Completed பண்ணையார் தோட்டம் மர்மம்

[Karthikeyan Jayaraman]

அன்புக்கு சொந்தம் கொண்ட சகாப்தம் வாசகர்களே வணக்கம்.🙏

நான் உங்கள்
கார்த்திகேயன் ஜெயராமன்..
நான் இதுவரை எழுதிவந்த பண்ணையார் தோட்டம் கதை முறைப்படி வரிசையாக இல்லாத காரணத்தாலும். கதையின் முதல் அத்தியாயங்கள் சரியாக பதிவிடவில்லை .ஆகையால் அந்தக் கதையை
பண்ணையார் தோட்டம் மர்மம் என்ற தலைப்பில் முறைப்படி வரிசையாக பதிவு செய்ய உள்ளேன் வாசகர்களாகிய நீங்கள் எப்போதும் போல அளித்து வந்த ஆதரவை தனக்கு குறைவில்லாமல் உங்களுடைய ஆதரவையும் கருத்துக்களையும் எனக்கு தவறாமல் பதிவிட வேண்டும் நன்றி....

 

[Karthikeyan Jayaraman]

அத்தியாயம்..1

அந்த சிறிய கிராமம். பார்க்கும் இடமெல்லாம் பச்சை பசுமையாக காணப்படும். அந்த ஊர் மக்களுக்கு தொழில் என்று எடுத்துக்கொண்டால் .விவசாய வேலை மட்டும் தான் .வேறு எந்தத் தொழிலும் அந்த ஊரில் கிடையாது அனைவரும் ஒற்றுமையாக விவசாய வேலையை செய்து சந்தோஷமாக வாழ்ந்து வருகிறார்கள்.

அந்த கிராமத்தில் உள்ள அனைத்து நிலங்களுக்கும் சொந்தக்காரர் பண்ணையார்.

பண்ணையாருக்கு இந்த அனைத்து நிலமும் பூர்வீக சொத்தாகும் பார்க்கும் இடமெல்லாம் கண்ணுக்கு குளிர்ச்சியாக இருக்கும் அந்த அளவுக்கு செழிப்பாக வளர்ந்திருக்கும் பண்ணையாரின் தோட்டம் .

பண்ணையாரின் தோட்டம் பச்சை பசுமையாக காணப்படுவது போல அவருடைய மனமும் அப்படித்தான் இரக்க குணம் படைத்தவர்.
மக்கள் மீது அதிகம் பாசம் கொண்டவர் .தன்னுடைய நிலத்தில் கிடைக்கும் வருமானத்தை பெரியதாக எடுத்துக் கொள்ளமாட்டார் .மக்களுக்கு வேலை கொடுத்து அவர்களுக்கு எந்தக் கஷ்டத்தையும் ஏற்படுத்தாமல் அவர்களை சந்தோசமாக பார்த்து கொள்வதுதான் அவருடைய லட்சியம் . மற்றபடி பணம் சேர்ப்பதில் அவருக்கு ஆர்வம் கிடையாது.

பண்ணையாருக்கு ஒரு நெருங்கிய நண்பர் உண்டு. அவர் வேறு யாருமில்லை பண்ணையார் தோட்டத்தில் வேலை செய்யும் ஒரு சாதாரண கூலித் தொழிலாளி தான் பண்ணையாருக்கு உயிருக்குயிரான நெருங்கிய நண்பர் .
அவர் பெயர் . முத்தையா ஆரம்பக்காலத்தில் பண்ணையாரின் அப்பா .அம்மா இறந்து விட்டா சமயத்தில் பண்ணையார் இந்த அனைத்து நிலங்களையும் என்ன செய்வது . எப்படி பராமரிப்பது. நம்மால் இவ்வளவு நிலத்தை பாதுகாக்க முடியுமா என்ற குழப்பத்தில் இருந்த போது . அவருக்கு உறுதுணையாக முத்தையா கூடவே இருந்து அவருக்கு நல்ல யோசனைகளை சொல்லி இந்த கிராமத்தில் உள்ள அனைத்து நிலங்களையும் பச்சை பசுமையாக மாற்றிய பெருமை முத்தையாவுக்கு சேரும் .
அந்த அளவுக்கு பண்ணையாருக்கு உதவியாக இருந்தார் முத்தையா

பண்ணையார் முத்தையாவுக்கு பண உதவியும் பொருள் உதவியும் செய்ய துடிப்பார் .. ஆனால் முத்தையா எந்த உதவியும் பண்ணையாரிடம் இருந்து எதிர்பார்க்க மாட்டார் .
எது கொடுத்தாலும் மறுத்துவிடுவார் அவர் அன்பை மட்டும் எதிர்பார்ப்பார் முத்தையா ஏனென்றால் ஊரில் உள்ள சக தொழிலாளிகளுடன் தொழிலாளியாக வாழ்வதுதான் முத்தையாவுக்கு மகிழ்ச்சி.
அதனால் பண்ணையாரின் உதவியை பெற்று நம் மட்டும் வசதியாக வாழ வேண்டுமா என்று நினைத்து அவர் பண்ணையாரிடம் எந்த உதவியும் ஏற்கமாட்டார் அவரின் நேர்மையை பார்த்து அந்த ஊர் மக்கள் .பண்ணையாருக்கு கொடுக்கும் மரியாதையை முத்தையாவுக்கும் கொடுப்பார்கள்

பண்ணையார் தோட்டமும் அந்த ஊர் மக்களும் செழிப்பாக வளர்ந்து சந்தோஷமாக குடும்பம் நடத்தி வந்தார்கள்.

பண்ணையாருக்கு மூன்று மகன்கள் உண்டு.
முதல் மகன் பெயர் . பரந்தாமன்
இரண்டாவது மகன் பெயர் .சந்திரன்
மூன்றாவது மகன் பெயர். தீனா.

முதல் மகன் பரந்தாமனுக்கு திருமணமாகி 10 வயதில் ஒரு மகன் இருக்கிறான் .பரந்தாமனின் மனைவியின் பெயர் சாந்தி
மகன் பெயர் சுரேஷ் .
சந்திரனுக்கும் தீனாவுக்கும் திருமணம் ஆகவில்லை . இதுதான் பண்ணையாரின் குடும்பம்.

முத்தையாவுக்கு ஒரே ஒரு மகன் அவன் பெயர் . சங்கர்
சங்கருக்கு இரண்டு வயது இருக்கும்பொழுது அவன் அம்மா இறந்து விட்டார் .முத்தையா சங்கருக்கு அப்பாவாகவும் அம்மாவாகவும் பணிவிடை செய்து தனது மகனை வளர்த்து வந்தார் .. இதுதான் முத்தையாவின் குடும்பம்.

பண்ணையாருக்கும் முத்தையாவுக்கும் வயதாகி விட்டதால் . இருவரும் அவரவர் வீட்டிலேயே ஓய்வு எடுத்துக் கொண்டார்கள் . விவசாய நிலங்களை பண்ணையாரின் மூன்று மகன்களும் கவனித்துக் கொண்டார்கள் . அதேபோல முத்தையாவின் மகன் சங்கர் பண்ணையாரின் தோட்டத்தில் கூலி வேலை செய்து . தனது தந்தை முத்தையாவை சந்தோஷமாக பார்த்து வந்தான் .

பண்ணையாரும் முத்தையாவும் நண்பர்களாக இருப்பது போல பண்ணையாரின் மகன்களும் முத்தையாவின் மகன் சங்கரும் நண்பர்கள் கிடையாது .
அவரவர் வேலையை பார்ப்பார்கள்.

பண்ணையாரின் கடைசி மகன் தீனாவின் பிறந்தநளை மட்டும் பண்ணையார் சிறப்பாக கொண்டாடுவார் . ஊரில் உள்ள அனைவரையும் தனது விவசாய தோட்டத்திற்கு வர வைத்து தீணாவின் பிறந்தநாளை சிறப்பாக கொண்டாடுவர் . ஏனென்றால்
தினா பிறந்தவுடன் பண்ணையாரின் மனைவி இறந்துவிட்டார் . அதனால் தீனாவின் பிறந்தநாளை நினைத்து சந்தோசப் படுவதா .இல்லை அதே நாளில் பண்ணையாரின் மனைவி இறந்து விட்டார் என்று வேதனைப் படுவதா என்று ஊர் மக்கள் குழப்பத்தில் இருந்தார்கள் அப்போது பண்ணையார் தீணாவின் பிறந்தநாளை சந்தோசமாக கொண்டாட வேண்டும் தனது மனைவி இறந்ததை எண்ணி யாரும் வருத்தப்பட கூடாது என்பதற்காக பண்ணையார் தீனாவின் பிறந்தநாளை சந்தோஷமாக கொண்டாடுவது வழக்கம்.

பண்ணையார் குடும்பத்தில் அனைவரும் பரபரப்பாக காணப்பட்டார்கள் .
காரணம் தீனாவின் பிறந்தநாள் ... ஊரில் உள்ள அனைவருக்கும் புது துணியை எடுத்துக் கொண்டு இனிப்புகளையும் எடுத்துக் கொண்டு அவசரமாக கிளம்பினார்கள் பண்ணையாரின் குடும்பம்.

ஊர் மக்களும் சந்தோஷமாக தீனாவின் பிறந்தநாளை கொண்டாடுவதற்கு பண்ணையார் தோட்டத்திற்கு சென்றார்கள் முத்தையாவின் மகன் சங்கர் உட்பட அனைவரும் பண்ணையாரின் தோட்டத்தில் இருக்கும் பம்புசெட்டு அருகில் ஒன்று கூடி இருந்தார்கள்

அப்போது அங்கு இருந்தவர்கள் பம்புசெட்டின் அருகில் இருக்கும் பெரிய கிணற்றை ரசித்தபடி இருந்தார்கள் .
எல்லாம் காலங்களிலும் தண்ணீர் நிரம்பி இருக்கும் அந்தக் கிணற்றை நினைத்து பெருமை பட்டார்கள் இந்த ஒரு கிணற்று நீர்தான் இந்த ஊரையே காப்பாற்றுகிறது
இந்தப் பண்ணையார் தோட்டத்தை செழிப்பாக மாற்றி வருகிறது என்று அந்த கிணற்றை பற்றி பெருமையாக பேசிக் கொண்டிருந்தார்கள்.

ஒரு சிலர் பம்புசெட்டின் அழகை பார்த்து ரசித்தபடி இருந்தார்கள் இரண்டு அறைகள் கொண்ட பம்புசெட்டு 🏠🏡.முதல் அறையில் பம்புசெட்டில் தங்கி வேலை செய்யும் குடும்பம் இருக்கும் . இரண்டாவது அறையில் ஒரு சிறிய மேடை போல உருவாக்கி அதன் மேல் பண்ணையாரின் மனைவி படம் வைத்து பூஜை அறை போல் அலங்கரித்து இருக்கும் இவைகளைப் பார்த்து சில பேர் ரசித்தபடி நின்று கொண்டிருந்தார்கள் .
ஒரு சிலர் பம்புசெட்டை சுற்றி இருக்கும் தென்னை மரம் பலா மரம் மாமரம் போன்ற மரத்தின் குளிர்ச்சியான காற்றை ரசித்தபடி பண்ணையாரின் வருகைக்காக காத்துக் கொண்டிருந்தார்கள் ஊர்மக்கள்.

பச்சை நிற வயல்வெளியில் வெள்ளைக் நிறகொக்குகள் போல பண்ணையாரும் பண்ணையாரின் மகன்களும் வெள்ளை நிற வேட்டி சட்டையை அணிந்து . கம்பீரமாக பளிச்சென்று குடும்பத்தோடு நடந்து வருவதை பார்த்து ஊர் மக்கள் ரசித்தார்கள்.

பிறகு வழக்கம்போல பண்ணையாரின் மனைவி படத்தின் கீழே படையலை போட்டு அனைவரும் கும்பிட்டார்கள்

அப்போது பண்ணையார் பம்புசெட்டில் தங்கி வேலை செய்யும் கூலித்தொழிலாளி ஊமையானை அவனது மனைவி கனகாவை அழைத்து பூஜை செய்ய சொன்னார்.

இதேபோல இனி வரும் காலங்களில் எல்லோரும் சந்தோஷமாக இருக்க வேண்டும் தாயே என்று சொல்லியபடி கனகா பூஜை செய்தால் .அவனது கணவன் ஒரு ஊமை வாய் பேச முடியாதவன் அதனால் அவன் பெயர் ஊமையன் என்று பெயர்.

பூஜை முடிந்ததும் . தீணாவின் பிறந்தநாள் என்பதால் அனைவருக்கும் புது துணி இனிப்பு கொடுக்கும்படி பண்ணையார் தனது மருமகளை அழைத்து அனைவருக்கும் இனிப்பும் புது துணியும் கொடுக்கும்படி சொன்னார்.

சிரித்த முகத்தோடு புன்னகையோடு வந்து நின்றால் சாந்தி அனைவருக்கும் இனிப்பும் துணியும் கொடுத்துக்கொண்டிருந்தாள் அப்போது வரிசையாக ஊர்மக்கள் நின்று ஆர்வமாக புதுத்துணி யும் இனிப்பையும் வாங்கிச் செல்வதை ரசித்தபடி நின்றிருந்தார் பண்ணையார் . அப்போது அவர் முகம் திடீரென்று புன்னகையோடு மலர்ந்தது காரணம் . அந்த வரிசையில் முத்தையாவின் மகன் சங்கரை பார்த்து விட்டார் பண்ணையார் . உடனே அவன் அருகில் சென்று அவனை கட்டியணைத்துக் கொண்டார் பண்ணையார்.

என்னப்பா நல்லா இருக்கியா..

எனக்கு எந்த குறையும் இல்லை ஐயா . நீங்கள் இருக்கும்போது எனக்கென்ன கவலை என்றான் சங்கர்.

லேசாக சிரித்துக் கொண்டே என்னுடைய நண்பன் முத்தையா எப்படி இருக்கான் அவனை நல்ல பாத்துகீரையா என்றார் பண்ணையார்.

அவருக்கு ஒரு குறையும் இல்லை அவர் நல்லபடியா இருக்கிறார் உங்களை பற்றி விசாரித்துக் கொண்டே இருப்பார் என்றான் சங்கர்.

உடனே பண்ணையார் இரண்டு செட் புது துணியும் 2 செட் இனிப்பையும் சங்கருக்கு தனது கையால் கொடுத்தார் .
சங்கரும் வாங்குவதற்கு தயங்கினான் .ஐயா எல்லோருக்கும் ஆளுக்கு ஒரு செட்தானே கொடுக்கிறீர்கள் எனக்கு மட்டும் இரண்டு செட் வேண்டாம் என்று சொன்னான் சங்கர் .

அப்போது பண்ணையார் சிரித்துக்கொண்டே
உன் அப்பனைப் போலவே நீயும் இருக்கிறாய் . எதைக் கொடுத்தாலும் வேண்டாம் என்று சொல்லுவான் உன் அப்பன்
அதே போல நீயும் சொல்ற ஒரு செட் உனக்கும் ஒரு செட் என் நண்பன் முத்தையாவுக்கும்தான் நான் கொடுக்கிறேன் இதை நீ எனக்காக வாங்கிக்கொள் என்று பணிவாக கேட்டார் பண்ணையார் .

அவரின் பாசத்தில் நெகிழ்ந்து போன சங்கருக்கு என்ன செய்வது என்று தெரியாமல் இரண்டு செட்டையும் வாங்கிக் கொண்டு சென்றன் .

பிறகு பண்ணையார் சங்கரை உற்றுப் பார்த்தபடியே அவனை ரசித்துக் கொண்டிருந்தார் அவன் போகும் வரை.

எல்லோருக்கும் புது துணியும் இனிப்பையும் கொடுத்து முடிந்தது ஊர்மக்களும அனைவரும் சந்தோஷமாக வாங்கிக் கொண்டு கிளம்பி விட்டார்கள் .
அப்போது பண்ணையார் மீதியிருக்கும் இனிப்பையும் துணியும் பம்புசெட்டில் தங்கி வேலை செய்யும் கனகா குடும்பத்திற்கு கொடுத்து விட்டார்

பிறகு அனைவரும் சந்தோசமாக வீட்டுக்கு கிளம்பும் சமயத்தில்
ஒரு வயதான பெரியவரும் அவர் மனைவியும் பண்ணையாரின் எதிரே நின்றார்கள் .
அவர்களை பார்த்ததும் பண்ணையாருக்கு அதிர்ச்சியாக இருந்தது .முகம் சோகத்தில் மாறியது . அதேசமயம் சாந்தி பரந்தாமன் சந்திரன் தீனா இவர்களும் சோகத்தில் தலைகுனிந்தார் அந்த பெரியவரை பார்த்து.

சட்டை இல்லாமல் வேட்டி மட்டும் அணிந்து கொண்டு தோளில் ஒரு துண்டை போட்டுக்கொண்டு அந்த வயதான பெரியவரும் .
அவர் மனைவியும் பண்ணையாரை பார்த்து சோகத்தில் குலுங்கி குலுங்கி அழுதார்கள்.



பண்ணையார் தோட்டம் மர்மம் ஆரம்பமாகிவிட்டது...
அடுத்த அத்தியாயத்தில் பார்க்கலாம்....


தொடரும்.....

 

[Karthikeyan Jayaraman]

அந்தப் பெரியவரும் அவர் மனைவியும் அழுவதை பார்த்து பண்ணையார் சோகத்தில் தலைகுனிந்தார் .
சாந்தியும் என்ன சொல்வது என்று தெரியாமல் மௌனமாய் நின்றிருந்தாள் .
தீனாவின் பிறந்தநளை சந்தோசமாக கொண்டாடி வந்த பண்ணையார் குடும்பம் இவர்களைப் பார்த்ததும் சோகத்தில் இருந்தார்கள் .

பிறகு பண்ணையார் மெதுவாக அந்த வயதான பெரியவரிடம் சென்று.

ஐயா நீங்கள் ஒன்றும் கவலை படவேண்டாம் உங்களுடைய நிலைமை எனக்கு புரிகிறது .உங்கள் மகனும் மருமகளும் ஏன் தோட்டத்தில் உள்ள இந்த .
பம்புசெட்டில் வேலை செய்து வந்தார்கள் . திடீரென்று சில மாதங்களுக்கு முன்னாள் அவர்கள் காணாமல் போய்விட்டார்கள்.
இந்த விஷயம் ஊருக்கே தெரிந்ததுதான் .
என் தோட்டத்தில் வேலை செய்த தொழிலாளிக்கு ஒரு பிரச்சனை ஏற்பட்டால் பார்த்துகிட்டு சும்மா இருக்க மாட்டேன் .நானும் என்னோட பங்குக்கு டவுனுக்கு சென்று போலீஸ் ஸ்டேஷனில் புகார் அளித்துவிட்டு வந்திருக்கேன் ஆனால் என்ன துரதிர்ஷ்டம் என்று தெரியவில்லை .
அவர்கள் காணாமல் போய் இதுவரை பத்து மாதங்கள் கடந்துவிட்டது . ஆனால் இதுவரைக்கும் அவர்களைப் பற்றி விபரம் தெரியவில்லை
நானும் இரண்டு மாதத்துக்கு ஒருமுறை காவல் நிலையத்திற்கு சென்று விசாரித்து வருகிறேன் அவர்களும் தேடிக் கொண்டுதான் இருக்கிறோம் என்று சொல்கிறார்கள் .
நமது ஊரில் உள்ள அனைவரையும் விசாரித்துக் கொண்டு தான் இருக்கிறேன் .அவர்களும் உங்கள் மகனை பற்றின விவரம் தெரியவில்லை என்று சொல்கிறார்கள்.

இப்படி நானும் என்னோட பங்குக்கு விசாரிச்சுகிட்டு தான் இருக்கேன் நீங்கள் ஒன்றும் கவலை படாதீங்க இதற்கு வேறொரு யோசனை செஞ்சி வச்சிருக்கேன் அதை நாளையிலிருந்து .
நான் செயல்படுத்தி உங்கள் மகனையும் மருமகளையும் கூடிய சீக்கிரத்துல அவங்கள கண்டுபிடிச்சு உங்ககிட்ட நான் ஒப்படைக்கிறேன் என்று பொறுமையாக எடுத்துச் சொன்னார் அந்த பெரியவரிடம் பண்ணையார்.

நீங்கள் இன்று உங்கள் மனைவியின் இறந்தநாள் அதோடு உங்கள் கடைசி மகனின் பிறந்த நாளும் கூட .
இப்படிப்பட்ட நல்ல நாளில் நாங்கள் இங்கு வந்தது மனசுக்கு சங்கடமாகத்தான் இருக்கிறது ஐயா இருந்தாலும் இன்று நீங்கள் குடும்பத்தோடு பம்பு செட்டுக்கு வருவது வழக்கம் .
அதனால் தான் உங்களை பார்த்து இதைப்பற்றி சொல்லி விட்டு போகலாம் என்று வந்தேன் ஐயா எங்களுக்கு என்ன செய்வது என்று புரியாமல் நாங்கள் தவிக்கிறோம் ஐயா .
என் மகனும் மருமகளும் காணாமல் போய் இவ்வளவு நாளாகியும் அவர்கள் கிடைக்காமல் இருப்பது எங்களுக்கு ரொம்ப பயமாக இருக்கிறது ஐயா என்று சொல்லும்போது அவரின் வார்த்தை தொண்டையில் சிக்கியது...மறுபடியும் கண்கலங்கினார் அந்த பெரியவர்.

என் மகனும் மருமகளும் உயிரோடு இருக்கிறார்களா இல்லையா என்பதுகூட எங்களுக்கு தெரியவில்லை ஐயா .
ஒருவேளை அவர்களுக்கு ஏதாவது நடந்து இருந்தால் என் மகனுக்கு செய்யவேண்டிய . ஈமைகாரியங்களைக் கூட நாங்கள் செய்யாமல் இருக்கிறோமோ என்ற வருத்தம் எங்களுக்கு மேலும் மனக் கஷ்டத்தை ஏற்படுகிறது ஐயா இப்படி என்ன செய்வது என்ற குழப்பத்தில் நாங்கள் தவிக்கிறோம் ஐயா .
அதனால் தான் உங்கள் குடும்பத்தை பார்த்து சொல்லிவிட்டுப் போகலாம் என்று வந்தோம் . நாங்கள் வந்தது தவறு தான் . இருந்தாலும உங்களை விட்டால் எங்களுக்கு வேறு யாரும் இல்லை ஐயா என்று அழுதுகொண்டே சொன்னார் அந்தப் பெரியவரின் மனைவி.

அந்தப் பெரியவரும் அவர் மனைவியும் சொன்ன வார்த்தைகள் பண்ணையாரை வெகுவாக பாதித்தது .தனது மகனுக்கு ஈமக் காரியங்களை செய்வதா இல்லையா என்ற குழப்பத்தோடு நாங்கள் இருக்கிறோம் என்று சொன்ன வார்த்தை பண்ணையாருக்கு மேலும் சோகத்தில் ஆழ்ந்தார் .

நீங்கள் இன்று வந்ததில் எங்களுக்கு எந்த வருத்தமும் கிடையாது . நீங்கள் வந்ததில் எனக்கு சந்தோசம் தான் அதேபோல இப்போதே நான் சொல்கிறேன் கேளுங்கள் . நாளையிலிருந்து என் மகன்கள் மூன்று பேரும் வாரத்தில் இரண்டு நாள் உங்கள் மகனையும் மருமகளையும் தேடுவதற்காக செல்வார்கள் இவர்கள் ஒருபக்கம் தேடட்டும் போலீஸும் ஒருபக்கம் தேடுவார்கள் இப்படி இரண்டு விதமாக தேடுவதால் சீக்கிரமாகவே உங்கள் மகனும் மருமகளும் கிடைத்து விடுவார்கள். என்று பண்ணையார் அவர்களுக்கு தைரியம் சொன்னார்

பிறகு சாந்தியும் அவர்களுக்கு ஆறுதல் சொன்னாள் ...
ஐய்யா நிச்சயம் உங்கள் மகனுக்கும் மருமகளுக்கும் எதுவும் நடந்திருக்காது .
நம்முடைய கிராமத்தில் உள்ளவர்கள் அனைவருமே எல்லோரும் ஒரே குடும்பம் போல வாழ்ந்து வருகிறோம்
இதில் நிச்சயம் தவறு நடக்க வாய்ப்பில்லை .
ஏதோ ஒரு காரணத்தினால் தான் அவர்கள் காணாமல் போயிருக்கிறார்கள் . விரைவில் நமக்கு ஒரு நல்ல முடிவு ஏற்படும் நீங்கள் ஒன்றும் கவலைப்பட வேண்டாம் .அப்படி உங்களுக்கு யார் மீதாவது சந்தேகம் இருந்தால் எங்களுக்கு நீங்கள் தயங்காமல் சொல்லலாம் .
அதேசமயம் எங்கள் குடும்பத்தில் உள்ளவர்கள் மீதும் உங்களுக்கு சந்தேகம் இருந்தால் . அதையும் நீங்கள் என்னிடம் தயங்காமல் சொல்லலாம் என்று சாந்தி சொன்னாள் .

அம்மா எங்களுக்கு யார் மீதும் சந்தேகம் கிடையாது .அதே போல இந்த ஊரே உங்க குடும்பத்தை தான் தெய்வமாக பார்க்கிறோம் நீங்கள் சந்தேகப்படும்படி இதுவரைக்கும் ஒரு செயல் கூட செஞ்சது கிடையாது .
அதனால் எங்களுக்கு உங்கள் மீதும் மற்றவர்கள் மீதும் எள்ளளவு கூட சந்தேகமில்லை . என் மகனும் மருமகளும் காணாமல் போய்விட்டார்கள் அவர்களை கண்டுபிடித்து தரவேண்டும் என்று உதவி கேட்டு தான் நான் உங்களிடம் வந்திருக்கிறேன் . மற்றபடி எனக்கு உங்கள் மீது எந்த வருத்தமும் இல்லை . அதே போல பண்ணையாருக்கும் ஊரில் ஒரு பிரச்சனை என்றால் அது அவருடைய குடும்ப பிரச்சனை போல நினைத்து நடவடிக்கை எடுப்பார் என்பது எல்லோருக்குமே தெரியும்.
இப்படிப்பட்ட நல்லவர்கள் மீது எங்களுக்கு எந்த சந்தேகமும் இல்லை தாயே என்று அந்தப் பெரியவர் சொன்னார் .

நீங்கள் வந்ததில் எங்களுக்கு சந்தோஷம் .இதோ புது செட் வேட்டி சேலை வாங்கிக் கொள்ளுங்கள் என்று அவர்களுக்கு கொடுத்தார் ..

அவர்கள் தயக்கத்தோடு நின்றார்கள் .

பரவாயில்லை வாங்கிக்கொள்ளுங்கள் . கசப்பான வாழ்க்கை வாழ்ந்து இருக்கும் உங்களுக்கு .
இனிப்பு கொடுப்பது எனக்கும் சங்கடமாகத்தான் இருக்கிறது இருந்தாலும் உங்களை வெறும் கையோடு அனுப்ப எனக்கு மனம் இல்லை. என்று சொல்லிவிட்டு அவர்களுக்கு இனிப்பும் வேட்டி சேலையும் கொடுத்தார் பண்ணையார்.

பண்ணையார் கொடுத்ததை மறுக்காமல் வாங்கிக் கொண்டு அவர் சொன்ன வார்த்தையில் சற்று ஆறுதலோடு அங்கிருந்து அந்த பெரியவரும் அவருடைய மனைவியும். ஒரு நம்பிக்கையோடு வீட்டுக்குச் சென்றார்கள் .

பிறகு பண்ணையார் குடும்பம் சோகமாக இருந்தார்கள் .

அங்கு நடந்ததை எல்லாத்தையும் வேடிக்கை பார்த்து இருந்த கனகாவும் அவள் கணவன் ஊமையனும் . இப்படிப்பட்ட நல்லவர்களுக்கு கடவுள் சோதனையை கொடுக்கிறாரே என்று நினைத்தார்கள் .
நிச்சயம் காணாமல் போனவர்கள் கிடைப்பார்கள் .அந்த அளவுக்கு பண்ணையாரின் புண்ணியம் அவருக்கு உதவியாக இருக்கும் என்று இருவரும் மனதில் நினைத்துக் கொண்டார்கள்.

பிறகு கனகா சொன்னாள்...
ஐயா நீங்கள் ஒன்றும் கவலை படவேண்டாம் நிச்சயம் ஏதோ ஒரு காரணத்தால் தான். அவர்கள் காணாமல் போயிருப்பார்கள் மற்றபடி அவர்கள் இங்கிருந்து ஓடிவிட வேண்டும் என்று எண்ணத்தில் நிச்சயம் போயிருக்க மாட்டார்கள் . ஏனென்றால் உங்கள் குடும்பம் காட்டும் பாசத்தில் இங்கு வேலை செய்பவர்கள் மட்டுமல்ல இந்த ஊரில் உள்ளவர்களுக்கும் பெரும் சந்தோஷம் ஐயா .
அதனால் நீங்கள் கவலைப்படாமல் எப்படி சந்தோஷமாக தோட்டத்திற்கு வந்தீர்களோ அதேபோல சிரித்த முகத்தோடு வீட்டுக்குச் செல்லுங்கள் ஐயா என்று கனகா சொன்னாள் .

பண்ணையாருக்கு ..கனகா சொன்ன வார்த்தை சற்று ஆறுதலாக இருந்தாலும் . அனைவரும் சோகத்தோடு வீட்டுக்கு கிளம்பிச் சென்றார்கள் .


பொழுதும் விடிந்தது...🌄

பண்ணையார் மகன்கள் மூன்று பேரும் அவசரமாக கிளம்பிக் கொண்டிருந்தார்கள் பண்ணையாரும் அவருடைய மருமகள் சாந்தியும் பூஜை அறையில் சாமிக்கு பூஜை செய்து கொண்டிருந்தார்கள் .
இப்படி பரபரப்பாக பண்ணையார் குடும்பம் காணப்பட்டது .

சிறிது நேரத்தில் பூஜை முடிந்ததும் சாந்தி வெளியே வந்து பரந்தாமன் நெற்றியில் திருநீறு பூசினாள் .பிறகு சந்திரனுக்கும் தீனாவுக்கும் திருநீறு பூசி விட்டால் நெற்றியில்

அப்போது பண்ணையார் பரந்தாமனிடம் சொன்னார் ..

நீங்கள் இனிமேல் வாரத்தில் இரண்டு நாள் காணாமல் போன அந்த பெரியவரின் மகனையும் மருமகளையும் தேட செல்ல வேண்டும் . அதே சமயம் இந்த பிரச்சனை நமது குடும்ப பிரச்சனை போல நினைத்து நீங்கள் தேட வேண்டும் .
எனக்கு போலீஸ் மீது நம்பிக்கை இருந்தாலும் .அதை விட நிறைய நம்பிக்கை உங்கள் மீது எனக்கு உள்ளது .நீங்கள் கூடிய சீக்கிரத்தில் காணாமல் போனவர்களை கண்டுபிடித்து விடுவீர்கள் என்ற நம்பிக்கையில்தான் . நான் உங்களை இந்த வேலைக்கு அனுப்புகிறேன் .இதற்கு வேறு யாரையாவது அனுப்பினால் அவர்கள் சரிவர தேட மாட்டார்கள் அதனால் தான் இந்த பிரச்சனை உங்கள் சொந்த பிரச்சனை போல நினைத்து நீங்கள் காணாமல் போனவர்களை கண்டுபிடித்து விட வேண்டும் . அப்போதுதான் எனக்கும் நிம்மதி என்று பண்ணையார் உருக்கமாக பரந்தாமன் இடமும் சந்திரன் தீனாவிடமும் சொன்னார் பண்ணையார்.

நீங்கள் ஒன்றும் கவலைப்பட வேண்டாம் அப்பா . கூடிய சீக்கிரத்தில் நாங்கள் அவர்களை கண்டுபிடித்து உங்களுடைய
மனக் கஷ்டத்தை நிச்சயம் போக்குவேன் . என்று பரந்தாமன் சொல்லிவிட்டு அங்கிருந்து மூவரும் புல்லட்பைக்கில் கிளம்பினார்கள்.

பண்ணையாருக்கு இருக்கும் வசதிக்கு ஆளுக்கொரு பைக்கில் கூட செல்லலாம்.
இல்லை ஆளுக்கொரு காரில் கூட செல்லலாம் அந்த அளவுக்கு பண்ணையாருக்கு வசதி இருந்தாலும் . பண்ணையாரின் மகன்கள் மூவரும் ஒற்றுமையாக ஒரே பைக்கில் செல்வது தான் பழக்கம் எங்கு சென்றாலும் இவர்கள் மூவரும் ஒன்றாகத்தான் செல்வார்கள் . அதுவும் ஒரே பைக்கில் மூவரும் செல்வார்கள் இது ஊரறிந்த விஷயம் .
இப்படி மூவரும் ஒரே பைக்கில் காணாமல் போனவர்களை தேடுவதற்காக கிளம்பிச் சென்றார்கள்.

பரந்தாமன் சற்று வெகுதூரம் சென்று விட்டான் .அப்போது அவன் கண்ணுக்கு மதுக்கடை தெரிந்தது உடனே பைக்கை கடைக்கு எதிரே நிறுத்தி விட்டு அமைதியாக நின்றிருந்தான். சந்திரனும் தீனாவும் பைக்கில் இருந்து இறங்கி மூவரும் வேடிக்கை பார்த்துக் கொண்டிருந்தார்கள் .
காணாமல் போனவர்களை தேடவில்லை .

அப்போது தீனாவின் கண்களுக்கு அந்த மதுக்கடை தெரிந்தது .
உடனே சந்திரனுக்கு சிக்னல் கொடுத்தான்.
அவனும் புரிந்துகொண்டு அவன் அண்ணனிடம் கேட்டான் .

அண்ணா மது குடித்து ரொம்ப நாளாச்சு என்று லேசாக சிரித்துக் கொண்டே கேட்டான்

நீங்கள் மது கேட்க வேண்டும் என்பதற்காகத்தான் பைக்கை நான் ஓரம் கட்டினேன் என்று மனதில் நினைத்துக்கொண்டு . பரந்தாமன்
வேண்டாம் விருப்பம்போல சரி சரி வாங்கிக்கொள்ளுங்கள் என்று சலிப்புடன் தம்பிகளுக்கு பணம் கொடுத்தான்.

சந்திரனும் தீனாவும் சந்தோஷமாக மதுக் கடைக்குச் சென்று நிறைய முதுகலை வாங்கிக்கொண்டார்கள்

பிறகு மூவரும் காணாமல்போனவர்களை தேடாமல் திரும்பிவிட்டார்கள் அப்போது பரந்தாமன் சொன்னான்.

நேரம் நிறைய இருப்பதால் நம் தோட்டத்திற்கு சென்று விடலாம் அங்கு சிறிது நேரம் ஓய்வெடுத்து விட்டு பிறகு வீட்டுக்கு சென்றுவிடலாம் என்று பரந்தாமன் சொன்னான்.

அப்படியே செய்யலாம் என்று சந்திரனும் தீனாவும் சொன்னார்கள் பிறகு மூவரும் தோட்டத்திற்கு வந்து விட்டார்கள் வழக்கம்போல களத்துமேட்டில் பைக்கை நிறுத்திவிட்டு. மூவரும் வரப்பு மேட்டில் நடந்து சென்றார்கள்

அப்போது அந்த பச்சை பசுமையான வயல்வெளியில் நமது கனகா மண்வெட்டியுடன் மிளகாய் செடிக்கு தண்ணீர் பாய்ச்சி இருந்தாள் அப்போது அவள் சேலை முட்டிக்கு மேல் தூக்கி கட்டி இருந்தாள் அவளின் அழகை பார்த்து சந்திரனுக்கு லேசான போதை ஏறியது . இவ்வளவு அழகாக இருக்கிறாளே இந்த கனகா என்று ஓரக்கண்ணால் பார்த்தும்
பார்க்காத படி பரந்தாமன் பின்னால் நடந்து சென்று இருந்தான்.

அதே போல தீனாவும் கனகாவை பார்த்து ரசிக்க ஆரம்பித்தான் .என்ன அழகு இவள் பார்க்கும் போதே இப்படி போதை ஏறுகிறதே என்று அவனும் கனகாவை ரசித்தபடி சென்றுகொண்டிருந்தான்

பரந்தாமன் தம்பிகளிடம் பேச்சுக் கொடுத்துக்கொண்டே சென்றிருந்தான் .
அப்போது சந்திரனும் தினாவும் கனகாவை ரசித்து ரசித்து பார்ப்பதை பரந்தாமன் கவனித்து விட்டான் . இருந்தாலும் எதுவும் தெரியாதவன் போல அவன் பேசிக்கொண்டே நடந்து சென்றான்

யாரும் இல்லாத இடத்தில் .
மேடை போல அமைந்திருக்கும் ஒரு தண்ணீர்த் தொட்டியின் மீது அமர்ந்தார்கள். அப்போது அவர்களை சுற்றி அந்த இயற்கைக்காட்சிகள் சூழ்ந்திருந்தன . இவர்கள் மூவரும் அந்த இயற்கையின் மத்தியில் அமர்ந்து கொண்டு மது அருந்துவதற்கு தயாரானார்கள்

அப்போது பரந்தாமன் 3 காகித டம்ளரில் மதுவை ஊற்றினான் ...

நீங்கள் அந்த பெரியவரின் மருமகளை உற்று உற்று பார்த்து அவள் மேல் நிறைய ஆசையை வளர்த்துக் கொண்டீர்கள் .
நானும் சரி ஏதோ பார்க்கத்தானே செய்கிறார்களே என்று நினைத்து அமைதியாக இருந்தேன்.
நீங்கள் ஒரு நாள் எல்லையை மீறி அந்தப் பெரியவரின் மருமகள் பம்புசெட்டின் தண்ணீர் தொட்டியில் குளித்து இருக்கும்போது ஒளிந்திருந்து பார்த்தீர்கள்.
சரி வயசுக்கோளாறு என்று நினைத்து அதையும் நான் கண்டுகொள்ளவில்லை .

பிறகு நீங்கள் அவளை காம வெறியோடு நேருக்கு நேராகவே பார்க்க ஆரம்பித்து விட்டீர்கள் இப்படி நீங்கள் அந்த பெண்ணின் மீது அளவு கடந்த ஆசையை வளர்த்துக் கொண்டீர்கள்.
சரி நானும் தம்பிகள் ஆசைப்படுகிறார்கள் என்று உங்கள் மீது உள்ள பாசத்தில் அந்தப் பெண்ணை அனுபவித்துக் கொள்ளுங்கள் என்று உங்களிடம் சொன்னேன் . நீங்களும் அந்தப் பெண்ணை இருவரும் கற்பழித்து விட்டீர்கள் .
சரி அவள் என்னிடம் வந்து உங்களைப் பற்றி எடுத்துச் சொல்வாள் அவளை சமாதானம் செய்து விடலாம் என்று நினைத்தேன் .ஆனால் அவள் கணவனுடன் அன்று எங்கேயும் ஓடிவிட்டாள்.

இப்போ இந்த பிரச்சனை நம்ம அப்பா பெரியதாக எடுத்துக் கொண்டார் .இனிமேல் அவர் நம்மை தொந்தரவு செய்து கொண்டுதான் இருப்பார் அவர்களை நீங்கள்தான் கண்டுபிடிக்க வேண்டும் என்று நம்மிடமே சொல்கிறார் . அவளை நம்ம எப்படி கண்டுபிடிக்க முடியும் அவளை கண்டு பிடித்து விட்டால் நம்முடைய தவறை எல்லாம் அந்தப் பெண் அப்பாவிடம் சொல்லிவிடுவாள்.அதுக்கப்புறம் ஊருக்குள்ளே நம்மை யாரும் மதிக்க மாட்டார்கள் .அது மட்டுமா நடக்கும் நம் மூன்று பேரையும் அப்பா உயிரோடு விடுவாரா என்பதும் சந்தேகம் தான் இப்படி பெரிய பிரச்சனையில் நம்ம மாட்டிக்கிட்டு இருக்கும்.

அதனால் அவளை தேடாமல் தேடுவதை போல நடித்து விட்டு வரவேண்டும் .

இப்படி பிரச்சனை போய்க் கொண்டிருக்கும் சமயத்தில் மறுபடியும் நீங்கள் இதுபோன்ற தவறை இனி மேல் செய்யக்கூடாது என்று பரந்தாமன் தம்பிகளிடம் சொன்னான்...


பரந்தாமன் தம்பிகளுக்கு மதுவும் வாங்கிக் கொடுத்து .கெடுக்கிறான் பிறகு செய்த தவறையும் திருத்திக் கொள்ளுங்கள் என்று நல்லதையும் சொல்கிறான் . அவனுடைய திட்டம் என்னவாக இருக்கும் பொருத்திருந்து பார்க்கலாம்....


தொடரும்.....

 

[Karthikeyan Jayaraman]

🔝👆மேலே இருக்கும் பகுதி 👆அத்தியாயம்-....2 👆




⬇️அத்தியாயம்.... 3👇

இனிமேல் நமக்கு பொறுப்புக்கள் அதிகமாக உள்ளது இந்த எல்லா நிலங்களையும் செழிப்பாக விவசாயம் செய்ய வேண்டும் அதனால் நீங்கள் ஏற்கனவே அந்த பெரியவரின் மருமகளை கற்பழித்தது போல மறுபடியும் அதுபோன்ற தவறுகளை இனிமேல் நீங்கள் செய்யக்கூடாது .

ஏதோ உங்கள் மீது உள்ள பாசத்தினால் இவ்வளவு நாள் நீங்கள் செய்த தவறான செயலுக்கு நானும் உடந்தையாக இருந்து விட்டேன் .
இனிமேல் அப்படி இருக்க மாட்டேன் அதனால் உங்கள் வாழ்க்கையும் பாழாகிவிடும் இதுபோன்ற இந்த குடிப்பழக்கத்தை கூட மெல்ல மெல்ல நீங்கள் விட்டுவிட வேண்டும் .
இல்லையென்றால் அப்பா என் மீதும் கோபப்படுவார். என்று சொல்லிக்கொண்டே மதுக்கலை டம்ளரில் ஊற்றினான் பரந்தாமன் .

சந்திரன் தினாவும் சற்று வருத்தத்தோடு மக்களை குடிக்க ஆரம்பித்தார்கள்.

பரந்தாமன் மட்டும் குடிப்பது போல நடித்து . தம்பிகளுக்கு தெரியாமல் டம்ளரில் இருந்த மதுவை கீழே கொட்டி விட்டான் அனைத்து மக்களையும் சந்திரனுக்கும் தீனாவுக்கும் நன்றாக ஊத்திக் கொடுத்து விட்டான்.

சந்திரனுக்கும் தீனாவுக்கும் மெல்ல மெல்ல போதை தலைக்கு ஏறியது .இருவரும் தள்ளாடினார் அப்போது சந்திரனின் பேச்சும் தீணாவின் பேச்சும் உளர ஆரம்பித்தது .

அப்போது சந்திரன் கேட்டேன் .... அண்ணே ஏதோ தெரியாம அந்தப் பெண்ணை நாங்க கெடுத்துவிட்டோம் இனிமே நாங்க எந்த தவறையும் செய்ய மாட்டேன் அண்ணா .
நீங்கள் ஒன்றும் கவலை படாதீங்க என்று உலறியபடி சொன்னான் சந்திரன் .

அண்ணா நாங்கள் அவளை பார்த்து ரசித்தோமே தவிர அவளை அனுபவிப்பதற்கு எங்களுக்கு பயமாக தான் இருந்தது .பார்ப்பதோடு நாங்கள் நிறுத்திக் கொண்டோம்
நீங்கள் எங்களுக்கு தைரியம் சொன்னதால்தான் நாங்கள் அந்தப் பெண்ணை கெடுத்து விட்டோம் .இல்லை என்றால் எங்க ரெண்டு பேருக்குமே அந்த துணிச்சல் கிடையாது . இனிமேல் உங்கள் பேச்சை நாங்கள் மீற மாட்டோம் அண்ணா இந்த ஒருமுறை எங்களை மன்னித்துவிடு அண்ணா இனிமேல் நீங்கள் சொன்னது போல மெல்ல மெல்ல குடி பழக்கத்தை யும் நிறுத்தி விடுகிறோம் அண்ணா என்று தீனா சொன்னான்.

சரி சரி நீங்கள் என் பேச்சுக்கு மறுபேச்சு பேச மாட்டீங்க என்று எனக்கு நல்லாவே தெரியும் நீங்கள் இப்போது இங்கேயே படுத்து சிறிது நேரம் ஓய்வெடுங்கள் .
நான் தோட்டத்தைச் சுற்றிப் பார்த்து வருகிறேன் .பொழுது சாய்ந்ததும் வீட்டுக்கு போகலாம் என்றான் பரந்தாமன் .

அண்ணா வீட்டுக்கு போனால் அப்பா காணாமல் போனவர்களை பற்றி விசாரித்தால் என்ன சொல்வது . என்றான் தீனா.

என்ன சொல்லணும் ...முடிய தேடிப் பார்த்தோம் அப்பா ..எங்கும் கிடைக்கவில்லை அடுத்தமுறை போகும்போது வேறு ஒரு இடத்தில் தேடிப் பார்க்கிறோம் என்று பொய் சொல்லலாம் என்றான் பரந்தாமன்

இப்படியே எத்தனை நாள் பொய் சொல்ல முடியும் அண்ணா என்றான் தீனா .

என்ன செய்வது மூன்று பேரும் சேர்ந்து தவறு செய்து விட்டோம் அந்த பெண்ணை கண்டுபிடித்து கொடுத்தாலும் ஆபத்து நமக்குத்தான் . அதனால் முடிந்தவரை பொய் சொல்லிக் கொண்டே இருக்க வேண்டியதுதான் இதைப் பற்றியெல்லாம் நீங்கள் கவலைப்பட வேண்டாம்
அப்பாவிடம் நான் சமாளித்துக் கொள்கிறேன் என்று சொல்லிவிட்டு தோட்டத்தைச் சுற்றிப் பார்க்க பரந்தாமன் கிளம்பினான்.

பார்க்குமிடமெல்லாம் பச்சை பசுமையாக 🌴🌿🌱🌾🌷 தோட்டம் செழிப்பாக வளர்ந்திருப்பதை பார்த்து பரந்தாமனுக்கு மகிழ்ச்சியாக இருந்தது .

அப்போது பரந்தாமன் நினைத்தான்

இப்படிப்பட்ட நிலங்களை நாமே அனுப்பி வைக்க வேண்டும் இதிலிருந்து ஒரு பிடி மண் கூட தம்பிகளுக்கு பாகம் என்ற பெயரில் கொடுக்கக் கூடாது .
எல்லாம் நிலங்களிலும் நாமதான் விவசாயம் செய்ய வேண்டும்
நாமதான் ஆள வேண்டும்
எல்லா நிலங்களும் நமக்குத்தான் சொந்தமாக மாற்றிக்கொள்ள வேண்டும் .
தம்பிகளுக்கு திருமணம் நடந்த அவர்களின் மனைவிகள் நம்மிடம் கணக்கு கேட்பாள்
நிலத்தை பிரித்துக் கொடுக்கும்படி சொல்வாள் அதனால் தம்பிகளுக்கு திருமணமே நடத்தி வைக்கக் கூடாது . அதேசமயம் தம்பிகளை குடிப்பழக்கத்திற்கு ஆளாக்கி விட வேண்டும் . அடுத்ததாக காமபோதைக்கு ஆளாகி விட வேண்டும் .

அதனால் தான் பம்புசெட்டில் வேலைசய்த அந்த பெரியவரின் மருமகளை கற்பழிப்பதற்கு தம்பிகளை தூண்டி விட்டோம் தம்பிகளும் அண்ணன் நம்மீது உள்ள பாசத்தினால் இது போன்ற தவறுகளுக்கு அண்ணன் சம்மதிக்கிறார் என்று நினைக்கிறார்கள் .நம்முடைய எண்ணம் அவங்களுக்கு தெரியாது இவர்களை இப்படியே குடிப்பழக்கத்திற்கும் பெண் முகத்திற்கும் அடிமையாக்கி விட வேண்டும் . அப்போதுதான் அவர்களுக்கு திருமண ஆசை வராது .

அத்தோடு அவர்கள் மீது நம் பாசம் காட்டுவது போலவே நடிக்க வேண்டும் . அப்போதுதான் நம் பேச்சுக்கு இருவரும் மதிப்பு கொடுப்பார்கள் என்று பரந்தாமன் திட்டம் போட்டான்.

தோட்டத்தை எல்லாம் சுற்றி விட்டு வந்ததில் நேரம் கடந்தது பிறகு தம்பிகளை எழுப்பி பரந்தாமன் வீட்டுக்கு போகலாம் என்று அழைத்துக் கொண்டு அங்கிருந்து கிளம்பி விட்டான் வீட்டுக்கு .மூவரும்.

மிகுந்த எதிர்பார்ப்போடு சாந்தி பரந்தாமனின் வருகைக்காக காத்திருந்தாள்.
காணாமல் போனவர்களை பற்றி ஏதாச்சும் தகவல் கிடைத்து இருக்குமா என்ற எதிர்பார்ப்போடு காத்திருந்தால் சாந்தி

அப்போது பரந்தாமனும் சந்திரன் தீனாவும் பைக்கில் வருவதை பார்த்து ஆவலோடு ஓடி வந்து எதிரே நின்றாள் . பரந்தாமனும் சாந்தி முகத்தை கூட சரியாகப் பார்க்காமல் பைக்கை ஓரமாக நிறுத்திவிட்டு மூவரும் அவரவர் அறைக்கு சென்றார்கள் .

பிறகு சாந்தியும் பரந்தாமனின் பின்னாலேயே சென்றாள்.

என்னங்க காணாமல்போனவர்களை பத்தி ஏதாச்சும் தகவல் கிடைத்ததா என்றால் சாந்தி.

இவ்வளவு நாளா போலீசே தேடிக்கிட்டு இருக்காங்க அவங்களுக்கே இதுவரைக்கும் ஒரு தகவலும் கிடைக்கவில்லை இன்னைக்கு தான் நாங்க போணோம் அதுக்குள்ள தகவல் கிடைத்து விடுமா .என்று சற்று எரிச்சலாக சொன்னால் பரந்தாமன்.

என்னங்க போலீஸ் தொடர்வதற்கும் நீங்க தேடுவதற்கும் வித்தியாசம் இருக்குங்க .அவங்க ஒருத்தரை மட்டும் தேட மாட்டாங்க .இதோட ஏற்கனவே காணாமல் போனவர்களையும் தேடுவாங்க அதனால அவங்களுக்கு கிடைக்க கொஞ்சம் லேட்டா தான் ஆகும் ஆனா நீங்க அப்படி இல்லையே நீங்க மூணு பேரு விசாரிச்சா கொஞ்சம் சீக்கிரம் கிடைத்து விடுவார்களே என்று நினைத்தேன் பரவாயில்லை அடுத்தமுறை போகும்போது வேறு ஒரு இடத்தில நல்லா தேடுங்கள் என்று சிரித்தபடி சொன்னாள் சாந்தி.

இப்பதானே ஆரம்பிச்சு இருக்கும் இன்னும் கொஞ்ச நாள்ல தகவல் கிடைச்சுடும் என்று சொல்லிக்கொண்டே குளியலறைக்குச் சென்று விட்டான் பரந்தாமன் .

பிறகு சாந்தி பண்ணையாரிடம் சென்று விவரத்தைச் சொன்னாள்

கண்டிப்பா என்னுடைய பிள்ளைங்க கண்டுபிடிச்சுடுவாங்க என்ற நம்பிக்கை எனக்கு இருக்கு மா அதுக்கப்புறம் எனக்கு என் இரண்டு பிள்ளைகளுக்கும் திருமணம் செய்ய வேண்டும் .
அதுக்கப்புறம் என்னோட எல்லா நிலங்களையும் நான்கு பாகமாக பிரித்து அதில் மூன்று பாகங்கள் என் மூன்று பிள்ளைகளுக்கும் ஒருபாகம் இந்த ஊர் மக்களுக்கு எல்லோருக்கும் சமமாக பிரித்துக் கொடுக்கணம் இதுதான் என்னோட லட்சியம் .நான் மண்ணுக்குள்ள போவதற்குள் இந்த இரண்டு விஷயத்தை செஞ்சு முடிக்கணும். என்று ஒரு லட்சியமாக தனது மருமகளிடம் .தனது குறிக்கோளை பண்ணையார் சொன்னார்.

இதில் ஒன்றும் பெரிய கஷ்டம் இல்லை மாமா ...
உங்க பிள்ளைகளுக்கு நீங்க திருமணம் செய்யப் போறீங்க
உங்க நிலத்துல ஒரு பங்கை இந்த ஊர் மக்களுக்கு பிரித்துக் கொடுக்கப் போறீங்க .
இதுல ஒரு கஷ்டமும் இல்லை இதையே ஏன் ஒரு பெரிய விவகாரமாக நினைத்து கவலைப் படாதீங்க மாமா என்றாள் சாந்தி.

அப்படி ஒன்னும் சாதாரண விஷயம் கிடையாது திருமணம் செய்வது
நம் குடும்பத்திற்கும் அவங்க குடும்பத்திற்கும் ஒத்துப் போகணும் இப்படித்தான் சந்திரனுக்கு போனமுறை ஒரு நல்ல இடம் கிடைத்தது .பெண்ணும் நன்றாக தான் இருந்தாள் ஆனால் யாரோ வந்து அவள் படிக்கும் இடத்தில் யாரையோ விரும்புகிறாள் என்று உன் கணவன் பரந்தாமனிடம் யாரோ ஒருவர் சொல்லியிருக்காங்க .
பரந்தாமன் என்னிடம் ரகசியமாக இந்த விஷயத்தை சொன்னான் என்ன செய்ய முடியும் இது வெளியில் தெரிந்தால் சந்திரனுக்கும் நம் குடும்பத்துக்கும் தான் அசிங்கம் . அதனால் நானே அந்த வரனை வேறு ஏதோ காரணம் சொல்லி நிறுத்திவிட்டேன் .
இப்படி திருமணம் செய்வதற்கு நேரம் கூடி வர வேண்டும் அப்போதுதான் திருமணமும் மற்ற விவகாரம் எல்லாம் நம்மால் நிம்மதியாக செய்ய முடியும் என்றார் பண்ணையார்.

அப்படியா விஷயம்... எனக்கும் நீங்கள் அந்த வரனை வேண்டாம் என்று சொல்லும் போது சந்தேகமாகவே இருந்தது பார்ப்பதற்கு பெண் அழகாக இருக்கிறாளே. ஏன் மாமா இந்த வரனை வேண்டாம் என்று சொல்கிறாரே என்று நினைத்து வருத்தப்பட்டேன் .
இப்போதுதான் புரிகிறது என்று சாந்தி சொன்னாள் .
உண்மைதான் மாமா அந்தக் காலத்திலே வீட்டைக் கட்டிப்பார் கல்யாணம் பண்ணிப்பார் என்று சொல்வார்களே நிஜம்தான் என்று சாந்தி சொல்லிக்கொண்டு அங்கிருந்து கிளம்பி விட்டாள்.


பம்புசெட்டில் தங்கி குடும்பத்தோடு வேலை செய்யும் கனகா பார்ப்பதற்கு மிகவும் அழகாக இருப்பாள் .அவள் கணவன் ஊமையன் கனகா மீது பாசமாக இருப்பான் இவர்களுக்கு 10 வயதில் ஒரு மகனும் . இரண்டு வயதில் ஒரு கைக் குழந்தையும் உண்டு .👪
இப்படி குடும்பத்தோடு சந்தோஷமாக பண்ணையார் தோட்டத்தில் பம்புசெட்டில் தங்கி வேலை செய்து வருகிறார்கள்.

வழக்கம் போல நமது ஹீரோ சங்கர் பண்ணையார் தோட்டத்தில் வேலை செய்துவிட்டு .
வீட்டுக்கு சைக்கிளில் வந்து கொண்டிருந்தான் 🚲 அந்த கிராமத்தில் உள்ள வீடுகள் எல்லாமே சின்ன சின்னதாக தான் இருக்கும் பார்ப்பதற்கு அழகாக வரிசையாக அனைவரும் ஒரு வட்டத்துக்குள் இருப்பதுபோல ஒரே இடத்தில் இருப்பார்கள் 🛖🏠⛺🏡மொத்தத்தில் அந்த கிராமம் அழகு மிகுந்த கிராமம் .

அப்போது சங்கர் வீட்டின் அருகில் சென்றபோது நமது ஹீரோயினி ரேகா . வாசலை சுத்தம் செய்து கொண்டிருந்தாள் .

இதை கவனித்த சங்கர் ஓரக்கண்ணால் ரேகாவை பார்த்தா படி வீட்டின் அருகில் சென்றான் அப்போது முத்தையா வீட்டின் திண்ணையில் அமர்ந்திருந்தார் வாசலில் சைக்கிளை நிறுத்திவிட்டு உள்ளே சென்ற சங்கர் பண்ணையார் கொடுத்த இனிப்புகளை எடுத்துவந்து வெளியில் வாசலை சுத்தம் செய்து கொண்டிருக்கும் ரேகாவிடம் நீட்டினான்.

இந்த புள்ள .ஸ்வீட் சாப்பிடு உங்க அம்மாவுக்கும் கோடு என்று சொன்னான் .

ரேகாவும் சங்கர் முகத்தை பார்க்காமல் தரையைப் பார்த்துக் கொண்டே ஸ்வீட்டை வாங்கிக்கொண்டாள் .
மீண்டும் வாசனை சுத்தம் செய்து கொண்டிருந்தாள் .
அப்போது சங்கர் ரேகாவின் இயல்பான அழகை பார்த்து ரசித்தான் சாதாரண பாவாடை சட்டையை அணிந்திருந்தாள் ரேகா ஒல்லியான தேகம் சிவப்பான நிறம் சுறுசுறுப்பாக வேலை செய்வாள் இப்படி ரேகாவின் எல்லாம் நடவடிக்கையும் சங்கருக்கு பிடிக்கும்.

ரேகா சங்கர் முகத்தை பார்க்காவிட்டாலும் அவள் மனம் முழுக்க சர்க்கரையே பார்த்துக்கொண்டிருந்தது .அவள் ஓரக்கண்ணால் பார்த்தும் பார்க்காத படி சங்கரை ரசிப்பாள்
இப்படி இருவருமே ஓரக் கண்களால் பார்த்துக் கொள்வார்கள் .
இருவரும் அதிகமாக பேச மாட்டார்கள் ஆனால் சங்கரின் மனதில் ரேகா நிரம்பி இருப்பாள் ரேகாவின் மனதில் சங்கர் நிரம்பி இருப்பான்

ரேகாவின் வீடு சங்கரின் எதிர்வீடு . ரேகாவுக்கு அப்பா இறந்துவிட்டார் அம்மா மட்டும்

பெண்கள் இல்லாத வீடு என்பதால் ரேகா அடிக்கடி வந்து சங்கர் வீட்டையும் வாசலையும் சுத்தம் செய்வது வழக்கம் .

அதேபோல சங்கரும் ரேகாவை பாசமாக பார்ப்பான் அப்பா இல்லாததால் ரேகாவுக்கு பொருளுதவியும் செய்வான்
இப்படி இருவரும் மனதுக்குள் காதல் செய்தாலும் வெளியில் காட்டிக் கொல்லா மாட்டார்கள் இப்படி ஓரக்கண்ணால் இருவரும் காதல் செய்தார்கள் .

அப்போது முத்தையா சங்கரிடம் சொன்னார் ...ஐயா இன்னிக்கி தண்ணி காய வெச்சு எனக்கு கொஞ்சம் உடம்புக்கு ஊத்தி விடுடா என்றார்.

நாலு நாள் முன்னாடி தானே உனக்கு உடம்புக்கு ஊத்தினேன் அதுக்குள்ள மறுபடியும் உடம்புக்கு ஓதனுமா.

உடம்பெல்லாம் ஒரே கச கசன்னு இருக்குடா . இன்னைக்கு ஒரு நாளைக்கு ஊத்தி விடண்டா என்றார் முத்தையா.


இன்னைக்கு எனக்கு முக்கியமான கபடி மேட்ச் இருக்கு .அதுக்கு நான் இப்ப கிளம்புறேன் அதனால நாளைக்கு பார்க்கலாம்.
உனக்கு உடம்புக்கு ஒத்துராதா இல்லயான்னு. பொறுப்பில்லாமல் சொல்லிவிட்டு ரேகாவை ஓரக்கண்ணால் பார்த்தபடியே கபடி உடையை அணிந்திருந்தான் சங்கர்.

அப்போது சங்கரின் நண்பன் ஒருவன் சைக்கிளில் வந்து வாசலில் நின்று பெல் அடித்தான் சீக்கிரம் வாடா நேரமாச்சு என்று கத்தினான். உடனே சங்கரும் கபடி உடையனிந்து கொண்டு வெளியே வந்து தனது சைக்கிளை எடுத்தான்.

சீக்கிரமா வந்து எனக்கு உடம்புக்கு ஊத்தி விடு டா என்றார் முத்தையா.

பாக்கலாம் என்று சொல்லிவிட்டு தனது நண்பனோடு கபடி விளையாட சென்றுவிட்டான் சங்கர்.

அந்த கிராமத்தில். சேற்றுகபடி விளையாடுவது வழக்கம்.
பண்ணையார் தோட்டத்தில் இருக்கும் நிலங்களில் சிறிதளவு கபடி விளையாடுவது என்று தனியாக இடம் ஒதுக்கி இருக்கும் அந்த நிலத்தில் எப்போதுமே சேர் இருந்துகொண்டே இருக்கும்
அதில் இளைஞர்கள் கபடி விளையாடுவது வழக்கம் .
அந்த சேற்றில். இளைஞர்கள் போட்டி போட்டுக்கொண்டு கபடி விளையாடும் போது பார்ப்பதற்கு அந்தக் காட்சி அழகாக இருக்கும் அப்போது சிறியவர்கள் முதல் பெரியவர்கள் வரை சுற்றி நின்று வேடிக்கை பார்த்து . சிரித்து மகிழ்வார்கள் இளைஞர்கள் சேற்றில் விழுந்து விழுந்து கபடி ஆடுவதற்கு அவர்களுக்கு அதிகமான ஆர்வம் உண்டு.
இப்படி சங்கர் அணியினரும் எதிரணியினர் விளையாடி ஒரு வழியாக சங்கர் அணியினர் வெற்றி பெற்று . வழக்கமான உற்சாகத்தோடு பம்புசட்டில் குளித்தார்கள் அனைவரும்

அப்போது. சங்கருக்கு அவனது அப்பா குளிப்பாட்டி விடு என்று சொன்னது நினைவுக்கு வந்தது.
உடனே சங்கர் கிளம்பிவிட்டான்

அப்போது அவன் வீட்டின் அருகில் சென்று கொண்டிருக்கும்போது ரேகா முத்தையாவை குளிப்பாட்டிக் கொண்டிருந்தாள்.
இதை பார்த்ததும் சங்கருக்கு ரேகாவின் செயல் அவன் மனதை மேலும் உறுக செய்தது .
பிறகு சைக்கிளை வாசலில் நிறுத்திவிட்டு ரேகாவை பார்த்தான் வாசலில் முத்தையா அமரவைத்து சுடசுட வெந்நீரில் குளிப்பாட்டிக் கொண்டிருந்தாள் ரேகா .
அப்போது அவள் முத்தையாவின் முதுகிற்கு. சோப்பு போட்டு அழகை தேய்த்து குளிப்பாட்டினாள் இதைப்பார்த்த சங்கருக்கு
ரேகா தனது குடும்பத்தின் மேல் இவ்வளவு பாசம் வைத்திருக்கிறாலே என்று நினைத்து பெருமைப் பட்டான் சங்கர்.


சங்கரின் மனதில் காதலியாக நிரம்பி இருந்த ரேகா .
இப்போது தாய் பாசத்திலும் நிரம்பி விட்டால்.



தொடரும்.......

 

[Karthikeyan Jayaraman]

⬇️அத்தியாயம்..... 4 👇


முத்தையா குளித்து முடித்தவுடன் வழக்கம்போல மெதுவாக தடிக்கொம்புடன் திண்ணை மீது அமர்ந்துகொண்டார் .
அப்போது சங்கரை பார்த்து கேட்டார்.

நேத்து தோட்டத்துக்கு பண்ணையார் வந்து இருந்தாரா என்றார் முத்தையா.

ஆம் வந்திருந்தார் அப்பா ...
வந்ததும் என்னைப்பர்த்து ஆசையோடு கட்டிப்பிடிச்சுக்கொண்டு விசாரிச்சார் உங்கள பத்தியும் என்றார் சங்கர்.

அவன் நல்லபடியா இருக்கிறானா உடம்புக்கு ஒண்ணும் இல்லையே என்று சங்கரிடம் கேட்டார் முத்தையா.


அவருக்கு ஒன்றும் இல்லை நன்றாகத்தான் இருக்கிறார் அப்பா அவர்தான் உங்களைப்பற்றி ரொம்ப நேரம் விசாரிச்சார் .
அத்தோடு உங்களுக்கும் புது துணி கொடுத்தாரு. எல்லோருமே சந்தோஷமா சாமி கும்பிட்டுட்டு அவர் கடைசி பையனோட பிறந்தநாள் கொண்டாடி முடிச்சிட்டு சந்தோஷமா எல்லோரும் நல்லபடியா வந்தோம் அப்பா.

எனக்கு புத்தி தெரிந்தவரை ஒருமுறைகூட . தீனாவின் பிறந்தநாளுக்கு வந்ததே இல்லை இப்போது வயதாகிவிட்டது வரமுடியவில்லை .ஆனால் நான் சின்னப்பிள்ளையாக இருக்கும்போது கூட பிறந்த நாளன்று நீங்கள் பம்புசெட் பக்கமே போகாமல் வீட்டிலேயே இருப்பீங்க சோகமாக. எதுக்கு அப்பா
என்றான் சங்கர்.

இந்த ஊரே சந்தோஷமா இருக்கனும் என்பதற்காகத்தான் பண்ணையார் தீணாவின் பிறந்தநாளை அதிக செலவு செய்து கொண்டாடுகிறார். ஆனால் அவர் மனைவி அன்று இறந்த நாள் அந்த வருத்தம் பண்ணையாருக்கும் எனக்கு மட்டும்தான் இருக்குது

ஏன்னா ...அந்த அம்மா ரொம்ப கவலையோடு உயிரை விட்டாங்க அவங்க உயிரை விடும்போது பண்ணையார் அவங்க கூட இல்லை நான் தான் இருந்தேன் .

அப்போது தினா பிறந்தவுடன் பண்ணையார் சந்தோசத்துல இனிப்பு கொடுக்கலாம் என்று நினைத்து கடைக்கி போய்ட்டான் அப்போ நான் வெளியில நின்னு இருந்தேன் .உடனே நர்ஸ் அம்மா வந்து அந்த அம்மா வலியால் துடிக்கிறாங்க அவர் எங்க னு கேட்டாங்க .
இதோ கடைக்கு போய் இருக்கார் என்று சொல்லிட்டு நான் உள்ளே போய் பார்த்தேன் .அப்போ அந்தம்மா உடம்பெல்லாம் ஒரே ரத்தம் தீனா பிறந்தவுடன் இரத்தம் நிற்கவே இல்லை .
பாவம் குழந்தை கத்திக்கொண்டே இருந்தான் பாலுக்காக
அந்த அம்மாவால பால் கொடுக்க முடியாமல் தவித்தாங்க.

அவங்க நம் உயிர் போகப் போகுதுஎன்று மனசுல நினைச்சுட்டாங்க போல தெரிகிறது அவங்க கண்களில் கண்ணீர் கொட்டுதே தவிர அவங்களால் எதுவுமே பேச முடியல .

அந்த அம்மா குழந்தை முகத்தை பாக்குறதுக்கு எவ்வளவோ முயற்சி செய்தாங்க. நான் அவங்களோட என்னத்தை புரிஞ்சுகிட்டு தீணவை தூக்கி முகத்தை காட்டினேன் அப்போது அந்த அம்மா தொட்டுப் பாக்குறதுக்கு முயற்சி செய்தாங்க அவங்களால முடியவில்லை .
பாவம் எனக்கு அங்கே நிக்கிறதுக்கு தர்ம சங்கடமாய் இருந்தது .
அந்த அளவுக்கு அவங்க அலங்கோலமாய் இருந்தாங்க அப்போ குழந்தைக்கு பால் கூடுமா என்று சொல்லிட்டு நான் உடனே வெளியே வந்து. பண்ணையார் வருகிறானா என்று எதிர்பார்த்திருந்தேன் .சிறிது நேரம் கழித்து பண்ணையார் வரவில்லை

சரி உடனே குழந்தை என்ன பண்றான் என்று உள்ளே போய் பார்த்தா குழந்தை பால் குடித்துக் கொண்டிருந்தான்.
ஆனால் அந்தம்மா இறந்துவிட்டு இருந்தாங்க .தீனா இறந்த தாய் மடியில் பால் குடித்தது என் மனம் கேட்கவில்லை உடனே குழந்தையை தூக்கிக்கொண்டேன் .

அன்னிக்கு ஏன் மனம் புண்பட்டது தான் அது இன்னும் என் மனசு ஆறலை . இப்படிப்பட்ட நிலைமை எந்த குழந்தைக்கும் வரக்கூடாது. அந்த கசப்பான அனுபவம் என் மனச ரொம்ப கஷ்டப்படுத்திரிச்சி

உடனே நான் குழந்தையை தூக்கி கொண்டு வெளியே வந்து பார்த்தேன். சாக்லேட் வாங்கிட்டு வரச் சென்ற பண்ணையார் திரும்பி வந்தான் . ஆசையோடு சாக்லேட்டை வாரிக் கொடுத்தான் எனக்கு. என் கண்களில் வந்த கண்ணீரை பார்த்து அவன் அதிர்ச்சியோடு நின்றான் .

என்னடா ஆச்சு .....

உன் மனைவி நம்மை அனாதையாக விட்டுட்டு
போயிட்டாங்க என்று அவனை கட்டி அணைத்துக்கொண்டு அழுதேன் மற்றபடி அவனுக்கு நான் எதுவும் கூற முடியவில்லை.
அவன் அதிர்ச்சியில் வாங்கிக்கொண்டு வந்த மிட்டாய் எல்லாம் கீழே கொட்டி விட்டு புரண்டு புரண்டு அழுதான்.

அதன் பிறகு தீனாவை காப்பாற்ற பண்ணையார் ரொம்ப கஷ்டத்தை எல்லாம் அனுபவிச்சான் குழந்தைக்கு பால் கிடைக்காமல் ரொம்ப கஷ்டப்பட்டு இருந்தான் நான் தான் குழந்தையை தூக்கி வந்து நம்மூரில் இருக்கும் குழந்தை பெற்ற பெண்கள் இடம் சிறிது பால் ஊட்ட சொல்வேன் .
இப்படி எவ்வளோ கஷ்டப்பட்டு அவனை வளர்த்தோம் ஆறு மாதம் கழித்து தான் அவன் பசும்பாலை குடிக்க ஆரம்பித்தான்.

இப்படி பண்ணையார் கஷ்டப்படுவதை பார்த்து ஊர் மக்கள் பெரும் கவலையில் இருந்தார்கள். தீனா பிறந்ததை நினைத்து யாரும் சந்தோசப் படவில்லை . அதனால் பண்ணையாருக்கு சிறிது வருத்தம் பிறகு இந்தக் கவலையைப் போக்க வேண்டுமென்று இதுவரைக்கும் பரந்தாமனின் பிறந்த நாளும் கொண்டாடியது இல்லை சந்திரனின் பிறந்த நாளும் கொண்டாடியது இல்லை .தீனாவின் பிறந்தநாளை மட்டும் இப்படி கோலாகலமாக கொண்டாடுவதற்கு காரணம் .ஊர் மக்கள் நம் மனைவியின் நினைவு நாளை நினைத்து கவலைப்படுவதை விட நம் மகன் பிறந்தநளை நினைத்து சந்தோஷப்பட வேண்டும் என்பதற்காகத்தான் பண்ணையார் இப்படி செலவு செய்து ஊர் மக்களை சந்தோசப்படுத்துவன்

ஆனால் தீனா பிறந்தபோது ஏற்பட்ட அந்த கசப்பான அனுபவம் இன்னும் என் மனதை விட்டு நீங்கவில்லை அதனால்தான் நான் இந்த ஒரு விசேஷத்துக்கு மட்டும் நான் போக மாட்டேன் என்று . வருத்தத்தோடு சொன்னார் முத்தையா .

இதைப்பற்றி நீ யாரிடமும் சொல்லாதே நான் ஏன் இப்போது உன்னிடம் சொன்னேன் தெரியுமா எனக்குப் பிறகு அந்த குடும்பத்தை நீ தான் கவனித்துக் கொள்ள வேண்டும். அதனால் தான் இந்த விஷயத்தை உனக்கு நான் எடுத்துச் சொன்னேன் என்றார் முத்தையா.

தீனாவின் பிறந்த நாளில் இவ்வளவு ரகசியங்கள் இருக்கிறதா என்று நினைத்துக் கொண்டான் சங்கர் பிறகு அவனும் சற்று சோகத்தில் ஆழ்ந்தான் . பாவம் தீனா பிறந்த உடன் தாய் மடியில் பால் குடிக்க கூட அவனுக்கு கொடுப்பனை இல்லை என்று நினைத்து சங்கர் வருத்தப்பட்டான்.

அப்போது ரேகாவின் அம்மா லட்சுமி அம்மாள் கோவிலுக்கு போயிட்டு வந்து திருநீரை முத்தையாவுக்கு ம் சங்கருக்கும் நெற்றியில் இட்டாள்.

உங்க அம்மா அப்பாவை போய் பாத்துட்டு வந்தைய அம்மா என்று லட்சுமியிடம் முத்தையா கேட்டார்.

நான் இருக்கிற நிலைமைக்கு எப்படி போய் நான் பார்த்துவிட்டு வரமுடியும் . அவங்கதான் என்னை வந்து பார்க்கணும் இப்படி பொன்னை வச்சுக்கிட்டு கஷ்டப்படுறாள் என்று நினைத்து அவங்கதான் என்னை வந்து பார்க்கணும் என்றால் லட்சுமி.

உன் தம்பி என்ன பண்றான் அவனும் வரவில்லையா.

ரேகா பெரிய மனுஷியானதும் குடும்பத்தோடு வந்து போனாங்க அதிலிருந்து இன்னும் வரவில்லை அஞ்சு வருஷம் ஆகுது இன்னும் யாரும் வந்து எட்டிப் பாக்கல அக்காவை பத்தின கவலையும் இல்லை என் தம்பிக்கு .
பேத்தியை பத்தின கவலையும் இல்லை என்னோட அம்மா அப்பாவுக்கு. என்ன செய்றது அப்பா விசேஷமான வராங்க இல்லனா கிடையாது என்று சலிப்போடு சொன்னால் லட்சுமி.


சரி அவங்களுக்கு என்ன வேலையோ . அதுக்காக அப்பா அம்மா தம்பி பாசம் இல்லாமல் போகுமா என்னைக்கு இருந்தாலும் நம்ம உறவு தான் நமக்கு தங்குவாங்க என்று லட்சுமிக்கு சற்று ஆறுதல் சொன்னார் முத்தையா.

இப்போதைக்கு அப்பா நீங்க இருக்கீங்க .இந்த சொந்தமே எனக்கு போதும் அப்பா என்று சொல்லிக்கொண்டு இலட்சுமி கிளம்பினாள்.

.....ஒரு நாள்...

பண்ணையார் தோட்டத்தில் பம்புசெட்டில் தங்கி வேலை செய்யும் கனகா தனது பத்து வயது மகனை பள்ளிக்கூடத்திற்கு அனுப்ப தயார் செய்து கொண்டிருந்தாள் .
அவள் கணவன் ஊமையன் தனது இரண்டு வயது குழந்தையுடன் விளையாடிக்கொண்டிருந்தான் மடியில் களத்திக்கொண்டு.
கனகா தன் மகனுக்கு தலை சீவிக்கொண்டு கேட்டாள்.

நீ படித்ததும் பெரியாளாகி என்ன வேலை செய்யப் போறே என்று.

நான் நல்லா படிச்சு இந்த ஊருக்கே பண்ணையாராக போறேன் என்றான் அந்த சிறுவன்.

கனகாவுக்கு சிரிப்பை அடக்க முடியவில்லை. உடனே சிரித்து விட்டாள் . ஊமையனும் மகன் பேச்சு புரிந்துகொண்டு அவனும் சிரித்தான்.

எல்லாப் பிள்ளைகளும் நல்லா படிச்சு போலீஸ். வக்கீல் .டாக்டர் கலெக்டர் .ஆகப் போறேன்னு சொல்லுவாங்க நீ என்னடா பண்ணையாராக போறேன்னு சொல்ற என்று கேட்டால். தன் மகனிடம்.


போலீஸ் டாக்டரு வக்கீல் இவங்களெல்லாம் காசு கொடுத்தா தன் நமக்கு உதவி செய்யறாங்க ஆனா பண்ணையார் நமக்கு எல்லாம் உதவியும் செய்யறாரு டாக்டர் விட போலீசை விட.பண்ணையார் நல்லவரு அதனாலதான் நான் படிச்சு முடிச்சதும் பண்ணையார்ராகி இந்த ஊருக்கே நிறையக் காசு கொடுக்க போறேன் .உங்களையும் நல்லா பாத்துக்குவே என்று வெகுளித்தனமாக அந்த சிறுவன் சொன்னான்.

சிரித்துக் கொண்டிருந்த கனகா. தன் மகனின் எண்ணம் அப்போது தான் அவளுக்கு புரிந்தது பண்ணையாரின் பெருந்தன்மையை இவன் புரிந்து வைத்துக் கொண்டிருக்கிறான் அதனால்தான் அவரைப்போலவே நாமும் இருக்க வேண்டும் என்று நினைக்கிறான் .அவருக்கு இந்த ஊர் மக்கள் மரியாதை கொடுப்பதை பார்த்து இவனும் இவரைப்போல ஆக வேண்டுமென்று நினைக்கிறான் என்று புரிந்துகொண்டால் கனகா பிறகு சிறுவனிடம் சொன்னாள்.

உன் விருப்பப்படியே நல்லா படித்து பண்ணையார் ஆகிவிடு அதுக்கப்புறம் எங்களையும் நல்லா பாத்துக்கணும் என்ன புரிஞ்சதா என்றாள் கனகா.

சிறுவன் நல்ல பலமாக தல ஆட்டினான். அப்போது பண்ணையார் மகன்கள் வருவதை பார்த்த கனகா உடனே அவசரமாக சிறுவனை பள்ளிக்கு அனுப்பிவைத்து தோட்ட வேலைக்கு தயாரானாள்.

கனகாவின் மகன் பள்ளிக்கு செல்லும்போது பண்ணையாரின் மகன்களை நன்றாக பார்த்தபடியே சென்றான் .அவன் மனதில் நாமும் இவர்களைப் போலவே நல்லவர்களாக ஆக வேண்டுமென்று அவன் மனதில் பதிந்தது.


வழக்கம்போல பண்ணையார் மகன்கள் பம்பு செட்டின் மரத்தின் நிழலில் சிறிது நேரம் நின்றார்கள் காற்றோட்டமாக .
பிறகு தீனா ஒரு பக்கம் .சந்திரன் ஒரு பக்கம் தோட்டத்தை சுற்றிப் பார்க்க சென்று விட்டார்கள்

அப்போது பரந்தாமன் பம்புசெட்டில் மற்றொரு அறையில் இருக்கும் தனது தாய் படத்தின் முன்பாக நின்று கும்பிடுவதற்கு தயாரானான். 🏠🏡.

அம்மா எனக்கு சிறுவயதில் நான் தம்பிகளை விட அடம் பிடிப்பதில் அதிகமாக இருந்தேன் .
எந்தப் பொருளாக இருந்தாலும் மூவருக்கும் சமமாக பிரித்துக் கொடுப்பாய் . ஆனால் நான் தம்பி களை விட எனக்கு அதிகம்மாக வேண்டும் என்று உன்னிடம் அடம் பிடிப்பேன் . நீயும் தம்பி களிடமிருந்து எதையாவது சமாதானம் சொல்லி . பிடிங்கி எனக்கு கொடுத்து விடுவாய் .
இது போல என்னை நீ ஆரம்பத்தில் என் ஆசைகளை நிறைவேற்றி வைத்தாய் அது மெல்ல மெல்ல வளர்ந்து . இப்போது அந்த ஆசை என் மனதில் நீக்க முடியாத ஒன்றாக பதிந்துவிட்டது தாயே .


இப்போது இந்த எல்லாம் சொத்துக்களையும் சமமாக பிரித்துக் கொடுக்க வேண்டும் என்று அப்பா நினைக்கிறார் ஆனால் என் மனம் ஏற்க மாட்டேங்குது அம்மா . சிறுவயதில் இருந்தது போலவே என் மனம் அடம்பிடிக்கிறது .
எனக்கு சிறுவயதில் எப்படி தம்பி களிடமிருந்து எனக்கு பிடிங்கி கொடுப்பாய் அதேபோல இந்த எல்லா சொத்துக்களையும் எனக்கு மட்டும் தரவேண்டும் . நான் மட்டும் இதில் ஆள வேண்டும் . இதற்கு நீதான் எனக்கு உதவி செய்ய வேண்டும் .உன்னை விட்டால் எனக்கு வேறு யாருமில்லை .

நான் இதுவரைக்கும் கோவிலுக்கு சென்றதில்லை .ஏனென்றால் நான் கேட்கும் வரத்தை எந்த சாமியும் கொடுக்காது நீ மட்டும் தான் எனக்கு எதைக் கேட்டாலும் கொடுப்பாய் தம்பிகளிடம் எல்லா சோத்துக்களும் எனக்கு வேண்டும் என்று கேட்டாள் கொடுத்துவிடுவார்கள் .
ஆனால் அப்பாவுக்கும் ஊர் மக்களுக்கும் மன கஷ்டம் ஏற்படும் என்னை பேராசைக்காரன் என்று பேசுவார்கள் . அதனால் இந்த ஊருக்கும் நம் குடும்பத்துக்கும் தம்பிகளுக்கும் நான் நல்லவனாக இருக்க வேண்டும் எல்லாம் சொத்துக்களும் எனக்கே கிடைக்கவேண்டும் .அதனால் நான் என்ன செய்தாவது இந்த சொத்துக்களையெல்லாம் அடைந்தே தீருவேன் தாயே .இதற்கு நீதான் எனக்கு கூடவே இருந்து உதவி செய்ய வேண்டும் தாயே என்று மனமுருக வேண்டிக்கொண்டான் பரந்தாமன்.


பிறகு சுற்றும் முற்றும் பார்த்துவிட்டு யாரும் நம்மை கவனிக்கவில்லை என்று தெரிந்ததும் பரந்தாமன் தனது தாய் படத்தின் அருகில் சென்று ஒரு படி மேலே ஏறி படத்தின் பின்னால் இரண்டு பூட்டுகள்ளால் பூட்டியிருக்கும் அந்தப் பெரிய பெட்டியை பார்த்தான் அப்போது அவன் இடுப்பில் இருந்த சாவியை எடுத்து பூட்டை திறந்து பார்த்தான் . அந்த பெட்டியில் கட்டுக்கட்டாக நிறைய பணம் இருந்தது . அதை பார்த்துவிட்டு மறுபடியும் தனது இடுப்பில் சுற்றி இருக்கும் பணக்கட்டுகளை எடுத்து அந்த பெட்டியில் போட்டு விட்டு மறுபடியும் மூடிவிட்டான் அந்தப் பெட்டியை. மறுபடியும் யாராவது நம்மை கவனித்தார்களா என்று பார்த்துவிட்டு வெளியே வந்துவிட்டான் பரந்தாமன்.

அப்போது கனகா பம்புசட்டில் இருந்து மண்வெட்டியுடன் வேலைக்கு கிளம்பினாள் .அப்போது பரந்தாமன் கனகாவிடம் கேட்டான்..

என்னம்மா உன் பையனோட ரொம்ப நேரமா சிரிச்சு பேசிக்கிட்டு இருந்த போல தெரிஞ்சது என்றான் பரந்தாமன்.

சிரித்துக்கொண்டே ...ஆமாம் அய்யா .என் மகன் படித்து முடித்ததும் பண்ணையாராக போறேன் என்று சொன்னான் அதனால் நான் சிரிச்சேன் ஐயா என்று சொன்னால் கனகா.

என்னது ....பண்ணையாராக போறாராம ஏன் அவருக்கு இந்த ஆசை என்று பரந்தாமன் லேசாக சிரித்துக் கொண்டே கேட்டான்.

ஊருக்குள்ள எல்லோரும் உங்க குடும்பத்துக்கு கொடுக்கிற மரியாதை பார்த்து . நீங்க எல்லோருக்கும் உதவி செய்வதை பார்த்து .அவனுக்கு இந்த யோசனை வந்து இருக்குது . அதனால தான் அப்படி சொன்னேன் என்று சொல்றான் ஐயா என்றாள் கனகா.

பரவாயில்லையே இந்த வயசிலேயே உன் மகன் மனசுல ஒரு லட்சியம் வளருது . நல்லது என்று சந்தோசமாக சொன்னான் பரந்தாமன் .

பிறகு கனகாவிடம் பரந்தாமன் சற்று நிதானமாக சொன்னான்.... ஏற்கனவே இந்தப் பம்புசெட்டில் தங்கி வேலை செஞ்ச அவங்க எதனால காணாம போயிட்டாங்க என்று எனக்கு தெரியாது .
அவங்கள நாங்க தேடிக்கிட்டு இருக்கிறோம். இதை ஏன் உங்க கிட்ட சொல்றேன் என்று தெரியுமா உனக்கு இந்த இடத்தில ஏதாவது தொந்தரவு இருந்தால் . என்கிட்ட நீ தயங்காம சொல்லணும் அப்பதான் நான் அந்த பிரச்சனையை தீர்த்து வைப்பேன் . ஏனென்றால் நீயும் சின்ன சின்ன பிரச்சனைக்கு பயந்துகொண்டு எங்கேயாவது
ஓடி விடக்கூடாது .
அதனால் தான் உனக்கு நான் முன்கூட்டியே சொல்கிறேன் யார் தவறு செய்தாலும் தயங்காமல் என்னிடம் நீ சொல்லலாம் .
அது என் தம்பிகளாக இருந்தாலும் நீ பயப்படக்கூடாது எங்கள் குடும்பத்தில் இருந்து எந்த பிரச்சனையும் உனக்கு ஏற்படாது அதனால் நீ இங்கு நல்ல முறையில் வேலை செய்து .
இந்தத் தோட்டத்தை இன்னும் மேலும் செழிப்பாக வளர வைக்க வேண்டும் என்று பரந்தாமன் கனகாவிடம் அன்பாக சொன்னான்.


ஐயா இதுவரைக்கும் நான் இங்கு வந்து வேலை செய்ததில் எந்த ஒரு தொந்தரவும் எனக்கு இல்லை அப்படி தொந்தரவு செய்யும் அளவுக்கு இந்த ஊரில் யாரும் கிடையாது . எனக்குத் தெரிந்தவரை அவர்கள் என்ன காரணத்தினால் இங்கிருந்து ஓடி விட்டார்களோ என்று எனக்கு தெரியாது . ஆனால் நான் அப்படி செய்ய மாட்டேன் .அப்படிப்பட்ட கெட்டவர்களும் நம்ம ஊரில் இல்லை . நீங்கள் கவலைப்படா வேண்டாம். ஐயா .
கூடிய சீக்கிரத்தில் அவர்கள் கிடைத்து விடுவார்கள் என்று கனகா பரந்தாமனிடம் சொன்னாள்.

சரி உன் வாய்சொல் பலிக்கட்டும் என்று சொல்லிவிட்டு பரந்தாமன் அங்கிருந்து தோட்டத்தைச் சுற்றிப் பார்க்க கிளம்பினான்.



திருடனிடம் சாவி கொடுத்து காவலுக்கு விட்டதை போல .
காணாமல் போனவர்களை நம் மகன்கள் கண்டிப்பாக கண்டுபிடித்து விடுவார் என்ற நம்பிக்கையில் பண்ணையார் இருக்கிறார்.

நல்லபடியாக வேலை செய்து
தன் மகனை படிக்க வைத்து பெரிய ஆளாகி விட வேண்டும் என்ற நம்பிக்கையில் கனகா இருக்கிறாள்.

ஊரில் உள்ளவர்களுக்கும் தனது குடும்பத்திற்கும் நல்லவனாக இருக்க வேண்டும். அதேசமயம் எல்லாம் சொத்துக்களையும் திட்டம் போட்டு நாமே அனுபவிக்க வேண்டும் என்று .பரந்தாமன் தனது திட்டத்தின் வடிவத்தை துவங்கிவிட்டான். என் தாய் எனக்கு உதவியாக இருப்பாள் என்ற நம்பிக்கையில்.


இப்படி அந்தக் கிராமத்தில் எல்லோரும் ஒரு நம்பிக்கையில் வாழ்க்கையை சந்தோஷமாக நடத்தி வருகிறார்கள்.



தொடரும்....