❤️ 04 ❤️
அழுது கொண்டு எப்போது தூங்கினோம் என்று அறியாமலே தூங்கிவிட்ட ஷெஹனாஸ், காலை ஃபஜர் தொழுகைக்கான பாங்கை கேட்டதும் விழிக்கிறாள்.
தன் வேலைகளை முடித்து விட்டு கீழே சென்று காலை உணவை முடித்துவிட்டு , நாளிதழை எடுத்து படிக்க தொடங்கினாள்.
படித்து முடித்தவுடன் அதில் ஒரு விளம்பரத்தை பார்த்து மனம் அதிலே இருக்க, யோசனையில் மூழ்கினாள்.
தீர்க்கமாக ஒரு முடிவை எடுத்தவள் தன் சர்டிபிகேட் எல்லாம் எடுத்து கொண்டு தன் தந்தையிடம் வெளியே செல்வதாக சொல்லிவிட்டு சென்றாள்.
இவள் என்ன செய்கிறாள் என்பது யாருக்கும் புரியவில்லை. அவள் தன் தந்தையிடம் மட்டும் சொல்லிவிட்டு சென்றாள்.
ஆட்டோவில் ஏறி பேருந்து நிலையம் வரை சென்றவள் அங்கிருந்து ஒரு ஆட்டோ பிடித்து கொண்டு கேப்பர் மலையில் இருக்கும் பிஸ்மி software கம்பெனிக்கு சென்றாள்.
பிறந்தது முதல் இன்று வரை தன் தந்தையிடமோ அண்ணனிடமோ சொல்லாமல் எதையும் செய்ததில்லை. இன்று முதன்முறையாக துணிந்து வேலைக்கு செல்ல முடிவு செய்துள்ளாள். காரணம் அவள் அம்மா ஆயிஷா தான்.
அழகில்லாமல் பிறந்து விட்டாள் என்ற ஒரே காரணத்திற்காகவே அவளை ஒதுக்கி வைத்துவிட்டது மட்டுமல்லாமல் காரணமின்றி திட்டி கொண்டிருக்கும் இடத்தில் இருக்க பிடிக்காமல் எடுத்த முடிவு தான் வேலைக்கு செல்வது.
இறங்கும் இடம் வந்து விட ஆட்டோவிற்கு காசு கொடுத்து விட்டு அந்த கம்பெனிக்குள் நுழைந்தாள்.
சித்தீக் , தன் அறையில் பாஸ்கருடன் அமர்ந்து நேர்காணலை கவனித்து கொண்டு இருந்தான்.
கடைசியாக ஷெஹனாஸ் உள்ளே செல்ல , சித்தீக் பாஸ்கர் இருவருக்குமே சற்று அதிர்ச்சி. ஆனால் ஷெஹனாஸ் அதை எதுவும் காட்டிக்கொள்ளாமல் அமைதியாக அவர்கள் அமர சொல்லும் வரை காத்திருந்தாள்.
பிறகு சித்தீக், "உட்காருங்கள்" என்று விட்டு ஒருசில கேள்விகள் கேட்டான். பிறகு பாஸ்கர் பாடம் சம்பந்தமாக கேள்விகள் கேட்க அதற்கும் சரியாக விடையளித்தாள்.
உங்களை நாங்க assistant manager போஸ்ட் கொடுக்கிறோம். காரணம் உங்களோட திறமை. 12000 உங்களோட சம்பளம் இன்றிலிருந்து நீங்க வேலையில சேரலாம் என்று பாஸ்கர் சொல்ல , " நன்றி அப்பறம் ஒரு சின்ன வேண்டுகோள்" என்றவுடன் பாஸ்கர் திருதிருவென முழிக்க தொடங்கி விட்டான்.
சித்தீக், " என்ன ?" என்று கேட்க , " நான் இந்த புர்காவோட தான் வேலை செய்வேன் " என்றதும் தான் பாஸ்கர் இயல்பு நிலைக்கு திரும்பினான்.
" that's ur wish " என்று சித்தீக் கூற மகிழ்ச்சியாய் " நன்றி " என்று கூறிவிட்டு அவளுக்கு ஒதுக்கிய அறையை காண்பித்து அவளுக்கு எல்லாம் கற்று கொடுத்து விட்டு வந்தான் சித்தீக்.
தங்களை இணைக்கும் பாலம் இது தான் என்பதை அறியாமல் தங்கள் வேலைகளில் மூழ்கி இருந்தனர் இருவரும்.
"மாமா ஷெஹனாஸ் எங்க போறேன் சொல்லிட்டு போனாளா?.." என்று ரக்ஷனா கேட்க
" இல்லை மா அவள் எதுவும் சொல்லவில்லை ஏன் மா? எங்காவது வெளியே போகனுமா ? .." என்று உஸ்மான் கேட்க ரக்ஷனா திருதிருவென விழித்தாள் என்ன சொல்வதென்று தெரியாமல்.
" ஒன்னுமில்லை இல்லை மாமா சும்மா தான் " என்று சமாளித்து விட்டு தன் அறைக்கு வந்தவள் அமைதியாக படுத்துக்கொண்டாள்.
"தன் மகள் எங்கே சென்றிருப்பாள் ? எங்கே போனாலும் நம்மிடம் சொல்லாமல் செல்ல மாட்டாளே ? " என்று நினைத்து கொண்டு ஷெஹனாஸ் அலைபேசியில் அழைத்தார் உஸ்மான்.
வேலையில் மூழ்கி இருந்தவளை தன் அலைபேசி அடிக்க அதை எடுத்து " சொல்லுங்கப்பா " என்று கூற
" எப்படா வீட்டுக்கு வருவ?.." என்று கேட்ட தன் தந்தையிடம்
" அப்பா நான் வேலையில சேர்ந்திட்ட சாய்ங்காலம் 5 மணிக்கு தான் விடுவாங்க நான் 6 மணிக்கெல்லாம் வீட்டிலே இருப்பேன் .." என்று கூறியதை கேட்ட உஸ்மான்,
" அல்ஹம்துலில்லாஹ் ரொம்ப சந்தோஷம் டா சரி நீ வேலையை கவனி நான் அப்புறம் பேசுறேன். ." என்றுவிட்டு அலைபேசியை வைத்தார்.
தன் அப்பா தன் மனதை புரிந்து கொண்டதை நினைத்து மனம் மகிழ்ந்தது ஷெஹனாஸிற்கு. தன் கண்ணீல் துளிர்ந்த நீரை துடைத்து கொண்டு தன் வேலையை தொடர்ந்தாள்.
பாங்கு சத்தம் கேட்டதும் சற்றும் தாமதிக்காமல் உழு செய்துவிட்டு லுஹர் அங்கேயே தொழுது கொண்டு இருந்தாள்.
பாஸ்கர் அவளிடம் முக்கியமான விஷயம் பேச வந்தவன் அவள் தொழுதுட்டு இருப்பதை பார்த்து அமைதியாக சென்றுவிட்டான்.
சிறிது நேரம் கழித்து வந்தவன், " ஷெஹனாஸ் உங்க கிட்ட கொஞ்சம் பேசனும்? "
" ம்ம்ம் சொல்லுங்க சார்.."
" அது நேத்து நாம சந்திச்சது நியாபகம் இல்லையா? " என்று கேட்டவனை பார்த்து
" அதெல்லாம் நியாபகம் இருக்கு .. அலுவலக நேரத்தில personal விஷயங்களை பேசறது பிடிக்காது அது மரியாதையாவும் இருக்காது அதான் காட்டிக்கலை " என்று கூறியதை கேட்டு பிரமித்து போனான்.
பிறகு "சரி இந்த files எல்லாம் சரிபார்த்து கோடிங்ஸ் எல்லாம் சரியா இருக்கானு பார்த்து நாளைக்குள்ள என்னோட table ku அனுப்பிடுங்க "
" ம்ம்ம் சரிங்க சார் " என்று வாங்கி கொண்டாள்.
" சரி நான் என் table ku போறேன் " என்று விட்டு சென்றான்.
அவளும் அதை வாங்கிவிட்டு தன் வேலைகளை தொடர்ந்தாள்.
தன் வேலைகளை கவனித்து கொண்டிருந்தவன் அலைபேசி சிணுங்கி அதை எடுத்து காதில் வைத்தவாறு, " அஸ்ஸலாமு அலைக்கும்(வரஹ்) சொல்லுங்க ப்பா" என்றான்.
" வ அலைக்குமுஸலாம் (வரஹ்) நம்ம ஷெஹனாஸ் வேலையில சேர்ந்திருக்கிறாள் ரஸாஹ் "
" என்னப்பா சொல்றிங்க நிஜமாவா "
" ம்ம்ம் ஆமா டா "
" ஏன்ப்பா இந்த திடீர் முடிவு அவளுக்கு?.."
" எல்லாம் உன் அம்மாவால தான் . எப்ப பார்த்தாலும் அவளை திட்டிட்டே இருந்தால்? என்ன பண்ணுவா வீட்டிலே இருக்க பிடிக்காம இந்த முடிவை எடுத்திருக்கிறாள்"
" அதுக்கு நம்மகிட்ட கூட சொல்லாமலா?.."
" சொல்லிட்டு போயிருந்தால், உன் அம்மா விட்டுவிடுவாளா?"
" விட மாட்டாங்க "
"அதுக்கு தான் "
"ம்ம்ம்ம்"
"சரிப்பா நான் அப்புறம் பேசுறேன்"
" சரிப்பா " என்று அலைபேசியை வைத்தான்.
தன் தங்கை சிறு வயதில் இருந்து பட்ட துன்பங்கள் அவன் கண்முன்னே வந்து சென்றது. அவள் எடுத்த முடிவு சரிதான் என்பது அவனுக்கு புரிய தன் தங்கையிடம் பேச அலைபேசியில் தொடர்ப்பு கொண்டான்.
" அஸ்ஸலாமு அலைக்கும்(வரஹ்) சொல்லு ரஸாஹ் "
" வ அலைக்குமுஸலாம் (வரஹ்) சாப்பிட்டியா ?.."
" அ..அது இல்லை.."
" ஏன் இன்னும் சாப்பிடலை? "
" சாப்பாடு எடுத்துட்டு வரலை "
" ஆபீஸ் எங்க இருக்குனு சொல்லு நான் வாங்கிட்டு வரேன் சாப்பிடும்"
" அதெல்லாம் வேண்டாம் ரஸாஹ் நான் பார்த்துக்கிறேன், அப்புறம் அண்ணி காலையிலருந்து சரியில்லை எதையோ சொல்லனும் நினைக்கிறாங்க ஆனா சொல்ல முடியாம தவிக்கிறாங்க அதேமாதிரி ரொம்ப அசதியா இருக்காங்க என்னன்னு பாரு உடனே அரை நாள் விடுப்பு எடுத்துட்டு கிளம்பிற இல்லன்னு வை அவ்வளவு தான்"
"சரி கிளம்புற "
"அது சரி எனக்கு வேலை இருக்கு நான் அப்றம் பேசுறேன் " என்று அலைபேசியை துண்டித்து விட்டு தன் வேலைகளை தொடர்ந்தாள்.
ரஸாஹ் விடுப்பு எடுத்து கொண்டு வீட்டிற்கு சென்றான்.
" என்னப்பா சீக்கிரம் வந்துட்ட? " என்று ஆயிஷா கேட்க
" சும்மா தான் ம்மா"
" ரக்ஷனா எதுவுமே சாப்பிடலை இன்னும் கேட்டா வேண்டாம் சொல்றாள் என்னன்னு பாரு? " என்று ஆயிஷா சொன்னதும் , " ம்ம்ம் சரிம்மா.."என்று விட்டு தன்னறைக்கு சென்றான்.
உறங்கி கொண்டிருந்தவளின் அருகே சென்று அவள் தலையை வருடி நெற்றியில் முத்தமிட்டு ரக்ஷீ என்று அழைக்க அவள் மெல்ல கண்களை திறந்து பார்த்தவள் அவறை அருகில் அமர சொல்லி அவன் மடியில் படுத்து கொண்டாள்.
" ஏய் பொம்மை எழுந்தீடு "
" ம்ஹூம் போ " என்று அவன் வயிற்றில் முகம் புதைத்து கொண்டாள்.
" என்ன இவள் இப்படி எல்லாம் பண்றவள் கிடையாதே! வாலு தனம் பண்றவள் வித்தியாசமால இருக்கு?.." என்று மனதில் நினைத்து கொண்டு இருந்தான்.
பிறகு, " ஏய் எழுந்து சாப்பிடும் " என்றவுடன் அவள் வேண்டாம் என்று சிணுங்க அவன் சற்று அதட்டி ஊட்டிவிட்டான்.
அவள் சாப்பிட்டு முடித்ததும் அவன் நெஞ்சில் புதைந்து கொண்டு அவள் சட்டையில் கோலமிட்டவாறே பேச தொடங்கினாள்.
" ரஸீ .. " என்று சிணுங்கி கொண்டே அவனுள் இன்னும் புதைந்தவளை வித்தியாசமாக பார்த்தவன்.
" ஏய் என்னடி இன்னிக்கி ரொம்ப வித்தியாசமா நடந்துக்கிற அப்றம் எதுக்கும் நான் பொறுப்பு ஆகமாட்டேன் சொல்லிட்டேன் " என்று அவள் காதில் சொல்ல
" இன்னும் பத்து மாசத்துக்கு என் பக்கத்தில வந்த மவனே நம்ம புள்ள உன்னை உண்டில்லைன்னு பண்ணிடுவான் சொல்லிட்ட"
" ஏய் என்ன " என்று சொல்லவந்தவன் அவள் சொன்னதின் அர்த்தத்தை புரிந்து கொண்டவன் "பொம்மை உண்மையாவா?...." என்று கண்ணீர் பொங்க கேட்டவனிடம் , " ம்ம்ம் ஆமாம் " என்று கூறி அவனுள் புதைந்து கொண்டவளின் நெற்றியில் முத்தமிட்டான்.
" இன்னும் கன்பார்ம் பண்ணனும் டா "
" ம்ம்ம் சரி வா டாக்டர்கிட்ட போவோம் " என்று விட்டு இருவரும் வெளியே செல்வதாக சொல்லிவிட்டு சென்றனர்.
இருவரின் எதிர்ப்பார்ப்பும் பொய் ஆகாமல் ரிப்போர்ட் பாசிட்டிவ் ஆக வர ரஸாஹ்யின் மகிழ்ச்சிக்கு அளவே இல்லாமல் போனது.
வீட்டிற்கு வந்தவர்கள் நற்செய்தியை சொன்னவுடன் அனைவரின் முகத்திலும் சந்தோஷம் பொங்க அதை ரக்ஷனா பெற்றோருக்கும் சொல்ல அவர்களும் மகிழ்ச்சியுடன் தன் மகளை பார்க்க வந்தனர்.
" ரஸீ ஷெஹனாஸ் எப்ப வருவா?"
" அவள் வேலையில சேர்ந்திட்டாள், ஆறு மணிக்கு வந்திடுவாள்.."
" சரி நீ போய் கூடிட்டு வா அவள் மதியானம் சாப்பிட்டு இருக்க மாட்டாள் பசியில இருப்பாள் வரும் போது அவளை சாப்பிட வாங்கி கூடு புரியுதா? "
" நீங்க ரெண்டு பேரும் அக்கா தங்கச்சியா பொறந்து இருக்க வேண்டியது என்ன ஒரு பாசம் " என்று அவள் நெற்றியில் செல்லமாய் முட்ட
" போதும் போய் அவளை அழைச்சிட்டு வா "
" சரி போறேன் "
ஷெஹனாஸ் அழைத்து அவள் ஆபீஸ் இருக்கும் இடத்தை தெரிந்து கொண்டு அவளை அழைத்து கொண்டு ஒரு ஹோட்டலுக்கு சென்று அவளுக்கு பிடித்த உணவை வாங்கி கொடுத்து சாப்பிட வைத்தான்.
அவள் சாப்பிட்ட உடன் தான் அப்பாவாகிய விஷயத்தை சொல்ல அவள் மகிழ்ச்சியாய் , " டேய் எருமை வண்டியை வீட்டுக்கு விடுடா சீக்கிரம் நான் அண்ணியை பார்த்தே ஆகனும் " என்று சொன்னவளை.
ஏய் இரு போலாம் "
"சீக்கிரம் எடு பக்கி..."
"அடியேய் இருடி..."
அடுத்த பத்து நிமிடத்தில் வீட்டில் இருந்தார்கள். ஓடி சென்று தன் அண்ணியை அணைத்து கொண்டு கன்னத்தில் முத்தமிட்டவள் , மண்டியிட்டு அமர்ந்து அவள் வயிற்றில் கைவைத்து, " ஹே குட்டி பாப்பா அஸ்ஸலாமு அலைக்கும்(வரஹ்) நீங்க உள்ளே என்ன பண்றிங்க ? சமத்தா இருக்கனும் அம்மாக்கு எந்த தொல்லையும் கொடுக்கக்கூடாது சரியா. அம்மாவை நல்லா பார்த்துக்கனும் , அம்மா சொல்றதை கேட்கனும் அம்மா அப்பா குர்ஆன் ஓதும் போது நல்ல புள்ளையா கேட்கனும் புரியுதா? .. " என்று குழந்தையுடன் பேசியவளை
" ஹே குழந்தைக்கு மூனு மாசத்துல இருந்து தான் பேசுறது கேட்கும் " என்று அவள் தலையில் செல்லமாய் கொட்டினான் ரஸாஹ்.
" எனக்கு ரொம்ப சந்தோஷமா இருக்கு அண்ணா அல்ஹம்துலில்லாஹ் " என்று தன் அண்ணனை அணைத்து கொண்டாள்.
அவளின் இந்த மகிழ்ச்சியை கண்ட ரஸாஹ் ரக்ஷனா இருவருக்கும் மனம் மகிழ்ந்தது.
அண்ணி நான் அப்றம் வரேன் என்று விட்டு சென்றாள் ஷெஹனாஸ்.
" நமக்கு குழந்தை வரது நம்மல விட அதிகமா சந்தோஷம் படுறால ரஸீ"
" ம்ம்ம் ஆமா... பார்க்கிறதுக்கு தான் வளர்ந்த மாதிரி இருக்காள் ஆனா இன்னும் குழந்தை தான் ..."
" உண்மை தான் ரஸீ இவளுக்கு ஒரு நல்ல வாழ்க்கை எப்படியாவது அமையனும் அல்லாஹ் தான் அதுக்கு ஒரு வழி பண்ணணும் " என்றவளுக்கு தெரியவில்லை அல்லாஹ் அவள் வாழ்க்கைக்கு தேவையான வழியை காட்டிவிட்டான் என்று.
பார்ப்போம் அந்த வழி இவர்களை இணைக்குமா ? இல்லையா ? என்பதை.
❤️ தொடரும் ❤️
💖 staytuned guys💖
