Nee en devadhai

[Barani Usha]

NYD-91
அவன் இருந்த அவசரத்தில் அவன் அவள் முகத்தை பார்த்தான், அவ்வளவுதான் . அதற்கு மேல் அவன் கருத்தில்ஒன்றும் பதியவில்லை. அதேதான் அவளுக்கும். இருவருமே அவரவர் விஷயத்தில் ஓடிக் கொண்டிருந்தனர்.
அவள் அதே கட்டிடத்தில் நேர்முக தேர்வில் பங்கேற்ற போது அவன் அந்த பெரிய ரியல் எஸ்டேட் கம்பெனியில் மருத்துவமனை கட்டுவதை பற்றி பேசிக் கொண்டிருந்தான். அப்போது எதாச்சையாக அவன் சந்தித்தது அவன் பள்ளி தோழி, பவித்ராவை, இருவருக்குமே அளவில்லா மகிழ்ச்சி. இருப்பினும் பேச்சு மும்மரத்தில் அவன் அந்த md இடம் கட்டிக் கொள்ளவில்லை.

அவள் அவரின் பீஏவாக இருந்தாள். மீட்டிங்கில் இறுதியில் கௌசிக் அந்த கம்பெனியுடன் நல்ல புரிதல் இருப்பதை உணர்ந்து கொண்டான். இறுதியில் அவர்கள் இவன் எதிர்பார்ப்பதுபோல சில இடங்களை தேர்வு செய்து பிறகு சொல்வதாக கூறினார். இன்னும் சில விஷயங்களை பேசி முடித்தவனுக்கு திருப்தியாகவே இருந்தது. இறுதியில், நான் என்னோட பள்ளி தோழி பவித்ராவோட கொஞ்சம் பேசலாமா? என்று பகிரங்கமாகவே அவரிடம் பெர்மிசன் கேட்டு அழைத்து சென்றான். அவரும் ஓகே சொன்னார், ஆச்சர்யபார்வையுடன்.
வெளியில் வந்ததும் குதூகளித்தாள் பவித்ரா. இருவருமே ஹிந்தியில் உரையாட ஆரம்பித்தனர். பவித்ராவின் கணவர் கப்பலில் வேலை செய்பவர். திருமணத்திற்கு பிறகு பவித்ராவுக்கு இந்த கம்பெனியில் இங்கு வேலை கிடைத்தது. நல்ல சம்பளம், நல்ல இடம், எந்த தொந்தரவும் கிடையாது என்று இங்கேயே தங்கிவிட்டாள் . குழந்தை பெற்று கொள்ள இருவருமே சற்று தயங்கினார்கள். அதை புரிந்து கொள்ளாத புகுந்தவீட்டாரின் பேச்க்களில் இருந்து தப்பித்துக் கொள்ளவும் இது ஒரு நல்ல இடமாக இருந்தது. அவளுக்கு ஓகேதான் என்றாலும் அவள் கணவன் இன்னும் சில வருடங்கள் வேண்டாம் என்றான். நாமளே பல நாள் கழிச்சுத்தான் மீட் பண்ணறோம். ஒவ்வொவொரு தடவையும் நான் ஹனிமூனாதான் பாக்கறேன். இப்ப ஒடனே எந்த கமிட்மெண்டும் வேண்டாம்.
பட் உங்க ப்ரேண்ட்ஸ் ?
அவங்க புரிஞ்சுக்க மாட்டாங்க, நீயுமா? ப்ளீஸ் பவி , நானே ரொம்ப காஞ்சு பொய் வந்துருக்கேன். புருசனுக்கு என்ன தேவையோ அதை குடுக்க வேண்டியது நீதானே? ப்ளீஸ் என்று மேலே அவள் பேச இடம் தராமல், லிப் லாக் செய்தான். அவனின் உரசல், தீண்டல், முத்தங்கள், கொஞ்சல்கள், இதிலேயே அவன் வரும் சில நாட்கள் முடிந்துவிடும். அவன் நிலைமை அவளுக்கும் புரிந்தது. பல நாட்கள் அங்கே கப்பலில் வேலை பார்த்தாலும் எந்த பெண்ணையும் அவன் ஏறெடுத்தும் பார்ப்பதில்லை. பல தரப்பட்ட பெண்களை பார்த்தாலும், தாகம் தீர்த்துக் கொள்ளவும் சரி, பசி தீர்த்துக்கொள்ளவும் சரி மனைவி மட்டுமே. அவனோடு கப்பலில் சென்று வந்த சில நாட்களில் அவன் தன்னை கட்டுப்பாடாக வைத்திருப்பது அவளுக்கே ஆச்சர்யம்தான். அப்படிப்பட்ட கணவனுக்காக என்னவேண்டுமானாலும் செய்யலாம் என்றே அவளுக்குத் தோன்றியது. குழந்தை பெற்று கொள்ளவில்லை என்றாலும் இருவருக்குமே காதலும் புரிதலும் இருந்தது. அதை பற்றி மற்றவர்களுக்கு தெரியாதே ? இருவரும் தங்களை பற்றி பேசிக் கொண்டிருந்தனர், மாலை அவளுக்கு வேலை முடிந்தவுடன். நீதான் எல்லாரையும் ஈஸியா இம்ப்ரெஸ் பண்ணிடுவீயே ? அதெல்லாம் இங்லாஸ்கிட்ட வர்க் ஆகாதுப்பா . நீயாவது உன்னோட மனைவிய உங்க பேரான்ஸ்கிட்ட விட்டுக் கொடுத்துடாத.
ஏன் உன்னோட ஹப்பி ஒனக்கு சப்போர்ட் பண்ண மாட்டாரா ?
எனக்கு சப்போர்ட் பண்ணாம நான் எப்படி இங்க தனியா இருக்க முடியும்? பட்
குழந்தை பத்தி பேச்சு வந்தா என்ன மாட்டி விட்டுடுவாரு.
இப்படியே வெகு நேரம் பேசிக் கொண்டிருந்துவிட்டு கிளம்பினர்...........................................................................................................................................................................................

கயலோ கார்த்திக்கின் பேச்சைக் கேட்டு ஒவ்வொரு இடமாக வேலையை விட்டுக் கொண்டிருந்தாள். அவனின் சந்தேக பார்வையை அவள் மீது திணித்தான். இதற்கு முன் அவள் வேலை பார்த்தஇடத்திலும் அவள் கௌசிக்கின் உதவியுடன் மின் படிக்கட்டுகளில் இறங்கி வந்தது அவனுக்கு பிடிக்கவில்லை. அவன் சந்தேகக்காரனாக இருக்கவில்லை. அதற்கு அர்த்தமாக இருந்தான். முதலில் எல்லாம் அவன் சொல்லுவதை கேட்டுக் கொண்டிருந்தவளுக்கு,தகுதி இருந்தும் ஒவ்வொரு இடத்திலும் நிராகரிக்கப்படுவதற்கு எந்த வேலையிலும் நிரந்தரமாக தான் இல்லாததுதான் என்பது புரியும்போது எரிச்சலாக வந்தது, முதல் முறையாக. இப்போதெல்லாம் அவளிடம் சில பல மாற்றங்கள் வர தொடங்கி இருந்தது. கார்த்திக்கின் எதிர்பார்ப்பு என்ன எனபதை அவளால் புரிந்துகொள்ள முடியவில்லை. கிட்டத்தட்ட இரண்டு வருடங்களுக்கு மேல் ஆகியும் ஏன் தன்னால் அவனை புரிந்து கொள்ள முடியவில்லை. அதற்கு காரணம் பாவம் அவள் அல்லவே. மிகச் சாதுர்யமாக அவன் அவளை கட்டுபடுத்தி வைத்திருந்தான். இப்போதுதான் அவளுக்கு அவன் மேல் இருந்த மாயை விலகத் தொடங்கி உள்ளதோ!...
காலம்(தான்) பதில் சொல்லும்.
அவள் பல இடங்களில் வேலைத் தேட தொடங்கி இருந்தாள் . யாருமே இவளை நம்ப தயாராக இல்லை. இவள் தோழிகளும்தான். யாரும் இவளுக்கு சிபாரிசு செய்து மேலிடத்திலிருந்து வாங்கி கட்டிக் கொள்ள தயாராக இல்லை. முதலில் அவள் உற்சாகமாக வேலை தேட தொடங்கினாலும் இப்போதெல்லாம் அவளிடம் ஏனோ அந்த உற்சாகம் இல்லை . அதே சமயம் அப்பாவின் பென்ஷன் பணமும் அந்த அளவுக்கு போதவில்லை. இவளுக்கும் வேலை இல்லாமல் போகவே,அன்னை தெரிந்தவர்கள் வீட்டு விசேஷங்களுக்கு சமைக்க உதவிக்கு செல்ல ஆரம்பித்தாள். அதுவும் சேர்ந்து இவளுக்கு மனம் வெதும்ப ஆரம்பித்தது.
கார்த்திக்கோ இவர்களின் கஷ்டங்களை பற்றி எதுவும் கவலை படாமல், இவளை வெளியில் செல்ல அழைத்தான். அதுவும் எப்போதுமே அவள் அழகாகவே டிரஸ் செய்து கொண்டு வர வேண்டும்,சிரித்துப் பேச வேண்டும், வெட்கப்பட வேண்டும். அவனை மயக்க வேண்டும். அவளுக்குஎன்று ஒரு இதயமோ , மனசோ இருப்பதை பற்றி அவன் கவலை பட்டதே இல்ல. இவளாக ஏதாவது பேச ஆரம்பித்தாலும், மிக கவனமாக அவன் பேச்சை மாற்றி விடுவான். முன்பானால் அவன் பேச்சில் மயங்கினாள் தான். ஆனால் இப்போது அன்னை மயக்கமாக வந்து சாப்பாடு கூட உண்ண முடியாமல் சோர்வாக வந்து படுக்கும்போது இவள் மனசாட்சி இவளை எப்படி சும்மா விடும்? இப்படி வீட்டில் பல பிரச்சனைகள் இருந்தாலும் அவளுக்கு மனதிற்கு இதமாக இருந்தது கௌசிக்கின் சந்திப்புகள்தான். அவன் அவளை எங்கும் அழைத்து சென்றதில்லை எதுவும் வாங்கித் தந்தது இல்லை. ஆனல் ஏனோ அவனுடன் வாயடிப்பதும், அவன் காரில் ஏறி செல்வதும் அவளுக்கு மகிழ்ச்சியை தந்தது என்றே சொல்லலாம். முதலில் கார்த்திக்கின் தவறான போதனைகளால் அவள் கௌசிக்கை சந்தேகத்தோடுதான் பார்த்தாள் . அதனால் தான் அவனை தெரிந்திருந்தும் தெரியாதது போலநடந்து கொண்டாள் . அதுவும் கார்த்திக்கின் சீரிய சிந்தனையே! கார்த்திக்கின் பேச்சு போகட்டும், இவர்களுக்குள் என்னதான் நடந்தது?
ஒரு ஊர்ல, ஒருநாள் என்ன நடந்துச்சாம்? குழந்தைங்களுக்கு கத சொல்லற மாதிரி இருக்கோ?

பேருந்து நிறுத்தத்தில் அந்த உயர்ரக மகிழுந்து வந்து நின்றது, அதிலிருந்து அந்த கந்தர்வன் ச! ச! நம்ம கௌசிக் வந்து
ஹாய்! மிஸ் ... கயல்விழி, வாங்களேன் நானே உங்களை டிராப் பண்ணறேன். அவனின் பேச்சும் பந்தாவும் மற்றவர்களுக்கு இவளை குறுகுறுவென பார்க்க தோன்றியது(பேஸ் புக்)
சுற்றி இருந்தவர்கள் ஒரு மாதிரி பார்த்தனர். இவளுக்கு கூச்சமாக இருந்தது. அவனிடம் பேச விருப்பம் இல்லாதவளாக முகத்தை திருப்பி கொண்டாள் .
அவளை நெருங்கி அவளில் காதோரமாக இப்ப எங்கூட கார்ல ஏறு, நான் உன்கிட்ட அப்புறமா விஷயத்தை சொல்லறேன் என்றான்,மிக அருகில் வந்தாலும் அவள் மேல் அவன் இடிக்கவில்லை.
இவளுக்கு விருப்பம் இல்லை என்றாலும் அவன் மீது நம்பிக்கை வைத்து அவனின் ஊர்தியில் ஏறியது அவளுக்கே வியப்புதான்.
யாரோ முன் பின் தெரியாத பெண்ணிடம் இத்தனை இறங்கி பேசுபவனா இந்த கௌசிக் என்ற வியப்பு அவனுக்கும் இருந்தது(அப்படியா கௌசிக், ஒனக்கு அவளை முன்னாடி தெரியாது?)
சிறிது தூரம் சென்றதும்,
ஹலோ மிஸ்டர் கார நிறுத்துங்க. எதுக்கு என்ன கார்ல ஏற சொன்னீங்க?(எம்மா நீங்கல்லாம் இப்படித்தான் யாரவது பெரிய காருல வந்து கூப்புட்டா போயிருவீங்களா?)
வெயிட் வெயிட் காயல்(கயலதான் நம்ம ஆளு அப்படி சொல்லறான் 🤭) எதுக்கு இந்த அவசரம்?
உங்களுக்கு எப்படி என்னோட பேர் தெரியும்?
நீயே யோசி🤔
சரி!அதெல்லாம் இருக்கட்டும் முதல்ல விஷயத்தை சொல்லுங்க. என்னோட பஸ் வந்துடும்.
அதான் சொன்னேனே நானே உங்களை டிராப் பண்ணறேன்னு? அவன் தமிழ் பேசுவது ஹிந்திடப்பிங் சீரியல்பார்ப்பது போல இருந்தது😊
மற்றதை நினைக்காமல்,
சாரி! நான் உங்களை கார நிறுத்த சொன்னேன். சொல்லுங்க எதுக்கு என்ன கார்ல ஏத்துனீங்க ?
உனக்கு என்ன பார்த்தா தப்பா தெரியுதா?
நான் உங்களோட பதிலுக்கு காத்திருக்கேன்😤
நீ ஒரு பொண்ணுதானே ?
யே ! இது என்ன கேள்வி ?🤦‍♀️
ம்ம்., ஒரு எடதுல நிக்கும்போது யாரூ எப்படி பாக்ராங்கோன்னு ஒனக்கு தெரியாதா?
மௌனமே பதிலாக இருந்தது.
சரி, நான் உன்ன மறுபடியும் அங்கையே விடறேன். அந்த எல்லோ டீ ஷர்ட் உன்ன எப்படி பாக்கறானு சொல்லு.
வேண்டாம், நீங்களே என்ன அடுத்த பஸ் ஸ்டாப்புல விட்டுடுங்க, அவன் சொன்ன விஷயத்தில் குரல் தானே இறங்கியது.
நோ ப்ராப்ளம், நீ உன்னோட டவுட் கிளீயர் பண்ணிட்டு வா,
பரவால்ல. நான்.. என்ன அடுத்த பஸ் ஸ்டாப்புலையே விட்டுடுங்க.
சரி. சாரி.
சரியா? சாரியா? ஒழுங்கா சொல்லு.
சாரி உங்கள தப்பா நினச்சு திட்டினதுக்கு. முதல்ல நீங்க சொன்னதுக்கு சரி.
ஒகே! ஆனா நீ பஸ்சுல ஏறினதுக்கப்புறம்தான் நான் போவேன்.
ஒரே ஒரு சந்தேகம். அவன் என்ன எப்படி பார்த்தான்?
இவன் ஒரு மாதிரியாக பார்த்தான்.
இல்ல நான் போட்டுருக்கறது எல்லாமே சும்மா நகைத்தான்.ஐ மீன் டூப்ளிகேட் , அதான்.
இப்படி லட்டு மாதிரி நீ இருக்கும்போது எவனாவது நகைய பாப்பானாடி லூசு. மனதில் நினைத்ததை நல்ல வேளை சொல்லவில்லை .
ப்ளீஸ் சொல்லுங்க .
நீ உன்னோட மூஞ்சிய கண்ணாடில பாக்கறதே இல்லையா ? வீட்டுக்கு போனதும் கண்ணாடியை பாரு . அவன் எப்படி பார்த்தான்னு உனக்கு புரியும். உன்னோட பஸ் ஸ்டாப் .
வீட்டில்,
ஏண்டி! இந்த மாதிரி கலரு போடாத உன்னோட கலருக்கு திருஷ்டி படுதுன்னு எத்தனை தடவ சொல்லறது. போறவன் வரவனெல்லாம் உன்னையே பாக்காரனுங்க . போ போய் கைய கால கழுவிட்டு வா சாப்பாடு எடுத்து வைக்கறேன் . முகம் கழுவிக் கொண்டவளுக்கு, கார் அழகனின் குரலும் காதில் வந்தது. ஓடி சென்று கண்ணாடி பார்த்தாள். அப்போது பெரியதாக ஒன்றும் தெரியவில்லை. ஆனால் முகத்தில் ஏதோ ஒரு ஒளி வந்ததுபோல இருந்தது.அதற்கு இந்த ஸ்டிக்கர்தான் காரணம்,என்று நினைத்தவள் சாதாரணமானது பார்த்து வைத்துக் கொண்டாள் .
அடுத்த நாள், காலை கண்ணாடி பார்க்கும்போது, இன்னிக்கு அவன் வருவானா ?(ஏம்மா கார்த்திக்கை லவ் பண்ணும்போது என்னிக்காவது இவ்ளோ எதிர்பார்த்திருக்கியா ?) மனம் குத்தியது. ம்ம் கார்த்திக், கார்த்திக் அவராவேதான் நான் என்ன டிரஸ் போடணுன்னு சொல்லிடுவாரே, நினைக்கும்போதுதான் அவளுக்கே அதில் சுதந்திரம் இல்லை என்று தெரிந்தது.
மறுபடியும், இவர்களின் சந்திப்பு, வேறு ஒரு பேருந்து நிலையத்தில் .
இருவருக்குமே ஆச்சர்யம்.
வாங்க, இப்போ எங்க போகணும் ?
ஹே நீங்க என்ன பாலோவ் பண்ணறீங்களா?
காருல ஏறுங்க பதில் சொல்லறேன்.
பதில் கேட்பதற்காக ஏறி கொண்டாள் .
எங்க போகணும்?
ம்ம் பம்பாய் போகணும், கோபம் போல பேசினாள்.
இப்போ இல்ல வேண்ணா நாளைக்கு போகலாம்.
மிஸ்டர். முதல்ல நான் கேட்டதுக்கு பதில் சொல்லுங்க.
ஏன் நீ என்ன பாலோவ் பண்ண கூடாதா ?
நான் நான் ஏன் பண்ணனும் ? நான் எதுக்கு உங்க பின்னாடி வரணும்.
தென் வை மீ ?
நான்னா சின்ன பொண்ணு. பாக்க கொஞ்சம் அழகாவும் இருக்கேன். அதான். கழுத்தையும் முகத்தையும் ஆட்டி ஆட்டி சொன்னாள் .குரலில் பெருமிதம் தெரிந்தது.
அதோட எப்பையும் பசங்கதான பொண்ணுங்கள பாலோவ் பண்ணுவாங்க.
அவள் கண்களை குறுகுறுவென பார்த்து, நேத்து கண்ணாடிய பார்த்தியா?
பதில் வரவில்லை. அவளின் கன்ன சிகப்பையே பதிலாக எடுத்துக் கொண்டான். ஏனோ அவளிடம் வாயாட வேண்டும் என்று தோன்றியது.
உன்ன விட நிறைய காரணங்கள் எனக்கு இருக்கு . ஸ்ட்ரைட்டா? லெப்டா?
நேரா போங்க. அவனிடம் பேசிக் கொண்டே வீட்டிற்கு வழி சொல்லிக் கொண்டிருந்தாள்.
நானும்தான் பணக்கார பையன், அழகா கம்பீரமா இருக்கேன்😎😎😍 எந்த பெண்ணும் என் பின்னாடியே வருவா நல்ல படிச்சிருக்கேன் நல்ல பிசினெஸ் பண்ணறேன், சம்பாதிக்கறேன். அதனால நீயும் என்ன பாலோவ் பண்ணலாமில்ல ? ம்ம் உதடு சுழித்து புருவங்களை ஏற்றி இறக்கி கூறினான்.
எங்க நீங்க அழகா இருக்கீங்க? எல்லா பொண்ணுங்களும் உங்க கூடவே வந்துடுவாங்க கொஞ்சம் ஓவரா இல்ல? நீங்களும் இன்னிக்கு உங்க மூஞ்சிய கண்ணாடில பாருங்க சார். குழந்தை போல சொன்ன அவள் பாவனையை அவன் ரசித்தான்😁
அப்போது அவள் வீடே வந்து விட்டது.
சார் சார் இங்கையே நிறுத்துங்க. உள்ள சந்துக்குள்ள உங்க கார் வராது. நான் இறங்கி நடந்து போய்க்கறேன் .
ரொம்ப தாங்க்ஸ் சார். சொல்லி விட்டு அவள் வேகமாக நடந்து சென்றாள். அவளை விட்டு செல்ல மனம் இல்லாதவனாக இவன் அவள் உருவம் மறையும் வரையில் இருந்து விட்டு சென்றான்.
இன்று கண்ணாடி பார்ப்பது இவன் முறையானது.
வீட்டிற்கு சென்றவளுக்கு ஏனோ மனம் காற்றில் பறந்தது,
இவனுக்கும்தான், பக்கத்துக்கு வீட்டு ரேடியோவில்,
எகிறி குதித்தேன் வானம் இடித்தது,
பாதங்கள் இரண்டும் பறவையானது
விரல்களின் காம்பில் பூக்கள் முளைத்தது,
புருவங்கள் இறங்கி மீசையானது .......

பாடல் வரிகள் சரியாக அர்த்தம் புரியவில்லை என்றாலும், அந்த பாடல் அப்போது அவனுக்கான சிடுயேசன் சாங்கத்தாம்பா.

இதனால் மக்களுக்கு அறிவிப்பது என்னவென்றால்..........

ஒன்றுமில்லை

ஒன்றுமில்லை


யப்பா மீண்டும் வருவாள் தேவதையே காணோமே..............😁😁😉

 

[Barani Usha]

NYD-92
அன்னையின் இறப்புக்கு பின்னர், தேவி மிகவும் பயந்திருந்தார். திருமணத்திற்கு பிறகு முதன்முதலாக, மனைவியின் பயம் போக்க, தன்னருகில் படுக்க வைத்துக் கொண்டார் நல்ல சிவம். இன்றுதான் முதன்முதலாக அவர் தன் மனைவி மகனுடன் சேர்ந்து இருக்கிறார். மனதில் எத்தனையோ வலிகளுக்கு மத்தியில் மனதில் ஒரு நிம்மதியும் வந்தது.

சரவணன் சத்யா சொன்னதை மனதில் நினைத்துப் பார்த்தான். அவள் சொன்னது அனைத்துமே சரியாகத்தான் இருந்தது. அன்று பெற்றோர் வந்து விட்டு போனதிற்கு பின்னர், இன்னும் அவர்களை பார்க்க அவன் செல்லவில்லை. அதுவும் மனைவிக்குத்தான் கெட்ட பெயர் தரும் என்பதால், கையில் ஒரு இனிப்பு பொட்டலத்தை வாங்கி கொண்டு பெற்றோரை பார்க்கச் சென்றான் சரவணன்.
அவர்களிடம் எப்படி சொல்வது என்று பலமுறை யோசித்து பார்த்தும், அவன் பயிற்சி செய்தபடி சரியாக பேசிவிடுவானா ? வாருங்கள், பார்க்கலாம்.

என்னடா இப்பதான் இங்க வர்றதுக்கு வலி(ழி ) தெரிஞ்சுதா ?
ஒக்காரு, தண்ணி கொண்டுவரேன் . சொல்லிவிட்டு அன்னை உள்ளே சென்றாள் , அப்போதே வெளியில் சென்று விட்டு வந்த தந்தையும் அதையே வேறுபோல கேட்டார்.
இப்பதான் உன் பொண்டாட்டி வரவிட்டாளா ?
பொண்டாட்டி விட்டாலும் பசங்க விடணுமில்ல ?
என்னடா ஒனக்கு வெயில்ல மூளை கீள குளம்பிடுச்சா ?
அதெல்லாம் ஒண்ணுமில்லப்பா
என் பொண்டாட்டி உண்டாகியிருக்கா, அதுவும் ரெட்டை.
அட அட அட என்னடா இவ்ளோ பெரிய விஷயத்தை இவ்ளோ சாதாரணமா சொல்லற. இப்போ அவ எப்படி இருக்கா ? அன்னை பரபரப்பாக கேட்டாள் .
நீ என்ன உண்மையைத்தான் சொல்லறீயா ? தாடியை தடவியபடியே தந்தை கேட்டதும் மகனுக்கு வந்ததே கோபம்.
இதுக்குதான் நான் உங்ககிட்ட சொல்ல வேண்டான்னு சொன்னேன். அவளுக்குத்தான் மூள இல்லாம , உங்ககிட்ட சொல்லணும், நீங்கல்லாம் ரொம்ப சந்தோசப்படுவீங்கன்னு ஆசைப்பட்டு அனுப்பி வச்சா . பொய் சொல்லறவன் எதுக்கு இனிப்பு வாங்கிட்டு வரணும்?
விருக்கென எழுந்துகொண்டவன், தங்கச்சிக்கு விசேஷம் வச்சிருக்கீங்க போல? நான் உங்களுக்கு வேண்ணா வேண்டாத புள்ளையா இருக்கலாம். ஆனா அவளுக்கு அண்ணன் நான்தான். விருக்கென வெளியேறிவிட்டான் .
அவனும், அவன் மனைவியும் நினைத்தது வேறு, ஆனால் நடந்து கொண்டிருப்பது வேறு. பெருமூச்சு விட்டு அங்கிருந்த பிள்ளையார் கோயில் வாசலில் அமர்ந்து கொண்டான். அவனுக்கு ஆசையாக காத்திருக்கும் மனைவியிடம் எப்படி சொல்வது, என்ன சொல்வது என்றே புரியவில்லை. மனம் கவலையில் குழம்பியது. நான் அப்போது அங்கு செங்கேணி பாட்டி வந்தாள் .
என்னடா சரவணா இங்க உட்கார்ந்திருக்க ? அவள் ஊரில் இருக்கும் அனைவருக்குமே தேவையான நேரத்தில் உதவி செய்து, அனைவருமே நன்றாக இருக்க வேண்டும் என்று நினைப்பவள். அதனால் அவளிடம் அவனால் தன் மனக்கவலைகளை சுலபமாக பகிர முடிந்தது.
அடப்பாவி, இதுக்கடா இப்படி கவலை படற ?ஏதோ கோபத்துல பேசிப்புட்டாங்க. அவங்க வந்து செல்வியை பார்த்துக்கலைனா என்ன ? நான் வரேன். எத்தனை பிரசவம் பார்த்திருப்பேன் ? எத்தனை குழந்தையை சீராட்டிருப்பேன்? செல்விக்கு யாரும் இல்லனு யாரு சொன்னா? நான் இருக்கேன்டா. பணத்தால என்னால ஒன்னும் செய்ய முடியாது , ஆனா ஒடம்பால செருப்பா செய்ய முடியும். கவலைப்படாத ராசா! தாடை பிடித்து ஆறுதல் சொன்னாள் . இதே வார்த்தையை ஏன் தன் தாய் சொல்லவில்லை? கிழவியை கட்டிக் கொண்டு கதறிவிட்டான்.
அழாத ராசா . முதுகை நீவி ஆறுதல் படுத்தினாள். உன்னோட நல்ல மனசுக்கு எந்த குறையும் வராது.
ஆம்! அவனுக்கு அந்த சமயத்தில் அந்த வார்த்தைகளும், ஆறுதலும் தேவைப்பட்டது. அவன் கதறலுக்கு காரணம் பெற்றோர் வீட்டுக்கு சென்றது மட்டுமில்லை. பணக்கவலையும் தான் முக்கிய காரணம். அது பாவம் அவனுக்கே தெரியாது . ஆனால் அங்கே புன்னைகையுடன் அமர்ந்திருக்கும் கணேசனுக்குத் தெரியுமே ?
வீராப்பாக மனைவியிடம் பணத்தை பற்றி கவலை பட வேண்டாம் என்று சொல்லிவிட்டானே தவிர, அவனுக்குமே எப்படி சமாளிக்க போகிறோம் என்ற கவலை அவன் நித்திரையை விரட்டியடித்தது. தந்தை நல்ல வசதி படைத்தவர்தான். இருப்பினும், ஒன்றும் இல்லாத செல்வியை இவன் திருமணம் செய்ததில் அனைவருமே இவனுக்கும் அந்த குடும்பதிற்கும் எந்த சம்பந்தமும் இல்லாதது போலவே நடந்து கொண்டனர். உனக்காக நான் இருக்கிறேன் என்று யாருமே அவனிடம் சொன்னதில்லை. செல்விக்கு இவன் படும் கஷ்டம் தெரியும். அதனால் தான் தனது வாழ்க்கையை பற்றி கூட கவலை படாமல் இவனை வேறு திருமணம் செய்து கொண்டு பெற்றோருடன் வாழச் சொல்வது. அவன் வாழ்க்கையில் முதன் முதலாக நான் இருக்கிறேன் கவலை படாதே என்று ஒரு ஜீவன் சொல்லியது. அது அந்த நேரத்தில் எத்தனை பெரிய வார்த்தை? எத்தனை பெரிய ஆறுதல்? அவளுக்கு தெரியாது. அவனுக்கு தெரியும். போ ராசா செல்வி தனியா கிடந்து தவிக்கும். இந்தாயா! அவளுக்கு சில்லுனு ஏதாவது சூஸ் வாங்கிட்டு போ, பத்துரூபாய் தாளை, புடவையின் முந்தியில் இருந்து எடுத்துக் கொடுத்தாள் .
பரவால்ல ஆத்தா, எங்கிட்ட இருக்கு, நீபார்த்து வீடு போய் சேரு .
சரி ராசா. கண்ண தொடச்சுக்க.
அவன் கையிலும், பையிலும் பணம் இல்லை. இருந்தும் மனம் முழுதும் தைரியமும், தன்னபிக்கையும் இருந்தது. வீரநடை போட்டு போகும் தன் மகனை, அருள் பொங்க பார்த்துக் கொண்டிருந்தார் பிள்ளையார், புன்சிரிப்புடன். அதன் அர்த்தம் என்ன?
வெயிட் பண்ணுங்க, அவன் வீடு போய் சேரட்டும்.
முத்துவின் பாட்டி இறந்த விஷயம் கங்காவுக்கு தெரியும்தான் . ஆனால் அவளால் சத்யாவுடன் இருக்க முடியவில்லையே என்ற ஏக்கமும், குற்ற உணர்ச்சியும் பிடுங்கி தின்றது.
அதனால் என்ன கங்கா ? நீ என்ன வேணுன்னா வராம இருக்க? உன்னோட நிலைமை அப்படி! எல்லாம் சரியா இருந்தா நீ என்ன எனக்கு உதவிக்கு இல்லாமலா போய் இருப்ப ?
அதில்ல சத்யா அன்னிக்கு எங்கப்பா இறந்தபோது நீங்கல்லாம் இல்லன்னா இன்னிக்கு நான் இல்ல. அது மட்டுமா ? அன்னிக்கு நான் தற்கொலை பண்ணிக்க போனபோது, ஒவ்வொரு சமயத்திலேயும் நீ தான் என் கூட நின்னுருக்க. ஆனா நான்? உங்க மாமனாருக்கு உடம்புக்கு முடியாத போதும் உனக்கு துணைக்கு வரல. உனக்கு தேவையான எந்த சமயத்துலையும் நான் வரல. எனக்கு மனசுக்கு ரொம்ப கஷ்டமா இருக்கு சத்யா. என்ன மன்னிச்சுடு சத்யா.
ச! மன்னிப்பெல்லாம் எதுக்கு ? நீ சொன்னதே போதும். நாந்தான் உன்ன அங்க தனியா விட்டதுக்கு மன்னிப்பு கேட்கணும். என்ன நம்பித்தான் அண்ணா உன்ன மதராஸ் கூட்டிட்டு வந்ததே,ப்ச் நான்தான் என்னோட பொறுப்பை ஒழுங்கா செய்யல. என்னால உன்கிட்ட மன்னிப்புக் கூட கேட்கற தகுதி கூட எனக்கில்லை.நாங்க எல்லாரும் இவ்ளோதூரம் சொல்லியும் அம்மா இவ்ளோ பிடிவாதமா இருக்கறதுதான் எங்க எல்லாருக்குமே அதிசயமா இருக்கு. உங்களோட வயசு வித்தியாசத்தை பார்த்துதான் அவங்க ரொம்ப கவலைப்படறாங்க. எந்த சமயத்துலையும் நீ அவங்கள தப்பா நினைச்சுடாத கங்கா .
என்ன சத்யா இது. அவங்க உங்களுக்கு மட்டுமா அம்மா? எனக்கில்லையா ?
சாரி கங்கா, ஏதோ அவசரத்துல,
விடு சத்யா. இப்படியே நாம சாரி சொல்லிகிட்டே இருக்க வேண்டியதுதான்.
ஆ சத்யா! உன்கிட்ட ஒரு முக்கியமான விஷயம் சொல்லனுன்னு நினச்சேன்.
சொல்லு! கங்கா ,
நன் என்னோட தோழியோட சேர்ந்து வேல பாக்கலான்னு யோசிக்கிறேன். ஆனா அது எவ்ளோ தூரம் சரியாய் வருன்னு தெரியல.
யாரு அவங்க? எல்ல விவரங்களையும் கேட்டு தெரிந்துகொண்டாள் சத்யா.
எனக்கென்னவோ நீ இனிசியலா தொழில் கத்துக்க அங்க போகலான்னு தோணுது. அதுக்கப்புறம் எப்படி போகுதுன்னு பாக்கலாமே? அது மட்டும் இல்லாம உனக்கு கல்யாணம் ஆச்சுன்னா அதுவும் எப்படி, பாக்கணுமில்ல.
ம்ம்... நீஉ சொல்லறதும் சரிதான், பாக்கலாம் சத்யா.
இருந்தாலும் நீ அண்ணன் கிட்டயும் அப்பாகிட்டயும் கேட்டுக்கோ.
ஆமா சத்யா, நானும் இதையேதான் யோசிச்சேன். நான் சார் கிட்ட பேசிடுவேன். ஆனா அப்பாகிட்டத்தான் எப்படி பேசறதுன்னு தெரியல.
நீ ரொம்ப யோசிக்காத. அப்பா ரொம்ப நல்லா பேசுவார். இருந்தாலும் நீ சொல்லறதும் சரிதான். அப்புறம் நாம அம்மாவை பை பாஸ் பண்ணிட்டு போகறமாதிரி இருக்கும். நான் இல்லன்னா அண்ணா கேட்டுட்டு சொல்லறோம்.
தேங்க்ஸ் சத்யா.
சீ! இதுக்கெல்லாம் எதுக்கு தேங்க்ஸ் சொல்லிக்கிட்டு.
அது சரி சத்யா, உனக்கும் முத்தண்ணனுக்கும் ரிலேஷன்ஷிப் எப்படி போகுது ?
எனக்கே தெரியல கங்கா . அவருக்கு மனசுல என்ன இருக்குன்னே புரியல. சில சமயம் எங்கிட்ட ரொம்ப ஒட்டி வராரு. சில சமயம் மூஞ்சிய கூட பாக்க மாட்டேங்கறார். அப்படியேதான் இருக்காரு. எந்த மாற்றமும் இல்ல.
விட்டு புடிச்சா சரியா வருன்னு வீட்டுல நினைச்சாங்க. ஆனா விட்டது விட்டதாத்தான் இருக்கு. இதுல அவருக்கு இந்த தடவ வந்த குத்தகை தொகை வேற ரொம்ப கம்மி. அதுல வேற கொஞ்சம் பிரச்சனை ஆகிடுச்சு. ஏற்கனவே மனசுக்குள்ள ஏழை பணக்காரனு ஆயிரத்தெட்டு கன்றாவி . இதுல இப்போ இந்த பிரச்சனை வேற.
அவளிடம் பேசும்போதுதான், சத்யாவுக்கே சில விஷயங்கள் புரிய தொடங்கின.
அதுனால என்ன சத்யா, அவரு எவ்ளோ மூஞ்சி காமிச்சாலும் நீயே போய் பேச வேண்டியதுதானே? நா சொல்லறது உனக்கு புரியுதா ? என்னதான் இருந்தாலும் அவருதான் உனக்கு புருஷன், நீ கொஞ்சம் அட்ஜஸ்ட் பண்ணி போயேன்.
இதே வார்த்தைகளைத்தான் சில நாட்களுக்கு முன்பு ரம்யாவும் சொன்னாள் .
அதுனால என்ன சத்யா, உன் புருஷன் தானே. நீ சொல்லறதெல்லாம் பார்த்தா அவருக்கு உன் மேல எக்கச்சக்கமா லவ் இருக்கு. ஆனா சொல்லறத்துல ஏதோ தயக்கம். இல்ல ஏதோ அவரை தடுக்குது. அவரு சொல்லாட்டி என்ன? நீ சொல்லு. போய் அவரு மேல உரசி உரசி நில்லு. இன்னும் கொஞ்சம் அப்படி இப்படி நடந்துக்கோ.
ஏய் சீ என்ன நீ இப்படி எல்லாம் பேசற?
ம்ம் உனக்கு ஒழுங்கா அட்வைஸ் பண்ண சொல்லி அனுப்பினதே உன்னோட பிரதர்தான். உனக்கு திட்டணுன்னா போய் அவனை திட்டு.
அவனும் நீயும் சேர்ந்து என்ன பண்ணறீங்க? அவள் கோபம் பொய்யென்று அவள் வெட்கமும் அடக்கமுடியாத புன்னகையும் சேர்ந்து சொல்லியது.
ஓ! ஓகே ஓகே! மேடம் வாய்தான் திட்டுது. கண்ணும் கன்னமும் ரசிக்குதே ? சீக்கிரமா உங்களுக்கு பர்ஸ்ட் நைட் நடக்கணும். அதுக்கு நானும் என் புருசனும் ரூமை ரெடி பண்ணனும். ஓகே வா?
சீ என்னடி நீ! இப்படி பேசற ?
எதுவா இருந்தாலும் சீக்கிரமா பண்ணு .ஆறு மாசம் ஏழு மாசம் கழிச்சு என்னால குனிஞ்சு ரொம்பல்லாம் கட்டில் அலங்காரம் பண்ண முடியாது.
புரியாமல் அவள் முகத்தை பார்த்தாள் .
ஏண்டி!
ம்ம் உங்க சித்திக்கு சீக்கிரமா ஒரு பேர புள்ள வேணுமாம்.
சித்திக்கா இல்ல சித்தி புள்ளைக்கா ?
எங்க எல்லாருக்குமே வேணும் சத்யா. எனக்கு முன்னாடி உன்கிட்டேர்ந்து. சட்டென்று அவள் தோணி மாறியது. இவள் முகமும்தான்.
நீ எனக்கு ரொம்ப பண்ணிருக்கே சத்யா. அன்னைக்கு நீ, கங்கா நீங்கல்லாம் இல்லாட்டி என்னால நினச்சு கூட பார்க்க முடியாது. இன்னிக்கு நா ஒரு உருவமா நிக்கறேன்னா நீதான் காரணம். பட் நீ இப்படி இருக்கும்போது நாங்க எப்படி ?
ஏ !இதென்ன பேச்சு. இது உன்னோட வாழ்க்கை . அதை எப்படி எனக்காக நீ ஸ்டாப் பண்ண முடியும்?
நான் ஸ்டாப் பண்ணல. அதுக்கு முன்னாடி நீயும் சந்தோசமா வாழறத பாக்கணும் சத்யா. ப்ளீஸ். ..
எனக்காக ஓகே சொல்லேன்.
ம்ம் சரி, நான் என்ன பண்ணலான்னு யோசிக்கிறேன்.
ஏதாவது தெரியலைனா யோசிக்கவே யோசிக்காத. நான் இருக்கேன். எங்கிட்ட அட்வைஸ் வாங்கிட்டு பர்ஸ்ட் நைட்க்கு போவீங்களாம் , சரியா மகளே ? யாமிருக்க பயமேன்? கையை கடவுள் ஆசிர்வதிப்பது போல வைத்துக் கொண்டாள் .
மகளேவா! அடிங் என்று அவளை இவள் துரத்தினாள் . அன்றைய நினைவில் இவளுக்கு முகமெங்கும் புன்னகை வந்தது. அதனூடே அவள் முத்துவின் நடவடிக்கைகளை யோசித்து பார்த்தாள் .அவன் தன்னை விட்டு தள்ளி இருப்பதற்கு பணம்தான் காரணமா ? கடவுளே அப்படி இருந்தால், தானே அதற்கு காரணமல்லவா? அவள் எதற்குமே காரணம் இல்லை என்றாலும் அவள் தன்னைத்தானே காரணமாக்கிக் கொண்டாள் . (ஆமா !நீங்க தான் காரணம் , அதை எப்படி அழிக்கப் போறீங்க? கையாலயா
இல்ல உதட்டாலையா) எப்படியாவது இந்த பிரச்னையை தீர்க்கவேண்டும். அதேசமயம் ருக்குவுக்கும் அவனுக்கும் என்ன தொடர்பு ? அவள் வேண்டாம் என்றால் அன்று ஏன் அவன் அப்படி நடந்து கொள்ள வேண்டும்? அவன் மனதில் இருப்பது யார்?

தெரிந்து கொள்ள மீண்டும் வருவாள் தேவதை...........

 

[Barani Usha]

NYD-93
சிவா முத்துவை சென்று பார்க்க வேண்டும். ஏற்கனவே நிறைய விடுமுறைகள் சத்யா எடுத்ததால் அவள் வரவில்லை என்றுவிட்டாள் .
ஓகே சத்யா. அவர்கிட்ட நான் என்ன பேசணும்? எப்படி பேசணும்? சும்மா துக்கம் விசாரிச்சுட்டு வந்த போதுமா ?
ம்ம். எனக்கும் தெரியலன்னா. நீ அப்பாகிட்ட கேட்டுகோயன்.
ஓகே!
பட்! அண்ணா ஒரே ஒரு விஷயம்.
என்ன என்பதுபோல பார்த்துக் கொண்டிருந்தான்.
அவருக்கு ப்ச் தெரியல.
சத்யா, நான் உன்னோட அண்ணா. என்ன பிரச்சனை?நீ சொன்னதான் எனக்கும் தெரியும். உங்களுக்குள்ள என்ன தான் நடக்குது ?
உண்மையா சொல்லணுன்னா அது எனக்கே தெரியல.
ஆனா ஒரு விஷயம். அவரோட பிஸ்னஸ் நல்லா போகல. அது ஏதோ விதத்துல எங்களோட ரிலேஷன்ஷிப்ல ரிப்லெக்ட் ஆகுது. என்னோட எண்ணம் , சரியா தப்பான்னு தெரியல.
சரி, நான் பார்த்துக்கறேன். நீ எதைப்பத்தியும் கவலை படாத.
அண்ணா இன்னொரு விஷயம். அவருக்கு பணத்துக்கு ஏதாவது ஹெல்ப் பண்ண முடியுமான்னு பாருங்களேன். நான் கேட்டா அவருக்கு ஈகோ ஹர்ட் ஆகும்.
தலை குனிந்து சொன்னவளை ஆச்சர்யமாக பார்த்தான்.
என்னண்ணா பதிலே சொல்ல மாட்டேங்கற?
இந்த வீட்டுக்கு ஒரு குட்டி தேவதை வந்தது. அதை நான் கையில வச்சுக்கிட்டேன். சொப்பு வாய திறந்து அண்ணா அண்ணான்னு பின்னாடியே சுத்துனது போய் புருசனுக்கு சப்போர்ட் பண்ணற அளவுக்கு பெருசாகிட்ட ? அதான்ஆச்சர்யமா பாக்கறேன்.
வெட்கத்துடன் தலையை குனிந்து கொண்டாள் . அவள் தலை மீது கையை வைத்து மெதுவாக ஆட்டியவன் நீ எதை பத்தியும் கவலை படாத. ஓகே !
ம்ம், மன நிம்மதியுடன் தலை ஆட்டினாள். என்னதான் பெண்கள் தைரியசாலிகளாக இருந்தாலும், வீட்டில் இருக்கும் ஆண்கள் அதிலும், அப்பா அண்ணா நான் பார்த்துக்கறேன். நீ கவலை படாதே என்று சொல்வதில் தான் எத்தனை ஆனந்தம்?
வீட்டில் நடந்ததை , மனக்கண்ணால் ஓட்டிப் பார்த்துக் கொண்டிருக்கிறான் சிவா., இதோ
முத்துவின் வருகைக்காக அவன் வீட்டில் காத்துக் கொண்டிருக்கிறான். வீட்டில் யாரும் இல்லை. ஆனால் திறந்திருந்தது. அதனால் அருகில்தான் எங்கையாவது சென்றிருக்க வேண்டும். இருப்பினும் அவர்கள் இல்லாத போது உள்ளே செல்ல விருப்பம் இல்லாதவனாக வெளியில் நின்று கொண்டான்.
ஆச்சி தான் வந்தார் முதலில்,
வாங்க வாங்க ,
என்ன சாப்படறீங்க?
இல்லங்க ஒன்னும் வேணாம்.
விஷயம் கேள்விப்பட்டேன். மன்னிச்சுடுங்க, அப்போ என்னால வரமுடிலை . அதான் உங்களையும், மாப்பிள்ளையையும் பார்த்துட்டு போகலான்னு . மிகவும் பதவிசாக வார்த்தைககளை கோர்த்தான்.(பின்ன வர்ற வழியெல்லாம் யோசிச்சுட்டே தான வந்தோம்)
அதுக்கு என்ன பண்ண முடியும் தம்பி? நேரம் வந்தா போக வேண்டியதுதான். எனக்கு எப்போ விதி விதிச்சுருக்கோ? அந்த கடவுளுக்குத்தான் தெரியும்.
அப்படியெல்லாம் சொல்லாதீங்க. நீங்க எங்க எல்லாருக்கும் வேணும். நீங்கதானே ஆதி(அடி ) வேர் . எங்க வீட்டுலையும் உங்களை மாதிரி வயசானவங்க யாரும் இல்ல. நீங்க பெரியவங்க இருந்தாதான் நாங்கள்ளாம். சத்யா இங்கேருந்து வந்த போது உங்களபத்திதான் பேசிக்கிட்டே இருந்தா. உங்களுக்கும் அவளுக்கும் அப்படி என்ன பிடித்தம்னு எங்களுக்கெல்லாம் ரொம்ப ஆச்சர்யம். உங்கள மாதிரி அன்பு காட்றவங்க எங்களுக்கு வேணும். அது மட்டுமா? இன்னும் பேரனோட குழந்தைங்களை பார்க்க வேண்டாமா ?
சொல்லிக் கொண்டிருக்கும்போதே முத்து வந்தான்.
ஆச்சி யாரு வந்துருக்கா ? ஷூ இருக்கு? சொல்லிக் கொண்டே வந்தவன்,
அட கலக்ட்டரா , வாங்க வாங்க ,
வணக்கங்க.
அவன் எதற்காக வந்திருக்கிறான் என்பதால் அதற்க்கு மேல் எதுவும் பேசாமல் வாய் மூடி இருந்தான்.
விஷயம் கேள்விபட்டேன் முத்து . என்ன சொல்லறதுன்னே தெரியல. எப்படி துக்கம் விசாரிக்கனுன்னு கூட தெரியல. வாயில வார்த்தை இல்ல.
என்னதான் ஆச்சு? முத்து,
எல்லாமே சட்டுனு நடந்து போச்சு. எதுவுமே யாருமே எதிர் பாக்கல. எப்படியும் அவங்களுக்கும் எங்களுக்கும் பெரிசா உறவுன்னு எதுவும் இல்ல. இருந்தாலும் கொடூரமா செத்துருக்க வேணாம்.
ம்ம்.. போன உசுர நம்மால கொண்டு வர முடியாது. அதையே நினைக்க வேணாம்.ஒரெட்டு உங்க அப்பாவையும் பார்த்துட்டு நான் அப்படியே கிளம்பறேன் மாப்பிள்ளை.
வாங்க நானும் வரேன். இருவரும் அமைதியாக ஜீப்பில் சென்றனர். சிவாவை பார்த்த தேவி இழுத்து போர்த்தி கொண்டு ஓரமாக ஒதுங்கி நின்று கொண்டார்.
உங்களுக்கு உடம்புக்கு முடியாத போதே நான் வந்திருக்கணும். கடைசில இந்த மாதிரி நிலமைல....சந்திக்க வேண்டியதா போச்சு. என்னதான் இருந்தாலும் இந்த உலகத்துல அம்மாவுக்கு ஈடு யாருமில்லை. அவங்க போனது பெரிய இழப்புதான். நீங்க தைரியமா இருங்க. வேற எப்படி ஆறுதல் சொல்லறதுன்னு எனக்கு தெரியல.
அதனால என்ன தம்பி ? போனதையே நினைச்சு நினச்சு என்ன ஆக போகுது. இவ தான் ஓயாம அழுதுகிட்டே இருக்கா . நாந்தான் காரணம் நானேதான் காரணுன்னு அழுதுகிட்டே இருக்கு. வாழ்ந்த நாள் பூராவும் இவளை கொடுமைதான் பண்ணிருக்கா எங்காத்தா. என்னத்த பண்ணறது? கவலையுடன் நல்ல தம்பி சொல்லிக் கொண்டிருந்தார்.
அவரின் கவலை சிவாவிற்கு புரிந்தது. அவர் மனதில் இருப்பதை கொட்டி தீர்க்கட்டும் என்று அமைதியாகவே இருந்தான் சிவா.
சரிங்க தம்பி! நான் பேசிக்கிட்டே இருப்பேன். நீங்களே பாவம் ரொம்ப தூரத்துலேர்ந்து வந்துருக்கீங்க. கொஞ்சமா ஏதாவது வாய நினைச்சுட்டு போங்க. காபி கலந்து கொண்டு வந்தாள் தேவி. நிலைமையை சாதாரணமாக்க அப்புறம் வேலைலாம் எப்படி போகுது முத்து? இப்போ நிலைமை சரியில்லைன்னு சத்யா சொன்னா . உங்களுக்கு எந்த விதத்துல நான் உதவி பண்ணனும். சொல்லுங்க செய்யறேன். கலெக்டராக இருந்தும் எந்த பந்தாவும் இல்லாமல் அவன் சொன்னது அனைவருக்கும் ஆச்சரியமாகத்தான் இருந்தது.
ம்ம் அது ஏதோ போகுது. நீங்க என்னங்க செய்ய முடியும்?எனக்கே என்ன செய்யறதுன்னு ஒன்னும் புரியல. என்ன இப்படி சொல்லீட்டிங்க ? உங்களுக்கு என்ன தெரியுமே அத பண்ணுங்க. எனக்கு அட்மினிஸ்டரேஷன் தெரியும். நான் அதை பண்ணறேன். உங்களுக்கு காய்கறி தெரியுமா? அதபண்ணுங்க, பழங்கள் தெரியுமா அதை பண்ணுங்க. உங்களுக்கு எது வருமோ அதை வச்சு தொழில் பண்ணுங்க. பண தேவை இருக்கா .நாங்க உதவி பண்ணறோம். வீடு மாப்பிள்ளைக்கு இல்லாதது என்ன? வார்த்தைகளும், பேச்சும் எங்கும் மனம் நோகாதபடி மிக உரிமையாக பேசினான் சிவா. அதில் யாருக்குமே எந்த தவறும் தென்படவில்லை. ஒருவரைத் தவிர.
அப்போதுதான் நல்ல சிவத்திற்கு சட்டென்று தான் செய்த தவறு புரிந்தது. இதுநாள் வரை தன் மகனிடம் அவன் தொழில் பற்றி எதுவுமே கேட்டதில்லையே?யாரோ ஒருவர் வந்து உதவி செய்ய நாங்கள் இருக்கிறோம் என்று கூறும்போது, பெட்ரா தந்தையாக இத்தனை பணம் வைத்திருந்தும் ஏன் தனக்கு தோன்றவில்லை? கேள்விகள் வண்டாக மனத்தைக் குடைந்தது. தேவியிடம் கேட்டபோது, அவன் நம்ம புள்ளைங்க. அவனுக்கு செய்யாம என்ன?
குற்ற உணர்ச்சியுடன் வாயை மூடி கிடந்தவர், மறு நாளே மனைவியுடன் மாமியார் வீட்டிற்கு வந்தார்.
எப்போதும் அவர் இங்கு வந்ததில்லை. முத்துவுக்கு சிறு வயதாக இருந்தபோது வந்தபோதும் மாமியார் அந்த வீட்டு படி ஏறக் கூடாது என்று ஆணையிட்டிருந்தார். எந்த உதவியும் தேவையில்லை என்று வீம்பாக சொன்னவர்தான். ஆனால் இப்போது, உடல் நிலை சரியில்லாமல், அன்னையையும் இழந்தவரிடம் அவரால் அதே வீம்பாகப் பேச முடியவில்லை.
வாங்க என்று மட்டும் அழைத்தார். அதுவே அவர்களுக்கு பெரிய ஆச்சர்யம்தான். முத்துவுக்கும்தான்.
அதே சமயம் இங்கே 16 நாள் தீட்டு முடியும் அன்று வீட்டிற்கு ஜோசியரை அழைத்தாள் சிவகாமி.
இந்த பொண்ணோட ஜாதகம் ரொம்ப அருமையான ஜாதகம். இவ இருக்கற இடத்துல எப்பையுமே சந்தோஷம் இருக்கும். பணத்துக்கு குறையே இருக்காது. இந்த பையனோட ஜாதகம் இந்த பொண்ணோட ஜாதகம் இவனுக்கு இவதான் . அத்தனை பொருத்தமும் சேர்ந்து இருக்கு. இந்த மாதிரி ஜாதக பொருத்தத்தோட ஒரு கல்யாணம் அமையறது ரொம்ப பெரிய விஷயம். ஏழு எட்டு மாசத்துக்கு முன்னால இந்த பையனுக்கு பெரிய கண்டம் இருந்துச்சு. இவளோட ஜாதகத்துனால தான் இன்னிக்கு அவன் உசுரோட இருக்கான். இவளோட மாங்கல்ய ஸ்தானம் அவ்ளோ சிறப்பா இருக்கு. இவங்களுக்கு ரெண்டு குழந்தை பிறக்கும் . அமோகமா இருப்பாங்க. உங்களுக்கு வேற என்ன கேட்கணுமோ கேளுங்க.
ஆனா இவங்க ரெண்டு பெரும் சந்தோஷமாவே இல்லையையே அய்யரே ? அதுவும் இல்லாமல் மாப்பிளைக்கு பயங்கர பண கஷ்டம். எங்ககிட்டேர்ந்தும் உதவி ஏத்துக்க மாட்டேங்கறாரு. தொழில் முடங்கி போச்சு. வேற ஒரு பொண்ணு வேற மனசுல இருக்கலாம்ன்னு சந்தேகமா இருக்கு. என்னோட பொண்ண பாத்தாலே முரண்டு புடிக்கறாரு. அவரை எப்படி வழிக்கு கொண்டு வர்றதுன்னே தெரியலையே? ஆனா நீங்க எல்லாமே ரொம்ப நல்லா இருக்குன்னு சொல்லறீங்க.
நீங்க சொல்லறதை பார்த்த எனக்கே ஆச்சர்யமா இருக்கு. சரி, இவங்க சாந்தி முஹூர்த்தம் என்னிக்கு வச்சீங்க? அந்த நாள் நேரம் சரியாய் இருந்துச்சா?
இல்ல சாமி, இன்னும் அவர்களுக்கு அது நடக்கவே இல்ல.
ஏம்மா கல்யாணம் நாள் குறிச்சு பண்ணல? பெரியவங்க ஆசிர்வாதம் கிடையாது, சாந்தி முஹுர்த்தமும் பண்ணல. சரி கல்யாணத்துக்கு முன்னாடி பின்னாடி அவங்க அம்மாவுக்கு(மாமியார்) சுமங்கலி பூஜையாவது பண்ணிங்களா ?
இல்ல சாமி.
ஏம்மா எதுவுமே பண்ணாம பொண்ணு சுகமா இல்லனா எப்படிம்மா? உங்களுக்கு இதுலெல்லாம் நம்பிக்கை இருக்கா இல்லையா ?
எல்லாமே இருக்கு சாமி. ஆனா இதுநாள் இவ்ளோ சங்கடங்கள் எங்களுக்கு என்ன பண்ணனும் ஏது பண்ணணுன்னு எதுவுமே புரியல.
அந்த இன்னொரு செட் ஜாதகத்தை பார்த்துடீங்களா சாமி? தியாகுதான் கேட்டார்.
அதுவும் அமோகமா இருக்கற ஜாதகம்தான். 9 பொருத்தம் இருக்கு. வசிய பொருத்தம், மாங்கல்ய பொருத்தம், முக்கியமானது அத்தனையுமே இருக்கு.
வயசு வித்தியாசம்ரொம்ப இருக்கே சாமீ ? அத பத்தி கவலை படவேண்டாம். அந்த காலத்துல 15, 16 20 வருஷ வித்தியாசத்துல கல்யாணம் பண்ணி சந்தோசமா இருந்தவாள்ளாம் இருக்கா. பொண்ணுக்கும் பையனுக்கும் சம்மதம்மான்னு கேட்டுக்கோங்கோ. ஆன் இதுல இன்னொரு பெரிய சிக்கல் இருக்கு.
இந்த பொண்ணுக்கு இப்போ நேரம் சரியில்ல. பெரிய கண்டம் காத்திருக்கு. நீங்க ரொம்ப ஜாக்கிரதையா இருக்கணும். அதே மாதிரி நான் நல்ல நாள் பார்த்து சொல்லறேன். நீங்க கண்டிப்பா உங்க சமந்திக்கு ,ஓரகதித்திக்கு சுமங்கலி பூஜை பண்ணனும்.
சாமி அதே மாதிரி இன்னொரு விஷயம். இவ நாங்க பெத்த பொண்ணு இல்ல. என்னோட ஓரகத்தியோட பொண்ணு. அவங்க ரெண்டு பேருமே இப்போ உயிரோட இல்ல.அதே மாதிரி அவளோட மாமனாரோட அம்மா இறந்து போய் 16 நாள்தான் ஆகுது.
சரி,இவை அம்மாவுக்கு வருஷாவருசம் திவசம் குடுக்கறீங்களோன்னோ ?
தம்பி இருந்தவரைக்கும் அவன் குடுத்தான். இப்போ அவனும் இல்ல. அடுத்த மாசம்தான் ஒரு வருஷம் அவனுக்கு ஆகப் போகுது.
சரி. அவரோடது ஒரு வருஷம் ஆகட்டும். அப்பாவோடது முடிஞ்சதும் உங்க ஓரகத்திக்கு சுமங்கலி பூஜை பண்ணிடுங்கோ. பெரியவா குழந்தைகளை காப்பாத்துவா, பித்ருக்கள் சந்தோஷ பட்டாலே போறும். வாரிசுகள் சந்தோசமா இருப்பா . எதைப்பத்தியும் கவலை படாதீங்கோ. அவர் சொல்லிய படியே சுமங்கலி பூஜைக்கு நாள் குறிக்க பட்டது. இதை பற்றி ஆச்சியிடமும் பேசி ஒப்புதல் பெற்றுக் கொண்டாள் சிவகாமி.
நல்ல தம்பியும்,தேவியும், முத்துவை பார்த்து அவன்கையில் 5லட்சங்களை கொடுத்துவிட்டு போனார்கள்.
உன்ன படிக்க வச்சுருக்க வேண்டியது என்னோட பொறுப்பு. நான் என்னோட கடமைகளை செய்யல. நான் உன்கிட்ட மன்னிப்பு கூட கேட்க முடியாதவன். என்னால சரியில்லாம போன வாழ்க்கையை என்னால சரி படுத்த முடியாது.ஆனா இந்த சமயத்துல கூட நான் உனக்கு உதவி செய்யலைன்னா நான் மனுசனே இல்ல. கண்டிப்பா இது அப்பா பையனுக்கு குடுக்கற காசா நீ எடுக்க வேணாம். ஏதோ மனுசனுக்கு மனுஷன்....கண்களில் குளம் கட்டியது . இதை எடுத்துக்க. சொந்தமா தொழில் பண்ணு . இன்னும் எவ்ளோ வேணுமோ கேளு. என்னால முடிஞ்சதை தரேன்.
ஆச்சியின் முகத்தை பார்த்தான் முத்து. அவள் சம்மதம் போல தலையசைத்தாள்.

சரிங்க நான் இதை எடுத்துக்கறேன். ஆனா ஒரு கண்டிஷன். நான் எவ்ளோ சீக்கிரம் முடியுமோ அவ்ளோ சீக்கிரம் இதை திருப்பி கொடுத்துடுவேன்.

ஒன்றும் சொல்லாமல் தோளை தட்டி விட்டு சென்றார். தேவியும் ஆச்சியிடம் கை கூப்பி விடை பெற்றாள் .

கங்காவும் சத்யாவிடம் சொல்லியபடியே அவள் தோழியின் கடைக்கு வேலை பார்க்க ஆரம்பித்துவிட்டாள். அவளுக்கு மூச்சு விடக்கூட நேரம் இல்லாமல் போனது. இருப்பினும் சிவாவின் அ ழைப்புகளும், பேச்சுமே அவளுக்கு தென்றல் வீசியது போல இருந்தது. வரப் போகும் விபரீதம் அறியாதவர்கள் சந்தோஷமாகவே இருந்தனர்.

கங்காவுக்கு ஏதோ பெரிய கண்டம் இருக்கிறது என்பதை சிவகாமி சத்யாவிடம் சொல்லி இருந்தாள் . அதன்படி கங்காவை பார்த்து மிக கவனமாக இருக்க சொன்னாள் சத்யா. மேலும் வெளியில் செல்லும் பெண்கள் கட்டாயம் பெப்பர் ஸ்பிரே வைத்திருக்க வேண்டும் என்றும் அறிவுறுத்தினாள் . நீ எதுக்கும் பயப்படறவ கிடையாது எனக்கு தெரியும். இருந்தாலும் சில விஷயங்கள் நம்ம மீறி போகும்போது நமக்குன்னு சில பாதுகாப்பு தேவை. அதுக்குதான். உனக்கு ஆன்லைன்ல ஆர்டர் பண்ணிருக்கேன். வாங்கிக்கோ.
தேங்க்ஸ் சத்யா நீங்கல்லாம் இருக்கும்போது எனக்கென்ன ?
இந்த நெஞ்ச நக்கற வேலைல்லாம் வேணாம். மரியாதையா முதல் மாச சம்பளம் வாங்கினதுக்கு அப்புறம் ட்ரீட் வைக்கற .
ஓகே! ஓகே! ஓகே !

மீண்டும் வருவாள் தேவதை........

 

[Barani Usha]

NYD-94
அனைவருக்கும் வாழ்க்கை மிக வேகமாக ஓடியது.
இப்போதெல்லாம் கௌசிக்கும் அந்த புது கம்பனியின் ஆட்களுடன் சேர்ந்து நிறைய இடங்கள் பார்க்க தொடங்கி இருந்தான். கயல் விழியை அவன் சந்திப்பதில்லை. இருவருக்குமே அவர்கள் இருந்த பிசியில் மற்ற விஷயங்கள் மறந்திருந்தன. ஆனால் விதி இருவரையும் விட்டு விடுமா என்ன ?
கார்த்திக்குடன் சந்திப்புகள் தொடர்ந்து கொண்டிருந்தன. ஆனால் இப்போதெல்லாம் பெரும்பாலும் இருவருக்கும் இடையே நிறைய சண்டைகள் வந்தன. அதை பார்த்த கார்த்திக், இப்படியே போய் கொண்டிருந்தால் நிலைமை சரிப்பட்டு வராது. இருவருக்கும் சீக்கிரம் நிச்சயதார்த்தமும், மறு நாளே திருமணமும் வைத்துவிடலாம் என்று நிர்பந்தபடுத்தினான். அதன் படியே அவன் வந்து கயல் வீட்டில் பேசினார்.
இல்ல ,அங்கிள் இன்னும் எனக்கும் வேல கிடைக்கல. இப்போ பேமிலி சிட்டுவேஷன் சரியா இல்ல. இன்னும் கொஞ்ச நாள் போகட்டுமே?
இன்னும் கொஞ்ச நாள் கழிச்சு மட்டும் என்ன ஆகும்? நீங்க இப்படியேதான் இருக்க போறீங்க. நீ இப்போ எதுக்கு மாங்கு மாங்குன்னு வேல தேடணும்? எப்படியும் உன்னோட தகுதிக்கு வேல ஒன்னும் பெரிசாலாம் கிடைக்க போகறதில்ல, பத்துக்கும் பதினைஞ்சுக்கும் எதுக்கு கஷ்டப்பட்டுக்கிட்டு? என்றார் தந்தை.
மகனோ, கல்யாணத்துக்கப்புறம் என்னையும் வீட்டையும் பாக்கறதுதானே உன்னோட வேல? என்றான்.
அப்போ எங்க அம்மா அப்பா ?
உங்கப்பாக்குத்தான் பென்ஷன் வருதே? அப்புறம் என்ன?
பென்ஷன் இருக்கட்டும். நாம என்ன செய்ய போறோம்? பொண்ணு மாப்பிள்ளையா ?
நாம என்ன செய்யணும்?
அத்தைக்காக வாங்கின கடனே அப்பாவுக்கு இன்னும் முடியல. இதுல என்னோட கல்யாணத்துக்கு அவரு எங்க போவாரு?
இப்போ என்ன சொல்லற? பிச்சைக்காரன் போல கல்யாணம் பண்ணனுமா? இல்ல முழு செலவையும் நாங்க ஏத்துக்கணுமா ?
அந்த மாதிரி நான் எதுவும் சொல்லல. இன்னும் ஒரு ரெண்டே வருஷம். நான் வேலைக்கு போய் கொஞ்சம் காசு சேர்த்துட்டு அப்புறமா கல்யாணம் பண்ணிக்கலாம். அதுவும் இல்லாம நான் வேலைல செட்டில் ஆனாதான் கல்யாணத்துக்கப்புறம் நான் எங்க அப்பாக்கு கொஞ்சமாவது ஹெல்ப் பண்ண முடியும்ன், உங்கள தொந்தரவு பண்ணாம.
என்ன சொன்னதையே திரும்ப திரும்ப சொல்லற. கல்யாணத்துக்கப்புறம் நீ வேலைக்கு போக கூடாது. என்னோட அம்மா அப்பதான் உனக்கும் அப்பா அம்மா, கார்த்திக்கும் கார சாரமாகத்தான் பேசினான்.
என்ன இப்படி பேசறீங்க கார்த்திக்? அப்ப என்ன பெத்தவங்க?
அதெல்லாம் எனக்கு தெரியாது. ஊரு உலகத்துல இதான் நடக்குது.
சரி. என்னோட கல்யாணத்துக்கப்புறம் அவங்க அனாதையா ?
அதுதான் பொண்ண பெத்தவங்களோட விதி. பாண்ட் பாக்கெட்டில் கையை விட்டு திமிராக பேசியவன் கன்னத்தில் பளீரென்று அறைய வேண்டும் போல இருந்த உணர்வை அவள் எப்படி கட்டுப்படுத்தினாள் என்பது அவளுக்கே ஆச்சர்யம்.
ஓகே! கார்த்திக். நமக்குள்ள ஒத்து வராது. நாம நிறுத்திக்கலாம்.
அவள் இப்படி ஒரு வார்த்தையை சொல்லுவாள் என்று அவன் எதிர்பார்க்கவில்லை. எப்போதுமே தான் சொல்வதற்கெல்லாம் மாடுபோல தலையாட்டியவள் இவள் அல்லவே. இவள் இப்போது முழித்துக் கொள்ள ஆரம்பித்துவிட்டாள். இவளிடம் பேசி பயனில்லை, என்று கணக்கிட்டவன் தன தாயிடம் பேசி சீக்கிரம் திருமணம் செய்ய சொன்னான். அதன்படியே அவன் தந்தை இவள் வீட்டில் இப்போது.
இப்போதுதான் கௌசிக்கும் கயலும் சந்திப்பதில்லை. முன்பு அடிக்கடி பார்த்துக் கொண்டிருந்தனர். வேண்டும் என்று இல்லை என்றாலும், சில சமயத்தில் அங்கொன்றும் இங்கொன்றுமாக சில சந்திப்புகள் நடந்து கொண்டுதான் இருந்தன. இப்போது இவள் சொல்வதையே கௌசிக் வேறு விதமாக சொன்னான்.
எப்படியும் ஆப்டர் மேரேஜ் யூ என்னோட வீட்டுல மகாராணியாதானே வாழ போறே.?எதுக்கு கஷ்டப்பட்டு வேல தேடற ?
வாட் !
எஸ் கயல். நான் உன்ன விரும்பறேன்னு சொல்ல தெரியல. பட் நீதான் என்னோட பொண்டாட்டி. அவன் தமிழையே படு ஸ்டைலாக பேசியதில், இவளுக்கு சிரிப்புதான் வந்தது. மறைத்துக் கொண்டு கோபப்பட்டாள் . பட் நான் வேற ஒருத்தர விரும்பறேனே!
எஸ்! பட் உனக்கு அவரோட மேரேஜ் ஆகாது.
சாபமா?
அப்படின்னா. அயோ உங்களுக்கு ட்ரான்ஸ்லேட் பண்ண முடியாது.
ஓகே! பீ கூல். நீ ஏதோ திட்டற ரைட் ?
ரைட் ரைட்.
ஓகே !யு திங்க் அண்ட் லேட் மீ நோ !
அது இருக்கட்டும். நீங்க யாரு என்ன, எதுவுமே எனக்கு தெரியாது. என்ன பத்தி உங்களுக்கு தெரியாது . அப்புறம் எப்படி ?
எனக்கு உன்ன பத்தி எல்லாம் தெரியும்.
எப்படி?அத அப்புறம் சொல்லறேன். முதல்ல நீ ஒக்கேவான்னு சொல்லு.
இல்ல என்னால முடியாது.
ஓகே! உன்னோட இஷ்டம் தோள் குலுக்கி சென்றவனை இதுவரை பார்க்கவில்லை. அவனுக்கு தன் மீது கோபமாகத்தான் இருக்கும். இருப்பினும் கொஞ்சம் பாந்தமாக பேசி இருக்கலாம். மனம் அரித்தது.
கடந்த சில நாட்களாக அவன் பார்க்கவில்லைதான். இருந்தாலும், அவனைத் தான் மீண்டும் சந்திக்கும்போது மன்னிப்பு கேட்டுவிடவேண்டும் என்று நினைத்துக் கொண்டாள் . எல்லாவற்றிற்கும் மேல் இப்போது அவளுக்கு தேவை ஒரு வேலை. எப்படியாவது ஒரு வேலையில் அமர வேண்டும், இதற்கு மேல் படிக்க வேண்டும், இதையே அவள் நினைத்துக் கொண்டிருந்தாள். பல பேரிடம் சொல்லி, இறுதியில் தெரிந்தவர் ஒருவர் மூலம் அவளுக்கு கேஷ் கவுண்டரில் வேலை கிடைத்தது, ருத்ரா வேலை பார்க்கும் மருத்துவமனையில். கௌசிக்கை பார்த்து தனக்கு வேலை கிடைத்த விஷயத்தை சொல்ல வேண்டும் என்று அவள் நினைத்திருந்தபோது, அவனே ஒரு நாள் மருத்துவமனைக்கு வந்திருந்தான்.
யாரையுமே பார்வையால் நடுங்க வைக்கும் ருத்திரா ,
கேன் ஐ மீட் மிஸ்டர் ருத்திரா ? நமக்கு புடிச்ச குரலா ? சட்டென திரும்பி பார்த்தவள் அங்கே கௌசிக்கை கண்டு ஆச்சர்யப்பட்டாள் .
அப்பாயின்மென்ட் இருக்கா ?
நோ! பட் அவர்தான் இப்போ வர சொன்னார்.
ப்ளீஸ் வெயிட் சார், நான் அவர்கிட்ட செக் பன்னிட்டு சொல்லறேன்.
ஹாய் ஹாய் கௌசிக் ,, என்று கை குலுக்கியவர்கள் அவர்களை கடந்து சென்றார்கள். கௌசிக் தன்னை பார்த்தனா பார்க்கவில்லையா அதே நினைப்பாகவே இருந்தது. அவனை பற்றி நினைக்கும்போது மனதில் ஏற்படும் சிறு இன்ப உணர்வை அனுபவிக்கத்தான் முடிந்ததே தவிர அவளால் முயன்றும் தடுக்க முடியவில்லை.
ஆனால் அவளால் நிம்மதியாக இருக்க முடியாதபடிக்கு, கார்த்திக்கிற்கும் கயலுக்கும் அவள் தந்தை திருமண ஏற்பாடு செய்ய நினைத்தார்.அதுவும் வீட்டிற்கு தெரியாமலே. அதற்காக அவர் இங்கும் அங்கும் கடன் கேட்டு அலைந்து கொண்டிருந்தார். இந்த விஷயம் தெரிந்த பழைய கடன்காரர்கள் வீடு வாசலில் வந்து சத்தம் போட ஆரம்பித்தனர்.
யோவ்! நீ எல்லாம் என்னதை திங்கற? வெக்கமால்ல , ஏற்கனவே வாங்கின கடனை குடுக்க துப்பில்லை. இதுல கோவிந்தன்கிட்ட போய் 5லட்சரூவா கேட்டிருக்க. நாளைக்கு வரி(ரை)க்கும் ஒனக்கு டைம் . மரியாதையா எங்கிட்ட வாங்கின 3 லட்ச ரூவா அசல். 2 லட்ச ரூவா வட்டி சேர்த்து திருப்பி தர்ற. இல்லாட்டி நடக்கறதே வேற, என்றான் ஒருவன். மற்றொருவன் சொல்வதை காதால் கேட்ககே கூட முடியவில்லை. தங்கையின் திருமண செலவை அடைத்தவருக்கு, பின்னோடயே வந்தது மாப்பிள்ளை தொழில் செய்வதற்கும் வீடு கட்டுவதற்கும். திருப்பித் தருவதாக கூறியவர்கள், பணம் கிடைத்ததும் திரும்பிக் கூட பார்க்கவில்லை. இவராக வாய் விட்டு கேட்டபோதும், இதோ அதோ தான். பணம் தான் வந்த பாடில்லை. ஆனால் அவர்கள் வசதியாகத்தான் வாழ்ந்து வந்தனர்.
என்னங்க இது?
எங்கிட்ட எதுவும் கேட்காத. சொல்லி விட்டு சேரில் அமர்ந்தவர்தான். அடுத்த சில மணி நேரத்தில் மருத்துவமனையில் இருந்தார். கயல் வேலை பார்க்கும் அதே மருத்துவமனையில் சேர்த்து விட்டார்கள் .
அம்மா, அவசரத்துல இங்க கூட்டிட்டு வந்துட்டோம். ரொம்ப செலவாகுமே மா?
இரு அத்தைக்கு போன் பண்ணிருக்கேன். அவங்க வந்துடட்டும். பாக்கலாம். அத்தைக்காக காத்திருந்தார்கள். அத்தையும் மாமாவும் வந்தவர்கள் கைச் செலவுக்கென்று பத்தாயிரம் ரூபாயை கொடுத்துவிட்டு போனார்கள்.
கார்த்திக், போனை எடுத்தவன், எனக்கு ஆபிசுல ஆடிட்டிங் இருக்கு. என்ன தொந்தரவு பண்ணாதே, என்று போனை வைத்து விட்டான். அவன் பெற்றோர், விஷயம் தெரிந்தவர்கள் போன் கூட அட்டென்ட் செய்யவில்லை . பணம் என்றால் பத்தும் பறந்து போகும். எங்கே இவர்கள் உதவிக்கு வந்து நின்று விடுவார்களோ என்று எந்த சொந்தமும் எட்டி கூட பார்க்கவில்லை. ஆனால் மறு நாள் காலை கடன்காரர்கள் வந்து நின்றார்கள். போனா போகுதுன்னு இன்னும் ஒரு வாரம் டைம் தரோம் . மரியாதையா பணத்துக்கு ஏற்பாடு பண்ணுங்க.

அன்னையும் மருத்துவமனையில் இருந்ததால் சிறு பெண் பாவம் என்ன செய்வது என்பது புரியாமல் தவித்துக் கொண்டிருந்தாள். ஏற்கனவே மன உளைச்சலில் தவித்துக் கொண்டிருந்தவள், அலுவலகம் செல்லும்போது பேருந்தில் இருந்து இறங்கும்போது கீழே விழுந்து கை கால்களில் எல்லாம் ரத்தம். ஆற்றுவார் தேற்றுவார் இல்லாமல், சிறு குழந்தை போல தேம்பி தேம்பி அழுது கொண்டிருந்தவளை பார்த்தவள் பவித்ராதான். ஒரே ஒரு முறை அவள் இவளை கௌசிக்குடன் பார்த்திருக்கிறாள்.
அருகில் சென்று நீங்க கௌசிக் ப்ரண்டு தானே?
என்னாச்சு? அவசரமாக தனது ஹாண்ட் பாகிலிருந்து தண்ணீரை எடுத்து கொடுத்தாள் . அவசரமாக தண்ணீரை குடித்தவள் , தேங்க்ஸ் என்று முகம் பாராமல் நன்றி கூறினாள் .
என்னாச்சு, ஒண்ணுமில்ல, அப்போதுதான் அவள் கைகளை பார்த்தவள், என்னாச்சு என்ன ரத்தம். ப்ச் ஒண்ணுமில்ல, பஸுலேர்ந்து கீழே விழுந்துட்டேன். அழுது கொண்டே கண்ணீரை துடைத்தவளை பார்க்க பாவமாக இருந்தது. மேல் சாய்த்து ஆறுதல் கூற வேண்டும் போலத்தான் இருந்தது. ஆனால் , அதை விட முக்கியம், மருத்துவமனைக்கு செல்வது.
சரி! வாங்க ஆஸ்பிடல் போகலாம்.
இல்ல பரவால்ல. நான் வேல பாக்கறதே ****ஆஸ்பிடல்லதான். நீங்க போங்க உங்களுக்கு லேட்டாயிடும். கண்களை துடைத்துக் கொண்டே சொன்னாள் . இல்ல பரவால்ல. நீங்க வாங்க. உங்கள எங்க விடணுன்னு சொல்லுங்க. இந்த ஆட்டோலையே போயிடலாம்.
பரவால்ல. நீங்க போங்க.
இருக்கட்டும் நீங்க வாங்க. மெதுவாக கை பிடித்து ஆட்டோவில் அமர வைத்தாள் . அவசரமாக தனது அலுவலகத்திற்கு பர்மிசன் சொன்னவள், கௌசிக்கிற்கும் மெசேஜ் அனுப்பினாள் . அவர்கள் மருத்துவமனைக்கு செல்வதற்கு முன் அவன் அங்கு வந்து விட்டான்.
ஹாய் கயல், ஹை பவித்ரா என்னாச்சு? நடந்ததை கூறிக் கொண்டிருக்கும்போது கயலின் அன்னை அங்கு வந்தார். என்ன கயல் ஏன் இவ்ளோ நேரம்?
ஒன்னும் இல்லமா.
பவித்ரா நீ கிளம்பு. ஐ வில் டேக் கேர்.
ஓகே டா, நான் பிரேக்ல கால் பண்ணறேன். கயல் பார்த்துக்கோங்க. எதுனாலும் கால் பண்ணுங்க. ஐ வில் ஹெல்ப் யூ . பை ! அவசரமாக ஆட்டோவிற்குள் புகுந்தாள் .
கயல் வாட் ஐஸ் திஸ். இல்ல ஒன்னும் இல்ல.
கோ அண்ட் ஹவ் தி பஸ்ட் எயிட். ப்ளீஸ்....தலை ஆட்டியவள் மெதுவாக அருகில் இருந்த அறைக்கு சென்றாள் .
தம்பி நீங்க...?
மீ கௌசிக். நமஸ்தே ஆன்டி. கை கூப்பி வணக்கம் சொன்னான். அவனை பார்த்த மாத்திரத்திலேயே கயலின் அன்னைக்கு பிடித்து விட்டது. ஷீ இஸ் ஒர்கிங் ஹியர். பட் நீங்க.
கேட்டுக் கொண்டிருக்கும்போதே வரவேற்பில் இருந்த பெண் இவரை அழைத்து, நீக்க இப்பவே ரெண்டு லட்ச ரூபா கடனும். கயல் எங்க? அவங்களுக்கு தெரியுமே ?
ஏதோ சரியில்லை என்பது கௌசிக்கிற்கு புரிந்தது.
ஆண்டி , என்னாச்சு பணத்துல ஏதாவது ப்ராபளமா ? அவரிடம் இருந்து பதில் வராததால் அவசரமாக இவனே பணத்தை கட்டி விட்டான், மறு நாளைக்கும் சேர்த்து.
ஆன்டி! என்னதான் ஆச்சு. நான் கயலோட பிரண்டுதான். நீங்க என்ன நம்பலாம்.
மெதுவாக நடந்த விஷயங்களை சொன்னாள் .
ஓகே! நீங்க எதைப்பதியும் கவலைப்படாதீங்க. அதற்குள் அங்கே கயல் வந்துவிட்டாள் .
மிஸ்டர் கௌசிக்! நான் உங்ககிட்ட பேசணும்.
ம்ம் யா. வா முதல்ல நாம காண்டினுக்கு போய் காபி குடிக்கலாம். அப்புறம் பேசலாம்.
அமைதியாக காபியை விழுங்கியவள்,
கௌசிக், நான் உங்ககிட்ட ஒன்னும் சொல்லணும்.
ம்ம், எஸ்.
நான் உங்கள கல்யாணம் பண்ணிக்கறேன். அதுக்கு பதில் எனக்கு ஒரு 5 லட்ச ரூபா கிடைக்குமா ?
சில நிமிடங்கள் அங்கே அமைதி நிலவியது.
மணி கிடைக்கும். ஆனா நீ அதுக்காக என்ன மேரேஜ் பண்ணிக்க வேணாம். நான் எப்பையுமே உனக்கு குட் பிரண்டுதான். ஓகே! ஐ வில் ஹெல்ப் யூ . டோன்ட் க்ரை .
அவளை அறியாமலே அவள் சுய பரிதாபம் அவளை தாக்கியதில் கண்ணீர் கண்களில் இருந்து வழிந்து கொண்டிருந்தது.அங்கிருந்த டிஷ்யூ பேப்பரை எடுத்து தந்தான்.
பணம் காட்டியதால் அவசரமாக இருதய ஆபரேஷன் செய்ய அழைத்து சென்றார்கள். ஆனால் எந்த பயனும் இல்லாமல் அவர் இவர்களை அனாதையாக விட்டு சென்று விட்டார்.
சொந்தங்களின் ஏமாற்றங்களையும்,நண்பனின் வார்த்தைகளையும் , தாங்க முடியாத இதயம் நின்றே விட்டது.
இங்க பாரு மணி மாறா ! நீயும் நானும் சின்ன வயசுலேர்ந்து நண்பர்கள். அதுக்குதான் உன் பொண்ண என் பையனுக்கு கல்யாணம் பண்ணிக்கறேன்னு சொன்னேன். அதுக்குன்னு ஏதோ கொஞ்சம் வேணுன்னா குறைச்சுக்கலாம். உன் பொண்ணு என்னடான்னா என் பையன்கிட்ட எடுத்தெறிஞ்சு பேசிருக்கா .
சரி! ஏதோ சின்ன பொண்ணு, போனா போகட்டும். நீங்க ஒன்னும் ஆஹா ஓஹோன்னு கல்யாணம் பண்ண வேணாம். எங்க ஜனம் யாரும் என் வீட்டு மருமகளை தப்பா பேசிடக் கூடாது. என் பொண்ணுக்கு 50 போட்டேன். மாப்பிளைக்கு 10. வீட்டுக்கு வர்ற மருமக மகாலட்சுமி அதுல பாதியாவது வேணாமா ?ஏதோ ஒரு முப்பது சவரனாவது போட்டுடு . பையனுக்கு ஒரு பத்து சவரன். கல்யாண செலவு நீங்க பாதி,நாங்க பாதி. மண்டபத்தையும்,சாப்பாட்டு செலவையும் நீங்க பார்த்துக்குங்க. பையன் சீக்கிரமே கல்யாணம் பண்ணணுன்னு ஆசை படறான். அதுங்களுகம் சின்னஞ்சிறுசுங்க. அந்தந்த வயசுக்கான ஆசைகள் இருக்கத்தானே செய்யும்?
எவ்ளோ சீக்கிரம் முடியுமோ அவ்ளோ சீக்கிரம் கல்யாணத்த நடத்தற வழிய பாரு. இல்லனா என் பொண்டாட்டியோட தம்பி பொண்ணு 100 சவரனோட காத்திருக்கு . பார்த்துக்க.
நண்பர்களுக்குள் நடந்த சம்பாஷணையை பற்றி மாறன் வாயே திறக்கவில்லை. யாருக்கும் தெரியாமல் ஒவ்வொரு இடமாக கடன் கேட்டு கொண்டிருந்தார். அவரின் கவலைகளை இதயத்தில் அழுத்தியவரால் பாரம் தாங்க முடியவில்லை.
கார்த்திக்கின் வீட்டில், யாரோ போல வந்து அடுத்த 5வது நிமிடத்தில் பறந்து விட்டனர். இரு பெண்களும், இன்னும் சில உறவுகள் மட்டுமே இருந்து இறுதிக் காரியத்தை முடித்தனர். பிடிவாதமாக கயல்தான் கொல்லி வைத்தாள் . ஆண் துணையாக கௌசிக்கும், தியாகுவும்தான் நின்று கொண்டிருந்தனர்.
ஏனோ இந்த சமுதாயத்தில் தனியாக இருக்கும் பெண்களுக்கு பொறுப்பேற்றக் கொள்ள யாரும் வருவதில்லை.அதிலும் படிப்பு செலவு, கல்யாண செலவு என்றால் என்ன என்று கேட்கும் மாமாக்களும், சித்தப்பாக்களும் மிகக் குறைவே. அதுதான் கயலுக்கும் நடந்தது. அதுவே இள வயது பெண்கள் வீட்டில் இருந்தால், சுற்றி வரும் கழுகுகளும், ஓநாய்களும் வாய்ப்புகளை விட்டு விடுமா என்ன ?
அடுத்த நாள் , சத்யாவும், கௌசிக்கும் சென்று பார்த்து விட்டு வந்தனர். கடன் இருந்தாலும், வீட்டில் ஒரு ஆண் துணை இருந்தது. இப்போது அதுவும் இல்லாமல் போயிற்று. இவர்கள் கடன் வாங்கி இருந்த கந்துவட்டி கந்தசாமியும் அவன் மனைவியும் வந்து பார்த்து விட்டு செலவுக்கு என்று சில ஆயிரங்களை திணித்து விட்டு போனார்கள்.
நானும் மனுசந்தாம்மா. கல்யாண செலவு, கருமாதி செலவுன்னா எனக்கும் தெரியுங்க. இதை கூட பொறந்தவன் தர்றதா நின்னுச்சுக்கோங்க, என்றவர்கள் தாலி எடுக்கும் சடங்கும் செய்துவிட்டு போனார்கள். அவர்கள் கடனை பற்றி அந்த நேரத்தில் எதுவும் பேச வேண்டாம் என்று நினைத்திருந்தாலும் , அந்த கடன் சுமை பெண்கள் இருவருக்கும் இருந்ததுதான்.
அடுத்த சில தினங்களில் கயல் வழக்கம்போல வேலைக்கு செல்ல ஆரம்பித்திருந்தாள். அவள் தனியாக செல்ல வேண்டாம் என்று யோசித்த கௌசிக், தினமும் எதேச்சையாக பார்ப்பது போல வந்து கூட்டி போனான்.
அப்போது ஒரு நாள்.
கயல் எனக்கு ஒரு பிஸ்னஸ் மகசின்******* வாங்கி தர்றியா ?
ஏன் அது உங்கள பத்தி வந்துருக்கா ?
ம்ம்..எஸ்
அவன் ஏதோ கிண்டலுக்காக சொல்வதாக நினைத்தாள் . அவன் சொல்வது நிஜம்தான் என்று அடுத்த நாளே தெரிந்தது.
மறுநாள் கயலுக்கு அந்த வார விடுப்பு தினம் என்பதால் அவள் வீட்டிலேயே இருந்தாள் . அவள் உடலுக்கும் மனதிற்கும் அந்த ஒரு தினமாவது ஓய்வு தேவை பட்டது. தலைக்கு குளித்து, வாயில் கதவை லேசாக அடைத்து வீட்டை சுத்தம் செய்து, பாத்திரங்களை கழுவிக் கொண்டிருந்தாள். அன்னை அருகில் இருக்கும் கடைக்கு சென்றிருந்தாள் .
கிணற்றடியில் பாத்திரம் தேய்த்து கொண்டிருக்கும்போது கழுத்தில் சூடான மூச்சுக் காற்றும், காதில் மீசையின் குறுகுறுப்பும் கயல் என்ற கொஞ்சல் ஓசையும் ..........................
அவளுக்கு பயத்தில் நாக்கு மேலண்ணத்தில் ஒட்டிக் கொண்டது.
மீண்டும் வருவாள் தேவதை................

 

[Barani Usha]

Nyd-95

கார்த்திக்...

ஆமா உன்னோட கார்த்திக்.. என்று மெதுவாக அவள் முகத்தில் விழுந்த முடிக்கற்றைகளை ஒதுக்கி விட்டான். எத்தனை மாதங்கள் அவன் தொடுகைகளை ரசித்திருக்கிறாள். ஏங்கி இருக்கிறாள். ஆனால் இன்று, கை கால்கள் உதற த் தொடங்கியது. அவளால் அவன் கண்களில் காதலை அல்ல காமத்தை கண்டுகொண்டதும் ஒரு காரணமோ ?

அதை மறைத்தவள் ,

கார்த்திக் அங்க ஹால்ல உட்காருங்களேன். காபி கொண்டு வரேன். மெதுவாக பின்னே நகர்ந்தவள், அங்கிருந்த கிணற்றின் மேல் இருந்த இரும்பு வாளியை பிடித்துக் கொண்டாள் .

கிணற்றில் மோதி நின்றிருந்தவள் முகத்தின் அருகே வந்தவன்,

நான் காபி குடிக்க வரல. எனக்கு உன்னோட உதடு ரசம்தான் வேணும்.,

கூறியவன் சட்டென வன்மையாக அவள் உதடுகளை கபளீகரம் செய்தான்.

இந்த செய்கையை எதிர்பாராதவள், முதலில் அதிர்ச்சியில் உறைந்தாலும் , அடுத்த சில நொடிகளில் சுதாரித்துக் கொண்டாள் . அன்னையும் வீட்டில் இல்லை. அவன் இந்த சந்தர்ப்பத்தை பயன் படுத்திக்கொள்ளாமல் விட மாட்டான் என்பது அவளுக்கு புரிந்து போனது. என்னதான் காதல் கொண்ட மனம் என்றாலும், திருமணம் இல்லாமல் தவறான தொடுகையை கூட அவள் அனுமதித்ததில்லை.

வாயிலில் இவள் செருப்பு மட்டும் இருப்பதை கவனித்துக் கொண்டு வந்தவன், சந்தர்ப்பத்தை நழுவ விடுவானா?கயலும்தான், சந்தர்ப்பத்தை விடாமல், கையில் இருந்த இரும்பு வாளியை அவன் மண்டையில் ஓங்கி அடித்து விட்டு, வாயில் கதவை திறந்து கொண்டு வெளியில் ஓடி வந்து முட்டியது, கௌசிக்கின் மேல்.

அவளை பிடித்து நிறுத்தியவன்,

ஹே வாட்! வாட் ஹபண்ட் !

சட்டென பின்னால் திரும்பியவள் கண்களில் விழுந்தது கார்த்திக்கின் உருவம்தான்.

அவனை பார்த்தவளுக்கு பயத்தில் கை கால்கள் உதறத் தொடங்கியது.

கௌசிக்கை அங்கு எதிர்பார்காதவன்,

அவன் உருவத்தைக் கண்டதும் ,

நீ இன்னிக்கு நீ தப்பிச்சுட்ட. இன்னொரு நாள் நீ மாட்டுவடி என்றதும் தான் தாமதம்.

சீ என்று அருவருப்புடன் ஓங்கி கன்னத்தில் ஒரு குத்து விட்டான் கௌசிக்.

இந்த அடி உனக்கு மைண்டுல இருக்கற வரைக்கும் நீ இந்த பக்கம் கூட வரமாட்டா(ட)டா சொன்னவன் அவன் மூக்கிலும் ஒரு குத்து விட்டான். அதில் தலை சுற்றி நின்றவன் அடுத்த அடி வாங்குமுன், அவன் புஜங்களை பிடித்து தடுத்து விட்டாள் , கயல்.

போடா! கண்களில் வெறுப்புடன், மூக்கிலிருந்த ரத்தத்தை துடைத்துக் கொண்டே சென்றான் கார்த்திக்.

நீ உள்ள வா! கை வளைவில் அவளை அழைத்து சென்றவன்,

பேபி ஆர் யூ ஓகே !

இதுவரை உடல் நடுங்க நின்றிருந்தவளுக்கு அந்த நேரத்திலும் அவனது பேபி என்ற அழைப்பு உரைக்கத்தான் செய்தது. அதில் மனம் மகிழத்தான் செய்தது.

இத்தனை நாள் தான் காதலித்ததாக நினைத்தது வெறும் மாயை. இதுதான் உண்மை என்பது அவளுக்கு இப்போது புரிந்தது.

ஆம் ! உன்னுடைய பெற்றோர் எனக்கும் தான் என்று சொல்லும் ஆண் மகனை கணவனாக காதலிக்க யார் தான் வேண்டாம் என்று சொல்வார்கள்.

முன்னொரு நாள்,

நீங்க என்ன கல்யாணம் பண்ண கேட்டீங்க! சரி!ஆனா கல்யாணத்துக்கப்புறம் என்னோட ப்ரெண்ட்ஸும் என்னோடதான் இருப்பாங்க. அது உங்களுக்கு ஒகேவா ! கார்த்திகை வைத்து எல்லாருமே இப்படித்தான் என்று நுனி நினைத்துக் கொண்டிருந்தவள், சும்மா நூல் விட்டு பார்த்தாள் . நிச்சயம் அவள் இப்படி ஒரு பதிலை எதிர்பார்த்திருக்கவில்லைதான்.

வாட்! அவங்கோ(க) வேற உ(எ)ங்க போக முடியும். ஆபிவிசிலி அவங்க யூ எங்கையோ அங்கேதான்.

எத்தனை பெரிய விஷயத்தை எத்தனை சுலபமாக சொல்லி விட்டான்.

ஸீ எனக்கு உன்ன மேரேஜ் பண்ண பெரிசா ரீசன் எதுவும் இல்ல. பட் , ஐ வாண்ட் டு மேரி . எப்போ நான் உன்ன கல்யாணம் பண்ணறேனோ அப்பவே உன்னோட ரெஸ்பான்சிபிலிட்டிஸ் எல்லாமே என்னோடது. ரைட் !

அவன் நிதானமாக பேசிய தமிழ் அவளுக்கு இப்போது மதுரம்தான். கண்களை அகல விரித்தாள், அதில் கண்ணீர் பளபளத்தது. அவன் ,வெறும் வாய் பேச்சில் மட்டும் பொறுப்பை உணர்த்தவில்லை என்பதை அவள் தந்தையின் இறப்பிலும் கண்டு கொண்டாள் . அவளுக்கு இதுவரை அவனை பற்றி எதுவும் தெரியாது. ஆனால் , அவனுக்காக தன்னுடைய உயிர், உடல்,உணர்ச்சி எல்லாவற்றையும் தர தயாராகிவிட்டாள் (கல்யாணத்துக்கப்புறமாதானே அப்பிடின்னு சில்லியா கேட்காதீங்க மக்களே)

அவன் அவளை தன் நெஞ்சில் சாய்த்துக் கொண்டான்.

தேங்க்ஸ் சார்.

நெஞ்சுல சாஞ்சு யாராவது சாருன்னு சொல்லுவாங்களா ?

வேற என்ன சொல்லறது ?

ஏதாவது ஒரு நிக் நேம் வச்சு சொல்லு. இல்ல கௌசிக்ன்னு சொல்லு.

நிக் நேம் தெரியாது. கௌசிக்ன்னு சொன்னா அம்மா திட்டுவாங்க.

ஓகே! நமக்குள்ள ஒரு டீல்.

நம்மளோட பர்ஸ்ட் நைட்டுக்குள்ள நீ ஒரு நிக் நேம் யோசிச்சு வைக்கணும். ரைட்!

அவள் மனதை மாற்றவே அவன் இப்படி கொஞ்சினான் என்பதை அவள் தெரிந்து கொண்டாள் . மற்றபடி அவனுக்கு தப்பான எண்ணங்கள் இல்லை என்பதை அவள் அறிவாள் . அவளுக்குத்தான் கார்த்திக்கிடம் நிறைய அனுபவம் இருக்கிறதே?

ரைட் ரைட் !

அவங்க கொஞ்சிகிட்டு இருக்கட்டும்.....அவங்க அம்மா வரதுக்குள்ள நாமளும் வந்துடலாம்.................நல்ல புள்ளைங்கதாம்மா விட்டுட்டு போலான்னு நீங்க சொல்லற மைண்ட் வாய்ஸ் எனக்கும் கேட்குது.

நாம அதுக்குள்ள காஞ்சிபுரம் போயிட்டு வந்துரலாம். மீ இப்போ அப்பீட்டு .........



அப்பாவிடம் பணத்தை வாங்கி கொண்டானே தவிர அதை எப்படி தொழில் செய்வது என்று மனம் யோசித்துக் கொண்டேதான் இருந்தது. அதுவும் தவிர தன்னுடன் இருப்பவர்களுக்கு எதுவும் செய்யவில்லையே என்ற குற்ற உணர்ச்சியும் அவனை பிடுங்கியது. ஏனோ இந்த நேரத்தில் அவனுக்கு மனைவியை பார்க்க வேண்டும்போல இருந்தது. அவளாக இருந்தால் சரியான நேரத்தில் சரியான யோசனை சொல்லுவாள். அவளுக்கு அழைக்கலாமா ? அன்று திருமண இரவில் பார்த்ததுதான். அதன் பிறகு பாட்டியின் இறப்பிலும் பெரியதாக ஒன்றும் பேச்சு வார்த்தையும் இல்லை . இப்போது சட்டென்று எப்படி ?

தந்தை பணம் தந்த விஷயம் இன்னும் சரவணனுக்கு சொல்லவில்லை. ஆனால் மனம் மனையாளுக்குத்தான் முதலில் சொல்ல வேண்டும் என்று முரண்டு பிடித்தது. இதை பற்றி யாரிடம் பேசுவது என்பது தெரியாமல் வழக்கம்போல முத்துக்காளை தான் வளர்க்கும் காளையிடம் பேசிக் கொண்டிருந்தது. அதுவும் இவன் பேசுவது எல்லாம் புரிந்தது போல மண்டையை ஆட்டியது . அதுவும்தான் முத்துவை போல சத்யாவிடம் மயங்கியவனாயிற்றே. அவளுக்கு சிபாரிசு செய்யாமலா இருப்பான்? இப்போ என்ன நான் போய் அவங்கள பார்க்கணும் அவ்வளவுதானே ?

ஆமாம் என்று மண்டையை ஆட்டியது.

இந்த காளையை அடக்க அந்த பசுவினால் தான் முடியும் என்பதை உணர்ந்த ஆச்சி, மேலும் தூபம் போட எண்ணி,

போடா போடா போக்கத்தவனே, நீ நினைக்கறதெல்லாம் அது சொல்லுமா ? போ போய் ஏதாவது பணம் பண்ணற வழிய பாரு. பொண்டாட்டிய பாக்கட்டுமா, பொட்டிய பாக்கட்டுமான்னு அதுகிட்ட கத பேசிகிட்டு!

என் பொண்டாட்டிய நான் பாக்கறேன், பேசறேன் உனக்கென்ன? உன் புருசன் உன் பின்னாடியே சுத்தினாருல்ல. என்னய மட்டும் வையர ?

தலையில் இருந்த துண்டை உருவி சீக்கிரம் சாப்பாடு எடுத்து வை. நான் வெளிய போகணும்.

இதுக்கு மட்டும் நான் எதுக்கு ? இந்த வீரமெல்லாம் என்கிட்டேதான் . முடிஞ்சா கூப்புடு உன் பொண்டாட்டிய , வந்து ஆக்கி போட சொல்லு.

அவங்க வந்து இந்த கரி அடுப்புல சமைக்க மாட்டாங்க.

அப்போ காஸ் வாங்கு, சமைக்க சொல்லு.

ஊரு ஒலகத்துல இருக்கரவல்லாம் பேரன் பேத்தியை கொஞ்சிகிட்டு இருக்குங்க. என்ன பாரு, இன்னும் உனக்கு ஆக்கி போட்டுக்கிட்டு.

இவளின் வார்த்தைகள் அவனுக்கு இனிய கற்பனைகளை உண்டு பண்ணியது. அதை ரசித்துக் கொண்டே குளித்து முடித்தவன்

முதலில் மாமனாருக்கு அழைத்தான். டேய் மாமனார் மூலமா பொண்டாட்டிக்கு நூல் விடறியா ? நடத்து நடத்து .............

வணக்கம் சார்,நான் முத்து பேசறேன். குரலில் மரியாதையும் சந்தோஷமும் இருந்தது.

சொல்லுங்க மாப்பிள்ளை தெரியுது. நல்லாருக்கீங்களா? ஆச்சி, அம்மா அப்பா எல்லாரும் நல்லாருக்காங்களா ?

எல்லாரும் நல்லாருக்காங்க. நீங்க எல்லாரும் நல்லாருக்கீங்களா ? டாக்டர் நல்லாருக்காங்களா ?

கடைசி வார்த்தை திக்கி திணறுவதை ரசித்தவர் , எல்லாரும் நல்லாருக்கோம் மாப்பிள்ளை . சொல்லுங்க நாங்க உங்களுக்கு என்ன பண்ணனும்?

அது வந்து சார்,,, எனக்கு உங்கள கொஞ்சம் பாக்கணும்.

வாங்களே ன மாப்பிள, இது உன்ன வீடுதானே எப்ப வேணாலும் வாங்க. இல்ல நான் வரட்டுமா ?

இல்ல பரவால சார் நானே வரேன். அப்பதான் வீட்டுல எல்லாரையும் பாக்க முடியும்.

புரிந்து கொண்டவர்,

ஆமா ஆமா , சத்யா கூட இன்னிக்கி சீக்கிரம் வந்துடுவா. நீங்க எப்போ வரீங்க .

நான் மதியம் கிளம்பி வரேங்க .

வாங்க மாப்பிள்ளை . நாங்க காத்துக்கிட்டிருப்போம். மதிய சாப்பாடு இங்கதான்.

நல்லதுங்க.போனை அணைத்தவன், தோழனை பார்க்க சென்றான்.

சரவணன் வீட்டில் செல்வி முடியாமல் கிணற்றில் தண்ணீர் எடுத்துக் கொண்டிருந்தாள், நெற்றி வியர்வையை துடைத்துக் கொண்டே வந்தவளை பார்த்த முத்து,

செல்வி என்னதிது? இரு இரு என்று ஓடிப்போய் குடத்தை வாங்கினான்.

ஏன் புள்ள நாளாகி புள்ள உண்டாக்கிருக்க. இதெல்லாம் நீ செய்ய கூடாதுன்னு தெரியாது ? அவன் எங்க?

அவங்க வேலைக்கு போயிருக்காங்க.

வேலைக்கா ?

ஆமா , இப்பதான் 2 நாளா . ரோடு கான்ட்ராக்டரு கிட்ட.

அவன் எங்கிட்ட சொல்லவே இல்ல.

இல்லண்ணே !எனக்கு மருந்து மாத்திரை வாங்க கூட பணம் இல்ல. அதுக்குதான் நம்ம முருகானந்தம் சாருகிட்ட சொல்லி, இந்த வேலைக்கு போறாரு.

அது சரிதான் ஆனா எங்கிட்ட ஒரு வார்த்தை சொல்லிருக்கலாமில்ல .

அவரு உங்ககிட்ட சொல்ல பயந்துக்கிட்டுதான் சொல்லல.

ராஜா போல சொந்த நிலத்தில் வேலை செய்தவர்கள் அடுத்தவரிடத்தில் கை கட்டி வேலை பார்ப்பது சிரமம்தான். ஏதாவது செய்துதான் ஆக வேண்டும் என்று மனதில் நினைத்தவனுக்கு மறு நாள் சத்யா கொடுத்தது உவப்பான செய்திதான்.



மீ ரிபீட்டு...........சென்னை.

அவன் நெஞ்சில் சாய்ந்து கொண்டவள் அவனை விட்டு நகரவே இல்லை . ஆனால் கடைக்கு சென்று வந்த அன்னைக்கு இவர்களை பார்த்து அதிர்ச்சிதான்.

வாங்க ஆன்டி,

நான் வந்துட்டேன்பா. நீங்க கொஞ்சம் அவளை விடறீங்களா? முறைப்பாகவேதான் சொன்னார்.

ஓ! சாரி சாரி! ஆன்டி என்று சட்டென்று நகர்ந்து கொண்டவன் முகத்தில் சிறு வெட்கமும் கூச்சமும் கலந்திருந்தது.

வெள்ளை முகத்தின் கண்ண சிகப்பை விட்டு கயலால் கண்களை அகற்ற முடியவில்லை.

ஆண்களின் வெட்கமும் கூச்சமும் கூட அழகுதான் இல்லையா ?



மீண்டும் வருவாள் தேவதை...............