மந்திரம் : 10 குகை முழுவதும் இருட்டில் மூழ்கி இருக்க நடுவில் அகல் விளக்குகள் எரிந்து கொண்டிருக்க ,நட்சத்திர அமைப்பு கொண்ட வடிவம் வரையப்பட்டு அதன் மத்தியில் உருவ பொம்மை ஒன்று வைக்கப்பட்டு அதன் அருகில் எழும்பு கூட்டின் தலை வைக்கப்பட்டிருந்தது . நட்சத்திர அமைப்பின் மத்தியில் யாகம் வளர்க்கப்பட்டு அதில் தீ எரிந்து கொண்டிருக்க , யாகத்தீயில் எண்ணெய் ஊற்றிக் கொண்டிருந்தான் ஒருவன் .. அவன் கருப்பு உடை அணிந்து மண்டை ஓட்டினால் செய்த மாலையை கழுத்தில் அணிந்து நெற்றியில் சிவப்பு நிற குங்குமம் பெரிதாக வைத்து மந்திரம் உச்சரித்துக் கொண்டிருந்தான் அவன் கலிங்கா .
ஓம் ! கிளிம் ! கிளிம் ! சாமுண்டாய நமக ! என்று கைகளில் ஒன்றினை வைத்து மந்திரத்தை உச்சரித்து தீக்குள் அவன் இட
கரும்புகை ஒன்று உருவாகி அவன் பக்கத்தில் சென்று பருந்து உருவம் பெற்று அமர்ந்தது .
கலிங்கா தன் கையை கிழித்து இரத்தத் துளிகளை பொம்மையின் நெற்றியில் இட்டவன் அருகில் 9 குடுவைகளில் வைக்கப்பட்ட இரத்ததினால் பொம்மையின் பாதங்களை கழுவி குடுவையை எடுத்து காளி ரூபத்தில் நின்று கொண்டிருந்த சிலையின் மத்தியில் வைத்தான். கலிங்கா
அவன் இங்கு ஒவ்வொன்றாக செய்ய பருந்து மனிதனாக உருமாறிக் கொண்டே வந்தது. முழு உருவம் பெறும் தருணத்தில் மீண்டும் தன் பழைய உருவத்தை அடைந்தது பருந்து .
“ கலிங்கா ! என்னை வெளியில் கொண்டு வா ! எனக்கு உருவம் கொடு ! என்று அது சொல்ல
“ குருவே ! நீங்க சொன்ன அனைத்தும் செஞ்சுட்டேன் . நவ கன்னிகளை பலி கொடுத்து அவங்க இரத்த துளிகளால் அபிஷேகமும் பண்ணியாச்சு ஆனாலும் வடிவம் கிடைக்கல வேற நான் என்ன செய்யனும் குருவே “ என்று அவன் பருந்திடம் கேட்க
இன்னும் ஒருவரின் இரத்த துளிகள் தேவைப்படுது கலிங்கா என்று அது கூற
அது யார் குரு ? –கலிங்கா
பருந்து அந்த பெயரை உச்சரித்துவிட்டுப் பறந்து சென்றது.
****************************************************************************************************************
கனிஷ்கா தன் தந்தையின் முன் நின்று கத்திக் கொண்டிருந்தாள்.
“ அப்பா! தீரனுக்கு நீங்க ரொம்ப இடம் கொடுக்குறீங்க .அதனால அவன் என்னை மதிக்கக் கூட மாட்டிங்கிறான் . என்று அவள் அவனை பத்தி புகார் வாசிக்க
“ விடுமா ! அந்த புள்ள பயப்படாம எதையும் நேருக்கு நேரா கேட்குற னால உனக்கு அப்படி மதிக்காத மாதிரி தெரியுதுமா , ரொம்ப தங்கமான புள்ளமா ! – குணசேகரன்
தங்கமான புள்ளயா ?யாரு அவனா ? அப்பா லேட்டா ஆபிஸ்க்கு வரது,ஏன்னு கேட்டா திமிரா பதில் சொல்றது , வேலை பெண்டிங் ,ஒரு வேலையும் ஒழுங்கா செய்றது இல்லை, நினைச்ச நேரம் டீ குடிக்குறது என்று அவள் அடுக்கிக் கொண்டே போக
“ அம்மா கனி ! போதுமா! இது எல்லாம் எனக்கு முன்னமே தெரியும் . அவன் என்கிட்ட சொல்லிட்டு தான்மா போனான் .வேலை பெண்டிங் பத்தியும் என்கிட்ட காரணம் சொல்லிட்டான் மா ! – குணசேகரன்
எல்லாத்தையும் உங்ககிட்டயே சொல்லிட்டா அப்புறம் நான் எதுக்கு இருக்கேன் – கனி
கனி !அவன் தன்மானம் அதிகமுள்ளவன் ! நீ எடுத்தெரிஞ்சு பேசுவ அதான் அவன் உன்கிட்ட பாய்றான். நீ கொஞ்சம் அன்பா சொல்லுமா? கேட்டுக்குவான் – குணசேகரன்
இப்டி வந்து உங்ககிட்ட புகார் சொன்னானா அவன்? – கனி
உன்னபத்தி அவன் சொல்லி தான் தெரியணும் இல்லைமா ? எனக்கு தெரியாதா என் பொண்ண பத்தி , அதுமட்டும் இல்லைமா !அவன் வேலை செஞ்சுதான் சாப்டணும்னு இல்லை . அவங்க வசதியான குடும்பம் . சொத்து நிறையா இருக்கு . அவன் அப்பா ஏதோ காரணமா அவனை இங்க அனுப்பி வச்சுருக்காரு ! கொஞ்ச நாள் தான்மா ! கொஞ்சம் பொறுத்துக்கோ என்று அவர் சொல்ல
என்னவோ பண்ணுங்க என்று அவரிடம் சொல்லிவிட்டு அவள் செல்ல முயல குணசேகரன் அவளை தடுத்து நிறுத்தினார் .
கனிம்மா ! ஒரு 2,3 நாள் நாம நம்ம கிராமத்திற்கு போயிட்டு வரலாம்மா !என்று அவர் கூற மறுத்து பேச வந்தவளை குணசேகரன் தடுத்தார்.
ஆபிஸ் பொறுப்பெல்லாம் என் பிரண்ட் கங்காதரன்கிட்ட ஒப்படைச்சுட்டேன் அவன் பார்த்துக்குவான் .நீ எதுவும் பேசாம என் கூட வந்தா மட்டும் போதும் என்று சொல்லிவிட்டு அவர் செல்ல கனி கடுப்புடன் நின்றாள்.
*******************************************************************************************************
வடுகப்பட்டி மக்களில் கிணற்றில் விழுந்து இறந்து போனவங்க பெயர் பட்டியலையும் , மரத்தில் பொறிக்கப்பட்டிருந்த பெயர்களையும் ஒப்பிட்டு பார்த்துக் கொண்டிருந்த ஆறுமுகம் குழம்பி நின்றார்.
அவர் குழப்பமாக இருப்பதை பார்த்த இனியன் அவர் அருகில் வந்து
“ என்னாச்சு ஆறுமுகம் ? ஏன் குழப்பமா இருக்கீங்க” – இனியன்
“ சார் ! மரத்தில் இருந்த பெயர்கள் இறந்து போனவங்க பெயரோட பொருந்த மாட்டிங்கிது . இப்ப என்ன பண்ண ? – ஆறுமுகம்
ஏன் ?என்னாச்சு ? – இனியன்
சார் மரத்தில் உள்ள பெயர்கள் எல்லாம் ஏதோ புராணகால பெயர்களா இருக்கு . நாம வச்சிருக்குற பெயர் பட்டியலோட அது பொருந்தவில்லை சார் – ஆறுமுகம்
ஓ ! இங்க குடுங்க நான் பார்க்குறேன் என்று கூறியவன் அதை வாங்கி பார்த்து சற்று நேரம் யோசித்தவன் ஆறுமுகம் இதில் பாதி பெயரை மட்டும் எடுத்து ஒப்பிட்டு பாருங்க என்று இனியன் கூற
புரியலை சார்! என்று கூறி தலையை சொறிந்தார் அவர்
அவர் அப்படி கூறியதும் இனியன் அவருக்கு பொறுமையாக விளக்கினான்
இதில் யாழ்வதனினு இருந்தா ஒன்று யாழ் இல்லை வதனின்ற பெயர் இருக்கானு பாருங்க என்று அவன் கூற ஆறுமுகம் அதன்படி ஆராய்ந்து சற்று நேரத்தில் வந்தார்
சார் ! நீங்க சொன்னமாதிரி பார்த்தா எல்லாம் பெயரும் இருக்கு சார்! – ஆறுமுகம்
மரத்தில பொறிக்கப்பட்டிருந்த பெயர்கள்ல இருக்குறவங்க எல்லாரும் இறந்துட்டாங்களா? இல்லை யாரும் உயிரோடு இருக்காங்களா? – இனியன்
இல்லை சார் ! இன்னும் இரண்டு பேர் உயிரோடு இருக்காங்க - ஆறுமுகம்
யார் அவங்க ஆறுமுகம்? என்று இனியன் கேட்க
“தேன்குழலாள் , லவலிங்கேஷ்” என்று ஆறுமுகம் அந்த இரு பெயர்களை சொல்ல அதை கேட்டதும் இனியன் யோசனையில் ஆழ்ந்தான்.
“ எல்லாம் பொண்ணுங்க பெயரா இருக்கு. இதில் ஒன்று மட்டும் ஆணின் பெயர் வருது ? என்ன காரணமா இருக்கும் ? அவன் இப்போ எங்கே ? "என்று இனியன் பல கேள்விகளை தனக்குள் கேட்டுக் கொண்டான்.
“ மறைத்து வைத்த பொருள் ஒன்று புதைந்து இங்கு கிடக்குதோ ! கொல்லும் தீயை அணைக்கும் யுக்தியை அது அடையப் பெற்றதோ!
அன்று கல்லூரி முடிந்து பேசிக் கொண்டே வந்து கொண்டிருந்தார்கள் குழலும் ,ரூபாவும் .அப்போது யாரோ தன்னை அழைக்கவும் திரும்பி பார்த்தாள் குழல் . அங்கு தேவ இனியன் இவர்களை நோக்கி வந்து கொண்டிருந்தான்.
யார் ? இவன் ? நம்ம பின்னாடி சுத்துற ஆள்ஆ இருக்குமோ ? என்று அவள் சிந்தித்துக் கொண்டிருக்க ரூபா குழல் அருகில் வந்தாள்.
யாரடி இவர் ? பார்க்க ஹீரோ மாறி இருக்கார் . உன் பின்னாடி சுத்த அடுத்த ஆள் ரெடியாகிட்டார் போல .ஆள் வரத பார்த்தா இன்னைக்கு உன் கிட்ட லவ்வ புரோபோஸ் பண்ணாம போக மாட்டார் போல என்று ரூபா குழல் காதை கடிக்க
இனியனின் போதாத காலம் அவன் காக்கி உடையில் வராமல் போனது .
அவன் குழலிடம் நெருங்கி உங்க கிட்ட கொஞ்சம் பேசனும் என்று சொன்னதுதான் தாமதம் குழல் பொறிய ஆரம்பித்திவிட்டாள்.
“ என்ன லவ்வா ? இப்படி பின்னாடி சுத்துறதுக்கு பதில் உருப்படியான வேலை ஏதாவது பார்க்கலாம்ல .என்று குழல் பேசிக் கொண்டே போக
இனியன் இடையில் புகுந்து ஏதோ சொல்ல வர குழல் அவனை பேச விடவில்லை.
“ பார்த்தா பெரிய வீட்டுப் பிள்ளை மாறி இருக்க பொண்ணுங்க பின்னாடி இப்டி பொறுக்கி மாதிரி வர என்று அவள் கத்தத் தொடங்க
போதும் நிறுத்துறீயா ! என்று இனியன் கத்திய கத்தலில் அரண்டு போய் நின்றாள் குழல் .
'விட்டா பேசிட்டே போற .! நான் தேவ இனியன் உங்க ஊருக்கு புதுசா வந்து இருக்குற இண்ஸ்பெக்டர் . எனக்கு உன் பின்னாடி சுத்துற அளவுக்கு நேரமும் இல்லை அதைவிட முக்கியம் நான் உன் பின்னாடி வர அளவுக்கு நீ அழகியும் இல்லை .புரிந்ததா . சுமாரா இருந்திட்டு அழகி ரேஞ்சுக்கு பில்டப் பண்ற” என்று அவன் கூற
ஓ ! அழகி இல்லைனு தெரியுதுல , அப்புறம் ஏன் சார் என் பின்னாடி வரிங்க என்று கோபத்தில் கத்தினாள் குழல் .
‘ அவளை அழகி யில்லைனு சொன்னது கடுப்பு அம்மணிக்கு ‘
நான் உன் கிட்ட கேஸ் விசயமா பேச வந்திருக்கேன் மத்தபடி நீ நினைக்கிற மாதிரியேல்லாம் கிடையாது என்று அவன் கூற
என்ன கேஸ் ? என்கிட்ட எதுக்கு பேசனும்? என்று குழல் புரியாமல் கேட்டாள்
உங்களுக்கு மதுமிதா னு யாரையாவது தெரியுமா ? என்று கேள்வி கேட்டுக் கொண்டே அவளை ஆராய்ந்தான் இனியன்.
மதுமிதா ? என்று சற்று நேரம் யோசித்தவள்.
ஆங் ! தெரியும் அவங்க என் காலெஜ் சினியர் . ஏன் ? அவங்கள பத்தி என்கிட்ட கேட்குறிங்க ? அவங்களுக்கு என்னாச்சு ? – குழல்
அவங்க இப்ப உயிரோடு இல்லை என்று இனியன் கூற அதிர்ச்சியானாள் குழல் .
என்ன சொல்றீங்க ? – குழல்
ஆமா குழல்! அவங்க கிணத்துல விழுந்து இறந்து போயிட்டாங்க . அதுமட்டுமில்லை அவங்க சாகுறதுக்கு முன்னாடி உங்க கிட்டதான் பேசியிருக்காங்க . அவங்க உங்க கிட்ட என்ன சொன்னாங்கனு கொஞ்சம் சொல்ல முடியுமா ? இந்த கேஸ்க்கு நீங்க சொல்றது கொஞ்சம் உதவியா இருக்கும் – இனியன்
குழல் சற்று நேரம் யோசித்துவிட்டு “ உன் கிட்ட நான் தனியா பேசனும்னு சொல்லி ஒரு இடத்துக்கு வர சொன்னாங்க . – குழல்
நீங்க போனிங்களா ? – இனியன்
இல்லை சார் அன்னைக்கு எனக்கு உடம்பு சரியில்லை அதனால நான் போகல – குழல்
ஓ ! ஒ கே குழல்! நான் சொல்ற வரை அவங்க சொன்ன இடத்துக்கு நீங்க போக வேண்டாம் என்று கூறியவன் திரும்பி பார்க்காமல் ஜீப்பை நோக்கிச் சென்றான்.
அவன் செல்லும் வரை அவனையே பார்த்துக் கொண்டிருந்தாள் குழல். குழல் அவனை பார்த்துக் கொண்டிருக்க அவள் அருகில் வந்தாள் ரூபா
என்னடி! வச்ச கண் வாங்காம அப்படி பார்த்திட்டு இருக்க? என்ன லவ்வா ? என்று ரூபா கேட்க குழல் கத்த ஆரம்பித்திவிட்டாள்.
சனியனே ! எல்லாம் உன்னால் தான்டி ! இனி பேசுன பாரு !வாய மூடு! நீ சொன்னத நம்பி அவரை கத்தி அசிங்கப்பட்டது தான் மிச்சம் என்று அவள் கூற ரூபா அமைதியாகிவிட்டாள்.
என்னடி அமைதியாகிட்ட ?- குழல்
நீ தான பேச வேண்டாம்னு சொன்ன என்று ரூபா பரிதாபமாக கூற
உன்னை! என்று அதற்கும் கத்தினாள் குழல்
இவர்கள் பேசிக் கொண்டே செல்ல கிளி ஒன்று மரத்தில் நின்று குழலைப் பார்த்து ரசித்து சிரித்தது.
காலேஜ் முடிந்து வந்து கொண்டிருந்தனர் குழலும் ,ரூபாவும் . குழல் மட்டும் அடிக்கடி திரும்பிப் பார்த்துக் கொண்டே வந்தாள். அவள் பார்ப்பதை உணர்ந்த ரூபா
“ என்ன குழல் யாரை தேடிட்டு இருக்க ? யாராவது வராங்களா என்ன ? '' என்று ரூபா அவள் பார்த்த திசையில் பார்த்துக் கொண்டே கேட்க
“ அதெல்லாம் ஒண்ணுமில்லை சும்மா பார்த்தேன் என்று ரூபாவிடம் பேசிக் கொண்டே சென்றவள் முன்னால் இருந்த கல்லை பார்க்காமல் நடந்து போய் அதில் இடித்துக் கொண்டாள் . இடித்ததும் அவள் காலில் இருந்து ரத்தம் வரத் தொடங்கியது.
“ அம்மா! ஆ! ''என்று காலை பிடித்துக் கொண்டே அங்கேயே ஒரு இடத்தில் உட்கார்ந்துவிட்டாள் குழல் .
“ ஹேய் பார்த்து வர மாட்டியா ? பாரு ரத்தம் வருது '' என்று ரூபா கூறிக் கொண்டே அதை பார்த்துக் கொண்டிருக்க அப்போது ஜீப்பின் ஓசை கேட்டு இருவரும் திரும்பிப் பார்த்தனர்.
அங்கே இனியன் வந்து கொண்டிருந்தான் . இவர்களை பார்த்தவுடன் ஜீப்பை அருகில் நிறுத்தினான். நிறுத்துவிட்டு இறங்கியவன் ரூபாவிடம்
“ என்னாச்சு ? ஏன் இங்க நீக்குறீங்க ? “ என்று கேட்க
குழலுக்கு கோபமாக வந்தது. ஏன் என்கிட்ட கேட்க மாட்டாரோ துரை? என்று தனக்குள் திட்டிக் கொண்டிருந்தாள்.
“ சார் ! அவளுக்கு கால அடிபட்டு இருக்கு அதான் நிக்குறோம் '' என்று ரூபா கூற
இனியன் குழல் அருகில் வந்து அவள் காலை பிடிக்க வர குழல் தன் கால்களை எடுத்துக் கொண்டாள்
அடி எப்படி பட்டுருக்குனு பார்த்தா தான தெரியும் காலை காண்பிங்க – இனியன்
இல்லை பரவாயில்லை – குழல்
ரத்தம் அதிகமா போகுது அதுக்கு முதலுதவி பண்ணனும் கால காண்பிங்க – இனியன்
அதன்பின்னும் அவள் திமிராக நிற்க இனியன் அவள் கால்களை வலுக்கட்டாயமாக பிடித்துப் பார்த்தான்
அடி சிறுசா தான் இருக்கு ஆனா ஏன் இவ்வளவு ரத்தம் வருது ? என்று கூறியபடியே தன் கர்சிப்பை கொண்டு அவள் காலில் அடிப்பட்ட இடத்தில் கட்டிவிட்டு ரூபாவிடம் திரும்பினான்.
“ அடி லைட்டா தான் இருக்கு எதுக்கும் ஒரு டிடி போட்டுக்கோங்க . ஆமா வீடு எங்க இருக்கு ? '' என்று இனியன் ரூபாவை பார்த்து கேட்டாலும் பார்வை குழலிடம் இருந்தது.
இங்க பக்கத்தில் தான் சார் இருக்கு நடந்தே போயிருவோம் – ரூபா
எப்படி நடந்து போவீங்க ? இருங்க நான் காரில் டிராப் பண்றேன் என்று கூறியவன் ஆறுமுகத்தை அருகில் அழைத்தான் .
ஆறுமுகம் நீங்க ஆட்டோ பிடிச்சு ஸ்டேசனுக்கு போயிருங்க நான் இவங்கள வீட்ல டிராப் பண்ணிட்டு வந்துடுறேன் என்று கூறிவிட்டு ரூபாவிடம் திரும்பினான்.
ரூபா பேசுவதற்குள் குழல் பேசினாள்.
“யாருடைய கரிசனமும், தயவும் எங்களுக்கு தேவையில்லை , இங்க தான் எங்க வீடு நாங்களே போயிருவோம் " – குழல்
அவள் அப்படி கூறியதும் இனியன் அவளை ஒரு பார்வை பார்க்க அதில் குழலுக்கு பயம் பிடித்துக் கொண்டது.
ரூபாவிடம் திரும்பியவன்
அவங்கள கை பிடிச்சு கூட்டிட்டு வாங்க நான் முன்னாடி போறேன் என்று இனியன் கூற
வாடி போகலாம்! தனியா நின்னுகிட்டு இருக்கோம் அவரு உதவிய ஏத்துக்கலாம் டி என்று ரூபா கூற
அதெல்லாம் முடியாது நான் வர மாட்டேன் – குழல்
அவள் அப்படி கூறியதும் ரூபா என்ன செய்வதென்று தெரியாமல் முழித்துக் கொண்டு நின்றாள்.
அவள் அப்படி கூறியதும் இனியன் குழலை நோக்கி வந்து கொண்டிருந்தான்.அவன் அருகில் வர வர குழலுக்கு பயம் பிடித்துக் கொண்டது . பயத்தில் கல்லில் உட்கார்ந்திருந்தவள் வேகமாக எழுந்து நின்றாள்.
அவள் வேகமாக எழுந்ததில் அவள் தடுமாற இனியன் அவளை பிடித்து நிறுத்தினான்.
அவளை நிறுத்தியவன் அவள் கண்களை பார்த்துக் கொண்டே பேசினான்.
இப்ப நீயா வந்து ஜீப்பில் ஏறி உட்காரியா? இல்ல நான் தூக்கி உட்கார வைக்கவா ? என்று அவன் கேட்க
இனியனின் மூச்சுக்காற்று தன் கழுத்தில் பட குழலுக்கு படபடப்பு அதிகமானது. வேகமாக பேசினாள் குழல்.
“ இல்லை ! நானே வரேன்! “ என்று குழல் சொல்லிவிட்டு விந்தி நடந்தபடியே ரூபா அருகில் சென்று அவள் தோள் பட்டையை பிடித்துக் நின்று கொண்டாள்
இதை பார்த்த இனியன் சிரித்துக் கொண்டே சென்று ஜீப்பில் ஏறி அமர , ரூபாவின் உதவியோடு ஜீப்பில் அமர்ந்தாள் குழல்
வண்டியில் போகும் போது ரூபாவிடம் பேசிக் கொண்டே வந்தவன் இவள் புறம் திரும்பவே இல்லை
இவர்கள் பேச பேச இங்கு குழல் எரிச்சலில் அமர்ந்து இருந்தாள்.
ரூபா வீடு முதலில் வர அவள் இறங்கி சென்றதும் தனித்து விடப் பட்டனர் இருவரும் .
குழல் அவன் புறம் திரும்பிப் பார்க்க அவன் சாலையில் கவனத்தில் இருந்தான். அவன் பக்கவாட்டுத் தோற்றத்தை அளவிட்டபடியே குழல் வர சட்டென்று திரும்பிப் பார்த்தான் இனியன்.
அவன் குழலைப் பார்த்து புருவத்தை ஏற்றி இறக்கி என்ன ? என்று கேட்க அவளுக்கு மனம் அடித்துக் கொண்டது .
ஒண்ணுமில்லை என்று தலையசைத்துவிட்டு வேகமாக அவள் சாலையின் பக்கம் தன் தலையை திருப்பிக் கொண்டாள் .
இனியன் இதை கண்டு சிரித்தபடியே வண்டியை ஒட்டினான்.
என்னாச்சு உனக்கு ? எதுக்கு அவனை அப்படி பார்த்த! இனி அவன் பக்கம் திரும்பாத குழல் என்று தனக்குள் சொல்லிக் கொண்டாள்.
சற்று நேரத்தில் குழலை அழைத்து அவன் ஏதோ கூற குழல் அவன் கண்களை பார்த்துக் கொண்டே இருந்தாள்
இனியன் அவள் முன் கைகளை ஆட்டிக் காண்பிக்க
என்னாச்சு ? என்று ஏதோ கனவில் இருந்து விழிப்பவள் போல் விழித்தாள் குழல்
“ சரியா போச்சு போங்க ! உங்க வீடு வந்துருச்சு இறங்கலையா நீங்க ! என்று அவன் கேட்ட பிறகுதான் , தான் தன் வீட்டின் வாசலின் முன் நின்று கொண்டிருப்பதை திரும்பிப் பார்த்தாள் குழல்
சிரித்துக் கொண்டே காரில் இருந்து இறங்கி காலை விந்தியபடியே வேகமாக தன் இல்லம் நோக்கிச் குழல் செல்ல
அவள் செல்வதை ஒரு சிரிப்புடன் பார்த்துக் கொண்டிருந்த இனியன் குழல் வீட்டின் உள்ளே சென்றதும் பக்கத்தில் இருந்த டீ கடை நோக்கிச் சென்றான்..
அங்கு சென்றவன் “நாயர் ஒரு டீ” என்று கூறிவிட்டு அருகில் இருந்த இருக்கையில் அமர்ந்தவன் மெதுவாக பேச்சுக் கொடுத்தான்.
நாயர் ! உங்களுக்கு லிங்கேஷ் னு யாரையாவது தெரியுமா ? என்று கேட்க
டீயை அவனிடம் கொடுத்தவர்
“ எந்தே சாரே ! யார் அது ! யான் இவ்விட கடை வச்சு பல வருஷம் ஆச்சு ! இந்த பெயரை கேள்விபடலையே என்று அவர் கூற
இனியன் அதன் பின் ஒரு பெயரை கூறி தெரியுமா ? என்று கேட்க
டீ ஆத்திக் கொண்டிருந்தவர் கை சற்று நேரம் வேலை நிறுத்தம் செய்து பின்பு தொடர்ந்தது.
அவர் கூறுவதற்குள் அருகில் இருந்தவர் பேசினார்.
சார் ! ரூத்ரமூர்த்தி இங்க தான் இருந்தார் . அவருக்கு திருமணம் ஆகி கொஞ்ச நாள் நல்லா தான் இருந்தார் . அப்புறம் ஆள் எங்கேயோ போயிட்டார் .
அவர் என்ன ஆனார்னு எங்களுக்கு தெரியல . அவரை பத்தி தெரியணும்னா காந்தர்வன் சார் கிட்ட கேளுங்க, அவருக்கு நல்லா தெரியும் .
இதோ எதுத்தாப்ல இருக்கு பாருங்க அது தான் அவர் வீடு என்று அவர் குழல் வீட்டினை கைகாட்ட
ஓ ! ரொம்ப நன்றி சார் ! என்று அவர்க்கு நன்றி தெரிவித்துவிட்டு
நாயரிடம் குடித்த டீக்கு பணத்தை கொடுத்துவிட்டு இனியன் குழல் வீட்டினை நோக்கிச் சென்றான்.
காந்தர்வன் அன்று வீட்டில் ஓய்வாக அமர்ந்து டிவி பார்த்துக் கொண்டிருக்க இனியன் உள்ளே நுழைந்தான்.
அவனை பார்த்த குழலுக்கு மகிழ்ச்சி பெருகியது
அவனை காந்தர்வன் புதிராக பார்த்துக் கொண்டிருக்க இனியன் தன்னை அறிமுகப்படுத்திக் கொண்டான்.
சார்! நான் தேவ இனியன் இந்த ஊருக்கு புதுசா வந்திருக்கும் போலிஸ் ஆபிசர் . உங்க கிட்ட கேஸ் விசயமா பேச வந்திருக்கேன். என்று அவன் கூற
ஓ! வாங்க தம்பி உட்காருங்க ! தம்பி என்ன சாப்டுறீங்க ? காபியா ? டீயா? – காந்தர்வன்
எதுவும் வேண்டாம் சார் ! – இனியன்
முதன் முதலா எங்க வீட்டுக்கு வந்துருக்கீங்க எதாவது சாப்பிட்டு தான் போகணும் . அம்மா குழல் சார்க்கு டீ போட்டு கொண்டு வாமா ! என்று அவர் கூற
இதோ பா ! என்று கூறிவிட்டு சமையறைக்குள் நுழைந்தாள் குழல்.
அப்புறம் தம்பி ஏதோ கேஸ்னு சொன்னீங்க ? என்ன கேஸ் ? என்று காந்தர்வன் கேட்க
உங்க ஊரில் இருக்கும் கிணற்றில் பல பேர் விழுந்து இறந்து போயிருக்காங்க அது விசயமா பேச வந்துருக்கேன் சார் – இனியன்
கிணறு என்றதும் அவர் முகம் மாறியது.
அவர் முக மாறுதலை கவனித்துக் கொண்டிருந்தான் இனியன்.
காந்தர்வன் தன் முகத்தை சரி செய்து கொண்டு பேச ஆரம்பித்தார்
ஓ! அப்படியா தம்பி ! அதுக்கு எதுக்கு என்னை பார்க்க வந்து இருக்கீங்க – காந்தர்வன்
உங்க தம்பி ரூத்ரமூர்த்தி பற்றி தெரியணும் . அவர் என்ன ஆனார்?எங்கே இருக்காருனு சொல்ல முடியுமா ? – இனியன்
ரூத்ரமூர்த்தி என்றதும் அமைதியாக இருந்தார் அவர்.
அவர்க்கும் இந்த கேஸ்க்கும் ஏதோ லிங்க் இருக்கும்னு சந்தேகப்படுறேன். கொஞ்சம் அவரை பற்றி சொல்ல முடியுமா சார் ? - இனியன்
காந்தர்வன் சற்று நேரம் மொனம் சாதித்தார் .பின்பு தன்னை திடப்படுத்திக் கொண்டே பேச ஆரம்பித்தார்..
என் தம்பி ரூத்ரமூர்த்தி நல்ல படிப்பான் சார் ! அதனால அவன சென்னையில் இருக்குற காலேஜில் சேர்த்து படிக்க வச்சேன் . ரொம்ப அடக்கம் , அமைதி சார் . தானுண்டு தன் வேலையுண்டுனு இருப்பான் சார் ..லீவுக்கு வீட்டிற்கு வரும் போது எனக்கு ஒத்தாசையா கணக்கு வழக்குகளை பார்த்துக்குவான் . நல்லாத் தான் போயிட்டு இருந்தது .
தீடீர்னு பார்த்தா அவன் போக்குல சில மாற்றம் தெரிஞ்சுச்சு . அவன் யார்கிட்டையும் பேசாம விட்டத்தை பார்த்து உட்கார்ந்தே இருந்தான்.நானும் கொஞ்ச நாள் விட்டுப் பிடிக்கலாம்னு பேசாமல் இருந்தேன் .
கொஞ்ச நாள் சென்று பார்த்தா அவனாகவே சரியாகி எல்லார்கிட்டயும் பேச ஆரம்பிச்சுட்டான் . சரி தம்பி நல்லாகிட்டானு அவனுக்கு ஒரு பெண் பார்த்து திருமணம் முடிச்சு வச்சேன் .
செல்வி கூட நல்லா தான் இருந்தான் . அவள் திருமணம் ஆன அடுத்த மாதமே கர்ப்பம் ஆனாள். அவள் உண்டா இருக்கானு சந்தோசமா தான் சார் இருந்தான். அவனுக்கு மகன் கூட பிறந்தான் .இப்படி நாட்கள் நல்லா போயிட்டு இருக்கும் போது மகனுக்கு ஒரு வயசு ஆகும் போது திடீர்னு யார்கிட்டையும் சொல்லாமல் எங்கேயோ போயிட்டான் . அவனை தேடி அலைஞ்சு கிடைக்காம நானும் வீட்டுக்கு வந்துட்டேன்.
செல்வியும் கொஞ்ச நாள் ஒரு மாதிரி இருந்தா அப்புறம் அவளும் தன் மனச தேற்றிகிட்டு மகனுக்கு என்று வாழ்ந்துகிட்டு இருக்கும் போது அவளும் ஒரு நாள் காணாமப் போயிட்டா .அவள் எங்கே போனா ?உயிறோட இருக்காளா? அவளுக்கு என்ன ஆச்சுனு? எனக்கு தெரியல தம்பி
அப்புறம் நான் தான் லிங்கேஷமூர்த்திய பார்த்துட்டு இருந்தேன் என்று அவர் கூற இனியன் அவர் பேச்சில் இடையிட்டான்.
“ என்ன பேர் சொன்னீங்க சார் ! ‘’என்று அவன் கேட்க அவர் லிங்கேஷமூர்த்தி என்று கூறியதும் இனியன் யோசனை ஆனான்.
அப்புறம் ரூத்ரன் சார் வரவேயில்லையா ? இப்ப அந்த லிங்கேஷமூர்த்தி எங்க இருக்கார் சார் ? – இனியன்
ரூத்ரன் வந்தான் சார்! ஆனா ஏதோ துறவி போல . வந்தவன் என் பையன கூட்டிட்டு போறேன்னு கூட்டிட்டு போயிட்டான் . அடுத்து அவங்களுக்கு என்னாச்சுனு தெரியல சார் என்று கூறி முடித்த காந்தர்வன் வருத்தமாக அமர்ந்து இருக்க
அவர் சொல்வதை கேட்டுக் கொண்டு இருந்த இனியன் அவர் வருத்தப்படுவதைப் பார்த்து
சாரி சார் ! நான் வரேன் என்று கூறிவிட்டு அவன் செல்ல முற்பட
வளைகரம் ஒன்று அவன் முன் டீயை நீட்டியது.
இனியன் சிரித்துக் கொண்டே அதை வாங்கி குடித்திவிட்டு குழலிடம் கப்பை கொடுத்துவிட்டு தலையசைக்க
குழல் அவளை அறியாமல் தலையசைத்து அவனுக்கு விடை கொடுத்தாள்.
அவன் செல்லும் வரை பார்த்திருந்து விட்டு அவள் உள்ளுக்குள் வர காந்தர்வன் தன் ரூமை நோக்கிச் சென்று கொண்டிருந்தார்.
தன் ரூமிற்குள் சென்றவர் மேலிருந்து ஒரு பெட்டியை எடுத்து அதை திறந்தவர் உள்ளிருந்து ஒரு படத்தை எடுத்தார்.
லிங்கேஷ் எங்கடா இருக்க ? என்ன செய்றீயோ ? உன்னை அவன் கூட அனுப்பி வச்சு தப்பி பண்ணிட்டேன்டா நான் ! என்று அதை வருடிக் கொண்டே பேசினார்
கல்லில் படிந்த ரத்ததுளிகள் கல்லால் உள்ளிழுக்கப்பட்டு , வானத்தில் பறந்து போய் ஒரு குகைக்குள் சென்று நின்றது. அங்கே கலிங்கா தன் கைகளை காட்ட அவன் கைகளில் விழுந்தது கல். கலிங்கா அதில் உள்ள ரத்த துளிகளை உருவ பொம்மையின் நெற்றியில் இட சற்று நேரத்தில் யாக குண்டத்தில் இருந்து கரும்புகை ஒன்று உருவாகி வானளவிற்கு உயர்ந்து மனித உருவம் பெற்று நின்றது
ஆபிசில் தன் கேபினில் வேலை பார்த்துக் கொண்டிருந்த தீரன் முன் வந்து நின்றான் லிங் . அவனை நிமிர்ந்து பார்த்த தீரன் சற்று நேரம் பார்த்துவிட்டு தன் வேலையை தொடர்ந்தான் . இதனை கண்ட லிங்
“மச்சான் உன் கூட பேசனும் .கொஞ்சம் உன் வேலைய நிப்பாட்டிட்டு என்னை கொஞ்சம் பார்க்குறீயா '' - லிங்.
பேசுறதுக்கு காது ஓபன்ல இருந்தா பத்தாது , பாக்கலாம் முடியாது. நான் பிசியா வேலை பார்க்குறேன்ல வந்த மேட்டரை சொல்லிட்டு சீக்கிரம் போடா- தீரன்
நல்ல மரியாதைடா ! என்னை சொல்லனும் !உன்ன பத்தி தெரிஞ்சே உன் கிட்ட வாய குடுக்குறேன் பாரு . சரி விசயத்திற்கு வரேன் – லிங்
நீ இன்னும் விசயத்திற்கே வரலையா ! சரியா போச்சு ! உன் முகவுரையை முடிச்சுட்டு எப்ப நீ விசயத்திற்கு வர ? நான் எப்ப அதை கேட்டு முடிக்க! நீ பேசிட்டே இரு மச்சான் ! அதுக்குள்ள நான் போய் ஒரு டீ குடிச்சுட்டு வந்துடறேன். அப்ப தான் நீ மேட்டர் சொல்லும் போது நான் வந்து கேட்க வசதியா இருக்கும் – தீரன்
டேய் ! என்ன லந்தா ?ஏன்டா நீ இப்படி இருக்க! இருடா நான் சொல்ல வந்ததை சொல்லிடுறேன்- லிங்
அப்படி வா வழிக்கு ! நீ சொல்ல வந்ததை சிறுசா சீக்கிரம் சொல்லிமுடி பார்க்கலாம் . - தீரன்
அவன் அப்படி கூறியதும் லிங் அவனை முறைத்துக் கொண்டே கேட்டான்
“ மச்சான் ஊருக்கு போறீயா?என்கிட்ட ஒரு வார்த்தை கூட சொல்லல?”- லிங்
உன்கிட்ட இல்ல யார்கிட்டயும் சொல்லல மச்சி .ஏன் என் அப்பாக்கு கூட தெரியாது நான் ஊருக்கு வரது – தீரன்
ஓ அப்படியா ! சரி மச்சான் என்று கூறிய லிங் சற்று நேரம் கழித்து
டேய் ! தீரா – லிங்
சொல்லுடா – தீரன்
தீரா ! – லிங்
அடச்சீ சொல்லு – தீரன்
நானும் ஊருக்கு வரேன்டா – லிங்
அவன் அப்படி கூறியதும் தீரன் அவனை நிமிர்ந்து ஆராய்ச்சி பார்வை பார்த்தான்.
என்னாச்சு தீடிர்னு ? இங்க இருக்குற உன் பிகர்களை விட்டு வர மாட்டியே நீ?
என்ன புதுசா என் கூட வரேன்னு சொல்ற . நீ அங்க வர வேண்டாம் செல்லம் . அங்க வந்தா உன் லட்சியம் எப்படி நிறைவேறும் . இங்க இருந்து உன் லட்சியத்தை நிறைவேற்றுங்க தோழரே! – தீரன்
வேண்டாம் மச்சி என் ஊருல இருக்குறது கிராமத்துப் பொண்ணுங்க. உன் ஜொள்ளு அங்க எடுபடாது .வீணா அடிபட்டு சாகாதே ! – தீரன்
“ விடு மச்சான் ! அது என் கவலை நான் பார்த்துக்குறேன் . ஜீன்ஸ் , டீ சர்ட் னு பார்த்து போரடிக்குதுடா , தாவணி பொண்ணுங்கள பார்த்து ஜொள்ளுவிட ஆசையா இருக்கு ''என்று லிங் அவன் பிடியில் உறுதியாக நிற்க
“ நீ எங்க ஊரு பொண்ணுங்க கிட்ட அடி வாங்க வேண்டும்னு விதி !அத யார் மாற்ற முடியும் ? வந்து சேரு என்று அலுத்துக் கொண்டே தன் சம்மதத்தை தெரிவித்தான் தீரன்.
அவன் அப்படி கூறியதும் லிங் அவனை கட்டிக் கொண்டான்.
“ தேங்க்ஸ் டா நண்பா ! ''என்று மகிழ்ச்சியில் லிங் கூற
“ டேய் விட்றா என்னை ! வேலைய பார்க்கணும் அப்புறம் அந்த பூலான் தேவி வந்து கத்துவா “ – தீரன்.
“ ஆமா நீ அப்படியே அவ பேச்சுக்கு பயந்து வேலை செஞ்சுடப் போற என்று லிங் அவனிடம் கூறியபடியே தன் கேபினை நோக்கிச் சென்றான்.
லிங் சென்றதும் தன் வேலையில் கவனத்தை திருப்பிய தீரன் ஏதோ தோன்ற திரும்பிப் பார்த்தான் . அங்கு சுவரில் ஒரு படம் மாட்டப்பட்டு இருந்தது. அந்த படத்தை பார்த்த தீரன் உள் உணர்வு தோன்ற அருகில் சென்று பார்த்தான். அங்கு படத்தில் பல காட்சிகள் படமாக ஓடிக் கொண்டிருந்தது.
அவற்றை கண்டு திடுக்கிட்ட தீரன் உன்னிப்பாய் கவனிக்க அதில் ஒருவன் பின்பக்கம் திரும்பியபடியே கைகளில் வைத்திருந்த பொருள் ஒன்றை மறைத்து வைத்துக் கொண்டிருந்தான் .மறைத்து வைத்தவன் தன் வேலை முடிந்ததும் திரும்பிப் பார்க்க அவன் உருவத்தை பார்த்த தீரன் அதிர்ந்தான்.
அந்த உருவம் தீரனை ஒத்த உருவமாக நடை, உடை, ஆடைகளில் சில மாற்றம் பெற்று இருந்தது. அந்த உருவம் தீரனை நோக்கி வா! என்று கை காண்பிக்க வேகமாக பின்னால் நகர்ந்தான் தீரன்.
அவன் பின்னால் நகர்வதற்கும் கனி வருவதற்கும் சரியாக இருந்தது. அவளை இடித்துக் கொண்டு நின்றான் தீரன்
அவன் இடித்ததும் கனி அருகில் உள்ள சுவரில் போய் மோதினாள். அவள் நெற்றி சுவற்றில் இடித்து வலியில் அம்மா! என்று கத்திக் கொண்டே தன் நெற்றியை நீவினாள் கனி. நீவி விட்டபடியே அவனை பார்த்து கத்தினாள்.
இடியட் ! பார்த்து வரமாட்டியா ! இடிக்குறதுக்கே அலையுறான் தடிமாடு– கனி
This site uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.
