும் எப்படி இருக்காங்க?" என்று லியாக்கத் கேட்க

" ம்ம்ம் எல்லாரும் நல்லா இருக்காங்க " என்றான்.

" ஏன்ப்பா நீயாவது சித்தீக் கிட்ட சொல்லலாம்ல இன்னொரு கல்யாணம் பண்ணிக்க சொல்லி "என்று ஆரிஃபா சொல்ல

" அதை பற்றி பேச தான் அத்தை நான் வந்தேன் "

" என்ன சொல்றப்பா? அவன் கல்யாணத்திற்கு சம்மதம் சொல்லிட்டானா?.." என்று லியாக்கத் ஆர்வமாக கேட்க

" ஹூம் அதே ஏன் மாமா கேட்கிறிங்க? அதை பற்றி பேசினால முறைக்க ஆரம்பிச்சிடுறான், என்னை என்ன பண்ண சொல்றிங்க?.."

" அப்றம் என்ன ?.."

" மாமா அவனை பேசி சம்மதிக்க வைக்கிறது என் பொறுப்பு . நீங்க சரின்னு சொன்னிங்கனா மேற்கொண்டு பேசலாம் " என்று பாஸ்கர் சொல்ல

"சரி சொல்லுப்பா " என்றார் லியாக்கத்.

பாஸ்கர் ஷெஹனாஸ் பற்றி கூறி அவளின் படத்தையும் காட்ட அவர்களுக்கு பிடித்து விட்டது. அவர்களுக்கு அவள் அழகில்லை என்ற எண்ணமே தோன்றவில்லை. அவர்களின் மனதில் ராஹிலாவிற்கு நல்லா அம்மாவாக இருப்பாள் என்றே தோன்றியது.

" எங்களுக்கு பொண்ணு பிடிச்சிருக்கு பாஸ்கர் , அவங்க வீட்டில கேட்டு சொல்லு " என்றவுடன் "ம்ம்ம் சரி அத்தை நான் சொல்றேன் பாப்பா எங்கே ? " என்னு ராஹிலாவை தேட

" அவள் தூங்கிட்டு இருக்காள் ப்பா " என்று ஆரிஃபா சொல்ல அவன் அறைக்குள் சென்று அந்த பிஞ்சை எழுப்பாதவாறு அவளை கொஞ்சி விட்டு சென்றான் பாஸ்கர்.

"ரஸாஹ் உனக்கு இப்ப வேலை இருக்கா? " என்று பாஸ்கர் அலைபேசியின் வாயிலாக கேட்க

" இல்லை பாஸ்கர், ஏன் எதாவது முக்கியமான விஷயம் பேசனுமா?" என்று ரஸாஹ் கேட்க

" ஆமா டா பூங்காக்கு வர முடியுமா?" என்றவுடன்.

" வரேன் பாஸ்கர் " என்று விட்டு அழைப்பை வைத்து விட்டு கிளம்பினான்.

பூங்காவில் பாஸ்கர் அமர்ந்து இருக்க, சிறிது நேரத்தில் ரஸாஹ் அங்கு வந்து சேர்ந்தான்.

" வந்து ரொம்ப நேரம் ஆயிடுச்சா? " என்று கேட்டு கொண்டே அமர்ந்தான் ரஸாஹ்.

"இல்லை ரஸாஹ் கொஞ்ச நேரம் தான் ஆகுது" என்று சொன்னான்

" ம்ம்ம் சொல்லு பாஸ்கர் " என்றவுடன் அவன் தயங்கியபடி அமர்ந்திருக்க , " ஏய் ஏதோ பேசனும் சொன்ன?.." என்று கேட்டவுடன்

" அது சித்தீக்கும் உன் தங்கச்சிக்கும் கல்யாணம் பண்ணி வைச்சா என்ன? " என்று தன் எண்ணத்தை சொல்லிவிட்டு ரஸாஹ்யை பார்க்க அமைதியாக இருந்தான்.

"ரஸாஹ் நான் எதாவது தப்பா கேட்டுன்னா? " என்று பாஸ்கர் சொல்ல

" அதெல்லாம் இல்லை பாஸ்கர் நானே இதை பற்றி பேசனும் நினைச்சேன் நீயே பேசிட்ட " என்றவுடன் அவன் ஆச்சரியமாக பார்த்தான் ரஸாஹ்யை.

"என்ன பாஸ்கர் அப்படி பார்க்கிற? " என்று கேட்டுவிட்டு அவனே பேசினான், " ஷெஹனாஸ் ராஹிலாவை தான் பொண்ணாவே நினைக்க ஆரம்பிச்சிட்டாள், தூக்கத்தில் ராஹிலா ராஹிலா சொல்றதை கேட்டு இருக்க, அது மட்டுமல்லாமல் எனக்கு நிறைய தடவை தோனும் ஏன் இவள் ராஹிலாவுக்கு அம்மாவா மாற கூடாது? ஆனா எப்படி பேசுறது தெரியாமலேயே விட்டு விடுவேன்" என்றான்.

" சரி நீ உன் வீட்டில பேசிட்டு சொல்லு , சித்தீக் அப்பா அம்மாக்கு ஷெஹனாஸை ரொம்ப பிடிச்சு போச்சு. நான் சித்தீக்கிட்ட பேசி சம்மதம் வாங்கிற " பாஸ்கர் சொல்ல " ம்ம்ம் சரி வா ஒரு டீ சாப்பிட்டு போவோம் "என்று ரஸாஹ் சொல்ல இருவரும் டீ குடித்து விட்டு அவர்கள் விடைபெற்று சென்றனர்.

வீட்டுக்கு வந்த ரஸாஹ், " அப்பா அம்மா ரக்ஷனா உங்க கிட்ட முக்கியமான ஒரு விஷயம் பேசனும் " என்று கூற

" சொல்லுப்பா என்ன விஷயம்" என்று உஸ்மான் கேட்க

" அப்பா உங்களுக்கு ஷெஹனாஸ் எம்டி தெரியும் தானே "

" ம்ம்ம் தெரியும் ரஸாஹ். ரொம்ப நல்ல பையன் " என்று உஸ்மான் சொல்ல

" ம்ம்ம் அவருக்கு நம்ம ஷெஹனாஸை மணமுடித்து வைக்கலாமே ப்பா. ராஹிலாவுக்கு நல்ல அன்பான அம்மாவும் நம்ம ஷெஹனாஸ் இருப்பா, சித்தீக்கு ஒரு நல்ல மனைவியா இருப்பா " என்று ரஸாஹ் சொல்ல

" டேய் ..." என்று அவர் தயங்க

" ஏன் ப்பா தயங்கிறிங்க? சித்தீக் நல்ல பையன் அவன் நம்ம ஷெஹனாஸூக்கு பொருத்தமானவன் தான் ப்பா "

" ஆமா அவன் சொல்றதும் சரிதானே முதல் தாரமோ ரொண்டா தாரமோ எதுவா இருந்தா என்ன? அவள் இந்த வீட்டை விட்டு போனா போதும் " என்று ஆயிஷா சொல்ல அவரை முறைத்து விட்டு , " ஏன் ப்பா எப்ப பார்த்தாலும் அம்மா , ஷெஹனாஸை விரோதியாவே பார்க்கிறாங்க ? " என்றவனிடம் , "அவ புத்தியே இப்படி தான் விடு, சரி நீ ஷெஹனாஸ் கிட்ட பேசிட்டு அவ என்ன சொல்றாள் சொல்லு மேற்கொண்டு பேசலாம் " என்று அப்பா சொன்னவுடன

"அப்போ உங்களுக்கு சம்மதமா அப்பா?" என்று கேட்டவனிடம் , " சம்மதம் தான் ரஸாஹ், நல்ல பையன் நல்ல குடும்பம் அது போதும் எல்லாத்துக்கும் மேலே எனக்கு பேத்தி ஒருத்தி கிடைச்சிட்டா வேற என்ன வேண்டும் " என்று அவர் சந்தோஷமாக சொன்னார்.

"ஷெஹனாஸ் இதுக்கு சம்மதிப்பாளா?" - ரக்ஷனா

"சம்மதிப்பா நம்புற " - ரஸாஹ்

" சம்மதிக்கவில்லை என்றால்? " - ஆயிஷா

" ம்ம்ம் நீங்க வாய திறக்காம இருந்தாலே போதும் " - ரஸாஹ்

" நான் ஏன் திறக்க போறேன் " - ஆயிஷா

" அப்படியே இருங்க " - ரஸாஹ்

" ஏன் ரஸாஹ் அவள் சம்மதிக்கவில்லை என்றால் " - உஸ்மான்

" நல்லதே நினைப்போம் , சரி அப்பா இன்னிக்கி ஷெஹனாஸ் வந்த உடனே நான் பேசுறேன் "என்று விட்டு தன் அறைக்கு சென்றான்.

"ரஸூ ஷெஹனாஸ் கிட்ட எப்ப இதை பற்றி பேச போற? " என்று ரக்ஷனா கேட்க

" இன்னிக்கி ராத்திரியே பேசிட வேண்டியது தான் "

" இந்த கல்யாணத்திற்கு சம்மதிக்கவில்லை என்றால்?"

" ஹே லூசு எதுக்கு இப்ப எடுத்ததும் எதிர்மறையா யோசிக்ககற? " என்று ரஸாஹ் முறைக்க

" அதுக்கு இல்லை ரஸாஹ் " என்று அவள் ஏதோ சொல்ல முனைய

" என்ன அது இல்லை இது இல்லை உன் வேலை என்னவோ அதை மட்டும் பாரு , என்ன பண்ணனும் எனக்கு தெரியும்" என்று கோபத்தோடு வெளியே சென்றுவிட்டான் ரஸாஹ்.

ரஸாஹ் திட்டியதில் மிரண்டு விட்டாள் ரக்ஷனா. அவள் கண்களில் தானாகவே கண்ணீர் வர தொடங்கியது.

அவள் நேரம் தெரியாமல் அழுது கொண்டே இருந்தாள்.

வீட்டிற்கு வந்த ஷெஹனாஸ் முதலில் தன் அண்ணி ரக்ஷனாவை காண சென்றாள்.

விளக்கை போடாமல் இருட்டில் அமர்ந்திருந்து அழுது கொண்டு இருந்தாள் , ரக்ஷனா.

"அண்ணி ஏன் இருட்டிலே உட்கார்ந்திருக்காங்க , இப்படி இருக்க மாட்டாங்களே! என்னாச்சு தடியன் எதாவது திட்டிடானோ! " என்று எண்ணிக்கொண்டு அண்ணி என்றழைத்த படி விளக்கை போட்டாள் ஷெஹனாஸ்.

அவள் வந்ததை உணர்ந்தவள் தன் கண்களை துடைத்து கொண்டு , " ஷெஹனாஸ் எப்ப வந்த ? " என்று கேட்டாள்.

ரக்ஷனா அழுவதை தன்னிடம் மறைக்கிறாள் என்பதை புரிந்து கொண்ட ஷெஹனாஸ், " அண்ணி எதுக்காக அழுதிங்க? " என்று கேட்க

" நான் எ..எங்க ஷெஹனாஸ் அழுத?" என்று மறைக்க

" பொய் சொல்லாதிங்க அண்ணி. உங்களை பற்றி எனக்கு தெரியாதா? என்ன நடத்திச்சுன்னு சொல்றிங்களா இல்லை நானே " என்று கூறுவதற்குள் , " இல்ல ஷெஹனாஸ் நான் சொல்லிடுறேன் "என்றாள.

" இன்னிக்கி உங்க அண்ண சீக்கிரமா வந்துட்டார் வெளியே அழைச்சிட்டு போங்க சொன்ன முடியாது சொல்லி திட்டிடாறு " என்று கூறியவளை சற்று ஆழமாக பார்த்தவள்," அண்ணா உங்களை திட்டுனது மட்டும் உண்மை ஆனா திட்டுனதுக்கு காரணம் இது இல்லை எனக்கு நல்லாவே தெரியும்", ம்ம்ம் என்று பெருமூச்சு விட்டவள், " அண்ணி உங்களுக்கு பொய் சொல்ல தான் வரவில்லை அப்புறம் எதுக்கு முயற்சி பண்றிங்க , எதுவா இருந்தாலும் அண்ணா வரட்டும்" என்று விட்டு தன் அறைக்கு சென்றாள்.

தான் சொன்னது பொய் என்பதை புரிந்து கொண்ட ஷெஹனாஸிடம் என்ன சொல்வதென்று தெரியாமல் முழித்து கொண்டு இருந்தாள். அவள் சென்ற பின் அல்லாஹ் என்று தன் தலையில் கைவைத்து கட்டிலில் அமர்ந்தாள் ரக்ஷனாவை.

தவறு செய்தால் கூட திட்டாமல் பொறுமையாக தன் தவறை சுட்டிகாட்டும் தன்னவன் இன்று முதல்முறையாக திட்டிவிட்டான் அதுவும் எந்த காரணமும் இன்றி என்று நினைத்தவளின் கண்கள் இன்னும் குளமாக நின்றது கண்ணீர்.

ரஸாஹ் வருவதை பார்த்த ஷெஹனாஸ், " டேய் தடியா நில்லுடா நாயே! " என்று ரஸாஹ் திட்ட

" என்ன இன்னிக்கி நமக்கு மரியாதை எல்லாம் பலமா இருக்கே? என்னவா இருக்கும்? " என்று நினைத்து கொண்டே , " என்ன ஷெஹனாஸ் மா மரியாதை எல்லாம் ரொம்ப பலமா இருக்கு " என்று கேட்டான்.

" நீ பண்ண வேலைக்கு உன் கையை உணைச்சு இருக்கனும் "

" நான் என்ன பண்ண? "

" எதுக்கு அண்ணியை திட்டின?" என்று கேட்டவுடன் தான் தான் அவளை திட்டியது நியாபகம் வர , " அது.." என்று இழுத்தான் ரஸாஹ்.

" போதும் ண்ணா, அண்ணி பாவம் , அவங்க மேல தப்பில்லை மட்டும் புரியுது , எதுக்கு திட்டுன? அதுவும் அவங்க கன்சிவா இருக்கும் போது , அறிவில்லை உனக்கு ! " என்று அவள் தன் ஆசை போக திட்டினாள்.

" ஏய் போதும் நிறுத்து , இனி உன் அண்ணியை திட்டவே மாட்டேன் போதுமா " என்று ரஸாஹ் கூற , " ஹான் அது" என்றாள்.

" சரி ஷெஹனாஸ் உன் கிட்ட கொஞ்சம் பேசனும் முக்கியமான விஷயம்" என்று ரஸாஹ் சொல்ல

" என்ன விஷயம் ரஸாஹ் ?" என்று ஷெஹனாஸ் கேட்க, " உன் கல்யாணத்தை பற்றி தான்" என்றவுடன்.

" அண்ணா போதும் எனக்கு இந்த கல்யாணம் இதுல இருக்க ஆசை கனவு எதுவுமே இல்லை. இதை பற்றி பேசாதே" என்று தன் வலிகளை மறைத்து சொன்னாள் , ஷெஹனாஸ்.

" ஷெஹனாஸ் கொஞ்ச நான் சொல்றத கேளுடா " என்று அவன் பொறுமையாக சொல்ல

" என்ன ரஸாஹ் சொல்ல வர இப்போ கடைசி காலத்தில உனக்கு ஒரு துணை வேண்டும் தானே சொல்ல வர, உங்க எல்லாருக்கும் தொல்லையா இருந்தா சொல்லுங்க நான் எங்கையாவது போய்டுறேன் " என்று கூறியவளின் கன்னத்தை பதம் பார்த்தது உஸ்மானின் கை.

" அப்பா எதுக்கு அவளை அடிச்சிங்க? " என்று தன் தங்கைக்கு பரிவாக பேச, " பின்ன என்ன ரஸாஹ் என்ன சொல்ல வரோம் கேட்க மாட்டா, ஆனா இவள் சொல்றதும் மட்டும் நாம கேட்கனும்" என்று கோபமுற்றார்.

இதுவரைக்கும் தன்னை அடிக்காத தன் தந்தை இன்று அடித்துவிட்டார் என்பது அவளுக்கு வலித்தது.

"எல்லாம் வேலைக்கு போற திமிரு " என்று உஸ்மான் சொல்ல அவளுக்கு மொத்த இதயமும் வெடித்து விட்டது போன்ற ஒரு உணர்வு. அதையெல்லாம் தனக்குள்ளே மறைத்து விட்டு , "எனக்கு இந்த கல்யாணத்தில சம்மதம் " என்று சொல்லி விட்டு சிறிது நேரத்திற்கு பிறகு, " எனக்கு மாப்பிள்ளை மட்டும் யார் சொல்லுங்க "என்றாள்.

" உன் எம்டி சித்தீக் " என்று சொன்னவுடன் அவளுக்கு என்ன சொல்வதென்று தெரியாமல் அமைதியாக சரி என்று சொல்லிவிட்டு தன் அறைக்கு சென்று விட்டாள்.

" ரஸாஹ் சித்தீக் சம்மதம் சொன்ன அடுத்த நாள் நம்ம வீட்டுக்கு வந்து பேச சொல்லு " என்றுவிட்டு உஸ்மான் கீழே சென்றார்.

தன் தந்தை நடந்து கொண்ட விதம் ரஸாஹ் மிகவும் கோபத்தை ஏற்படுத்தியது. ஆனால் எதுவும் பேசாமல் அமைதியாக இருந்துவிட்டான் .

யாரும் எதுவும் பேசாமல் அமைதியாக சாப்பிட்டு விட்டு உறங்கினர். ஆனால் ஷெஹனாஸ்க்கோ தூக்கம் வரவில்லை, தொழுகையில் மனநிம்மதியை தேடியவள் நிம்மதியோடு, தெளிவும் கிடைத்தது.

ராஹிலாவுக்கு தான் அம்மாவாக மாறுவதில் அவளுக்கு எல்லையற்ற மகிழ்ச்சி. தன் அப்பா பேசியது நினைவிற்கு வர, மனம் வலித்தது. மனதில் வலியுடனே தூங்கி விட்டாள், ஷெஹனாஸ்.

சித்தீக் நாளை முதல் தன் வாழ்வில் ஏற்படும் மாற்றங்களை தெரியாமல் உறங்கி கொண்டிருந்தான்.

பார்ப்போம் என்ன நடக்கும் என்று???

தொடரும்

staytuned💕💕​

 

[ஷமீம் பானு]

💕09. இதயம் கேட்கும் காதல்💕

காலையில் தொழுதுவிட்டு அலுவலகத்திற்கு கிளம்பி கொண்டிருந்த சித்தீக்கிற்கு, தெரியவில்லை அல்லாஹ் அவனுக்கு அமைக்க இருக்கும் வாழ்க்கை பற்றி.

அல்லாஹ்விறக்கு தெரியாதா என்ன ? தன் அடியானுக்கு எதை எப்போது எந்நேரத்தில் கொடுக்க வேண்டும் என்று. ஏன் என்றால் அல்லாஹ்வின் பாசமானது ஏழு தாய்களின் பாசத்தை காட்டிலும் மேலானது அல்லவா?.

"மாமா சித்தீக் எங்கே?", என்று கேட்டு கொண்டே உள்ளே வந்தான் பாஸ்கர்.

" அவன் அறையில் இருக்கிறான் பாஸ்கர்" ,என்று நாளிதழ் படித்து கொண்டு இருந்தார் , லியாக்கத்.

"சரி மாமா நான் போய் பேசுறேன் " என்று பாஸ்கர் உள்ளே சென்றான்.

அவன் அறை கதவை தட்ட , " திறந்து தான் இருக்கு உள்ள வாங்க " என்று சித்தீக் சொல்ல அவன் உள்ளே சென்றான்.

" என்ன மச்சி காலையில இந்த பக்கம்! என்ன விஷயம்? " என்று ராஹிலாவிற்கு உடை அணிந்தவாறு கேட்டான் சித்தீக் .

" உன் கிட்ட ஒரு முக்கியமான விஷயம் பேசனும் சித்தீக் " என்று சொல்ல, அவனை ஒரு முறை பார்த்து விட்டு ,

" என்ன விஷயம் பாஸ்கர்? " என்று சித்தீக் கேட்க

" அது உன் கல்யாணத்தை பற்றி தான் " என்றவுடன் சித்தீக் முகம் மாறியது.

" என்ன டா அமைதியா இருக்க? " - பாஸ்கர்

" எதுக்குடா? காலையில இந்த பேச்சு? " - சித்தீக்

" உன் வாழ்க்கை எனக்கு முக்கியம் சித்தீக் " - பாஸ்கர்.

" என் பொண்ணு தான் என் வாழ்க்கை " , என்று அழுத்தமாக கூறினான் சித்தீக்.

" உன் பொண்ணு வாழ்க்கைக்கு தான் இன்னொரு கல்யாணம் பண்ணிக்கோ சொல்றேன் " - பாஸ்கர்

" முடியாது பாஸ்கர் " - சித்தீக்

" ஏன் முடியாது ? " - பாஸ்கர்

" ஏன்னா என்னால தமீஸ் மறக்க முடியலை டா " - சித்தீக்

" போதும் டா விட்டு போனவளை நினைச்சிட்டு எதுக்கு டா உன் வாழ்க்கையை வீணாக்கேற " என்றவுடன்

" என்ன டா சொன்ன? "

என்று கோபத்தோடு அவன் சட்டையை பிடித்து ,

" காதல்ன்னா என்னன்னு தெரியுமா உனக்கு? " என்று ஆவேசமாக கேட்டவனின் கையை விடுவித்து

" தெரியும் காதல் என்றால் என்ன என்பது எனக்கும் தெரியும் சித்தீக் ! ஏன்னா எனக்கும் தேவதை மாதிரி மனைவி இருக்காள். அது இருக்கட்டும் நீ உண்மையா தான் காதலிச்ச ஆனா தமீஸ்?..." என்று கேள்வியாக சித்தீக்கை பார்க்க

" ..."

சித்தீக் அமைதியாக இருப்பதை கண்ட பாஸ்கரின் மனம் வலித்தது.

" மச்சி மன்னிச்சிடு டா. நான் அப்படி பேசி இருக்க கூடாது" என்று பாஸ்கர் சொல்ல அவனை அணைத்து கொண்டு

"மன்னிச்சிடு டா நானும் அப்படி பேசி இருக்க கூடாது " என்று சித்தீக் கூற

" விடு சித்தீக் நீதானே பேசின. ஆனா ஒன்னு சித்தீக், ராஹிலாவை நினைச்சு பாருடா ,குறிப்பிட்ட வயசு வரைக்கும் தான்டா அவளால உன்கிட்ட எல்லாமே சொல்ல முடியும் ஒரு வயசுக்கு மேல அவளால ஒரு சில விஷயங்களை வெளிப்படையாக பேச முடியாது டா அம்மா ஒருத்தி இருந்தால், அவளுக்குள் ஏற்படும் மாற்றங்களை உன்னால புரிந்து கொள்ள முடியாது ஆனால் ஒரு தாயால முடியம். தாய் இல்லாமல் ஒரு பிள்ளையை வளர்க்கிறது ரொம்ப கஷ்டம் சித்தீக். புரிஞ்சிக்கோ " என்று ராஹிலாவை அவனிடம் கொடுத்து விட்டு வெளியே செல்ல எத்தனிக்கும் போது,

" எனக்கு கல்யாணத்தில சம்மதம் பாஸ்கர் " என்றதும்

"சந்தோஷம் டா " என்று அணைத்து கொண்டான்.

" சரி பொண்ணு " என்றவுடன்

" அதெல்லாம் ரொம்ப யோசிக்காத ஷெஹனாஸ் தான் உனக்கு பார்த்திருக்க பொண்ணு " - பாஸ்கர்

" டேய் அவள் சின்ன பொண்ணுடா ! " - சித்தீக்

" இல்லை சித்தீக் நம்ம ராஹிலாக்கு ஒரு நல்ல அம்மாவா ஷெஹனாஸால மட்டும் தான் இருக்க முடியும் " -

பாஸ்கர் அழுத்தமாக சொல்லவும்
பாஸ்கரின் அலைபேசி அடிக்கவும் சரியாக இருந்தது. அதை எடுத்து பார்த்தவன் , "ரஸாஹ் தான் சித்தீக் " என்று விட்டு காதில் வைத்தான்.

" சொல்லு ரஸாஹ் " - பாஸ்கர்

" பாஸ்கர், ஷெஹனாஸ் கல்யாணத்திற்கு சம்மதம் சொல்லிட்டாள் "

என்று ரஸ்ஹ் சொன்னதும் பாஸ்கரின் மகிழ்ச்சிக்கு அளவே இல்லை எனலாம்.

" சரி ரஸாஹ் , இங்க சித்தீக்கும் சரி சொல்லிட்டான் , நான் வீட்டில பேசிட்டு சொல்றேன் " என்றவுடன்

" சரி பாஸ்கர் " என்று அலைபேசியை துண்டித்து விட்டு

"மாமா , அத்தை சித்தீக் கல்யாணத்திற்கு சம்மதம் சொல்லிட்டான் அதேமாதிரி ஷெஹனாஸூம் சம்மதம் சொல்லிட்டாள் "

என்றவுடன் லியாக்கத் ஆரிஃபா இருவரும் அடைந்த மகிழ்ச்சிக்கு அளவே இல்லை.

"அல்ஹம்துலில்லாஹ் பொண்ணு வீட்டில் நாளைக்கு போய் பேசலாம் "

என்று ஆரிஃபா சொன்னதும் அனைவரும் அதுவே சரி என்று முடிவெடுத்தனர்.

ஏழு மணிக்கெல்லாம் கீழே வரும் ஷெஹனாஸ் இன்னும் வராததை கண்ட ரக்ஷனா அவள் அறைக்கு வந்தாள்.

அங்கு ஷெஹனாஸ் , கீழே செல்ல சிறிதும் விருப்பமில்லை. அதனால் கிளம்பி விட்டு தனக்கு பிடித்த புத்தகத்தை எடுத்து படித்து கொண்டிருந்தவள் அதிலே லயித்து விட்டாள்.

ஷெஹனாஸ் என்ற ரக்ஷனா குரல் கேட்டவுடன்,

" வாங்க அண்ணி "

" என்ன கீழே வரலையா? " என்று கேட்டவுடன் ஷெஹனாஸ் ஒரு புன்னகை சிந்தினாள்.

அந்த புன்னகையில் ரக்ஷனாவால் உணர முடிந்தது அதில் இருந்த வலிகளை.

ரக்ஷனா , "ஷெஹனாஸ் எல்லாமே ஒரு நாள் மாறும் அல்லாஹ் மாற்றுவான் " என்று அவள் கூற

" அந்த நம்பிக்கையில தான் அண்ணி என் வாழ்க்கை போய்ட்டு இருக்கு. விடுங்க அண்ணி நான் புலம்பி என்ன ஆக போது. எல்லாமே நல்லதுக்கு எடுத்துட்டு போய்ட்டே இருக்கனும் அண்ணி. அல்லாஹ் என்கூட எப்பவுமே இருக்கான் அண்ணி அவன் பார்த்துப்பான் என்னை. அதனால எனக்கு எந்த கவலையும் இல்லை "

என்று சொன்னவளை என்ன சொல்வதென்று தெரியாமல் பார்த்து கொண்டு இருந்தாள்.

" அல்லாஹ் இவள் வாழ்க்கையில் சந்தோஷத்தை கொடு அல்லாஹ் "

என்று மனதில் தன் நாத்தனாருக்காக துஆ கேட்டாள் ரக்ஷனா.

" அண்ணி குட்டி பாப்பா என்ன சொல்றாள்? " என்று ஷெஹனாஸ் கேட்க

" உன் குட்டி பாப்பா , அவங்க அத்தைக்கு சீக்கிரம் கல்யாணம் ஆகனுமா ! அவங்க அத்தை சந்தோஷமா இருக்கனுமா என்கிட்ட சொல்றாள் " - ரக்ஷனா சொன்னதும்

" ஹே குட்டி பாப்பா நீங்க அப்படியா சொன்னிங்க ? உன் அத்தை இங்க சந்தோஷமா இருக்க . கூடிய சீக்கிரம் அத்தைக்கு கல்யாணம் நீங்க வெளியே வரும் போது உங்க கூட விளையாட ஒரு குட்டி பாப்பா இருப்பாங்க நீங்க சமத்தா இருக்கனும் புரியுதா ! அம்மாவை எந்த தொல்லையும் கொடுக்க கூடாது ! உனக்கு தொல்லை பண்ணும் வை உன் அப்பா தொல்லை பண்ணு சரியா! " என்று அந்த குழந்தையிடம் பேசி கொண்டிருந்தாள்.

இதையெல்லாம் கவனித்து கொண்டிருந்த ரக்ஷனா கண் கலங்கியது. தன் அக்கா தம்பி கூட இவ்வளவு அன்பாக இருந்ததில்லை ஆனால் இவள் என்று நினைக்கும் போதே அவள் கண்கள் கலங்கின.

"அண்ணி எதுக்கு கண்கலங்குறிங்க? " என்று ஷெஹனாஸ் கேட்க

" எற் அக்கா தம்பி கூட என் மேல இவ்வளவு அன்பா இருந்ததில்லை ஷெஹனாஸ் ஆனா நீ ..." என்று அவளை அணைத்து கொண்டவளை

" உங்ககிட்ட ஒன்னு சொல்லவா சின்ன வயதில் இருந்து நான் அழகா இல்லை சொல்லி அம்மா என்னை ஒதுக்கி வச்சிட்டாங்க . ஆனா எனக்கு அது ஒரு பெரிசா தெரியலை. கொஞ்சம் கஷ்டமா இருக்கும் ஆனா அப்பா அண்ணா ரெண்டு பேரும் சேர்ந்து அந்த கவலையை போக்கிடுவாங்க. அம்மா பாசம் கிடைச்சதும் இல்லை . நீங்க வந்த பிறகு, அதை எல்லாமே உணர்ந்த அண்ணி. நீங்க கிடைச்சது தான் அண்ணி இந்த உலகத்தில நான் அடைந்த முதல் சந்தோஷமே " என்றவுடன்

" என்னை அவ்ளோ பிடிக்குமா ? ஷெஹனாஸ்"

"ரொம்ம்ம்ம்ம்ம்ம்ம்ம்ம்ம்ப ரொம்ப " என்று சந்தோஷமாக கூறினாள் ஷெஹனாஸ்.

" ஹே நேரம் ஆயிடுச்சு ஷெஹனாஸ், சாப்பிடலையா? " என்று ரக்ஷனா கேட்க

" இனிமேல் தான் சாப்பிடனும் அண்ணி சரி இருங்க புர்கா போட்டு வரேன்..."என்று புர்காவை மாட்டி கொண்டிருந்தாள்.

மேலே சென்ற ரக்ஷனா இன்னும் கீழே வராததை கண்ட ரஸாஹ் தான் மேலே வந்தவன் இருவரும் பேசியதை கேட்டு அங்கே நின்றான்.

தன் தங்கையின் மனதின் வலிகளை கேட்டவனுக்கு அவனை அறியாமலே கண்கள் கலங்கியது. இருவரும் வெளியே வருவதை உணர்ந்த ரஸாஹ் தன் கண்களை துடைத்து கொண்டான்.

தன்னவனை முறைத்து கொண்டே சென்றாள் ரக்ஷனா. அவள் முறைப்பின் காரணம் புரிந்தவன் அமைதியாக இருந்தான்.

அனைவரும் சாப்பிட்டு எழுந்தவுடன், " ஷெஹனாஸ் சித்தீக் கல்யாணத்திற்கு சம்மதம் சொல்லிட்டார், நாளைக்கு உனக்கு பொண்ணு பார்க்க வராங்க " என்று ரஸாஹ் கூற தடுத்து பேசியவள்

" பொண்ணு பார்க்க வராங்க அதனால இன்னிக்கி வேலைக்கு போகாத அதானே சொல்ல வரிங்க எல்லாரும்... ம்ஹூம் எனக்கு நிறைய வேலை அப்படியே இருக்கு முக்கியமான ஆர்டர் அதை இன்னும் ஒரு வாரத்தில் அனுப்பனும் அதனால என்னால லீவு போட முடியாது. லீவு கேட்கவும் முடியாது " என்று சொல்லி விட

" ஏய் என்ன வாய் நீளுது?.." என்று கோபப்பட்ட ஆயிஷாவை

" தயவுசெய்து என்னை யாரும் வற்புறுத்தாதிங்க " என்று விட்டு வேலைக்கு சென்று விட்டாள்.

ரஸாஹ் மேலே செல்ல ரக்ஷனாவும் மேலே சென்றாள்.

ரக்ஷனா உள்ளே வந்தவுடன் அவளை தன்னருகில் இழுத்து , " பொம்மை ஸாரி டா"

" நான் செமயா கோவத்தில இருக்க போய்டு "

" ஹே அம்மு நேத்து ஏதோ கோவத்தில பேசிட்ட டா "

" என்கிட்ட பேசாத டா "

" ஹே அம்மு ஸாரி டி "

"...." அழுது கொண்டிருந்தாள்.

" ஹே அம்மு அழாத ப்ளீஸ் " என்றவனை அவள் ஆசை தீர அடித்தாள் ரக்ஷனா. அவளின் அடியை சிரித்தபடி வாங்கி கொண்டான் ரஸாஹ்.

"ஹே பொம்மை போதும் நான் பாவம் "

"போடா தேவையில்லாம அழ வச்சிலே வாங்கு " என்று மேலும் வலிக்காமல் அடித்து முடித்தவள் அவனை அணைத்து கொண்டாள்.

" உன் கோபம் போய்டிச்சா ?"

"போய்டிச்சு "

" சரி எனக்கு நேரம் ஆகிடுச்சு நான் கிளம்பிறேன் " என்று கூறிவிட்டு அவள் நெற்றியில் மென்மையாய் இதழ் பதித்து விட்டு சென்றான் ரஸாஹ்.

அலுவலகத்தில் வந்த ஷெஹனாஸ் தன் வேலையை அமைதியாக செய்து கொண்டிருந்தாள்.

சித்தீக் பாஸ்கர் இருவரும் அப்போது தான் உள்ளே நுழைந்தார்கள். தங்கள் இடத்தில் அமர்ந்தார்கள்.

"டேய் இன்னும் ஒரு வாரத்தில் செல்வம் கம்பெனி ஆர்டரை நாம அனுப்பனும் அந்த files ரெடி ஆகிடுச்சா?" என்று சித்தீக் கேட்க

" ம்ம்ம் ஷெஹனாஸ் இன்னிக்குள்ள ரெடி பண்ணி கொடுத்திடுறேன் சொல்லி இருக்காங்க " என்று பாஸ்கர் சொல்லவும் ஷெஹனாஸ்

" ஸார் உள்ள வரலாமா "

என்று கேட்கவும் சரியாக இருக்க "வாங்க ஷெஹனாஸ் " என்று பாஸ்கர் சொன்னவுடன் உள்ளே வந்தாள்.

" ஸார் செல்வம் கம்பெனிக்கு அனுப்ப வேண்டிய ஆர்டருக்கான files இது ரெடி ஆகிடுச்சு . நீங்க அனுப்பிடலாம் " என்று சொல்லி சித்தீகிடம் நீட்டினாள்.

பாஸ்கர் இவர்கள் இருவருக்கும் தனிமையை தந்து விட்டு அமைதியாக வெளியே சென்று விட்டான்.

அவன் அதை படித்து பார்த்து விட்டு , " குட் ஷெஹனாஸ், எல்லாமே சரியா இருக்கு " என்றான்.

" ஷெஹனாஸ் உங்கிட்ட கொஞ்சம் பேசனும் " என்று சித்தீக் சொல்ல

" என்ன பேசனும் ஸார்? "

" உனக்கு என்னை கல்யாணம் பண்றதுல முழு சம்மதமா? " என்று கேட்டவனின் கண்களை பார்த்தவள்,

" எனக்கு முழு சம்மதம் ஸார் " என்று கூறிவிட்டு தன் இடத்திற்கு வந்து அமர்தாள்.

தொடரும்.......

​