நினைவலைகள்

[dharshini chimba]

கவிதை 18:

"உன்னோடு..."

தழுவிக்கொள்ள
உயிர்துடித்தாலும்...
தொட்டுவிடும் தூரத்தில்
நீ இருந்தாலும்...
நூலிழை கோடாய்
தடுக்கிறதடி உன் தயக்கம்...

வாய்ச்சொல்வேண்டாம்
உன் விழிஅசைவு
போதுமடி...
ஏழுஜென்மத்திலும்
மரணித்தும் பயணிப்பேன்
உன்னோடு...

-தர்ஷினிசிம்பா

 

[dharshini chimba]

கவிதை 19:

"உயிர்மெய்"


"உயிராக நீ......!
மெய்யாக நான்....!

நீயும் நானும் ..........
அன்பெனும் மொழியால்
ஒன்றாக.......

நம் அன்பின் கலவையில்
உருவானது.....
எல்லோருக்கும் கிடைக்காத
உயிர்மெய் எனும்
நம் குழந்தை செல்வம்.....! "

-தர்ஷினிசிதம்பரம்

 

[dharshini chimba]

வாவ்..ராணுவவீரனின் உணர்வு என்றுமே அழகு தான்

ஆம்

 

[dharshini chimba]

கவிதை 20:

"தனி அழகு"

"ஒளிரும் போது தீபம் அழகு!
விரியும் போது மலர் அழகு!

நீந்தும் போது மீன் அழகு!
ஏந்தும் போது விரல் அழகு!

ஈர்க்கும் போது விழி அழகு!
பார்க்கும் போது பசுமை அழகு!

சுரக்கும் போது ஊற்று அழகு!
மறக்கும் போது பகை அழகு!

கேட்கும் போது இசை அழகு!
மட்கும் போது உரம் அழகு!

கோர்க்கும் போது மணி அழகு!
சேர்க்கும் போது மாலை அழகு!

உழைக்கும் போது வியர்வை அழகு!
தழைக்கும் போது வாழை அழகு!

வடிக்கும் போது சிலை அழகு!
துடிக்கும் போது இதயம் அழகு!

ரசிக்கும் போது இயற்கை அழகு!
பசிக்கும் போது உணவு அழகு!

காயும் போது சருகு அழகு!
சாயும் போது தோள் அழகு!

சிந்திக்கும் போது சிந்தனை அழகு!
சந்திக்கும் போது சோதனை அழகு!

தோன்றும் போது வானவில் அழகு!
ஊன்றும் போது கோல் அழகு!

நினைக்கும் போது நினைவுகள் அழகு!
புன்னகைக்கும் போது இதழ்கள் அழகு!

சேர்ந்திருக்கும் போது திருமணம் அழகு!
காத்திருக்கும் போது காதல் அழகு!

எளியோர் கற்கும்போது தமிழ் அழகு!
பெற்றோர் ஏற்கும்போது காதல் அழகு!

சோதிக்கும் போது இறைவன் அழகு!
சாதிக்கும் போது பெண் அழகு! "

- தர்ஷினிசிம்பா

 

[vaishnaviselva@]

கவிதை 10:

"காதல் கணவா"


"காதலிப்பவர்களை பிடிக்கும்...

காதல் கூட பிடிக்கும்....

ஆனாலும் உறுதியோடு இருந்தேன்

பெற்றவர்களின் ஆசியோடு

கைப்பிடிப்பவரை

காதலிக்கவேண்டுமென்று!......



அதனால்தான்,

என் வாழ்வின் வரமாய்!

கடவுள் தந்த பரிசாய்...!

நீ கிடைத்தாய் !.....


வார்த்தைகள்

பேசாத மொழியாய்...!

என்றும் உன் விழிகளில்

என் மேல் காதலோடு

உலாவரும் என்னவனே...!



என் கண்ணிமை மூடி

நிரந்தரமாய் மண்ணுக்குள்

போகும் வரை !........

காதலித்து கொண்டிருப்பேன்

உயிரே உன்னை! ....."

-தர்ஷினிசிம்பா

semma ❤️ ❤️ ❤️ ❤️ ❤️ ❤️