முத்தையாவும் லட்சுமி அம்மாளும் சங்கர் ரேகாவின் திருமணத்தைப் பற்றி பெருமையாக பேசிக்கொண்டிருந்தார்கள் திண்ணை மீது அமர்ந்தபடி.
சங்கர் ரேகாவும் வீட்டுக்குள்ளே கட்டில் மீது இருவரும் ஓட்டிக்கொண்டு ஆசையோடு பேசிக்கொண்டு இருந்தார்கள்.
மாமா ..இன்னைக்கு நீங்கதான் சமைக்கணும் உங்களுடைய கைப்பக்குவம் எப்படி இருக்குன்னு பார்க்கிறேன் என்று ரேகா செல்லமாக சொன்னாள்.
இன்னைக்கு நீ சமைக்க போவதில்லையா . நான் தான் சமைக்கனும்மா. என்றான் சங்கர்.
ஆமாம் ..நீங்கதான் ரொம்ப வித்தியாசமா வீட்டு வாசலில் மலாக்கா படுத்துக்கொண்டே சமையல் செய்வீங்களே.
அந்த வித்தியாசமான சமையலின் ருசியை இன்னைக்கு எப்படி இருக்குன்னு பாக்குறேன் என்று கிண்டலாக சொன்னாள் ரேகா.
என்னோட சமையலைப் பத்தி உனக்கு தெரியாது .
நான் படுத்துக்கொண்டே சமையல் செய்தாலும் அதனோட ருசியே வேற தான் . ஆனா இப்போது நான் சமையல் செய்தாள் உங்க அம்மா உன்னை தான் திட்டுவாங்க அதனால ஒழுங்கா போயிட்டு சமையல் செய் என்று சொல்லிவிட்டு ரேகாவின் கன்னத்தை செல்லமாக கடித்தான் சங்கர்.
ஆமாம்மா .. நீங்க வைக்கிற குழம்பு சாம்பாரா
இல்லை ரசமா என்று தெரியாமல் தாத்தா தவித்தது எனக்குத் தெரியும் என்று கிண்டலாய் சொல்லி சிரித்தாள் ரேகா.
வீட்டுக்குள்ளே ரேகாவின் சிரிப்பு சத்தத்தை கேட்டு லட்சுமி அம்மாளுக்கும் முத்தையாவுக்கும் சந்தோஷமாக இருந்தது அப்போது லட்சுமி அம்மாள் முத்தையாவிடம் .
நான் காபி போட்டு எடுத்துக்கொண்டு வருகிறேன் அப்பா என்று சொல்லி விட்டு எதிரே இருக்கும் தனது வீட்டுக்கு சென்றால் லட்சுமி அம்மாள்.
சிறிது நேரம் கழித்து ரேகா சந்தோஷமாக வெளியே வந்து வாசலில் இருக்கும் அடுப்பை விரகு வைத்து தீ பற்ற வைத்து சமையல் செய்வதற்கு
தயார்றனால் .
அப்போது . திண்ணையில் அமர்ந்து இருக்கும் முத்தையாவை பாசமாக பார்த்தாள் ரேகா. அப்போது முத்தையாவின் முகம் சோகமாக இருப்பதை உணர்ந்தால் ரேகா.
சற்று நேரத்தில் சமையலை செய்து முடித்தவுடன்
சுடசுட முத்தையாவுக்கு சாப்பாடு கொடுத்தால் ரேகா சிரித்த முகத்தோடு..
மறுபடியும் ரேகாவும் சங்கரும் கட்டிலில் படுத்தபடி நடந்ததையெல்லாம் சந்தோசமாக பேசிக்கொண்டிருந்தார்கள்.
உன்னை எந்த ஒரு கஷ்டமும் இல்லாமல் பார்த்துக்கொள்ளவேண்டும் என்று என் அப்பா சொல்லி இருக்கிறார் . அதனால் நீ ரொம்ப கடுமையாக உழைக்க வேண்டும் உன்னை நம்பி இனிமேல் இரண்டு குடும்பங்கள் இருக்கிறது என்று அப்பா சொல்லியிருந்தார் ஆனால் இந்த நேரம் பார்த்து பண்ணையார் தோட்டத்திற்கு யாரும் வேலைக்குப் போவதற்கு பயப்படுகிறார்கள் . காணாமல் போனவர்கள் கிடைக்கும் வரை யாரும் பண்ணையர் தோட்டத்திற்கு வேலைக்கு போகக்கூடாது என்று முடிவு செய்துகொண்டு
வேலை இல்லாமல் கஷ்டப்படுகிறார்கள் இந்த நிலைமை எப்போது மாறுவது என்று சற்று வருத்தத்தோடு சொன்னான் சங்கர்.
நான் இந்த வீட்டு மருமகளாக வந்ததே எனக்கு பெரிய சந்தோஷம் இதற்கு மேல எனக்கு எந்த சந்தோஷமும் கிடையாது தாத்தா என் மீது உள்ள அக்கறையில் அப்படி உங்களிடம் சொல்லி இருப்பார்
அதனால் நீங்கள் அதையே நினைத்து வருத்தப்பட வேண்டாம் . என்னை பொறுத்தவரை எப்போதுமே உங்கள் கூடவே இருப்பது தான் எனக்கு ரொம்ப சந்தோஷம் அதனால் நீங்கள் தாத்தா சொன்னதை நினைத்து வருத்தப்படாதிங்க மாமா தாத்தாவுக்கு ஒரு பேரனோ பேத்தியோ வந்துவிட்டால் அவர் நம்மைப் பற்றி கண்டுக்கவே மாட்டார் எல்லாம் பாசத்தையும் பேரன் மீதும் பேத்தி மீதும் காட்டுவார் அதனால் அவர் சொன்னதை நினைத்து கவலைப் படாதீங்க எல்லோரும் இன்னும் எத்தனை நாளைக்குத்தான் பயப்படுவார்கள் ஒருநாள் எல்லோரும் வேலைக்கு கிளம்புவார்கள் அப்போது நீங்களும் தாராளமாக வேலைக்கு சென்று சம்பாதித்து நம்ம குடும்பத்தை சந்தோசமா பாத்துக்குங்க .
இப்போ இருக்கிற வேலையை பாருங்க என்று சிரித்துக்கொண்டே சங்கரன் கட்டியணைத்தாள் ரேகா.
உங்க அம்மாவுக்கு சாப்பாடு கொடுத்தாயா என்று சங்கர் கேட்டான்.
அவங்க எப்ப வேணாலும் வந்து சாப்பிடுவாங்க என்று சொன்னாள்.
அப்படியெல்லாம் சொல்லாதே முதலில் அம்மாவுக்கு சாப்பாடு எடுத்துக்கொண்டு கொடுத்து விட்டு வா என்று சங்கர் சொன்னதும் .
ரேகாவும் சாப்பாடு எடுத்துக்கொண்டு எதிரே இருக்கும் தனது வீட்டுக்கு சென்று சாப்பாடு அம்மாவிடம் கொடுத்துவிட்டு திரும்பி வரும்போது திண்ணைமீது அமர்ந்திருந்த முத்தையாவை பார்த்தாள் ரேகா
அப்போது முத்தையா சாப்பாடு சரிவர சாப்பிடாமல் இருந்தார்.
ஏன் தாத்தா சாப்பாடு வச்சுட்டீங்க என்று முத்தையாவின் அருகில் அமர்ந்து ரேகா பாசமாக கேட்டாள்.
என்னன்னு தெரியலம்மா சாப்பாடு பிடிக்கலை என்று வருத்தத்தோடு சொன்னார் முத்தையா.
மனதில் எதையோ நினைத்துக்கொண்டு கவலைப்படுகிறார் தாத்தா என்று புரிந்துகொண்டு ரேகா தட்டில் இருந்த சாப்பாட்டை எடுத்துக்கொண்டு உள்ளே சென்றாள்.
என்ன புள்ள ..உங்க அம்மாவுக்கு சாப்பாடு வேண்டாமா ..அப்படியே எடுத்துக் கொண்டு வந்துட்டா என்று சங்கர் கேட்டான்.
இந்த சாப்பாடு தாத்தாவுக்கு போட்டது ..
என்னனு தெரியல திருமணம் ஆனதிலிருந்து அவர் எதையோ நினைத்து ரொம்பவே கவலைப்படுகிறார் சரியாகவே சாப்பிடுவதே கிடையாது ஒருவேளை என் மீது ஏதாவது கோபமா தாத்தாவிற்கு எதுவுமே தெரியலையே என்று வருத்தத்தோடு சொன்னாள் ரேகா.
உடனே சங்கர் முகம் சற்று சோகமாக மாறியது எதனால் அப்பா கவலையோடு இருக்கிறாய் என்று யோசித்தபடியே வெளியே வந்து திண்ணையில் அமர்ந்து இருக்கும் முத்தையாவை பார்த்தான் சங்கர்.
என்னப்பா ஆச்சு ..ரெண்டு நாளா சரியாவே சாப்பிடல உடம்புக்கு ஏதாவது முடியலையா என்று சங்கர் முத்தையாவின் கையைப் பிடித்துக் கொண்டு கேட்டான்.
தாத்தா நான் ஏதாவது தவறாக நடந்துக் கொண்டேனா என்று ரேகாவும் முத்தையாவின் இன்னொரு கையை பிடித்துக் கொண்டு கேட்டாள்.
எனக்கு யார் மீதும் கோபம் இல்லை நீங்கள் இருவரும் சந்தோஷமாக இருந்தாலே அதுவே எனக்கு போதும் என்னோட வருத்தம் .
என் நண்பன் பண்ணையார் இப்போது மிகவும் கவலையோடு இருக்கிறான்
இந்த நிலைமையில் என்னால் மட்டும் எப்படி சந்தோஷமாக இருக்க முடியும் என்று சொல்லி தலையை குனிந்தார் முத்தையா.
அவரோட மகன் திருமணம் நின்றுவிட்டதால் அவர் வருத்தத்தோடு இருக்கிறார் அதனால் நீங்களும் அதை நினைத்து படுத்தப்படுவதால் பிரச்சனை சரியாகி விடுமா என்று சங்கர் சொன்னான்.
அவனுக்கு இரண்டு பிரச்சனை... அவனுடைய மகன் திருமணம் நின்று போனதை விட இந்த ஊர் மக்கள் வேலை இல்லாமல் பயந்துகொண்டு பசியால் இருப்பதை நினைத்து தான் அவனுக்கு பெரும் கவலை என்றார் முத்தையா.
ஊர்மக்கள் பண்ணையார் தோட்டத்தில் உள்ள பம்புசெட்டில் தங்கி வேலை செய்த குடும்பம் மர்மமான முறையில் காணாமல் போனதை நினைத்து பயந்து கொண்டு யாரும் வேலைக்கு போகாமல் இருக்கிறார்கள்
இந்த நிலைமை மாறுவதற்கு சிறிது காலம் ஆகும் இதை நினைத்து கவலைப்படுவதால் யாருக்கும் பயனில்லை அப்பா என்று சங்கர் சொன்னான்.
ஊர் மக்கள் பயப்படுவது ஒரு பக்கம் இருக்கட்டும் பண்ணையார் தோட்டத்திற்கு நீ வேலைக்குப் போவதைப் பற்றி என்ன நினைக்கிறாய் என்று முத்தையா கேட்டார்.
எனக்கு ஒரு பயமும் கிடையாது ஊர் மக்கள் எல்லோரும் ஒன்று கூடி காணாமல்போனவர்கள் கிடைக்கும் வரை யாரும் பம்புசெட்டில் தங்கி வேலை செய்யக் கூடாது என்று முடிவு செய்ததால். நானும் அதற்கு கட்டுப்பட்டு இருக்கிறேன் என்றான் சங்கர்.
எல்லோரும் பயப்படுவது இயல்பான விஷயம் தான் அதனால் வேலைக்குப் போகாமல் இப்படி கஷ்டத்தோடு வாழ்வதைவிட பயத்தை ஓரங்கட்டிவிட்டு வேலைக்கு சென்று குடும்பத்தை காப்பாற்றுவது தான் புத்திசாலித்தனம் என்றார் முத்தையா.
இப்ப நீங்க என்ன சொல்ல வரீங்க அப்பா.
எல்லோரும் போலவே நீயும் வேலைக்கு போகாமல் இருக்க வேண்டாம் நீயும் உன்னுடைய நண்பர்களும் பண்ணையர் தோட்டத்திற்கு வேலைக்கு சென்று நல்லபடியாக வேலை செய்து பண்ணையார் தோட்டத்தை மறுபடியும் பழைய நிலைமைக்கு மாற்ற வேண்டும் அப்போது தான் என் மனமும் பண்ணையார் மனமும் ஒரு அளவுக்கு நிம்மதியாக இருக்கும் என்று முத்தையா சங்கரின் கையை பிடித்து சொன்னார்.
நீங்க சொன்னதைப் போலவே நாளையிலிருந்து நான் என் நண்பர்களோடு பண்ணையார் தோட்டத்திற்கு வேலைக்கு போகிறேன் நீங்கள் கவலைப்படாமல் இருங்கப்பா என்று முத்தையா வை சமாதானம் செய்துவிட்டு ரேகாவும் சங்கரும் வீட்டுக்குள்ளே சென்றார்கள்.
பொழுது விடிந்தது...🌄
சாந்தி காலையில் பரபரப்பாக பரந்தாமனை ..என்னங்க என்ற படி குரல் கொடுத்துக்கொண்டே எழுப்பினாள்.
என்னங்க சீக்கிரம் எழுந்திரிங்க.. தோட்டத்துக்கு வேலை செய்வதற்கு ஆட்கள் காத்துகிட்டு இருக்காங்க நீங்க இன்னும் இங்கேயே இருந்தால் எப்படி என்று பரந்தாமனிடம் சொன்னாள் சாந்தி.
சாந்தியின் வார்த்தை பரந்தாமனுக்கு சற்று இன்ப அதிர்ச்சியாக இருந்தது.
என்னடி சொல்ற ...வேலைக்கு ஆட்கள் வந்து இருக்காங்களா உண்மையாகவா சொல்ற என்று ஆச்சர்யத்தோடு கேட்டான் பரந்தாமன்.
ஆமாங்க ...இன்னைக்கு நம்ம சங்கர் அவரோட நண்பர்கள் எல்லோரும் நம்ம தோட்டத்துக்கு வேலைக்கு வந்திருக்காங்களாம் இப்பத்தான் எனக்கு தகவல் தெரிந்தது நீங்க உடனே கிளம்பி தோட்டத்துக்கு போங்க என்று சொல்லி விட்டு சந்தோஷமாக வந்தாள் சாந்தி அப்போது பண்ணையார் சாந்தியின் சந்தோஷத்தைப் பார்த்து.
என்னம்மா... காலையிலே ஒரே பரபரப்பாகவும் சந்தோஷமாகவும் இருக்கிற என்றார் பண்ணையார்.
மாமா ...நான் சொன்னதைப் போலவே சங்கர் திருமணம் முடிந்ததும் ஒரு திருப்பம் ஏற்படும் என்று சொன்னேனே... இன்னைக்கு நம்ம தோட்டத்திற்கு சங்கரும் அவருடைய நண்பர்களும் வேலைக்கு வந்து இருக்காங்க இனிமேல் கொஞ்சம் கொஞ்சமாக நம்முடைய பிரச்சனையேல்லம் சரியாகிவிடும் என்று சந்தோஷமாக பண்ணையாரிடம் சொன்னால் சாந்தி.
பண்ணையாருக்கு சற்று சந்தோஷமாக இருந்தது.... கண்டிப்பாக இது முத்தையாவின் ஏற்பாடுதான் என்று நினைத்து சந்தோஷப்பட்டார் பண்ணையார்.
கனகா குடும்பம் காணாமல் போன நாள் முதல் வெறிச்சோடிக் கிடந்த பண்ணையார் தோட்டம் சங்கர் அவனுடைய நண்பர்கள் நிலத்தில் மும்முரமாக வேலை செய்து இருப்பதை பார்த்து பரந்தாமனுக்கும் சந்திரனுக்கும் தீனாவுக்கும் சந்தோஷமாக இருந்தது.
அண்ணே இதுபோல ஊர் மக்கள் வேலை செய்ததை பார்த்து எத்தனை நாளாச்சு இனிமேல் இதேபோல ஊர் மக்கள் வேலைக்கு வந்தாள் நன்றாக இருக்கும் . நம்முடைய குடும்ப கௌரவம் இந்த விவசாயத்தில் தான் இருக்கிறது
நம்ம தோட்டத்தைப் பற்றி எல்லா கிராமத்திலும் பெருமையாக பேசுவார்கள் . இப்படிப்பட்ட நம்முடைய தோட்டம் கொஞ்ச நாளாக வாடி இருப்பதை பார்த்து அப்பாவுக்கு கவலையாக இருந்தது ஆனால் இனிமேல் சங்கரின் முயற்சியால் நம்முடைய தோட்டம் மெல்ல மெல்ல பழைய நிளமைக்கு வந்துவிடும் என்று சந்திரன் சந்தோஷமாக பரந்தாமனிடம் சொன்னான்.
ஆமாம் தம்பி இனிமேல் நம்ம இந்த ஊர் மக்களிடம் பாசமாக நடந்து கொள்ள வேண்டும் இன்னொரு முறை நம்மால் ஊர் மக்களுக்கு எந்த ஒரு திங்கும் ஏற்படுத்த கூடாது என்று பரந்தாமன் சொன்னான்.
அண்ணே... நாங்களும் குடிப்பதை நிறுத்தி விட்டோம் இனிமேல் நாங்கள் தேவையில்லாமல் எந்த ஒரு தவறையும் நாங்கள் செய்ய மாட்டோம் அண்ணே. இந்த ஊர் மக்கள் ஏதோ ஒரு புதிய முயற்சியோடு நம்முடைய தோட்டத்திற்கு வேலைக்கு வந்திருக்கிறார்கள் அவர்களின் சந்தோசத்தை இனிமேல் குறையாமல் நம்மா பார்த்துக்கொள்ளவேண்டும் அண்ணா என்று தீனா சொன்னான்.
சங்கரும் அவனுடைய நண்பர்களும் மும்முரமாக தோட்டத்தில் வேலை செய்வதைப் பார்த்து பரந்தாமனுக்கு எல்லை இல்லா சந்தோஷம்
அதே சமயத்தில் தம்பிகளும் இனிமேல் நாம் என்ன சொல்கிறோமோ அதை தான் கேட்பார்கள் அந்த அளவுக்கு நம்மிது நம்பிக்கை வைத்திருக்கிறார்கள் இனிமேல் நம்முடைய திட்டத்திற்கு எந்த தடங்களும் இருக்காது மெல்லமெல்ல விவசாயத்தை பெருக்கி அதில் வரும் லாபத்தை நம் பம்புசெட்டில் சேர்த்து வைத்திருக்கும் பணப்பெட்டியை எப்படியாவது இன்னும் சில மாதங்களில் நிரப்பிவிட வேண்டும் என்று நினைத்து பரந்தாமன் சந்தோஷமாக ஒரு உற்சாகத்தோடு வேலை செய்யும் தொழிலாளர்களை பார்த்துக்கொண்டு கம்பீரமாக நின்றான்.
⛺மழைக்காலம் வந்தாலே நமக்கு தொழில் செய்யறதுக்கு கொஞ்சம் கஷ்டமாகவே இருக்கிறது என்ன சிஷ்யா என்று சாட்டையடி சாமியார் சொன்னார்.
ஆமாம் குருவே ..நம இந்த ஊர் மக்களை பேய் இருப்பது போல பயமுறுத்தி வருகிறோம் ஆனால் இந்த மழைக்காலம் வந்தால் நம்ம நினைத்தபடி செல்போனை ஒளித்து வைப்பதில் சிரமமாக இருக்கிறது மழை வந்தால் நம்முடைய செல்போன் நினைந்துவிடும் அதன் பிறகு நம்மால் தொழில் செய்வதற்கு கஷ்டமாகவே இருக்கும்
இன்னும் கொஞ்ச நாளைக்குத்தான் மழை வரும் பிறகு வெயில் காலம் ஆரம்பித்து விடும் அதுக்கப்புறம் நம்முடைய செல்போனுக்கு வேலையும் வந்துவிடும் என்று சிஷ்யன் சொன்னான்.
இந்த ஊர் மக்கள் என்னைக்கு நம்முடைய பித்தலாட்டத்தை கண்டுபிடித்து விடுவார்களோ என்ற பயம் எனக்கு லேசாக இருக்கிறது சிஷ்யா என்றார் சாட்டையடி சாமியார்.
குருவே நீங்க எதுக்குமே பயப்படாதீங்க நாம்மா செல்போனை வச்சித்தான் பொழப்பு நடத்தனும் என்ற அவசியம் கிடையாது ஏனென்றால் உங்களுடைய செல்வாக்கு இந்த ஊருக்குள்ளே பெருகிவிட்டது நீங்கள் சொல்வதுதான் நடக்கும் என்று எல்லோரும் நம்புகிறார்கள் அதனால் இனிமேல் நமக்கு வருமானம் சற்று கூடுதலாக கிடைக்கும் அதனால் நீங்கள் கவலைப்படாமல் இருங்க குருவே என்று மற்றொரு சிஷ்யம் சொன்னான்.
நீ சொல்வதும் சரிதான் அதேபோல நம்மா செல்போன் விஷயத்துல கொஞ்சம் கவனமாக இருக்கணும் மொதல்ல ஒரு வீட்டின் அருகில் செல்போனை ஒளிச்சு வைக்கிற வேலையை கவனமா பார்க்கணும் அதுக்கப்புறம்
12 மணிக்கு நம்ம செல்போனுக்கு போன் செய்யணும்
நம்முடைய செல்போன் பேய் சிரிப்பது போல ரிங்டோன் அடிக்கும் அப்போது பக்கத்துல இருக்கிற குடும்பம் பேய் இருப்பதாய் நெனச்சி பயந்து போவாங்க அதுக்கப்புறம் மறு நாளைக்கு நம்மிடம் வந்து முறையீடு வாங்க
நான் பேயை ஓட்டுவது போல மறுநாள் ராத்திரிக்கு போகும் அப்போது ஒருத்தர் நம்ம பூஜை அறையிலேயே இருந்துகிட்டு 12 மணிக்கு மேல் செல்போனுக்கு போன் செய்வீங்க
நானும் உங்களில் ஒருவரை கூட்டிக்கொண்டு
பேய் விரட்டுவது போல செல்போனை சுவிட்ச் ஆப் செய்து கொண்டு வந்து விடுவோம் இதில் எந்த ஒரு தவறும் நடக்காமல் பார்த்துக் கொள்ளனும் இந்த விஷயம் ஊர் மக்களுக்கு தெரிந்தால் நம்மை மூன்று பேரையும் பண்ணையார் பசங்க உண்மையாகவே சாகடித்து பேயாக மாத்திடுவாங்க அதனால இந்த செல்போனை ஒளித்து வைக்கும் போது கவனமா நடந்துக்கணும் என்று சாட்டையடி சாமியார் சிஷ்யர்களிடம் சொன்னார்.
அதெல்லாம் நாங்க பார்த்துக்கிறோம் குருவே இப்போது எங்களுக்கு பசிக்குது என்றான் சிஷ்யன்.
எனக்கும்தான் பசிக்குது நீங்கள் இருவரும் வழக்கமான கடைக்கு சென்று நான் சொன்னேன் என்று இருவரும் சாப்பிட்டுவிட்டு எனக்கும் வாங்கிக் கொண்டு வாங்க என்று தனது இரண்டு சிஷ்யன் களையும் அனுப்பி வைத்தார் சாட்டையடி சாமியார்.
தம்பி ...நம்மா கொடுக்கிற ஐடியா வைச்சுகிட்டு அந்த ஆளு இந்த ஊரில் நல்லா ஏமாற்றுகிறார் ஆனால் நமக்கு மட்டும் காசு கொடுக்காமல் இந்த ஊர் மக்களைப் போலவே நம்மையும் ஏமாற்றுகிறார் குரு இதற்கெல்லாம் ஒரு முடிவு கட்டணும தம்பி என்று முதல் சிஷ்யன் சொன்னான்.
அவரை மீறி நம்மால் என்ன செய்ய முடியும் அண்ணா
நம்ம குரு நம்மிடம் வேலையையும் ஐடியாவையும் வாங்கிக் கொள்கிறார் ஆனால் பணம் கொடுப்பதில் மட்டும் நம்மிடம் கஞ்சதனம் பார்க்கிறார் அவரை விட்டுவிட்டு வேறு எங்கும் நம்மால் பொழப்பு நடத்த முடியாது அதனால்தான் அவரிடமே இருக்கிறோம்
ஏதோ நிம்மதியாக சாப்பிடுகிறோம் என்று இரண்டாவது சிஷ்யன் சொன்னான்.
இப்படியே நம்ம குருவுக்கு ரெண்டு பேரும் ஐடியா சொல்லிக் கொடுத்து அவரை பெரிய
ஆளக்கி விட்டோம் ஆனால் நம்ம ரெண்டு பேரும் சாப்பிடுவதற்கு அவரைதான் கையேந்தும் நிலைமையை மாற்ற வேண்டும் என்று முதல் சிஷ்யன் சொன்னான்.
நீ சொல்வதும் சரிதான் முக்கால்வாசி வேலையை நம்ம தான் செய்கிறோம் ஆனால் எல்லாம் பணத்தையும் அவரே தான் வசிக்கிறார் நம்மால் அவரை மீறி என்ன செய்ய முடியும் என்றான் இரண்டாவது சிஷ்யன்.
அந்த செல்போனை நம்ம குருவுக்கு தெரியாமல் நம்ம இரண்டு பேரும் சேர்ந்து ஒரு வீட்டின் அருகில் ஒளிக்கவைத்து நள்ளிரவில் அந்த செல்போனுக்கு நம்மிடம் இருக்கும் இன்னொரு செல்போனில் போன் செய்யலாம் அப்போது ஒளிக்க வைத்த செல்போன் பேய் சிரிப்பது போல ரிங்டோன் அடிக்கும் அப்போது அந்த குடும்பம் பேய் வந்துவிட்டது என்று நினைத்து நம் குருவிடம் காலையில் ஓடி வருவார்கள் அவர்களை நாம் இருவரும் பாதிவழியில் மடக்கி நாங்கள் அந்த பேயை விரட்டுகிறோம் எங்களுக்கு பணம் கொடுங்கள் என்று பேசி விடலாம் பிறகு மறுநாள் நான் பேய் ஓட்டுவது போல அவர்கள் வீட்டுக்கு செல்கிறேன் நீ குருவுக்கு தெரியாமல் செல்போனுக்கு போன் செய்து கொண்டிரு
நானும் பேய் விரட்டுவது போல விரட்டிவிட்டு செல்போனை சுவிட்ச் ஆப் செய்து கொண்டு அந்த குடும்பத்தாரிடம் பணம் வாங்கிக் கொண்டு வந்து விடுகிறேன் இப்படி நம் குருவுக்கு தெரியாமலே நம்ம இரண்டு பேரும் பணம் சம்பாதிக்கலாம் என்று முதல் சிஷ்யன் சொன்னான்.
நீ சொல்வதெல்லாம் நன்றாகத்தான் இருக்கிறது நாமும் நாலு காசு பார்க்கலாம் என்றால் நம் குருவுக்கு தெரியாமல் இந்த ஊரை ஏமாற்ற வேண்டும் என்று இரண்டாவது சிஷ்யனும் சொன்னான்
சரி சரி நம்ம இப்போதைக்கு குருவுக்கு நல்ல சிஷ்யனா நடந்து கொள்ளணும் சமயம் பார்த்து நம்ம ரெண்டு பேரும் நம்முடைய திட்டத்தை ஒரு நாளைக்கு செய்யலாம் என்று இரண்டு சிஷ்யர்களும் ஒன்றுகூடி பேசி குருவுக்கு தெரியாமல் பணம் சம்பாதிக்க வேண்டும் என்ற முடிவை தீர்மானித்தார்கள்.
நாட்கள் நகர்ந்தது.....
ஆரம்பத்தில் சங்கரும் அவனுடைய நண்பர்களும் பண்ணையார் தோட்டத்தில் வேலைக்குச் சென்று வந்த நிலையில் மெல்ல மெல்ல ஊர்மக்களும் ஒவ்வொரு குடும்பமாக பண்ணையார் தோட்டத்திற்கு வேலைக்கு சென்றார்கள் ரேகாவின் அம்மா லட்சுமி அம்மாள் ஊரில் உள்ள பெண்களிடம் .
தேவையில்லாமல் யாரும் பயப்பட வேண்டாம் முதலில் பண்ணையார் தோட்டத்திற்கு வேலைக்கு போகலாம் பிறகு காணாமல் போனவர்களை கண்டுபிடிப்பது பற்றி பிறகு முடிவு செய்யலாம் என்று சொல்லி பெண்களை பண்ணையார் தோட்டத்திற்கு வேலைக்கு அழைத்துச் சென்றால் லட்சுமி அம்மாள் இப்படி ஊர்மக்கள் பழையபடி எல்லோரும் பண்ணையார் தோட்டத்திற்கு வேலைக்கு கிளம்பினார்கள்.
ஊர் மக்கள் பழையபடி எல்லோரும் வேலைக்கு வந்து விட்டார்கள் என்று நினைத்து சாதாரணமாக இருந்து விடாதே இனிமேல்தான் நீ கவனமாக இருக்க வேண்டும் என்றார் பண்ணையார் ..பரந்தாமனிடம்.
நீங்கள் சொல்வதும் சரிதான் அப்பா இனிமேல் நம்ம தோட்டத்தில் ஊர் மக்களுக்கு எந்த ஒரு பிரச்சனையும் ஏற்படாதபடி நான் கவனமாக பார்த்துக் கொள்கிறேன் என்று பரந்தாமன் தனது அப்பாவிடம் சொன்னான்.
இப்ப ஊர் மக்களுக்கு இருக்கிற நம்பிக்கையை இனிமேல் சிறிதளவுகூட குறையாமல் பார்த்துக் கொள்ளனும்.
சரி அப்பா அப்படியே பார்த்துக் கொள்கிறேன் ஆனால் ஒரு சின்ன வருத்தம் ஊர் மக்கள் அனைவருக்கும் வேலை கிடைப்பதில் கொஞ்சம் கஷ்டமாகவே இருக்கிறது என்றான் பரந்தாமன்.
ஏன் என்ன ஆச்சு ..எல்லோருக்கும் வேலை இல்லையா என்று கேட்டார் பண்ணையார்.
பம்புசெட்டில் தங்கி இரவு முழுக்க நிலத்திற்கு தண்ணீர் பாய்ச்சினால் தான் காலையில் ஊர் மக்கள் அனைவருக்கும் வேலை இருக்கும்
ஆனால் பம்புசெட்டில் தங்கி யாரும் வேலை செய்யாததால் பகலில் மட்டும் தண்ணீர் பாய்வதால் பாதி நிலத்திற்கு மட்டுமே தண்ணீர் பாய்கிறது அதனால் ஊர் மக்களுக்கும் பாதி பேருக்கு மட்டுமே வேலை இருக்கிறது அதனால் அனைவருக்கும் வேலை கொடுப்பதில் கொஞ்சம் கஷ்டமாக இருக்கிறது என்றான் பரந்தாமன்.
இப்போதைக்கு அனைவருக்கும் வேலையை சமமாக கொடுத்து எல்லோருக்கும் பணமும் கொடுத்துவிடு பிறகு மெல்ல மெல்ல நிலைமை சரியாகிவிடும் என்று பண்ணையார் சொன்னார்.
நானும் அந்த நம்பிக்கையில் தான் காத்திருக்கிறேன் அப்பா என்று பரந்தாமன் சொன்னான்.
இன்னைக்கு ஒரு முக்கியமான முடிவை எடுக்க வேண்டும் அதனால் இன்று இரவு நமது ஊர் மக்களை வரச்சொல் என்று சங்கரிடம் முத்தையா சொன்னார்.
என்ன முக்கியமான முடிவு அப்பா என்றான் சங்கர்.
பண்ணையார் தோட்டத்தில் பம்புசெட்டில் தங்கி வேலை செய்த இரண்டு குடும்பங்கள் காணாமல் போனதைப் பற்றி ஒரு முக்கியமான முடிவு எடுக்க வேண்டும் அதனால் நீ நம்ம ஊரில் உள்ளவர்களிடம் இன்று இரவு வரச்சொல் அனைவரும் ஒன்றுகூடி ஒரு முடிவை எடுக்க வேண்டும் என்று முத்தையா சொன்னார்.
தாத்தா ஏதோ ஒரு பெரிய திட்டத்தை வச்சிருக்காரு அதனால் தான் எல்லோரையும் இன்று இரவு நம் வீட்டுக்கு கூப்பிடுகிறார் . அதனால் நீங்க எல்லோரிடமும் தகவலை சொல்லிடுங்க என்று ரேகா சங்கரிடம் சொன்னாள்.
முத்தையாவின் திட்டத்தால் எப்படிப்பட்ட மாற்றங்கள் ஏற்பட போகிறது என்று பொறுத்திருந்து பார்க்கலாம்....
முத்தையா அண்ணன் ஏதோ ஒரு திட்டத்தை நினைத்துதான் நம் அனைவரையும் அழைத்திருக்கிறார் . நிச்சயம் அவருடைய திட்டம் நம்முடைய நல்லதுக்காகத்தான் இருக்கும் அதனால்தான் நாம் அனைவரையும் முத்தையா அண்ணன் இன்று இரவு தன்னுடைய வீட்டுக்கு வரச் சொல்லி இருக்கிறார் என்று ஊர் மக்கள் பேசிக் கொண்டார்கள்.
இன்னும் கொஞ்ச நேரத்துல ஊர் மக்கள் எல்லோரும் இங்கே வரப்போறாங்க . அப்போது அப்பா அவரோட திட்டத்தை சொல்லப் போறாரு இதுக்கு முன்னாடி நாம அந்தத் திட்டத்தைப் பற்றி தெரிந்துகொண்டு என்ன செய்யப்போகிறோம் ஊர் மக்களுக்கு சொல்லும் போது நாமும் தெரிந்துகொள்ளலாம் என்று சங்கர் ரேகாவிடம் சொன்னான்.
எப்படியோ ஊர் மக்களுக்கு நல்ல விஷயமாகத்தான் தாத்தா சொல்லுவார் என்று சொல்லிக்கொண்டு ரேகா தனது வீட்டு வேலைகளை பார்த்தாள்.
மாலை நேரம் ஆனது.....🌙
ஊர் மக்களும் அனைவரும் முத்தையாவின் வீட்டு வாசலில் நிரம்பி இருந்தார்கள்.
முத்தையாவும் லட்சுமி அம்மாள் தின்னை மீது அமர்ந்தபடி ஊர் மக்களை வாசலில் அமரச் சொன்னார்கள்.
ஊர் மக்களும் வாசலில் படிமாணமாக அமர்ந்து முத்தையா அண்ணன் முக்கியமான முடிவு எடுக்க வேண்டும் என்று சொல்லியிருக்கிறாரே அது என்னவாக இருக்கும் என்ற எதிர்பார்ப்போடு அமர்ந்திரந்தார்கள்.
சங்கரும் ரேகாவும் ஊர் மக்களோடு மக்களாக. வாசலில் இருவரும் ஜோடியாக அமர்ந்தார்கள் அப்போது ரேகா சங்கரின் கையை பிடித்து தனது நெஞ்சோடு அணைத்தபடி அமர்ந்தாள்.
ஊர் மக்களை பார்த்து முத்தையா நிதானமாக பேச ஆரம்பித்தார்...
நம்ம ஊரில் ஒரு பெரிய பிரச்சனையால் நமக்கு பலவிதமான சங்கடத்தை ஏற்படுத்தியது . அந்த பிரச்சனையை பற்றி உங்களுக்கே தெரியும் நம்ம பெரியவரின் மகனும் .மருமகளும் .பண்ணையார் தோட்டம் பம்புசெட்டில் தங்கி வேலை செய்து வந்தது நம் எல்லோருக்கும் தெரியும் திடீரென்று ஒரு நாள் அவர்கள் காணாமல் போய்விட்டார்கள் அவர்களை பற்றிய தகவல் இதுவரைக்கும் நமக்கு தெரியவில்லை .
பண்ணையாரும்...... நமது தோட்டத்தில் வேலை செய்த குடும்பம் காணாமல் போய்விட்டது என்று தெரிந்ததும் அதை சாதாரணமாக எடுத்துக்கொள்ளாமல் . டவுனில் இருக்கும் போலீஸ் ஸ்டேஷனில் தகவலை சொல்லி எழுதியும் கொடுத்திருக்கிறார்.
இதுவும் நமக்கு தெரியும் அதேசமயம் தன்னுடைய மகன்களை வாரத்தில் இரண்டு நாள் காணாமல் போன குடும்பத்தை தேடுவதற்காக அனுப்பிவைப்பார்......
பண்ணையார் மகன்களும் எந்த தயக்கமும் இல்லாமல் வாரத்தில் இரண்டு நாள் காணாமல் போனவர்களை தேடிக் கொண்டுதான் இருந்தார்கள் இதுவும் நம் அனைவருக்கும் தெரியும் .
முதலில் நாம் அனைவரும் காணாமல் போனவர்களைப் பற்றி சாதாரணமாக எடுத்துக்கொண்டு இருந்தோம் . நிச்சயம் என்றாவது ஒருநாள் அவர்கள் நம் ஊருக்கு திரும்பி வருவார்கள் என்ற நம்பிக்கையில் இருந்தோம்
அதனால் பண்ணையார் தோட்டத்தில் பம்புசெட்டில் தங்கி வேலை செய்வதற்கு மறுபடியும் கனகாவும் ஊமையன் அவனது மகன் இப்படி குடும்பத்தோடு பம்புசெட்டில் தங்கி வேலை செய்து வந்தார்கள்.
ஆனால் அவர்களும் திடீரென்று ஒரு நாள் காணாமல் போனதும் நமக்கு அனைவருக்குமே பெரும் அதிர்ச்சியாக இருந்தது அப்போதுதான் நமக்கு காணாமல் போனவர்கள் ஏதோ சதி திட்டத்தால் தான் காணாமல் போய்விட்டார்கள் என்று புரிந்து கொண்டோம் .
இப்படி ஒரே இடத்தில் இரண்டு குடும்பம் காணாமல் போனதால் நம்மூரில் சோகத்தை ஏற்படுத்தியது அதேபோல பண்ணையார் குடும்பத்திலும் இந்த பாதிப்பு ஏற்பட்டது . இதனால் பண்ணையாரின் மகன் திருமணம் திட்டமிட்டபடி நடத்த முடியவில்லை இப்படி நம்மூரில் பண்ணையார் தோட்டத்தில் மர்மமான முறையில் இரண்டு குடும்பங்கள் காணாமல் போய்விட்டார்கள் இனிமேல் நாம் அனைவரும் இந்த விஷயத்திற்கு ஒரு முடிவு செய்ய வேண்டும் என்று முத்தையா பொறுமையாக ஊர் மக்களிடம் எடுத்துச் சொன்னார்.
கூட்டத்தில் ஒரு கூலித் தொழிலாளி எழுந்து பேசினார்...
முத்தையா அண்ணே .....நம்ம எல்லோரும் பேசி ஏற்கனவே முடிவு செய்ததுதானே. காணாமல் போனவர்கள் கிடைக்கும்வரை பண்ணையார் தோட்டத்தில் இருக்கும் பம்புசெட்டில் தங்கி யாரும் வேலை செய்யக்கூடாது என்று இதே இடத்தில்தான் முடிவு செய்துகொண்டு நம்முடைய முடிவையும் பண்ணையாரிடம் தெரிவித்துவிட்டு வந்து விட்டோம் இப்போது இதைப்பற்றி மறுபடியும் என்ன முடிவு செய்வது என்று அந்த தொழிலாளி முத்தையா விடும் சொன்னார்.
சரி தம்பி நீ சொன்னபடியே காணாமல் போனவர்கள் கிடைக்கும்வரை பம்புசெட்டில் தங்கி யாரும் வேலை செய்ய வேண்டாம் அதுவரைக்கும் பண்ணையார் தோட்டத்தில் தினமும் வேலை செய்து வீட்டுக்கு வந்தாலே போதும் என்று எடுத்துக்கொள்வோம்.
இப்போது நமது ஊரில் உள்ள அனைவருக்குமே பண்ணையார் தோட்டத்தில் வேலை இருக்கிறதா என்று முத்தையா ஊர் மக்களை பார்த்து கேட்டார்.
பாதிப் பேருக்குதான் வேலை இருக்கு மீதி பேருக்கு வேலை இல்லாமல் இருக்கிறார்கள்
ஆனால் பண்ணையார் மகன்கள் அனைவருக்குமே சமமாக கூலி கொடுக்கிறார்கள் ..
என்று ஒரு கூலித்தோழிலாளி முத்தையா விடம் சொன்னார்.
பண்ணையார் மகன்கள் ஏதோ நம் மீது உள்ள அக்கறையில் வேலை செய்யாதவர்களுக்கும் கூலி கொடுக்கிறார்கள் இதை நாமும் வாங்கிக் கொள்கிறோம் ஆனால் எத்தனை நாளைக்கு இப்படி பாதிப்பேர் வேலை செய்யாமலே கூலியை வாங்கிக் கொண்டு இருக்கமுடியும் அப்படி வாங்கினால் அது நாம் செய்வது நியாயம் தானா என்று முத்தையா சொன்னார்.
எங்களுக்கும் தர்மசங்கடமாக தான் இருக்கிறது வேலை செய்யாமலே கூலி வழங்குவது இருந்தாலும் சாப்பிடுவதற்கு வேறு வழி இல்லையே இனிமேல் வேலை செய்யாமல் கூலி வாங்க வேண்டாம் என்றாள் சொல்லுங்கள் .
இனிமேல் யாரும் வேலை செய்யாமல் கூலி வாங்க மாட்டோம் என்று ஒருவர் தொழிலாளி எழுந்து சொன்னார்.
நம்மைப் பொறுத்தவரை வேலை செய்துதான் சம்பாதித்து குடும்பத்தை காப்பாற்றி வருகிறோம் . பண்ணையார் குடும்பமும் நமக்கு இதுநள் வரைக்கும் வேலை இல்லை என்று சொல்லி யாரையும் திருப்பி அனுப்பியது கிடையாது அதேபோலத்தான் இப்போதும் பண்ணையார் குடும்பம் வேலை இல்லை என்று தெரிந்தும்
நமக்கு கூலி கொடுக்கிறார்கள் அவர்களின் நல்ல உள்ளத்தை நாம் என்னைக்குமே மறக்கக்கூடாது அதே சமயத்தில் அவர்களை தொடர்ந்து வேலை செய்யாமல் கூலி வாங்கினாள் அது அவர்களுக்கு குடும்பத்தில் பிரச்சனை ஏற்படும் ஒரு நாள் யாராவது ஒருவர் அவர் குடும்பத்தில் இந்த பிரச்சனையை பற்றி பேசி பண்ணையாரின் மனதையும் சங்கடப் படுத்துவார்கள் அதனால் நாம் அனைவரும் இனிமேல் வேலை செய்ததற்கு மட்டும் கூலி வாங்க வேண்டும் அதற்காகத்தான் நான் இன்று உங்களை அழைத்தேன் இதற்கு ஒரு நல்ல முடிவை எடுக்க வேண்டும் இன்று எடுக்கப்போகும் முடிவு நமது ஊருக்கும் பண்ணையார் குடும்பத்திற்கும் நல்லதாகவே இருக்க வேண்டும் என்று முத்தையா சொன்னார்.
நீங்கள் சொன்னபடியே இனிமேல் பண்ணையார் தோட்டத்திற்கு பாதி பேர் மட்டும் வேலைக்கு செல்கிறோம் மறுநாள் மிதி பேர் வேலைக்கு செல்லட்டும்
இப்படி மாறி மாறி வேலைக்கு செல்லலாம் அப்போது பண்ணையார் மகன்கள் வேலை செய்யாதவர்களுக்கு கூலி கொடுத்தால் வேண்டாம் என்று சொல்லி விடுகிறோம் என்று ஒரு தொழிலாளி சொன்னார்.
நான் சொன்னதை நீங்கள் தவறாக புரிந்து கொண்டீர்கள் .
வேலை செய்துதான் கூலி வாங்க வேண்டும் என்றுதான் சொன்னேனே தவிர .
பண்ணையார் மகன்கள் நம்மிது உள்ள அக்கறையில் அவர்கள் உதவி செய்கிறார்கள் அதை வேண்டாம் என்று சொன்னாள் அவர்களை அவமானம் படுத்துவது போல மாறிவிடும் .என்று முத்தையா சொன்னார்.
அப்படி என்றால் நாங்கள் என்னதான் செய்ய வேண்டும் என்று நீங்களே சொல்லுங்க அண்ணே... என்று ஒரு கூலித்தொழிலாளி எழுந்து சொன்னார்.
பம்பு செட்டில் தங்கி யாராவது வேலை செய்தாள் . இரவு முழுக்க நிலத்தில் தண்ணீர் பாய்ந்து காலையில் ஊர் மக்களுக்கு எல்லோருக்குமே வேலை கிடைக்கும் இதைதான் நான் சொல்ல வந்தேன் . நம்முடைய ஊரில் யாராவது ஒரு குடும்பம் பம்புசெட்டில் தங்கி வேலை பார்த்து ஊர் மக்கள் அனைவருக்குமே வேலை கொடுக்க வேண்டும் இதுதான் என்னோட திட்டம் என்றார் முத்தையா.
முத்தையாவின் பேச்சு அனைவருக்கும் சற்று குழப்பத்தை ஏற்படுத்தியது.
பம்புசெட்டில் தங்கி வேலை செய்தாள் காணாமல் போய்விடுகிறார்கள்
இந்த நிலைமையில் முத்தையா அண்ணன் ...எப்படி பண்ணையார் தோட்டத்தில் தங்கி வேலை செய்ய சொல்கிறாரே இந்த முடிவில் யாருக்கு விருப்பம் இருக்கும் என்று முணுமுணுத்தார்கள்.
நான் சொன்னதைப் பற்றி யாரும் பதில் சொல்லவில்லையே என்று முத்தையா கேட்டார்.
அண்ணே... பம்புசெட்டில் தங்கி வேலை செய்தால் பிரச்சனை ஏற்படும் என்பதால்தான் எல்லோரும் பயந்து கொண்டு இருக்கிறார்கள் . ஆனால் நீங்கள் பம்புசெட்டில் தங்கி வேலை செய்ய வேண்டும் என்று சொல்வது எல்லோருக்கும் குழப்பமாக இருக்கிறது இதில் யாருக்குமே விருப்பமில்லை என்று ஒருவர் எழுந்து சொன்னார்.
அப்படி என்றாள் நமது ஊர் மக்கள் அனைவருக்கும் வேலை பண்ணையார் தோட்டத்தில் இருக்காது இப்படி ஒரு நிலைமையை நாம் ஏற்படுத்த வேண்டுமா என்று முத்தையா கேட்டார்.
அப்போது ஊர் மக்கள் அனைவரும் தலை குனிந்து கொண்டு மவுனமாக இருந்தார்கள்.
இரண்டு குடும்பம் மர்மமான முறையில் காணாமல் போயிருக்கும் இந்த சமயத்தில் அதே இடத்தில் மறுபடியும் தங்கி வேலை செய்ய சொன்னாள் எப்படி அண்ணே ....நீங்கள் சொல்வதைப் போலவே யாராவது ஒரு குடும்பம் பம்புசெட்டில் தங்கி வேலை செய்து வந்து . பிறகு அவர்களும் காணாமல் போனாள் அதற்கு யார் பொறுப்பு அதனால் இந்த முடிவை ஏற்பது எல்லோருக்கும் வருத்தமாக இருக்கிறது அண்ணே என்று ஒரு கூலித்தொழிலாளி சொன்னார்.
காணாமல் போனவர்கள் இதுவரைக்கும் போலீஸ் கண்களில் அகப்படவில்லை அதேபோல பண்ணையாரின் மகன்களுக்கும் அவர்கள் தென்படவில்லை
இப்படி நீண்ட நாட்களாக தேடிக்கொண்டு இருக்கும் அவர்களை நம் கிராமத்தில் உள்ளவர்கள் அவர்களை தேடுவதற்கு யாராவது முயற்சி செய்தோமா.
யாரும் முயற்சி செய்யவில்லை காரணம் அவரவர் குடும்ப பொறுப்பை பார்ப்பதற்கே நேரம் சரியாக இருக்கிறது .
அதனால் யாரும் காணாமல் போனவர்களை தேடுவதற்கு நம்ம ஊரில் யாரும் முயற்சி செய்யவில்லை . இப்படி இருக்கும் நம்முடைய குடும்ப சூழ்நிலை... காணாமல் போனவர்கள் எப்போது கிடைப்பது அதுவரைக்கும் பம்புசெட்டில் தங்கி வேலை செய்யாமல் இருந்தால்
ஊர் மக்கள் அனைவரும் நிம்மதியாக குடும்பத்தை நடத்த முடியுமா ஸஸஸ எத்தனை நாளைக்குத்தான் பண்ணையார் குடும்பம் நமக்கு வேலை செய்யாமலே பணம் கொடுப்பார்கள் அதனால்தான் சொல்கிறேன் காணாமல் போனவர்களை தேடுவதற்கு பிறகு முடிவு செய்யலாம் . இப்போது யாராவது ஒரு குடும்பம் பம்புசெட்டில் தங்கி வேலை செய்வதற்கு முன்வர வேண்டும் என்று ஆணித்தரமாக முத்தையா சொன்னார்.
ஐயா எனக்கு ஒரு யோசனை படுது அதை நான் இந்தக் கூட்டத்தில் சொல்லலாமா என்று ஒரு கூலித்தொழிலாளி கேட்டார்.
எல்லோரின் விருப்பத்தை தெரிந்துகொள்ள வேண்டும் என்பதற்காகத்தான் இந்த கூட்டத்தையே கூட்டி இருக்கிறோம் உன்னுடைய விருப்பத்தையும்
நீ தாராளமாக சொல்லலாம் என்று முத்தையா சொன்னார்.
ஐயா காணாமல் போனவர்களை தேடுவதற்கு எனக்கு ஒரு யோசனை சரியாக படுகிறது .
அது என்னன்னா நம்ம ஊரில் இருக்கும் சாட்டையடி சாமியாரின் சக்தி நமது ஊரில் உள்ளவர்களுக்கு அனைவருக்குமே தெரியும்
அவர் நம்ம ஊரிலுள்ள பேய்களை எல்லாம் விரட்டி அடித்தவர்
சில சமயங்களில் பேய்கள் நமது வீட்டின் அருகில் சிரித்து நம்மை பயமுறுத்தி கொண்டிருந்த சமயத்தில் அவர்தான் அந்த பேய்களை நடுரத்திரியில் விரட்டி அடித்தவர் அதேபோல அவர் நமது ஊருக்கு சோதனை காலம் வரப்போகிறது என்று சில நாட்களுக்கு முன்னால் சொல்லியிருந்தார்
இது எல்லோருக்குமே தெரியும் அவர் சொன்னபடியே ....கனகா குடும்பம் காணாமல் போனதால் நமது ஊருக்கு சோதனைக் காலம் வந்துவிட்டது இப்படி சக்திவாய்ந்த நமது சாட்டையடி சாமியாரை சந்தித்து காணாமல் போனவர்கள் எங்கு இருக்கிறார்கள் என்பதை அவரிடம் கேட்டு தெரிந்து கொண்டு . அவர் சொல்லும் யோசனைப்படி அவர்களை தேடினால் நிச்சயம் கிடைப்பார்கள் அதன் பிறகு எந்த ஒரு பயமும் இல்லாமல் பண்ணையார் தோட்டத்தில் உள்ள பம்புசெட்டில் தங்கி வேலை செய்வதற்கு எல்லோருக்குமே விருப்பம் இருக்கும் . பிறகு இந்த ஊருக்கும் எந்த ஒரு பிரச்சனையும் இருக்காது என்று அந்த கூலித் தொழிலாளி பொறுப்போடு தனது விருப்பத்தை சொன்னார்.
நம்ம ஊரும் பண்ணையார் குடும்பமும் சோகத்தில் இருப்பதே காணாமல் போன குடும்பங்கள் கிடைக்கவில்லையே என்று நினைத்துதான் . இந்த விஷயம் சாட்டையடி சாமியாருக்கு தெரியாதா ... அவருக்கு நம் ஊர் மீது அக்கறை இருந்தால் அவரே காணாமல் போனவர்களைப் பற்றி விபரத்தை நம்மிடம் கூறலாமே... இந்த ஊருக்கு சோதனைக்காலம் வரப்போகுது என்று மட்டும் நாம் கேட்காமலே நம்மிடம் சொன்னவர்.. காணாமல் போனவர்களை பற்றி எந்த தகவலையும் அவர் இதுவரைக்கும் சொல்லாதது ஏன்.
அதனால் நான் சொல்வதை கவனமாக கேளுங்கள் .
ஒருவரை உருவாக்குவதும் அழிப்பதும் கடவுளின் சக்தியாள் மட்டும்தான் முடியும்
இதில் மனிதர்களுக்கு எந்தப் பங்கும் கிடையாது .
நான் சாட்டையடி சாமியாரை குறை சொல்லவில்லை அவர் சில குடும்பங்களுக்கு நிம்மதியான தூக்கத்தை கொடுத்திருக்கிறார் என்பதும் எனக்கு தெரியும் இருந்தாலும் காணாமல் போனவர்களை கண்டுபிடிப்பது நம்ம தான் முயற்சி எடுக்க வேண்டும் .இதில் மந்திர சக்திக்கு எந்த வேலையும் கிடையாது அதனால் பண்ணையார் தோட்டத்தில் இருக்கும் பம்புசெட்டில் தங்கி வேலை செய்தால்தன் இனிமேல் நம்மா ஊருக்கு நிம்மதி பிறக்கும் என்று முத்தையா மறுபடியும் ஒரு அழுத்தமாக சொன்னார் ஊர் மக்களிடம்.
நீங்கள் சொல்வது எங்களுக்கு இப்போதுதான் நன்றாக புரிகிறது அண்ணே... நம்ம ஊரில் யாராவது பம்புசெட்டில் வேலை செய்தாள் அனைவருக்குமே வேலை கிடைக்கும் அதே சமயம் காணாமல் போனவர்களை பற்றியும் ஒரு முடிவு செய்வதற்கு வசதியாக இருக்கும் .
நம்ம குடும்பம் சந்தோசமாக இருந்தால் தான் காணாமல் போனவர்களை பற்றி விசாரிப்பது சரியாக இருக்கும் .
அதற்கு நம் அனைவரும் தினமும் பண்ணையார் தோட்டத்தில் வேலை செய்ய வேண்டும் .
அதற்கு யாராவது ஒரு குடும்பம் பம்புசெட்டில் வேலை செய்வதற்கு முன்வர வேண்டும் என்று ஒரு கூலித்தொழிலாளி சொல்லிவிட்டு அமர்ந்தார்.
ஊர் மக்கள் முணுமுணுக்க பேசிக்கொண்டார்கள்..
முதலில் யார் குடும்பம் பம்புசெட்டு வேலைக்கு செல்வது என்று ஒருவரையொருவர் பேசிக்கொண்டு எந்த முடிவையும் எடுக்காமல் முழித்தார்கள்.
நீங்கள் இந்த முறை ..பம்புசெட்டில் வேலை செய்யும் போது உங்களை கவனமாக பார்த்துக் கொள்வார்கள் பண்ணையார் மகன்கள். அவர்களுக்கும் இப்போதுதான் ஒரு பொறுப்புணர்ச்சி ஏற்பட்டிருக்கிறது நம்முடைய தோட்டத்தில் இரண்டு குடும்பங்கள் காணாமல் போனதால் சந்திரனின் திருமணம் நின்று விட்டது அதனால் இந்த முறை அங்கு சென்று தங்கி வேலை செய்யும் குடும்பத்தை பொறுப்பாக பார்த்துக்கொள்ளா வேண்டும் என்று.
அதனால் நீங்கள் தேவையில்லாமல் பயப்பட வேண்டாம் யாராவது பம்புசெட்டில் வேலை செய்வதற்கு முன் வாருங்கள் என்று மறுபடியும் ஊர் மக்களை பார்த்து சொன்னார் முத்தையா.
ஊர் மக்கள் எல்லோருக்குமே பயம் இருந்தாதால் யாரும் பம்புசெட்டில் தங்கி வேலை செய்வதற்கு முன்வரவில்லை. எல்லோரும் அமைதியாக தலை குனிந்து கொண்டார்கள் அப்போது ஒரு பெரியவர் எழுந்து சொன்னார்.
ஐயா எல்லோருக்குமே பயம் இருக்கிறது என்பது அனைவரும் அமைதியாக இருப்பதில் நீங்கள் புரிந்து கொண்டிருப்பீர்கள் அதனால் நான் என் மனதில் பட்டதை சொல்கிறேன் ஆனால் நீங்கள் இதை தவறாக எடுத்துக் கொள்ளக் கூடாது என்று அந்தப் பெரியவர் சொன்னார்.
நிச்சயம் ஊருக்கு நல்லதை ஏற்படுத்தும் விஷயமாக இருந்தாள் உன்னுடைய இந்த யோசனை கூட்டத்தில் நிறைவேறும் தயங்காமல் சொல்லு தம்பி என்றார் முத்தையா.
நம்ம ஊரே பண்ணையார் தோட்டத்திற்கு வேலைக்கு போவதற்கு பயந்து கொண்டு இருந்த சமயத்தில் .
உங்கள் மகன் . இந்த ஊர் செல்லப்பிள்ளை ...சங்கர்தான் அவனுடைய நண்பர்களை அழைத்துக்கொண்டு பண்ணையார் தோட்டத்திற்கு வேலைக்கு சென்றான் . பிறகு எல்லோருக்கும் பயம் தெளிந்து ஒவ்வொரு குடும்பமாக பண்ணையார் தோட்டத்திற்கு வேலைக்கு சென்றோம் இப்போது எல்லோருக்கும் ஒரு அளவுக்கு பயம் தெளிந்து விட்டது
அதேபோல இப்போது பண்ணையார் தோட்டத்தில் இருக்கும் பம்புசெட்டில் தங்கி வேலை செய்வதற்கு ஊர்மக்கள் எல்லோருக்குமே பயம் இருக்கிறது என்பதை நீங்களே இப்போது புரிந்து கொண்டீர்கள் . அதனால் ஏற்கனவே ஊர்மக்களின் பயத்தை போக்கிய சங்கர் . இப்போதும் இந்த ஊர் மக்களின் பயத்தை அவன்தான் தீர்த்துவைக்க வேண்டும் . முதலில் சங்கர் அவன் குடும்பத்தோடு பம்புசெட்டில் தங்கி மூன்று மாதங்கள் வேலை செய்யட்டும் . பிறகு அடுத்த மூன்று மாதத்திற்கு இன்னொரு குடும்பம் வேலை செய்வார்கள் இப்படி மூன்று மாதத்திற்கு ஒரு குடும்பம் பம்புசெட்டில் வேலை செய்து வரலாம் . அதன் பிறகு எல்லோருக்குமே பயம் என்னைக்கு தெளிகிறதோ அப்போது விருப்பம் உள்ளவர்கள் தொடர்ந்து பம்புசெட்டில் தங்கி வேலை செய்யட்டும் . அதன் பிறகு காணாமல் போனவர்களை தேடுவதற்கான நல்ல முடிவை தீர்மானிக்கலாம் என்று அந்தப் பெரியவர் சொன்னார்.
உடனே ஊர்மக்கள் மெதுவாக தலை நிமிர்ந்து முத்தையாவின் பதிலை எதிர்பார்த்தார்கள்.
ஊர் மக்கள் தலைநிமிர்ந்து பார்த்த போது ...முத்தையா தலை குனிந்து கொண்டார் . அவரால் எந்த பதிலும் சொல்ல முடியாமல் அமைதியாக இருந்தார்.
முத்தையா அண்ணனுக்கு தன்னுடைய மகனை பம்புசெட்டு வேலைக்கு அனுப்புவதில் விருப்பம்மில்லை அதனால் தான் அவர் அமைதியாக இருக்கிறார் என்று முணுமுணுத்தார்கள்.
ஊர் மக்கள்.
அப்பா எதற்காக அமைதியாக தலைகுனிந்து கொண்டார் என்ற குழப்பத்தோடு சங்கர் ரேகாவும் பதட்டமாக இருந்தார்கள்.
இனிமேல் நீங்கள் சொல்லும் வார்த்தையில் தான் முடிவு ஏற்படும் என்று கூட்டத்திலிருந்த ஒருவர் முத்தையாவிடம் சொன்னார்.
நீங்கள் என்னிடம் சொன்ன கருத்து நியாயமானதுதான் . ஆனால் சங்கர் என் மகனாக மட்டும் இருந்திருந்தால் இந்நேரம் நான் அவனுக்கு கட்டளையிட்டுருப்பேன் ஆனால் அவன் ஒரு பெண்ணுக்கு கணவன் . அவனுக்கென்று ஒரு குடும்பம் . அதனால் நீங்கள் சொன்ன கருத்துக்கு சங்கரும் ரேகாவும்தான் பதில் சொல்ல வேண்டும் என்று முத்தையா சங்கரை பார்த்தபடி சொன்னார்.
சங்கர் சிறிதும் தாமதிக்காமல் எழுந்து நின்று . நான் பம்புசெட்டு வேலைக்கு என் மனைவியோடு செல்வதற்கு எனக்கு விருப்பம் அதேசமயம் எனக்கு பம்புசெட்டில் தங்கி வேலை செய்வதில் எந்த ஒரு பயமும் கிடையாது . நான் மூன்று மாதங்கள் வரைக்கும் வேலை செய்ய போவதில்லை . இந்த ஊர் மக்களுக்கு எல்லோருக்குமே எப்போது பயம் தெளிகிறதோ அதுவரைக்கும் நான் பம்புசெட்டில் தங்கி வேலை செய்கிறேன் .
என்று தைரியமாக குரல் உயர்த்தி சொன்னான் சங்கர்.
முத்தையாவின் முகத்தில் சந்தோஷம் பொங்கியது அப்போது அவர் ஊர் மக்களிடம் சொன்னார் என் மகன் என்னைப்பலவே ஊர் மக்களின் நன்மைக்காக பாடுபடுபவன் என்பது இப்போது எனக்கு புரிந்து விட்டது . இனிமேல் நீங்கள் அனைவரும் சந்தோஷமாக பண்ணையார் தோட்டத்தில் வேலை செய்து .
பழையபடி பண்ணையார் தோட்டத்தை செழிப்பாக மாற்ற வேண்டும் என்று சொல்லி கூட்டத்தை முடித்து வைத்தார் முத்தையா.
சங்கரின் பேச்சை கேட்டதும் இலட்சுமி அம்மாளுக்கு சற்று பயம் ஆரம்பமானது . இப்போதுதான் நம் மகளுக்கு திருமணம் முடிந்தது அதற்குள் மர்மமாக காணாமல் போன குடும்பம் வேலை செய்த இடத்தில் நம் மகளும் மருமகனும் வேலை செய்யப் போகிறார்களா என்று நினைத்து அவள் மனம் சற்று படபடப்பாக இருந்தது.
கடைசியில் ..இன்று ஊரே ஒன்றுகூடி நம் குடும்பத்தை அந்த பம்புசெட்டு வேலைக்கு அனுப்ப முடிவு செய்து விட்டார்களே அப்படியென்றால் நாமும் ..மாமாவும் காணாமல் போய் விடுவோமா
என்ற பயம் ரேகாவுக்கு ஏற்பட்டது.
ரேகாவின் பயம் தொடருமா ... இல்லை சங்கரின் துணிச்சலும் தைரியமும் வெற்றி பெறுமா... என்பதை பொறுத்திருந்து பார்க்கலாம்...
நேத்து ராத்திரி இந்த முத்தையா கிழவன் தலைமையில் கூட்டம் நடந்தது . அதைப்பற்றி ஊருல விசாரித்திர்களா என்று சாட்டையடி சாமியார் தனது சிஷ்யர்களிடம் கேட்டார்.
விசாரித்தோம் குருவே... எல்லாமே நமக்கு எதிராகவே கூட்டத்தில் முடிவு செய்திருக்கிறார்கள் .இனிமேல் நாம அமைதியா இருந்தா நம்மள பத்தி யாருமே கண்டுகொள்ள மாட்டார்கள். இப்பதான் நம்முடைய செல்வாக்கு இந்த ஊருல பெருமையா பேசிக்கிட்டு இருந்தாங்க . ஆனா ...ராத்திரி நடந்த கூட்டத்தில் நம்மை கேவலமாக பேசி இருக்கிறார் அந்த முத்தையா கிழவன் என்று ஒரு சிஷ்யன் சொன்னான்.
என்ன சொல்றீங்க ....நம்மள பத்தி அப்படி என்ன கேவலமா
பேசிநங்க கூட்டத்தில அதுக்காகவா முத்தையா கூட்டத்தை கூட்டினார் என்று சாட்டையடி சாமியார் சிஷ்யனிடம் கேட்டார்.
காணாமல் போன இரண்டு குடும்பங்களை கண்டுபிடிப்பதற்கு நம்முடைய மந்திர சக்தியால் அவர்களை சீக்கிரமாகவே கண்டுபிடித்து விடலாம் என்று நம்மைப் பற்றி ஒருவர் பெருமையாக சொல்லியிருக்கிறார் .
அதற்கு அந்த முத்தையா கிழவன் காணாமல் போனவர்களை நாமதான் தேடி கண்டுபிடிக்க வேண்டும் . இதற்கெல்லாம் மந்திர சக்தியால் ஒன்றும் செய்யமுடியாது என்று நம்மைப் பற்றி இப்படி கேவலமாக பேசியிருக்கிறார் ..
அந்தக் கிழவன் .
அதனால் நீங்கள் இனிமேல் அமைதியாக இருந்தால் வேலைக்கு ஆகாது .
என்று சிஷ்யன் சொன்னான்.
நம்மளை பற்றி நன்றாகவே புரிந்து வைத்திருக்கிறான் இந்த முத்தையா கிழவன். இவர்களிடம் நம்ம கொஞ்சம் உஷாராக தான் இருக்க வேண்டும் . பேசட்டும் என்னைக்காவது ஒருநள் நம்மிடம் வந்து நிற்பான் அந்தக் கிழவன் . அன்னைக்கு வச்சுக்கிறேன் என்று சாட்டையடி சாமியார் சற்று விரைப்பாக சொன்னார்.
குருவே எல்லாத்துக்கும் நேரம் வரட்டும் என்று அமைதியா இருந்தா . நம்முடைய தொழிலுக்கு நல்லா இருக்காது எதையாவது சொல்லிக்கொண்டே இருந்தால்தான் . நம்மைப் பற்றி ஊருல பேசிக்கொண்டே இருப்பாங்க குருவே
இப்போ ஊர் மக்கள் எல்லோரும் சந்தோசமாக பண்ணையார் தோட்டத்திற்கு வேலைக்கு போறாங்க பம்புசெட்டில் தங்கி வேலை செய்யறதுக்கு சங்கரும் அவனோட மனைவியும் இன்னைக்கு போகப் போறாங்க இனிமேல் பண்ணையார் தோட்டமும் இந்த ஊர் மக்களும் செழிப்பாக வாழ போறாங்க ஆனால் நீங்கள் சொன்னபடி இந்த ஊருக்கு சோதனைக்காலம் வரப்போகுது என்று சொல்லி இருந்திங்க . ஆனால் அது இந்த ஊர் மக்களுக்கு கொஞ்ச நாள் தான் சோகத்தில் இருந்தார்கள் மறுபடியும் இந்த முத்தையா கிழவன் முயற்சியால் நம்முடைய வார்த்தையை பொய் என்று சொல்வதைப்போல இந்த ஊர் மக்களை மறுபடியும் சந்தோஷமாக வாழ்வதற்கு வழி செய்துவிட்டான் இந்த கிழவன் அதனால் நீங்கள் உடனே ஒரு முடிவு செய்து. இந்த ஊர் மக்கள் நம்மைப் பற்றி பேசும்படி மறுபடியும் நீங்கள் ஏதாவது சொல்ல வேண்டும் என்று மற்றொரு சிஷ்யன் சொன்னான்.
நம்முடைய நிலைமை இந்த அளவுக்கு வந்து விட்டதா....
என்ன செய்யறது ஊர் என்றால் ஒருவன் நம்மை மதிப்பான் இன்னொருவன் முறைப்பான் இன்னொருவன் கண்டுகொள்ளவே மாட்டான் இப்படி தான் இருக்கும .. அதனால் பொறுமையாக இருந்து நம்முடைய திட்டத்தை செயல்படுத்தனும் இல்லையென்றால் நமக்குத்தான் பாதிப்பு . என்று சற்று சலிப்போடு சொன்னார் சாட்டையடி சாமியார்.
என்ன குருவே இப்படி ஏன் பயப்படுறீங்க நாங்க இருக்கும்போது உனக்கு என்ன பயம் நீங்கள் நாளைக்கே சொல்லுங்க . இன்னும் கொஞ்ச நாள்ல மறுபடியும் இந்த ஊருக்கு சோதனை காலம் வரப்போகிறது என்று . அப்போதுதான் இந்த ஊரில் நமக்கு மதிப்பு இருக்கும் என்று மற்றொரு சிஷ்யன் சொன்னான்.
ஏன்டா... இப்படி தப்பு தப்பா ஐடியா கொடுக்குறீங்க
நான் நல்லா இருக்கிறது உங்களுக்கு பிடிக்கலையா
நான் இந்த நேரத்தில் நீங்கள் சொல்வதைப் போல இந்த ஊருக்கு சோதனைக்காலம் இன்னும் கொஞ்ச நாளில் வரப்போகிறது என்று சொன்னால். நிச்சயம் சோதனைக்காலம் இந்த ஊருக்கு வராது ..நம்ம மூணு பேருக்கும் தான் வரும் ஏனென்றால் சங்கர் நம்ம சொன்ன வார்த்தைக்கு உடனே வந்து நம்மை மூன்று பேரையும் . மிதி மிதி என்று மிதிப்பான் அவனுடைய சுறுசுறுப்பை பற்றி உங்களுக்கு தெரியும். அவனுடைய அடியும் அதே போல தான் இருக்கும் பார்ப்பதற்கு ஒல்லியாய் இருக்கான் என்று நினைக்காதீங்க
இந்த நேரத்துல நம்ம கொஞ்சம் வாய மூடிக்கிட்டு இருப்பதுதான் நல்லது . என்று சாட்டையடி சாமியார் தனது சிஷ்யர்களிடம் சொன்னார்.
ஊருல ஏமாத்துற பணத்தை எல்லாத்தையும் எடுத்துக்கிட்டு எங்களுக்கு மட்டும் 200 ரூபாய் மட்டும் கொடுக்கிற ...
அதனால் உன்னை ஏதாவது ஒரு பிரச்சனையில் சிக்கவிடலாம் என்று நினைத்தால் . இந்த ஆளு உஷாராக இருக்கிறானே .
என்று சிஷ்யர்கள் மனதுக்குள் நினைத்துக் கொண்டார்கள்.
முத்தையாவின் காலில் விழுந்து சங்கரும் ரேகாவும் ஆசீர்வாதத்தை பெற்றார்கள்.🎎
அப்பா நாங்கள் போயிட்டு வருகிறோம்.. இனிமேல் பண்ணையார் தோட்டத்தை நல்லபடியாக கவனித்துக் கொள்வது என்னுடைய பொறுப்பு அதே போல காணாமல் போன 2 குடும்பத்தையும் கூடிய சீக்கிரத்தில் இதேபோல ஊர் மக்களை கூட்டி அவர்களை கண்டுபிடிப்பதும் நம்முடைய பொறுப்பு நாங்கள் இருவரும் பம்புசெட்டில் இருந்தாலும் எங்களுக்கு அதனால் எந்த ஒரு மன கஷ்டமும் கிடையாது அதனால் நீங்கள் கவலை இல்லாமல் சந்தோஷமாக இங்கே இருங்கள் தேவைப்பட்டால் நானும் ரேகாவும் அடிக்கடி வந்து செல்கிறோம் என்று முத்தையா விடம் பாசமாக சங்கர் சொன்னான்.
அம்மா... தாத்தாவை நல்லபடியா பார்த்துக்குங்க அவருக்கு சுடுதண்ணி வச்சு உடம்புக்கு ஊத்தி விடுங்க .. பொழுதோடு அவருக்கு சூடா சாப்பாடு செஞ்சு கொடுங்க அப்பத்தான் அவருக்கு ஜீரணமாகும்
நான் அடிக்கடி வந்து உங்களையும் தாத்தாவையும் பார்த்து விட்டு செல்கிறேன் என்று ரேகா தனது அம்மாவிடம் சொன்னாள்.
அப்போது லட்சுமி அம்மாள் ரேகாவை கட்டி அணைத்துக் கொண்டால் . பிறகு ரேகாவ சற்று தனியாக அழைத்துக் கொண்டு பேசினாள்.
அம்மாடி ...நீங்கள் இருவரும் அந்த பம்புசெட்டு வேலைக்கு போவதில் எனக்கு துளியும் விருப்பம் இல்லை . இருந்தாலும் முத்தையா அப்பா சொன்ன வார்த்தைக்கு எதிராக பேசவும் எனக்கு மனம் இல்லை .
அதனால்தன் நான் அமைதியாக இருக்கிறேன் . இப்படிப்பட்ட நல்ல குடும்பத்தில் நீ மருமகளாக ஆனதே எனக்கு பெரும் சந்தோஷம் . இப்படி ஒரு வாழ்க்கையை உனக்கு ஏற்படுத்தி கொடுத்தவர் முத்தையா அப்பாதான் அதனால் தான் அவரின் பேச்சுக்கு நான் மதிப்பு கொடுத்து அமைதியாக இருக்கிறேன் .
இல்லை என்றால் எனக்கு அந்த பம்புசெட்டில் தங்கி வேலை செய்வதற்கு துளியும் விருப்பம் இல்லை . என்ன செய்வது கடவுள் உனக்கு நல்லதை கொடுப்பார் அந்த நம்பிக்கை எனக்கு இருக்கு . என்று லட்சுமி அம்மாள் ரேகாவிடம் மெதுவாக தனது விருப்பத்தை சொன்னாள்.
நீ ஒன்றும் கவலைப்படாதே அம்மா . எங்களுக்கு ஒரு குறையும் இருக்காது. எந்த பிரச்சனையாக இருந்தாலும் அதை அவர் சமாளித்து விடுவார் நீங்கள் ஒன்னும் பயப்படாதீங்க அம்மா என்றாள் ரேகா.
தம்பி... ஆர்வத்தில் இரவு நேரத்தில் கண்டபடி வேலை செய்து கொண்டிருக்கும் .
நீதான் தம்பியை பொறுப்போடு பார்த்துக்கொள்ள வேண்டும் தம்பி ஏதாவது வேலையில் அவசரப்பட்டால் நீ தான் அதுக்கு புரிய வைக்க வேண்டும்
எந்த ஒரு விஷயத்திலும் இனிமேல் அவசரப்படக் கூடாது ஏனென்றால் இப்போது இருக்கும் நிலைமை அப்படித்தான் இருக்கிறது ..
ஊரில் உள்ளவர்கள் எல்லோருமே பயந்து கொண்டு இருக்கிறார்கள் அந்த பம்புசெட்டில் வேலைக்கு செல்வதற்கு ஆனால் நீங்கள் இருவரும் அந்த பம்பு செட்டின் வேலைக்கு போகவேண்டும் என்ற நிலைமை உங்களுக்கு வந்து விட்டது .. நீங்கள் அதனால் அலட்சியமாக இல்லாமல் கவனத்தோடு இருக்கணும் என்று லட்சுமி அம்மா ரேகாவிடம் சொன்னாள்.
நீ கவலைப் படாம ..தாத்தாவை பாத்துக்குங்க எங்களுக்கு எந்த பிரச்சனையும் ஏற்படாது .
என்று தனது அம்மாவை சமாதானம் செய்துவிட்டு ரேகா சங்கரோடு புறப்பட தயாரானாள்.
பண்ணையாரும் தனது மருமகள் சாந்தியும் பூஜை அறையில் மும்முரமாக சாமி கும்பிட்டுக் கொண்டு இருந்தார்கள்.
அம்மாடி ..முதல்ல ஆரத்தியை உன் கணவனுக்கும் அவனுடைய தம்பிகளுக்கும் காட்டிவிட்டு வா இனிமேல் எந்த ஒரு பிரச்சனையும் ஏற்படக்கூடாது என்று வேண்டிக்க சொல் என்று பண்ணையார் சாந்தியிடம் சொன்னார்.
தாம்புல தட்டில் கற்பூர ஆரத்தியை எடுத்தபடி சாந்தி சந்தோஷமாக பக்கத்து அறையில் இருக்கும் தீனாவிடம் காண்பித்து தீனாவிற்கு நெற்றியில் திருநீரு வைத்துவிட்டு .
அடுத்த அறையில் இருக்கும் சந்திரனுக்கும் திருநீறு நெற்றியில் இட்டு விட்டு ஆரத்தியும் காண்பித்தாள் .
பிறகு பரந்தாமனுக்கு தனது மகன் சுரேஷுக்கும் திருநீறை நெற்றியில் வைத்து விட்டு மீண்டும் பூஜை அறைக்கு வந்தாள் சாந்தி.
எனக்கு ரொம்ப சந்தோஷமா இருக்குது மாமா ...நின்றுபோன நம்முடைய விவசாயம் மறுபடியும் ஆரம்பமாகி விட்டது .
இதேபோல சந்திரனின் திருமணத்தையும் கூடிய சீக்கிரத்தில் ஆரம்பிக்க வேண்டும் மாமா ..என்று பண்ணையாரிடம் சொன்னால் சாந்தி.
எனக்கு கூட நம்பிக்கையே இல்லை. இவ்வளவு சீக்கிரத்தில் ஊர் மக்கள் வேலைக்கு வருவார்கள் என்று எல்லாம் என் நண்பன் முத்தையாவின் முயற்சியால்தான் நம்முடைய தோட்டம் மறுபடியும் பழைய நிலைமைக்கு வரப்போகுது. என் நண்பன் முத்தையாவை பொறுத்தவரை நம்முடைய தோட்டம் செழிப்பாக இருக்கவேண்டும் என்பதுதான் அவனுடைய குறிக்கோள் .
எனக்கு எப்படி ஊர் மக்கள் மீது அக்கறையோ அதேபோல அவனுக்கு நம்ம தோட்டத்தின் மீது அக்கறை. ஏனென்றால் ஆரம்ப காலத்திலிருந்தே அவனுக்கு நம்முடைய தோட்டத்தைதான் பெரிதாக நினைப்பான் விவசாயத்தில் எந்த ஒரு சின்ன பாதிப்பு ஏற்பட்டாலும் கூட அவனால் அதை பொறுத்துக் கொள்ள முடியாது .
அக்கம் பக்கத்தில் உள்ள ஊர்களில் நம்முடைய விவசாய தோட்டத்தைப் பற்றிதன் பெருமையாக பேசுவார்கள் ஆரம்பத்திலிருந்தே .
அதேபோல எந்த குறையும் இல்லாமல் இந்த தோட்டம் செழிப்பாக இருக்க வேண்டும் என்பதுதான் முத்தையாவின் குறிக்கோள் அவனுடைய யோசனைப்படிதான் இப்போது ஊர் மக்கள் பயமில்லாமல் வேலைக்கு வருகிறார்கள் எப்படியோ ஒவ்வொரு பிரச்சனையும் இதேபோல சரியாகி விட்டால் நன்றாக இருக்கும் என்று பண்ணையார் சொன்னார்.
நீங்க கவலையே படவேண்டாம் மாமா ..நமக்கு இனிமேல் நல்ல காலம் தான் என்று சாந்தி சந்தோஷமாக சொன்னாள்.
சரி சரி நேரமாச்சு இந்நேரம் என் நண்பனின் மகன் சங்கரும் ரேகாவும் இந்நேரம் பம்பு செட்டுக்கு வந்துவிட்டு இருப்பார்கள் இவனுங்க இன்னும் இங்கேயே இருக்கிறானுங்க .. உடனே சீக்கிரம் அனுப்பி வை என்று பண்ணையார் அவசரத்தோடு சொன்னார் சாந்தியிடம்.
பரந்தாமனும் சந்திரனும் தீனாவும் ஒரு புதிய உற்சாகத்தோடு தோட்டத்திற்கு மூவரும் வழக்கம் போல ஒரே பைக்கில் சென்றார்கள்.
பண்ணையார் தோட்டம்.. பம்பு செட்டின் அருகில் சங்கரும் ரேகாவும் வந்து நின்றார்கள்
கையில் துணிமணிகள் மற்றும் சிறிது பாத்திரங்களோடு இருவரும் பம்புசெட்டில் அருகில் நின்றார்கள். முதல் முறை பண்ணையார் தோட்டம் பம்பு செட்டுக்கு ரேகா வந்ததால்.
அப்போது ரேகா பம்பு செட்டின் சுற்றி இருக்கும் பலா மரம் தென்னை மரம் மற்றும் பெரிய கிணறு பண்ணையாரின் மனைவி படம் வைத்த பூஜையறை இவற்றையெல்லாம் ரேகா ரசித்தபடி இருந்தாள்🏠🏡🌋🏝️🌻🌱🌳......
பம்பு செட்டை பார்த்ததும்.. சங்கருக்கு கனகாவும்
ஊமையனும் சந்தோஷமாக இங்கு குடும்பம் நடத்தியதை நினைத்துப்பார்த்தான் சங்கர் கனகாவும் ஊமையனும் வயல் பகுதியில் இருவரும் ஓடிப் பிடித்து விளையாடி காதல் செய்ததையும் நினைத்துப்பார்த்தால் சங்கர் அதேசமயம் இதற்கு முன்னாடி காணாமல் போன அந்தப் பெரியவரின் மகனும் .மருமகளும் இவர்களைப் போலவே சந்தோஷமாக குடும்பம் நடத்தியதை நினைத்துப்பார்த்தான் சங்கர் அப்போது அவனுக்கு மனம் கவலைப்பட ஆரம்பித்தது
இப்படி இரண்டு குடும்பம் சந்தோஷமாக இங்கு குடும்பம் நடத்தி வந்தார்கள் எதனால் இந்த இரண்டு குடும்பம் திடீரென்று காணாமல் போனார்கள் என்ற விஷயம் இதுவரைக்கும் மர்மமாகவே இருக்கிறதே
அப்படி என்னதான் அவர்களுக்கு எங்கு பிரச்சனை ...
என்று மனதுக்குள் யோசித்தான் சங்கர்.
சங்கர் அமைதியாக எதுவும் பேசாமல் இருப்பதை பார்த்த ரேகாவுக்கு... மாமா தனியாக வந்து விட்டோம் என்று நினைத்து வருத்தப்படுகிறார் அதனால் தான் இப்படி மௌனமாக இருக்கிறார் என்று மனதில் நினைத்துக்கொண்டு சங்கரிடம் மெதுவாக பேச்சுக் கொடுத்தாள் ரேகா.
என்ன மாமா ...தாத்தாவை விட்டு பிரிந்து வந்து விட்டோம் என்று நினைத்து கவலையாக இருக்கிறதா என்றாள் ரேகா.
அப்படியெல்லாம் ஒன்றுமில்லை புள்ள . இந்த பம்புசெட்டை பார்த்ததும் இதுக்கு முன்னாடி இங்கே இருந்தவர்கள் சந்தோஷமாக குடும்பம் நடத்தி வந்ததை நினைத்து பார்த்தேன் பாவம் அவர்களுக்கு என்ன நடந்ததோ தெரியவில்லை திடீரென்று அவர்களின் வாழ்க்கையில் இப்படிப்பட்ட சோதனை வந்துவிட்டதே என்று நினைத்து மனசுக்கு கஷ்டமாக இருக்குது புள்ள என்று சங்கர் சொன்னான்.
நிச்சயம் அவங்களுக்கு எதுவும் நடந்திருக்காது மறுபடியும் அவங்க சந்தோஷமா இந்த ஊருக்கே வந்து வாழத்தான் போறாங்க அதனால நீங்க இப்போது அதை நினைத்து கவலைப்படாதீங்க என்று ரேகா சொல்லிக்கொண்டு இருக்கும்போது பரந்தாமனும் அவனது தம்பிகளும் சற்று தூரத்தில் 🏍️பைக்கில் வருவதை கவனித்தால் ரேகா.
வழக்கம்போல களத்துமெட்டில் பைக்கை நிறுத்திவிட்டு பரந்தாமனும் அவனது தம்பிகளும் சுறுசுறுப்பாக பம்பு செட்டை நோக்கி வந்தார்கள்.
சங்கரையும் ரேகா வையும் பார்த்து பரந்தாமன் தனது இரண்டு கைகளால் கும்பிட்டு பாசத்தோடு அவர்களுக்கு மரியாதை கொடுத்தான் சந்திரனும் தீனாவும் அவர்களும் இருககளால் கும்பிட்டு மரியாதை கொடுத்தார்கள்.
பதிலுக்கு சங்கரும் ரேகாவும் இருகைகளால் கும்பிட்டு மரியாதை கொடுத்தார்கள் அப்போது ரேகாவுக்கு பண்ணையாரின் மகன்களை பார்த்ததும் அவளுக்கு சற்று கூச்சமாக இருந்தது .
இதற்கு முன்னாடி அவள் இவர்களிடம் பேசியது கிடையாது அதனால் அவளுக்கு சற்று கூச்சத்தோடு நெளிந்தபடி நின்றாள் ரேகா.
சங்கர்... உன்னை நினைத்தால் எனக்கு ரொம்ப பெருமையாக இருக்கிறது . நீ இங்கு பம்புசெட்டில் தங்கி வேலை செய்ய மட்டும் வரவில்லை எங்கள் குடும்ப கவுரவத்தை காப்பாற்றுவதற்கு தான். நீ துணிச்சலோடு இங்கு வந்து இருக்கிறாய் உன்னை நினைத்து நான் பெருமைப்படுகிறேன்
உன்னால்தான் ஏன் குடும்பத்திலும் இந்த ஊருக்கும் நல்லது நடக்கப்போகிறது என்று பரந்தாமன் உண்மையான சந்தோசத்தில் பூரிப்போடு சொல்லிக்கொண்டே... சங்கரை கட்டி அணைத்துக் கொண்டான்.
ஐயா... இனிமேல் நான் இந்த விவசாய நிலங்களை பொறுப்போடு கவனித்து நம்முடைய பெருமையை காப்பாற்றுவேன் .என்று சங்கர் பரந்தாமனிடம் சொன்னான்.
உன் வார்த்தை பலிக்கட்டும் சங்கர் என்று சொல்லிவிட்டு தனது இடுப்பில் வைத்திருந்த பம்புசெட்டின்🌡️ சாவியை எடுத்து சங்கரிடம் கொடுத்தான் பரந்தாமன்.
நீ இங்கு வேலை செய்து வந்ததால் உனக்கு என்னென்ன வேலை செய்ய வேண்டும் என்பது உனக்கு நன்றாகவே தெரியும் நான் உனக்கு எதுவும் சொல்ல தேவையில்லை அதனால் நீ உன் விருப்பப்படி எங்கு சந்தோஷமாக உன்னுடைய வேலையை செய்யலாம்
உனக்கு எந்த உதவி தேவைப்பட்டாலும் செய்வதற்கு நாங்கள் தயாராக இருக்கிறோம் என்று பாசத்தோடு சங்கரை பார்த்து சொன்னான் பரந்தாமன்.
பிறகு வழக்கம்போல தம்பிகளை தோட்டத்தை சுற்றிப்பார்க்க சொல்லி அனுப்பி வைத்தான் பரந்தாமன் . பிறகு அவன் பம்புசெட்டில்🏠🏡 மற்றொரு அறையில் இருக்கும் தனது தாய் படத்தின் முன்பு நின்று வேண்டினான்.
அம்மா ...என் விருப்பத்தை நீ எப்படியாவது நிறைவேற்றி வைத்து விடுகிறாய் என்னை எந்த ஒரு கவலையும் இல்லாமல் பார்த்துக் கொள்கிறாய் நான் உன்னிடம் வேண்டியதை போலவே எனக்கு நீ எல்லாம் நன்மையும் எனக்கு அளித்து விட்டாய் அதேபோல நான் உன்னிடம் சொன்னது போல தம்பிகளையும் சந்தோசமாக பார்த்துக்கொள்வேன்.
அதேபோல இனிமேல் எல்லோரிடமும் பாசமாக பழகுவேன் ஏனென்றால்
இனிமேல் என் லட்சத்திற்கு எந்த ஒரு தடங்கலும் ஏற்படாது .
நான் நினைத்தபடியே இந்த அனைத்து நிலங்களையும் நானே அனுபவைப்பேன் இதில் கிடைக்கும் வருமானத்தையும் நானே அனுபவிப்பேன் இதில் இனிமேல் எந்த பிரச்சனையும் ஏற்படாது இதேபோல நிலைமையை எனக்கு நீ ஏற்படுத்தி கொடுத்துக் கொண்டே இருக்கணும் தாயே .
என்று பரந்தாமன் தனது தாய் படத்தின் முன்னால் மனதுக்குள் வேண்டிக் கொண்டான்.
பிறகு யாருக்கும் தெரியாமல் சேர்த்து வைத்திருக்கும் பணப்பெட்டியை பார்ப்பதற்கு மெதுவாக சென்று தாய் படத்தின் பின்னால் இருக்கும் பெரிய பணப்பெட்டியை மெதுவாக திறந்து பணம் சரியான அளவில் இருக்கிறதா என்று பார்த்துவிட்டு மெதுவாக பணப் பெட்டியை மூடி பூட்டை பூட்டி விட்டு கீழே இறங்கி வெளியே வருவதற்கு திரும்பினான் .................அப்போது அவன் மனம் இடி விழுந்ததை போல அதிர்ச்சி அடைந்து அப்படியே சிலை போல நின்று விட்டான்........ வாசலில் சங்கரும் ரேகாவும் நின்றிருப்பதை பார்த்து...
சங்கர் வந்த சில நிமிடத்தில் பரந்தாமன் மனம் இடி விழுந்ததை போல ஆனது
இனி வரப்போகும் நாட்கள் எப்படி அமைய போகிறது பரந்தாமனுக்கு... என்று
பொறுத்திருந்து பார்க்கலாம்.....
பம்புசெட்டில் இருக்கும் தனது தாய் படத்தின் பின்பக்கமாக ஒளித்து வைத்திருக்கும் பணப்பெட்டியை பரந்தாமன் சரி பார்த்து விட்டு வெளியே போவதற்கு திரும்பினான் அப்போது ரேகாவும் சங்கரும் வாசலில் நின்றிருப்பதை பார்த்து பரந்தாமனுக்கு அதிர்ச்சியாக இருந்தது .
அவனுக்கு என்ன செய்வது என்று தெரியாமல் ஒரு கணம் அப்படியே சிலைபோல நின்றான். இருவரும் நம் பணப்பெட்டியை சரி பார்த்ததை பார்த்துவிட்டார்கள் என்று நினைத்து அதிர்ந்து போனான்.
அப்போது பரந்தாமன் சங்கரையும் ரேகாவையும் கூர்ந்து கவனித்தான் அப்போது இருவரும் . கண்களை மூடியபடி வேண்டிக்கொண்டு இருந்தார்கள் இதை பார்த்ததும் பரந்தாமனுக்கு சற்று நிம்மதியாக இருந்தது . இருவரும் நம் பணப்பெட்டியை சரி பார்த்ததை கவனித்து இருக்க மாட்டார்கள் என்ற நம்பிக்கை அவனுக்கு ஏற்பட்டது .
சிறிது நேரத்தில் சங்கரும் ரேகாவும் கண்திறந்து பார்த்தார்கள் .
எதிரே பரந்தாமன் நின்று கொண்டிருந்தான்.
ஐயா ..இனிமேல் உங்கள் அம்மாதான் எங்களை இங்கு எந்த குறையும் இல்லாமல் பார்த்துக்கொள்ள வேண்டும் அதனால்தான் நாங்கள் இருவரும் உங்கள் அம்மாவை தெய்வமாக நினைத்து வேண்டிக் கொண்டோம் என்று சங்கர் பரந்தாமனிடம் சொல்லிவிட்டு கிளம்பினான்... மண்வெட்டியை எடுத்துக்கொண்டு ரேகாவை அழைத்துக்கொண்டு இருவரும் உற்சாகமாக விவசாய வேலையை ஆரம்பித்தார்கள்....
பரந்தாமன் பூஜை அறையில் இருந்து வெளியே வந்து வழக்கம்போல கிணற்றின் தடுப்பு சுவர் மீது அமர்ந்தபடி இருந்தான்.
சந்திரனும் தீனாவும் தோட்டத்தை சுற்றிப் பார்த்துவிட்டு பம்புசெட்டின் அருகில் வந்து நின்றார்கள் பரந்தாமனை பார்த்தபடி.....
தம்பி ..சங்கரும் ரேகாவும் நம்முடைய பம்புசெட்டில் தங்கி வேலை செய்வதற்காக வந்திருக்கிறார்கள் .
அவர்களை நாம் நல்லபடியாக பார்த்துக்கொள்ள வேண்டும் என்று பரந்தாமன் சந்திரன்னிடமும் தீணாவிடம் சொன்னான்.
நீங்கள் சொல்வது சரிதான் அண்ணா ....இந்த ஊரே பயந்து கொண்டிருக்கும் சமயத்தில் சங்கரும் ரேகாவும் துணிச்சலோடு இங்கு வேலை செய்ய வந்திருப்பது எங்களுக்கும் சந்தோஷம் தான். அவர்கள் நம்மிது நிறைய நம்பிக்கை வைத்திருக்கிறார்கள் அதேபோல நாமும் நேர்மையாக நடந்து கொள்ள வேண்டும் அண்ணா என்று சந்திரன் சொன்னான்.
ஆமாம் தம்பி ...இனிமேல் விவசாயத்தில் எந்த ஒரு குறையும் இருக்கக்கடாது என்று சொல்லிவிட்டு மூவரும் வீட்டுக்கு கிளம்பினார்கள்.
நாட்கள் நகர்ந்தது...
சங்கரும் ரேகாவும் சிறப்பான முறையில் பண்ணையார் தோட்டத்தில் வேலையை செய்து வந்தார்கள் ... ஊர் மக்களும் மெல்ல மெல்ல பயம் தெளிந்து சந்தோஷமாக பண்ணையார் தோட்டத்தில் வேலை செய்து வந்தார்கள் ரேகாவும் நினைக்கும் போதெல்லாம் ஊருக்குள் வந்து தன்னுடைய அம்மாவையும் தாத்தாவையும் பார்த்துவிட்டு செல்வது வழக்கமானது.....
பரந்தாமன் தனது வீட்டு மொட்டை மாடியில் சந்தோஷமாக யோசித்தபடி இருந்தான் .
அப்போது சந்திரனின் மாமனார் மாமியாரும் வருவதை கவனித்தான் பரந்தாமன்.
திருமணத்தை தான் அப்பா நிறுத்தி விட்டாரே .
காணாமல் போனவர்கள் கிடைக்கும் வரை திருமணத்தை நடத்தப் போவதில்லை என்று உறுதியோடு சொல்லிவிட்டார் அப்பா .
பிறகு எதற்காக சந்திரனின் மாமனாரும் மாமியாரும் வருகிறார்கள் என்று யோசித்துக்கொண்டே சற்று பதட்டமாய் கீழே இறங்கி வந்தான் பரந்தாமன்.
வாங்க வாங்க என்று பண்ணையார் சந்திரனின் மாமனார் மாமியாரை வரவேற்றார் ... சாந்தியும் அவர்களுக்கு குடிப்பதற்கு தண்ணீர் எடுத்து வந்து கொடுத்தாள் .
பிறகு வீட்டின் மையப்பகுதியில் அமர்ந்தார்கள் . அப்போது பரந்தாமனும் வந்து நின்றான்.
என் வார்த்தையை மதித்து நீங்கள் இவ்வளவு நாட்கள் காத்திருந்தது நீங்கள் என் மீது உள்ள மதிப்பை காட்டுகிறது . அதேசமயம் நானும் உங்களை ரொம்பவே சிரமத்திற்கு ஆளாகி விட்டேன் .
என்ன செய்வது என் தோட்டத்தில் இரண்டு குடும்பத்தை தொலைத்துவிட்டு இருக்கேன்
இந்த நிலைமையில் என் மகனுக்கு திருமணம் செய்வதற்கு என் மனம் இடம் கொடுக்கவில்லை .
அதனால் தான் திருமணத்தை தள்ளி வைத்தேன் .
ஆனால் இப்போது எல்லாமே கைகூடி வருகிறது இன்னும் கூடிய சீக்கிரத்தில் சந்திரனின் திருமண வேலையும் ஆரம்பித்துவிடலாம் என்று சந்திரனின் மாமனார் இடமும் மாமியாரிடமும் பண்ணையார் சொன்னார்.
உங்கள் விருப்பப்படியே செய்யுங்கள் எங்களுக்கு மாப்பிள்ளையை ரொம்பவே பிடிச்சுப் போச்சு அதைவிட உங்கள் குடும்பமும் எங்களுக்கு ரொம்பவே பிடிச்சுப் போச்சு நீங்கள் இந்த ஊர் மக்களோடு ஒற்றுமையாக இருப்பதை பார்த்து எங்களுக்கு பெருமையாக இருக்கிறது .
ஊர் மக்கள் மீது இந்த அளவுக்கு பாசம் வைத்திருக்கிறார்கள் அதேபோல இந்த வீட்டு மருமகளாக வரப்போகும் என்னுடைய மகளுக்கும் இந்த குடும்பத்தில் நல்ல மரியாதை இருக்கும் இருந்தாலும் நீங்க திருமணத்தை தள்ளிப் போட்டது எங்களுக்கு மனசு கொஞ்சம் வருத்தமாகத்தான் இருந்தது ..
இருந்தாலும் பரவாயில்லை நல்லதுக்காக காத்திருப்பதில் தவறு இல்லை என்று சந்திரனின் வருங்கால மாமனார் சொன்னார்.
என் மருமகள் தான் உங்களை அழைத்து முறைப்படி தகவலை சொல்லணும்னு என்று சொன்னால் அதனாலதான் உங்களை இன்னைக்கு வரச் சொன்னேன் என்றார் பண்ணையார்.
அப்போது சந்திரனும் தீனாவும் தனது அறையிலிருந்து வந்து பார்த்தார்கள். அப்போது புன்னகை சிரிப்போடு தனது வருங்கால மாமனாரையும் மாமியாரையும் பார்த்து சந்திரன் சிரித்தான்.
எப்ப வந்தீங்க மாமா ..அத்தை .. என்று சந்திரன் கேட்டான்.
கொஞ்ச நேரம்தான் ஆனது மாப்பிள்ளை என்று சொன்னார்.
பரந்தாமனுக்கு எரிச்சலாக இருந்தது .
இதோடு திருமணம் நடக்காது என்று நினைத்தாள் . இப்படி மீண்டும் திருமண வேலை ஆரம்பமாகும் போல் தெரிகிறதே என்று நினைத்து கோபத்தோடு நின்றிருந்தான் பரந்தாமன்.
பண்ணையார் சந்தோஷமாக எழுந்து நின்று சொன்னார்.
இன்னும் கொஞ்ச நாளில் திருமண வேலையை ஆரம்பித்துவிடலாம் நீங்கள் ஒன்றும் கவலைப்பட வேண்டாம் .
கூடிய சீக்கிரத்தில் என் சின்ன மருமகள் இந்த வீட்டிற்கு வந்து விடுவாள் இதை முறைப்படி உங்களிடம் சொல்ல வேண்டும் அதுதானே முறை என்று பண்ணையார் சொன்னார்.
எங்களுக்கு இப்போது தான் ரொம்ப சந்தோசமாக இருக்கு
இந்த விஷயத்தை சொன்னாள் என் மகள் ரொம்பவே சந்தோசப் படுவாள் என்று சொல்லி சிரித்தார் சந்திரனின் மாமியார்.
நீங்கள் இருவரும் கட்டாயம் சாப்பிட்டுட்டு தான் போகணும்.
கண்டிப்பா நம்ம வீட்டில சாப்பிடறதுக்கு எங்களுக்கு எந்த தயக்கமும் இல்லை என்று சிரித்தபடி சொல்லிக்கொண்டே சாப்பிடுவதற்கு புறப்பட்டார்கள் சாந்தியும் அவர்களை அன்போடு அழைத்துச் சென்று உணவு பரிமாறினாள்.
சந்திரன் தீனா பரந்தாமன் மூவரும் சிரித்தபடி நின்றிருந்தார்கள் பரந்தாமன் மட்டும் சந்தோஷமாக இருப்பதை போல நடித்துக்கொண்டே. தனது அப்பாவிடம் கேட்டான்.
காணாமல் போனவர்கள் கிடைக்கும் வரை திருமணம் நடத்தப் போவதில்லை என்று சொன்னிங்களே அப்பா
இப்போது திருமணத்தை நடத்துவதற்கு என்ன காரணம் அப்பா ..என்று பரந்தாமன் கேட்டான்.
இப்போதும் சொல்கிறேன் காணாமல் போனவர்கள் கிடைக்கும் வரை சந்திரன் திருமணம் நடக்காது.. என்றார் பண்ணையார்.
பரந்தாமனுக்கு ஒரே குழப்பமாக இருந்தது திருமண வேலையும் ஆரம்பிக்கிறார் .
காணாமல் போனவர்கள் கிடைக்கும் வரை திருமணம் நடக்காது என்றும் சொல்கிறார்
ஒரே குழப்பமாக இருக்கிறதே என்று பரந்தாமன் யோசித்தான்.
சந்திரனுக்கு தனது அப்பாவின் பேச்சு அதிர்ச்சியாக இருந்தது அப்பா நமக்கு திருமணம் நடத்தப் போகிறார் என்ற சந்தோஷத்தில் இருந்த சந்திரன் .
காணாமல் போனவர்கள் கிடைக்கும் வரை திருமணம் நடக்காது என்று சொன்னதும் அவன் மனம் கவலையில் அழ்ந்தது.
நான் சொல்வது உங்களுக்கு புரியாது ..
சந்திரனின் மாமனாரும் மாமியாரும் சாப்பிட்டுவிட்டு போகட்டும் பிறகு நான் என்னுடைய திட்டத்தை உங்களிடம் சொல்கிறேன் காணாமல் போனவர்களை எப்படி கண்டுபிடிப்பது என்பதை பற்றி என்று சொல்லிவிட்டு பண்ணையார் அமைதியாக உட்கார்ந்துகொண்டார்.
பரந்தாமனுக்கு சற்று ஆறுதலாக இருந்தது. காணாமல் போனவர்கள் கிடைத்தால்தான் திருமணம் என்று அப்பா சொன்னதை நினைத்து சற்று சந்தோஷமாக இருந்தான் பரந்தாமன்.
சாப்பிட்டு முடித்தவுடன்..இங்கு வந்ததில் எங்களுக்கு ரொம்ப சந்தோஷம் நாங்கள் கிளம்புகிறோம் என்று சொல்லிவிட்டு .
சந்தோஷமாக கிளம்பினார்கள் சந்திரனின் மாமியார் மாமனாரும்.
சாந்தி இருவரையும் சந்தோஷமாக வழி அனுப்பி வைத்துவிட்டு . வாங்க நாம எல்லோரும் சாப்பிடலாம் என்று அழைத்தாள்.
சாப்பிடுவதற்கு முன்னாடி நம்ம எல்லோரும் ஒரு முக்கியமான விஷயத்தை பற்றி பேசலாமா என்று பண்ணையார் சாந்தியிடம் சொன்னார்.
சரி மாமா என்று சொல்லிவிட்டு சாந்தியும் அமர்ந்தால் .
வீட்டின் மையப்பகுதியில் பண்ணையார் சாந்தி பரந்தாமன் சந்திரன் தீனா இப்படி குடும்பத்தோடு அமர்ந்து பேசினார்கள்.
காணாமல் போனவர்களை கண்டுபிடிப்பதற்கு நான் ஒரு திட்டம் வைத்திருக்கிறேன்.
என்று ஏற்கனவே உங்களிடம் சொல்லியிருந்தேன்
அதைப் பற்றி தான் இப்போது முடிவு செய்யணும் என்று பண்ணையார் சொன்னார்.
உங்களுடைய திட்டத்தை நீங்க சொல்லுங்க மாமா அது எப்படிப்பட்ட திட்டம் என்று பார்க்கலாம்
என்று ஆர்வத்தோடு சாந்தி சொன்னாள்.
என் நண்பனின் மகன் சங்கரை பற்றி நீங்கள் என்ன நினைக்கிறார்கள் என்று பரந்தாமனை பார்த்து கேட்டார் பண்ணையார்.
சங்கர் ரொம்ப நல்லவன் ..அதுவும் தைரியசாலி துணிச்சலானவன் அவனால்தான் நம்முடைய தோட்டம் செழிப்பாக மாறிவிட்டது அதேசமயம் அவன் ஒரு விஷயத்தில் இறங்கினாள் அதை முடிக்காமல் விடமாட்டான் .
என்று சங்கரை பற்றி பெருமையாக சொன்னான் பரந்தாமன்.
நான் நெனச்சதை போலவே நீயும் சொல்லிட்ட. அதனால் தான் அடுத்த வாரத்திலிருந்து சங்கரை காணாமல் போனவர்களை தேடுவதற்கு அனுப்பலாம் என்று முடிவு செய்திருக்கேன் இதைப்பற்றி நீங்கள் என்ன நினைக்கிறீர்கள் என்றால் பண்ணையார்.
பரந்தாமனுக்கும் .சந்திரன் தீனாவுக்கும் இடி விழுந்ததைப் போல ஆடிப் போனார்கள் .
அப்பா இப்படி ஒரு திட்டத்தை போட்டு விட்டாரே என்று நினைத்து என்ன செய்வது என்று தெரியாமல் பயத்தில் முகத்தை இயல்பாக மாற்றிக்கொண்டு நின்றார்கள்.
மாமா.. உங்களுடைய யோசனை ரொம்பவே நல்லா இருக்கு
நிச்சயம் சங்கர் காணாமல் போனவர்களை எப்படியாவது கண்டுபிடித்து விடுவார் என்ற நம்பிக்கை எனக்கு நிறையவே இருக்கு மாமா .
உங்களுடைய யோசனை எனக்கு சரியாகவே படுகிறது என்று சாந்தி சொன்னாள் பண்ணையாரை பார்த்து.
உனக்கு இதில் விருப்பம் தானே பரந்தாமா என்றார் பண்ணையார்.
நீ ..நீ ,.நீங்க சொல்வது சரியாதான் இருக்கு அப்பா ஆனால் விவசாய வேலை பாதிக்குமே என்று சொல்லி தனது அப்பாவின் திட்டத்தை திசைதிருப்ப முயற்சி செய்தான் பரந்தாமன்.
நீ சொல்வதும் சரிதான் பரந்தாமா சங்கர் காணாமல் போனவர்களை தேடப் போனால் . விவசாய வேலை பாதிக்கும் அதனால் என்ன செய்யலாம் நீயே ஒரு யோசனை சொல் பரந்தாமா.
வழக்கம்போல நாங்கள் மூவரும் காணாமல் போனவர்களை தேடுவதற்கு வாரத்தில் நான்கு நாட்கள் எடுத்துக் கொள்கிறோம் இதற்கு முன்னாடி வாரத்தில் இரண்டு நாட்கள் தேடினோம் ஆனால் அவர்கள் எங்களிடம் கிடைக்கவில்லை .
அதனால் இந்த முறை வாரத்தில் நான்கு நாட்கள் தேடுகிறோம் நிச்சயம் அவர்கள் எங்களிடம் கிடைப்பார்கள். என்று பரந்தாமன் சொன்னான்.
நீங்கள் சரியாக தேடவில்லை என்பதற்காக நான் சங்கரை தேட சொல்லவில்லை .
உங்களுடைய அனுபவம் வேறு சங்கரின் அனுபவம் வேற
அதனால் தான் நான் சங்கரை தேடுவதற்கு அனுப்பலாம் என்று திட்டம் போட்டேன். மற்றபடி உங்கள் மீது எனக்கு எந்த குறையும் இல்லை என்றார் பண்ணையார்.
சங்கர் இல்லையென்றால் விவசாய வேலைகள் மறுபடியும் நின்று போகும். அதனால் யோசித்து முடிவு செய்ய வேண்டும் அப்பா என்று சந்திரனும் மறுப்பு சொல்வதைப்போல சொன்னான்.
எதுக்கு ...எல்லோரும் விவசாய வேலை நின்று போகும் என்று கவலைப்படுகிறிர்கள்... காலையிலிருந்து மதியம்வரை விவசாய வேலையை சங்கர் பார்க்கட்டும் . பிறகு காணாமல் போனவர்களை தேடுவதற்கு செல்லட்டும் தினமும் இப்படி செய்தாள் விவசாயமும் நடக்கும் காணாமல் போனவர்களும் சீக்கிரத்தில் கிடைத்து விடுவார்கள் என்று சாந்தி சொன்னாள்.
நீ சொல்வதும் சரியாதான் இருக்கு அப்படியே செய்யலாம் நாளைக்கே சங்கரை வீட்டுக்கு வர சொல்லுங்கள் இதைப்பற்றி அவனிடம் கேட்கலாம்
அவன் சம்மதித்தால் உடனே அடுத்த வாரத்தில் இருந்து காணாமல்போனவர்களை தேடுவதற்கு சங்கரை அனுப்பலாம் என்று பண்ணையார் சொன்னார்.
பரந்தாமனுக்கு சாந்தி மேல் கோபம் ஏற்பட்டது . தேவையில்லாமல் எதையாவது சொல்லி நம்மை சிக்கலில் மாட்டீ விடுவதற்கே பேசுறாள் என்று நினைத்து எரிச்சலோடு என்ன சொல்வது என்று தெரியாமல் மௌனமாக இருந்தான்.
சந்திரனும் தீனாவும் உங்கள் விருப்பப்படியே செய்யுங்கள் அப்பா என்று சொன்னார்கள் .
பரந்தாமனும் முகத்தை இயல்பாக வைத்துக்கொண்டு தலையாட்டினான்...
சங்கரும் ரேகாவும் சந்தோஷமாக விவசாய வேலையை பார்த்துக்கொண்டு இருவரும் காதலர்கள் போல பேசிக்கொண்டும் சேற்றில் இறங்கி இருவரும் கபடி ஆடிக்கொண்டும் சந்தோஷமாக பண்ணையார் தோட்டத்தில் வேலை பார்த்தார்கள்.
இரவு நேரம் ஆனது...
சங்கரின் மார்பின்மீது படுத்தபடியே பேசினால் ரேகா.
மாமா பண்ணையாரின் மகன்களைப் பற்றி என்ன நினைக்கிறீங்க நீங்க என்று ரேகா கேட்டாள்.
ரொம்ப தங்கமான குணம் கொண்டவர்கள் .
பண்ணையார் போலவே இவர்களும் ரொம்ப நல்லவர்கள் நம்ம இங்கு வேலைக்கு வந்த நாள் முதல் நம்மிடம் பாசமாக நடந்துகொள்கிறார்கள் .
இதுக்கு மேல என்ன வேணும் என்று சங்கர் சொன்னான்.
எனக்கும் அப்படிதான் தோணுது ஆனால் பண்ணையாரின் பெரிய மகன் பரந்தாமன் அவர் மீது தான் எனக்கு கொஞ்சம் பயமாக இருக்கிறது மாமா...
என்ன புள்ள அவரைப்பார்த்து பயப்படுற ..பார்ப்பதற்குத்தான் அவர். ஆல் கம்பீரமாக இருப்பாரு ஆனால் அவர் குணம் குழந்தை மாதிரி..
அவரை பார்த்து பயப்படவில்லை மாமா ...அவரு பக்கத்து அறையில் இருக்கும் அவங்க அம்மா படத்தின் பின்னாடி எதையோ மறைச்சு வச்சு இருக்காரு மாமா...
இங்கு வரும்போதெல்லாம் சுற்றும் முற்றும் பார்த்துவிட்டு அவங்க அம்மா படத்தின் பின்னாடி எதையோ மறைத்து வச்சிருக்காரு என்று தெரியுது மாமா ...
நான் அடிக்கடி அவரை மறைந்திருந்து கவனிச்சேன் அவரும் யாரும் இல்லாத சமயத்தில் தான் அவங்க அம்மா அப்படத்தின் பின்னாடி எதையோ மறைத்து வைத்துவிட்டு . அது சரியாக இருக்கிறதா என்பது போல பார்த்துவிட்டு போறாது மாமா என்றாள் ரேகா.
அப்படியா... வா பார்ப்போம் என்று சங்கர் எழுந்திரிக்க முயற்சித்தான்.
வேண்டாம் மாமா ...எனக்கு பயமாக இருக்கிறது
எதுவாக இருந்தாலும் காலையில் பார்க்கலாம் என்று ரேகா சொன்னாள்.
இந்த இடத்தில நம்ம கொஞ்சம் உஷாராகவே இருக்கணும் புல்லா யாரையுமே நம்ப கூடாது
ஏன்னா ...இதுக்கு முன்னாடி இங்கே இருந்தவங்க இப்படிதான் நம்மைப்போலவே சந்தோஷமா இருந்தாங்க .ஆனால் திடீரென்று தான் அவங்களுக்கு பிரச்சனை ஏற்பட்டு இருக்கும் .
அதனால் தான் இரண்டு குடும்பமே திடீரென்று காணாமல் போனார்கள் அதனால் கவனமா இருக்கணும் என்று சங்கர் சொன்னான்.
நம்மா முதல் முதல்ல இங்கு வேலைக்கு வந்தோமே அன்னைக்கே அவங்க அம்மா படத்தின் முன்னாடி நின்று நம்ம வேண்டிக் கொண்டோம் .
நமக்கு முன்னாடி பரந்தாமன் ஐயா நின்று வேண்டிக் கொண்டிருந்தார் அப்போது சீக்கிரமாகவே வேண்டி முடித்துவிட்டு கண் திறந்து பார்த்தேன் நான் அப்போதுதான் அவர் படத்தின் பின்னாடி ஏதோ யாருக்கும் தெரியாமல் மறைச்சு வச்சு இருக்காரு .
நம்மை பார்த்ததும் அவர் பயந்து விட்டார் . உடனே அவருக்கு கைகள் நடுங்கியது நான் பார்த்தேன் . உடனே நானும் கண்களை மூடிக்கொண்டேன் பிறகு நீ பேசியதும்தான் நான் கண் திறந்தேன் நம்ம அவரை கவனிக்கவில்லை என்று நினைத்து கொண்டார். இதைப்பற்றி நான் அன்னைக்கே சொல்லி இருப்பேன் ஆனால் என் மனசுக்கு சங்கடமாக இருந்தது வந்த முதல் நாளிலே அவர்களைப் பற்றி குறை சொல்லனுமா என்று நினைத்துதான் நான் உன்னிடம் எதுவும் சொல்லவில்லை மாமா ஆனால் அவர் அடிக்கடி இப்படி அந்த அறையில் சென்று இதுபோல பார்ப்பது . எனக்கு ஏதோ அந்த இடத்தில் ஒரு ரகசியம் இருப்பது போல தெரியுது மாமா... என்று ரேகா சற்று பயத்தோடு சொன்னாள்.
சரி புள்ள ...பொழுது விடிந்ததும் நம்ம அந்த படத்துக்கு பின்னாடி என்னதான் இருக்குதுன்னு பார்க்கலாம் என்று சொல்லிவிட்டு இருவரும் தூங்கினார்கள்.
பொழுது விடிந்தால் தெரியும் யாருக்கு பிரச்சனை ஆரம்பமாகப் போகிறது என்று....
சங்கருக்கு சரியாக தூங்காமல் ரேகா சொன்னதையே நினைத்து யோசித்துக் கொண்டே இருந்தான் . பொழுது விடிந்ததும் முதல் வேலையாக பக்கத்து அறையில் என்னதான் மறைத்து வைத்திருக்கிறார் பரந்தாமன் என்பதை தெரிந்து கொள்ள வேண்டும் என்றும் யோசித்து கொண்டேன் தூங்க ஆரம்பித்தான்..
சிறிது நேரத்தில் பொழுது விடிந்தது...🌄
சங்கரும் ரேகாவும் எழுந்தவுடன் பக்கத்து அறையில் 🏠🏡 என்னதான் இருக்கிறது என்பதை தெரிந்துகொள்ள இருவரும் சென்றார்கள்.
ஏ புள்ள... நான் உள்ளே சென்று பண்ணையாரின் மனைவி படத்தின் பின்னால் என்னதான் இருக்கு என்று பார்க்கிறேன்.
நீ யாராவது வராங்களா என்று பாரு என்று சொல்லிவிட்டு சங்கர் உள்ளே சென்றான்.
மாமா.. சீக்கிரமா பார்த்துட்டு வாங்க . நம்ம ஊர் ஆடுங்க வேலைக்கு வர நேரம்.. அதனால சீக்கிரமா பார்த்துட்டு வந்துரு மாமா என்று ரேகா சங்கரிடம் சொன்னாள்.
சங்கர் பண்ணையாரின் மனைவி படத்தை நன்றாக கூர்ந்து கவனித்தான் . அந்த படம் ஒரு மேடை மேலே இருப்பதை போல அலங்கரித்து இருந்தது..
பிறகு மெதுவாக ஒரு படி ஏறி படத்தின் பின்பக்கமாக பார்த்தான்.
அப்போது 2 பூட்டு ...பூட்டிய படி தொங்கிக்கொண்டிருந்தது சங்கருக்கு இதை பார்த்ததும் ஆச்சரியமாக இருந்தது முன்பக்கமாக பார்த்தால் சிறிய மேடை போல தெரிகிறது பின்பக்கமாக பார்த்தாள் ஒரு பெரிய பெட்டி போல தெரிகிறது இந்தப் பெட்டிக்குள் என்ன இருக்கும் . எதுக்காக இந்தப் பெட்டிக்கு பின்பக்கமாக பூட்டியிருக்கிறார்கள் .
இது பண்ணையாருக்கு தெரியுமா இல்லை பரந்தாமனுக்கு மட்டும் தெரியுமா என்று யோசித்தான் சங்கர் .
பிறகு அந்தப் பெட்டியை மெதுவாக தட்டிப் பார்த்தான் அப்போது பெட்டியின் சத்தம் கனமாக ஒலித்தது .
பிறகு இன்னொரு இடத்திலும் தட்டிப் பார்த்தான் அங்கேயும் கனமான சத்தம் ஒலித்தது சங்கருக்கு ஒரு விஷயம் நன்றாக புரிந்தது பெட்டியில் ஏதோ நிரம்பியிருக்கிறது ஆனால் அது என்னவென்று தான் தெரியவில்லையே என்று சங்கர் சந்தேகத்தோடு அந்தப் பெட்டியை பார்த்தான் .
அப்போது ஒரு சின்ன துளை தெரிந்தது அந்த பெட்டியில் அந்தத் துளை வழியாக முகர்ந்து பார்த்தான் சங்கர் .
அப்போதும் அவனுக்கு எந்த ஒரு வாசனையும் அவனுக்கு வரவில்லை பிறகு மெதுவாக இறங்கி வெளியே வந்துவிட்டான் சங்கர்..
என்ன மாமா... ஏதாவது தெரிஞ்சதா அந்தப்படத்தின் பின்னாடி என்ன இருக்கிறது மாமா என்று பரபரப்போடு ரேகா ஓடிவந்து கேட்டாள்.
நீ சந்தேகப்பட்டது உண்மைதான் புள்ள .. படத்தின் பின்னாடி எதையோ மறைத்து வச்சிருக்காங்க அதை பூட்டு போட்டு வச்சிருக்காங்க.
அதனால என்னால் திறந்து பார்க்க முடியவில்லை
ஆனால் அந்த பெட்டிக்குள்ள ஏதோ இருக்குது .
நான் தட்டிப் பார்த்ததில் கனமான சத்தம் கேட்டது புள்ள என்று சங்கர் சற்று யோசித்த படியே சொன்னான்.
இதைப்பற்றி உடனே பண்ணையாரிடம் சொல்லிவிடலாம் மாமா எனக்கு ரொம்ப பயமா இருக்கு என்றாள் ரேகா..
அவசரப்படாதே புள்ள இதெல்லாம் பெரிய இடத்து விவகாரம் . நம்ம ஏதாவது நினைச்சு பண்ணையாரிடம் சொன்னபிறகு அது ஒருவேளை அவங்க குடும்ப விஷயமாக இருந்தால் நம்மை பற்றி தவறாக நினைப்பார்கள் அதனால் இந்த விஷயத்தில் கொஞ்சம் பொறுமையாக தான் இருக்க வேண்டும் என்றான் சங்கர்.
அப்படின்னா காணாமல் போனவர்களுக்கும்.
பெட்டியில் மறைத்து வைத்திருக்கும் பொருளுக்கும் எந்த சம்பந்தமும் இல்லையா மாமா என்றாள் ரேகா..
அந்தப் பெட்டியில் இருப்பது ஏதோ பொருளாகத்தான் இருக்கணும் . ஏனென்றால் நான் அந்த பெட்டியின் அருகில் நன்றாக முகர்ந்து பார்த்தேன் அப்போது எனக்கு எந்த வாசனையும் தெரியவில்லை அதனால் நம்ம அவசரப்படக்கூடாது தேவையில்லாமல் அவர்கள் மீது நம்ம சந்தேகப்படக்கூடாது ஏனென்றால் அவர்கள் நம்ம ஊரையே காப்பாற்றுகிறார்கள் அவர்கள் மீது தேவையில்லாமல் சந்தேகப்பட்டு எதையாவது பண்ணையாரிடம் சொல்லிவிட்டால் . பிறகு நமக்கு மதிப்பு இருக்காது அதனால் நம்மா கொஞ்சம் நிதானமாகத்தான் அவங்க நடவடிக்கையை கண்டுபிடிக்கணும் என்று சங்கர் ரேகாவிடம் சொல்லி விட்டு இருவரும் விவசாய வேலையை செய்வதற்கு கிளம்பினார்கள்.
💒அம்மாடி இன்னைக்கு என் நண்பனோட மகனும் அவனுடைய மனைவியும் வரப்போறாங்க அதனால அவங்களுக்கு விருந்து தடபுடலாக இருக்கணுமா என்று உரிமையோடு பண்ணையார் சொன்னார். சாந்தியிடம்..
திருமணமாகி முதன்முதலா நம்ம வீட்டுக்கு வராங்க அவங்களுக்கு என்ன மாதிரியான சாப்பாடு கொடுக்கணும்னு எனக்குத் தெரியும் மாமா என்று சிரித்துக்கொண்டே சாந்தி சொன்னாள்.
சரி மா இவனுங்க மூணு பேரும் கிளம்பிட்டனுங்களா தோட்டத்திற்கு..
இன்னும் கொஞ்ச நேரத்துல கிளம்பிடுவாங்க மூணு பேரும் டிபன் சாப்பிடறாங்க மாமா என்று சாந்தி சொன்னாள்.
பரந்தாமனும். சந்திரன் தீனாவும் டிபன் சாப்பிட்டு விட்டு கைகளை தனது வேட்டியால் துடைத்துக்கொண்டே வந்தார்கள் முகத்தில் எந்த ஒரு உற்சாகமும் இல்லாமல்.
அப்பா நாங்கள் தோட்டத்திற்கு கிளம்புகிறோம் என்று பொறுமையாக பரந்தாமன் சொல்லி விட்டு கிளம்பினார்கள்.
அம்மாடி உங்க வீட்டுக்காரன் முகம் கலையவே இல்லையே.. என் மீது கோபத்தில் இருக்கானா ஒன்றும் புரியவில்லையே என்று பண்ணையார் சாந்தியிடம் சொன்னார்.
அப்படித்தான் தெரியுது மாமா.. மூணு பேரும் முகத்திலும் எந்த ஒரு சந்தோஷமம் தெரியவில்லை காணாமல் போனவர்களை நம்ம சரியாக தேடவில்லை அதனால்தான் அப்பா சங்கரிடம் அந்த பொறுப்பை கொடுக்கிறார் என்று நினைத்து மூன்று பேரும் கவலையில் இருக்காங்க என்று நான் நினைக்கிறேன் மாமா..
எனக்கும் அப்படி தான் தெரியுது இருந்தாலும் நீ கொஞ்சம் பரந்தாமனிடம் எடுத்து சொல்லுமா... எனக்கு என் மகன்கள் மீது எந்த குறையும் நான் பார்க்கவில்லை .
நீதான் உன் கணவனிடம் எடுத்துச் சொல்லி அவனுக்கு புரிய வைக்க வேண்டும் என்று பண்ணையார் சொன்னார்.
இதுக்கெல்லாம் கவலைப்படாதீங்க மாமா ...
நீங்க முடிவு செஞ்சு இருப்பது யாருக்கு பிடிச்சிருக்கோ இல்லையோ எனக்கு ரொம்பவே பிடிச்சிருக்கு நிச்சயம் சங்கர் காணாமல் போனவர்களை கண்டுபிடித்து இந்த ஊருக்கும் நம் குடும்பத்திற்கும் நிம்மதியை தரத்தான் போகிறார் அதனால் நீங்க தேவையில்லாமல் உங்கள் பிள்ளைகளை பார்த்து வருத்தப்படாதீங்க காணாமல் போனவர்கள் கிடைத்தால் உங்க பிள்ளைகளுக்கும் சந்தோஷம் தானே.. என்று சாந்தி சொன்னாள்.
நீ சொல்லும் போது மனசுக்கு ரொம்ப சந்தோஷமா இருக்கு உண்மையிலேயே
இது நடந்தாள் எனக்கு எவ்வளவு சந்தோஷமா இருக்கும் தெரியுமா என்று பண்ணையார் சொல்லிக்கொண்டே ஆனந்தமாய் சிரித்தார்..
வழக்கம்போல களத்துமேட்டில் பைக்கை நிறுத்திவிட்டு பரந்தாமன் சந்திரன் தீனா மூவரும் பம்புசெட்டை நோக்கி நடந்து சென்றார்கள்.
மூவரும் பம்பு செட்டின் கதவை பார்த்தார்கள் .. கதவு சாத்தி இருந்தது சங்கரும் ரேகாவும் வேலை செய்வதற்காக போயிருப்பார்கள் என்று நினைத்துக் கொண்டு மூவரும் கிணற்றின் தடுப்பு சுவர் மீது அமர்ந்தார்கள்.
அப்பா இப்படி ஒரு முடிவு செய்வார் என்று கொஞ்சம் கூட நான் நினைக்கவில்லை அண்ணா ..என்று சந்திரன் பரந்தாமனிடம் சோகத்தோடு சொன்னான்.
நானும்தான் தம்பி ...
உன் திருமணம் நடக்கப்போகிறது என்று நினைத்து சந்தோஷமாக இருந்தேன் . ஆனால் அப்பா காணாமல் போனவர்களை தேடுவதற்கு சங்கர்தன் பொருத்தமான ஆளு என்று சொன்னதும் எனக்கு ரொம்பவே மனம் கஷ்டம்மா ஆயிடுச்சு தம்பி.
இப்போ நம்ம என்ன செய்யறது அண்ணா..
நம்ம என்ன செய்ய முடியும் தம்பி எவ்வளவோ சொல்லிப் பார்த்தேன் அப்பாவிடம் உங்களுக்கே தெரியும் காணாமல் போனவர்களை நாங்களே தேடி கண்டுபிடிக்கிறோம் என்று சொன்னேன் ..
உங்க அண்ணியும் அப்பாவும் சங்கர்தான் பொருத்தமான ஆளு என்பதுபோல பேசுறாங்க ..
நம்ம தப்பிக்க எனக்கு தெரிஞ்ச வரைக்கும் எந்த வழியும் கிடையாது . இனிமேல் நமக்கு இறங்கு முகம் தான் என்று வருத்தத்தோடு தரையைப் பார்த்தபடி பரந்தாமன் சொன்னான்.
ரெண்டு பேருமே கவலைப்பட வேண்டாம் அண்ணா..
சங்கரால் காணாமல் போனவர்களை கண்டுபிடிக்க முடியாது . அவர்கள் எங்கேயோ தூரத்தில் ஓடி விட்டு இருப்பார்கள் அதனால் நீங்கள் தேவையில்லாமல் கவலைப் படாதீங்க அண்ணா... இன்னும் கொஞ்ச நாளில் சந்திரன் அண்ணன் திருமணம் நடக்கப் போகுது. இந்த நேரத்தில் நீங்கள் தேவையில்லாமல் வருத்தப்படாதீங்க அண்ணா என்று தீனா சொன்னான்.
முட்டாள்தனமா பேசாதே தம்பி அப்பா காணாமல் போனவர்கள் கிடைத்தால்தான் திருமணம் என்பதில் உறுதியாக இருக்கிறார் இப்போது திருமண வேலையை ஆரம்பிப்பதில் மும்முரமாக இருக்கிறார்... எதனால்... காணாமல் போனவர்களை சங்கர் கண்டுபிடித்துவிடுவான் என்ற நம்பிக்கையில்தான் திருமண வேலையை ஆரம்பித்திருக்கிறார் ஒரு வேளை நீ சொல்வதைப் போலவே சங்கர் காணாமல் போனவர்களை கண்டு பிடிக்கவில்லை என்றால் திருமணமும் மறுபடியும் தள்ளிப் போடுவார் அப்பா...என்று பரந்தாமன் தீனாவிடம் சொன்னான்.
அப்படின்னா இந்த முறையும் அண்ணன் திருமணம் நடக்காதா என்று ஏக்கத்தோடு கேட்டான் தீனா.
நான்.. என்ன சொல்வது என்று தெரியவில்லை தம்பி .
காணாமல் போனவர்கள் கிடைத்தாலும் நம்முடைய வேஷம் கலைந்து போகும் அப்போதும் சந்திரன் திருமணம் நடப்பதில் சந்தேகம்தான் என்று பரந்தாமன் சொன்னதும் ......சந்திரனுக்கு மேலும் கவலையாக இருந்தது.
அப்படி என்றால்.. நம்ம கூடிய சீக்கிரத்தில் இந்த ஊருக்கும் நம்ம குடும்பத்திற்கும் கெட்டவனாக தெரிய போகிறோமா அண்ணா என்றான் தீனா..
எனக்கும் அப்படி தான் தெரிகிறது தம்பி. நம்முடைய வாழ்க்கையில் இனி எந்தப் பிரச்சனையும் கிடையாது
எல்லா பிரச்சனைகளையும் சங்கர் தீர்த்து வைத்து விட்டான் என்று நினைத்து பெருமைப்பட்டேன்..
ஆனால் நம்முடைய அப்பா...
அதே சங்கரை வைத்து நம்ம செய்த தவறை எல்லாம் கண்டு பிடிக்கப் போகிறார் என்பதை நெனச்சா என் உயிரே போய்விடும் அளவுக்கு பயமாக இருக்குது தம்பி என்று சோகமாக சொன்னான்.
அப்போது சங்கரும் ரேகாவும் விவசாய வேலையை முடித்துவிட்டு பம்புசெட்டை நோக்கி நடந்து வருவதை சந்திரன் பார்த்தான்.
அண்ணே சங்கரும் ரேகாவும் வராங்க என்று சொல்லிவிட்டு எழுந்து நின்று கொண்டான் சந்திரன்.
என்ன ஐயா... இன்னைக்கு சீக்கிரமாகவே தோட்டத்துக்கு வந்துட்டீங்க என்று சங்கர் பணிவாக கேட்டான்.
எல்லாம் உனக்காகத்தான் சங்கர் என்று லேசாக சிரித்துக்கொண்டே சொன்னான் பரந்தாமன்.
என்ன சொல்றீங்க ஐயா... எனக்காகவா சீக்கிரமாக வந்தீங்க.
ஆமாம் சங்கர் ...உன்னையும் உன் மனைவியும் அப்பா இன்னைக்கு வீட்டுக்கு வரச் சொல்லி இருக்காரு ...ஏதோ முக்கியமான விஷயத்தைப் பற்றி உன்கிட்ட பேசலாம் என்று ..
அதனால நாங்கள் இன்னைக்கு கொஞ்சம் சீக்கிரமாகவே வந்துட்டோம் சங்கர் என்று பரந்தாமன் சொன்னான்.
ரேகாவுக்கும் சங்கருக்கும் ஒரே புதிராக இருந்தது ...
என்ன முக்கியமான விஷயத்தைப் பற்றி பேசுவதற்கு நம்மை கூப்பிடுகிறார் பண்ணையார் என்று குழம்பினார்கள் ரேகாவும் சங்கரும்.
நீங்கள் இருவரும் உடனே கிளம்புங்கள் .... உங்கள் பின்னாடியே வருகிறோம் என்று பரந்தாமன் சொன்னான்.
சங்கரும் ரேகாவும் குழப்பத்தோடு பண்ணையார் வீட்டிற்கு கிளம்பினார்கள்.
💒 சங்கரும் ரேகாவும் பண்ணையார் வீட்டிற்கு சென்றதும் . பண்ணையார் சங்கரை பார்த்ததும் . அருகில் வந்து கட்டி அணைத்துக் கொண்டார் பிறகு இருவரையும் சாப்பிடுவதற்கு அழைத்துச் சென்றார். அப்போது சாந்தி அவர்களுக்கு அக்கறையோடு எல்லாவிதமான உணவுகளையும் பாசமாக பரிமாறினாள்.
பண்ணையாரும் அவருடைய மருமகளும் நம் மீது இவ்வளவு பாசமாக இருக்கிறார்களே என்று நினைத்து சங்கரும் ரேகாவும் பூரித்துப் போனார்கள்.
சாப்பிட்டு முடித்தவுடன் சங்கர் ரேகா சாந்தி பண்ணையார் நான்கு பேரும் வீட்டின் மையப் பகுதியில் அமர்ந்தார்கள்.
என் நண்பன் எப்படி இருக்கிறான் அவனை நீ அடிக்கடி சென்று பாக்குறியா என்று பண்ணையார் சங்கரிடம் கேட்டார்.
அவருக்கு எந்தக் குறையும் இல்லை ஐயா... வாரத்தில் இரண்டு முறை ரேகா சென்று பார்த்துவிட்டு வருவாள் தேவைப்பட்டால் தினமும் சென்று அப்பாவை பார்த்துவிட்டு வருகிறாள் என்று சங்கர் சொன்னான்.
சங்கர் உன்னிடம் ஒரு முக்கியமான பொறுப்பை கொடுக்கலாம் என்று நினைக்கிறேன்.. நீ விருப்பப்பட்டால் இந்த பொறுப்பை ஏத்துக்க இல்லை என்ற எனக்கு எந்த வருத்தமும் கிடையாது .. அதனால் உன்னுடைய பதிலை நீ யோசித்து சொல் தேவைப்பட்டால் முத்தையாவிடம் இதைப் பற்றி சொல்லி. நாளைக்கு கூட உன்னுடைய பதிலை சொல் என்றார் பண்ணையார்.
என்ன விஷயம் சொல்லுங்க ஐயா என்னால் முடிந்தவரை நான் முயற்சி செய்கிறேன் என்றான் சங்கர்.
நம்ம பம்பு செட்டில் வேலை செய்து காணாமல் போனவர்களை பற்றின எந்த ஒரு தகவலும் நமக்கு இதுவரைக்கும் கிடைக்கவில்லை ...
என் மகன்களும் தேடிக் கொண்டுதான் இருந்தாங்க ஆனாலும் அவர்களைப் பற்றின எந்த ஒரு தகவலும் கிடைக்கவில்லை .. அதனால் நான் என் மகன்களை காணாமல் போனவர்களை தேட வேண்டாம் நீங்கள் என்று சொல்லிவிட்டேன் அந்த வேலைக்கு உன்னை அனுப்பலாம் என்று நான் நினைக்கிறேன் .... உனக்கு விருப்பமிருந்தால் நீ இந்தப் பொறுப்பை ஏற்றுக்கொள்ளலாம் சங்கர் என்று பண்ணையார் சொன்னார்.
நிச்சயம் நான் காணாமல் போனவர்களை கண்டுபிடித்து விடுவேன் .
எனக்கு இதில் எந்த தயக்கமும் கிடையாது ஐயா ...அப்பாவுக்கும் இதில் விருப்பம் இருக்கும் ஏனென்றால் அவரே என்னிடம் சொல்லியிருக்கிறார் என்று சங்கர் சொன்னான்.
சாந்திக்கும் பண்ணையாருக்கும் சந்தோசமாக இருந்தது சங்கரின் உறுதியான பேச்சு.
அம்மாடி ...உனக்கு இதில் ஏதாவது வருத்தம் இருக்கிறதா என்று பண்ணையார் ரேகாவிடம் கேட்டார்.
ஐயா... எனக்கு ஒரு வருத்தமும் இல்லை என் கணவர் காணாமல் போனவர்களை கண்டுபிடித்து விட்டாள்
எனக்குத்தானே பெருமை நிச்சயம் அவரால் முடியும் நீங்கள் ஒன்றும் கவலைப்பட வேண்டாம் ஐயா என்று ரேகா சொன்னாள்.
இனிமேல் என் குடும்ப கௌரவத்தையும் . இந்த ஊர் மக்களின் பயத்தையும் சங்கர் கூடிய சீக்கிரத்தில் தீர்த்து வைப்பான் என்ற நம்பிக்கை எனக்கு வந்துவிட்டது தாயே என்று ரேகாவை பார்த்து உற்சாகமாக சொன்னார் பண்ணையார்.
ஐயா நாங்கள் புறப்படுகிறோம் இந்த விஷயத்தை அப்பாவிடம் சொல்லிவிட்டு நாளையிலிருந்து காணாமல் போனவர்களை தேடுவதற்கு நான் போகிறேன் ஐயா என்று சொல்லிவிட்டு ரேகாவும் சங்கரும் புறப்பட தயாரானார்கள் .
அப்போது பண்ணையார் சங்கரின் தோள்மீது கை போட்டபடி சொன்னார்..
காணாமல் போனவர்களை நீ ஒரு திட்டம்போட்டு தேட வேண்டும் திட்டம் இல்லாமல் தேடினால் நிச்சயம் அதில் பலன் கிடைக்காது அதனால் அவர்கள் எங்கு போயிருப்பார்கள் என்பதை ஒரு திட்டம்போட்டு தேடினாள் நிச்சயம் அவர்கள் உன்னிடம் கிடைப்பார்கள் என்று பண்ணையார் சங்கரின் கண்களை பார்த்தபடியே சொன்னார்.
நிச்சயம் நீங்க சொன்னபடியே செய்கிறேன் ஐயா... நாங்கள் கிளம்புகிறோம் என்று சொல்லிவிட்டு சங்கரும் ரேகாவும் கிளம்பினார்கள்
சங்கரும் ரேகாவும் சென்றதும் சிறிது நேரத்தில் பரந்தாமனும் சந்திரனும் தீனாவும் பைக்கில் வீட்டுக்கு வந்தார்கள்..
பண்ணையாரும் சாந்தியும் சிரித்த முகத்தோடு இருப்பதை பார்த்து பரந்தாமன் சற்று சலிப்போடு சென்றான் ...
அப்போது சாந்தி என்னங்க... சங்கர் காணாமல் போனவர்களை தேடுவதற்கு சம்மதம் சொல்லிட்டாரு என்று புன்னகையோடு சொன்னாள்.
அப்படியா... சரி மா ....என்று சொல்லிவிட்டு மூவரும் சோகத்தோடு அவரவர் அறைக்கு சென்றார்கள்.
என்னம்மா நம்மா சந்தோஷமான சேதியை சொன்னால்கூட இவனுங்க முகம் சோகமாகவே இருக்குதே.. என்று பண்ணையார் சாந்தியிடம் சொன்னார்.
ஆமாம் மாமா ....எனக்கும் ஒண்ணுமே புரியல எதுக்காக மூணு பேரும் சோகமா இருக்காங்க என்று தெரியல மாமா என்று சாந்தி சொன்னாள்
🏠⛺🏘️🛖 ஊருக்குள்ளே சென்று சங்கரும் ரேகாவும் முத்தையா விடம் நடந்ததையெலலாம் சொன்னார்கள்.
அப்பா நீங்க நினைச்ச மாதிரியே பண்ணையார் தோட்டமும் இப்போ செழிப்பா மாறிடுச்சு... அடுத்ததா... காணாமல்போனவர்களை கண்டுபிடிக்கணும் என்று சொல்லி இருந்தீர்கள் அதே போல தான் பண்ணையாரும் இப்போ அந்தப் பொறுப்பையும் என்னிடம் கொடுத்திருக்கிறார் அப்பா என்று சங்கர் சொன்னான்.
முத்தையாவுக்கு ரொம்ப சந்தோஷமாக இருந்தது ...
நம் மகன் மீது இவ்வளவு நம்பிக்கை வைத்திருக்கிறான் நம்முடைய நண்பன் என்று நினைத்து பெருமைப்பட்டார் முத்தையா.
அப்போது லட்சுமி அம்மாளும் வந்து பெருமையாக சொன்னார்.. இந்த ஊர் மக்கள் தம்பியைப் பற்றி ரொம்ப பெருமையாக பேசுறாங்க .... இன்னைக்கு எல்லோரும் பசியில்லாமல் இருக்கிறதுக்கு காரணம் சங்கர்தான் என்று ..தம்பியைப் பற்றி பெருமையாக பேசுறாங்க அப்பா என்று லட்சுமி அம்மாள் முத்தையாவிடம் சொன்னார்.
அடுத்தபடியா காணாமல்போனவர்களை இவர் கண்டுபிடித்து விட்டால் இன்னும் எல்லோரும் சந்தோஷமாக இருப்பார்கள் என்று ரேகா சொன்னாள்.
அப்பா நாங்கள் தோட்டத்திற்கு கிளம்புகிறோம்.. நாளை முதல் காணாமல் போனவர்களை நான் தேடபோறேன் என்னை ஆசிர்வாதம் செய்யுங்கள் அப்பா என்று சங்கர் முத்தையாவின் காலில் விழுந்தான்.
உனக்கு எந்தக் குறையும் ஏற்படாது... நீ நேர்மையான வழியில் செல்வதால் உனக்கு தோல்வியே கிடையாது...
நீ எடுக்கும் முயற்சி எல்லாமே இதுவரைக்கும் ஜெயிச்சிருக்கு இந்த முயற்சியும் உனக்கு கண்டிப்பா வெற்றி கிடைக்கும் என்று சொல்லி சங்கரை ஆசீர்வதித்தார் முத்தையா..
பிறகு சங்கரும் ரேகாவும் சந்தோஷமாக பண்ணையார் தோட்டத்திற்கு சென்றார்கள்..
பரந்தாமனின் இலட்சியத்திற்கு சங்கர் முட்டுக்கட்டை போடுவானா... பொறுத்திருந்து பார்க்கலாம்..
This site uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.
