இன்ஸ்பெக்டர் சிங் சுவற்றின் ஓரமாக கிடந்த செருப்பு குவியல்களிலிருந்து அந்த இரண்டு வித்தியாசமான ஹை ஹீல்ஸ் செருப்புகளை எடுத்தார். அந்த இரண்டு செருப்புகளையும் சிங் பேசன் ஷோ நிகழ்வுகளில் பெண் மாடல்கள் அணிந்து நடப்பதை டிவிக்களில் பார்த்திருக்கிறார். இந்த மாதிரியான செருப்புகளை குடும்ப பெண்களோ இல்லை உடனுக்குடன் பேசன் என்ற பெயரில் நவநாகரீக உடைகளை அணியும் காலேஜ் பெண்களோ இம்மாதிரியான செருப்புகளை அணிந்து சிங் பார்த்ததில்லை. அதனால் காரின் டிக்கியில் பிணமாக கண்டெடுக்கப்பட்ட பெண் பார்ட்டை மாகவோ இல்லை முழு நேரமாகவோ மாடலிங் துறையில் இருக்க வேண்டும் என்று சிங் அனுமானித்தார். அவரது கணிப்புகள் பெரும்பாலும் பொய்த்ததில்லை.
சிங் அந்த செருப்புகளை எடுத்து கொண்டு திரும்பிய போது கதவு திறந்தது. எதிரே நின்ற டாக்டர் அருளானந்தம்" என்ன சிங்? புதிதாக செருப்பு வியாபாரம் ஏதாவது துவங்க போகிறீர்களா? போலீஸ் வேலையில் கிடைக்கும் வருமானம் போதவில்லையா?" என்றார்.
" வாங்க டாக்டர் .உங்களுக்காகத் தான் காத்து கொண்டிருக்கிறேன்" என்ற சிங் அந்த ஹை ஹீல் ஸை கீழே வைத்தார்.
"தேவையில்லாமல் அதை தேடி எடுத்திருக்க மாட்டீர்கள். அதை எடுத்து கொண்டு என் அலுவலகத்திற்கு வாருங்கள். இதைப் பற்றி உங்களிடம் பேச வேண்டியதிருக்கிறது" என்ற டாக்டர் அருளானந்தம் தன் அலுவலகத்தை நோக்கி நடந்தார்.சிங் செருப்புகளுடன் அவரை பின்தொடர்ந்தார்.
இதற்கு முன்பு நடந்த எட்டு கொலைகளுக்கும் போஸ்ட் மார்டம் செய்து ரிப்போர்ட் தந்தவர் டாக்டர் அருளானந்தம். இன்ஸ்பெக்டர் சிங் அந்த கொலைகாரனை எப்படியாவது கண்டுபிடித்து விட வேண்டும் என்பதற்காக தன்னுடைய பணிக்கு வெளியேயும் பல உதவிகளை டாக்டர் செய்து கொன்டிருந்தார். அருளானந்தம் கொடுக்கும் பல தகவல்கள் சிங்கிடம் சேர்ந்து கொண்டே போனதே தவிர கொலைகாரனை பிடிக்கவோ அல்லது இனம் காணவோ அவை உதவவில்லை.
லொட லொடவென சப்தம் எழுப்பிய பேனை போட்டுவிட்டு நாற்காலியில் அமர்ந்த அருளானந்தம்" உட்காருங்கள் சிங்" என்று எதிர் நாற்காலியை காட்டினார்.
நாற்காலியில் சரிந்த சிங் "சொல்லுங்கள் டாக்டர் " என்றார்.
"நீங்கள் தான் நடந்தவற்றை சொல்ல வேண்டும்" என்றார் அருளானந்தம்.
சிங் சுருக்கமாக நடந்த கார் விபத்தையும் அதில் கிடைத்த பெண் பிணத்தை பற்றியும் கூறினார்.
"சிங் .அந்த கொலைகாரன் முதலில் பெண்களை கடத்துகிறான். எந்த நோக்கம் அல்லது என்ன காரணத்திற்காக குறிப்பிட்ட பெண்களை தேர்ந்தெடுத்து கடத்துகிறான் என்பது தான் புரியாத புதிர். அதற்கு பிறகு அவர்களை சித்ரவதை செய்து கொன்று விடுகிறான். அவர்களை அவன் கற்பழிப்பதில்லை. நடந்த ஓன்பது கொலைகளிலும் கற்பழிப்புக்கான தடயங்களோ செமனோ கிடைக்கவில்லை. ஓன்று அவன் பெண்களால் அதிகம் பாதிக்கப்பட்டவனாக இருக்க வேண்டும். அதனால் பெண்களை அதீதமாக வெறுப்பவனாக இருக்க வேண்டும். இரண்டாவது அவனால் ஒரு பெண்ணை உடல் ரீதியாக திருப்திபடுத்த முடியாத ஆண்மை குறைவு ெகாண்டவனாக இருக்க வேண்டும்"
" இதெல்லாம் நாம் முதலிலேயே பேசியது தானே டாக்டர்?"
"ஆமாம்! ஆனால் அப்படி சந்தேகப்படும் படி ஒரு நபர் கூட நம சந்தேக வளைத்திற்குள் வரவில்லையே?"
"ஆசாமி எங்கே இருக்கின்றான் என்பது கூட நமக்கு தெரியவில்லை. இந்த கேசைப் பொறுத்தவரை நான் நிழலோடுதான் போராடி கொண்டிருக்கிறேன்."
" ஆனால் சிங் நாம் கவனிக்க வேண்டிய ஒரு விசயம் இருக்கிறது."
"என்ன அது?"
" அவன் கடத்தப்பட்ட பெண்களை ஏதோ ஒரு குறிப்பிட்ட இடத்தில் வைத்து தான் கொல்கின்றான். அப்படியானால் கொலைகாரனுக்கு வீட்டை தவிர வேறு ஒரு மறைவிடம் இந்த நகரத்தில் இருக்கிறது"
சிங் அருளானந்தம் சொல்வதை யோசித்தார். கொலைகாரனின் வீடு தனிமையான இடத்தில் இருக்கலாம். இல்லைடாக்டர் சொல்வதை போல் அவனுக்கென்று தனியாக ஒரு மறைவிடம் இருக்க வேண்டும்.
"நீங்கள் சொல்வதும் சரிதான் டாக்டர் " என்றார் சிங் .
" பாருங்கள் சிங் .இதற்கு முன்னால் நடந்த எட்டு கொலைகளுக்கும் இப்போது நடந்திருக்கும் ஒன்பதாவது கொலைக்கும் ஒரு வித்தியாசம் இருக்கிறது" என்றார் அருளானந்தம்.
சிங் தடக்கென்று நிமிர்ந்தார்.
" என்ன டாக்டர் சொல்கிறீர்கள்?" என்றார் சிங் .
"கவனியுங்கள் சிங் .இதற்கு முன்பு நடந்த எட்டு கொலைகளிலும் கொலைகாரன் தன்னிடம் பிடிபட்டவர்களின் சித்ரவதையை ரசித்து பொறுமையாக செய்திருக்கிறான். அவர்களின் உடைகள் செருப்புகள் அணிகலன்கள் கூட கிடைக்காமல் முழு நிர்வாணமாகத்தான் பாடிகள் கிடைத்திருக்கின்றன. ஆனால் இந்த ஓன்பதாவது கொலையில் அப்படியே தலைகீழாக நடந்திருக்கிறது. ஏதோ ஒரு இடையூறினால் கொலைகாரன் தன்னுடைய சித்ரவதை ஸ்டைலை செய்ய வே இல்லை. நேரடியாக கொலையில் இறங்கி விட்டான்."
" எதை வைத்து இதை சொல்கிறீர்கள்?" என்றார் சிங் படபடப்புடன்.
"பாடியில் கத்திகுத்து காயத்தை தவிர வேறு சித்ரவதை செய்த தடயங்கள் இல்லை. அதே நேரம் இதற்கு முன்பு கிடைத்த பாடிகள் முழு நிர்வாணமாக கிடைத்தன. இந்த முறை வித்தியாசமாக நிர்வாண உடம்பில் ஹை ஹீல்ஸ் செருப்புகள் இருக்கின்றன. விசயம் தெரியுமா சிங்? போர்ன் இண்டஸ்ட்ரியின் சட்ட திட்டங்களில் பெண்கள்முழு நிர்வாணமாக நடிக்க கூடாது என்பதும் ஒன்று. அதனாலேயே அதில் நடிக்கும் பெண்கள் ஷி அணிந்து நடிப்பது வழக்கம். ஷுவும் பூட்சும் ஆடைக்கு சமமானது என்று சொல்லி சட்டத்தை ஏமாற்றுகின்றனர். இந்த கேசில்ஷு அணிந்த நிலையில் பெண் பிணம் கிடைத்திருப்பதால் இதை கூறுகிறேன்."
"அப்படியானால் கொலைகாரன் ஷி லே சை அவிழ்க்க முடியாமல் அதை உடலில் விட்டு வைக்க வில்லையா?"
"இல்லை.லே சைகத்தியை வைத்து கூட கட் பண்ணி விடலாமே? ஆனால் அவன் அதை செய்யவில்லை"
" ஏன்?"
" அவனுக்கு நேரம் கிடைக்காமல் கூட இருந்திருக்கலாம். காரில் வந்தவன் கில்லர் என்றால் அவன் கடத்தியது இரண்டு பெண்களை .ஒருத்தியை அவசர அவசரமாக கொன்று டிக்கியில் ஓளித்து வைத்திருக்கிறான். இன்னொரு பெண்ணை கொல்லவில்லை"
"ஏன்?" என்றார் சிங் ஆவலுடன் .
" மில்லியன் டாலர் கேள்வி சிங்" என்றார் அருளானந்தம்
சிங் டாக்டர் அருளானந்தத்தின் கேள்வியை பற்றி யோசித்து கொண்டிருந்தார். அவரது யோசனையை அருளானந்தத்தின் குரல் அறுத்தது."என்ன சிங் ஆழ்ந்த ேயாசனையில் மூழ்கி விட்டீர்கள் போலிருக்கிறதே? முதலில் இறந்து போன பெண் யார் என்று கண்டுபிடியுங்கள். முக்கியமாக அவளது பெயர் .பிரேத பரிசோதனை அறிக்கை அவளது பெயர் இல்லாமல் நிலுவையில் இருக்கிறது."
"கவலைப்படாதீர்கள் டாக்டர் .என் அசிஸ்டெண்ட் எல்லா ஸ்டேசன்களிலும் மிஸ்ஸிங்கேஸ்களை சேகரிக்க போயிருக்கிறான். அந்த தகவல்களில் இந்த பெண்ணை பற்றிய விசயமும் இருக்கும் என்று நம்புகிறேன். இந்த பெண்ணின் செருப்புகளை நான் எடுத்துப்போவதில் உங்களுக்கு ஏதாவது ஆட்சேபணை உண்டா?" என்றார் சிங் .
"கண்டிப்பாக இல்லை சிங்! நீங்கள் அவற்றை தாராளமாக எடுத்து போகலாம்" என்றார் டாக்டர் அருளானந்தம்.
சிங் அவரிடமிருந்து விடைபெற்று செருப்புகளுடன் கிளம்பினார். பார்க்கிங் பகுதியில் நின்றிருந்த தன் வண்டியை செருப்புடன் எடுத்த சிங்கை வியப்போடு பார்த்த சிலரின் பார்வையை புறம் தள்ளி விட்டு கிளம்பினார்.
போலீஸ் டிப்பார்ட்மெண்டின் பாரன்சிக் பிரிவில் செருப்புகளை ஓப்படைத்தவர் அவற்றின் அடிப்புறத்தில் ஒட்டியிருந்த மண்ணை ஆய்வு செய்ய சொல்லிவிட்டு தன் அலுவலகத்திற்கு கிளம்பினார்.
அலுவலகத்தில் நுழைந்து தன் சீட்டில் உட்கார்ந்து கொண்ட சிங் தன் ேயாசிப்பை தொடர்ந்தார்.
எல்லா கொலைகாரர்களுக்கும் ஓரு மோட்டிவ் இருக்கும். அதிலிருந்து பிசகாமால் தான் தங்களின் கொலைகளை செய்து கொண்டே போவார்கள். அது ஓரு தடயம் போல் இருப்பதை அவர்கள் விரும்புவார்கள். அது சிலரின் அடையாளமாகவே மாறிப் போய்விடும். உலகப் புகழ் பெற்ற ஜிக் ஜாக்கில்லர் தான் கொல்லும் நபர்களின் அருகே தன்னைப் பற்றிய குறிப்பை அல்லது க்ளுவை சங்கேத மொழியில் எழுதப்பட்ட பேப்பர் துண்டுகளை விட்டு செல்வதை வழக்கமாக வைத்திருந்தான். அந்த சங்கேத மொழிகளின் அர்த்தத்தை போலீஸ் கண்டு பிடித்ததும் அவன் மாடடி கொண்டு விட்டான். இங்கோ கொலைகாரன் ஒரே மாதிரியான பேட்டர்னில் கொலை செய்யவுமில்லை. தன்னைப் பற்றிய எந்த க்ளுவையும் விட்டு செல்லவில்லை.
சிங் இந்த கேசில் தான் எங்கேயோ எதையோ தவறவிடுவதாக நினைத்தார். கொலை செய்யப்பட்டவர்களிடம் ஏதோ ஒரு ஓற்றுமை இருப்பதாக சிங்கின் உள்ளுணர்வு கூறியது. அது என்ன என்று தான் சிங்கிற்கு தெரியவில்லை.
யோசித்து யோசித்து தலைவலிப்பது போல் உணர்ந்த சிங் ஒரு டீயை குடிக்க முடிவு செய்தார். ஜன்னல் வழியாக எதிரே தெரிந்த டீக்கடையை பார்த்து கொண்டிகுந்தவர் மாஸ்டர் தன்னை பார்த்தவுடன் "ஓரு டீ வடை " என்றார்.
சற்று நேரத்தில் பையன் கொண்டு வந்த டீயையும் வடையையும் வாங்கி கொண்டு காசைக் கொடுத்து அனுப்பினார்.
வடையை தின்று முடித்தவர் அந்த பேப்பரைகசக்கும் போது தான் அதிலிருந்த. போட்டோவை பார்த்தார். அவருக்கு அந்த முகத்தை எங்கயோ பார்த்தது போல் இருந்தது. எங்கே என்று மூளையை பிராண்டி பார்த்தவர் கண்டுபிடிக்க முடியாமல் திணறினார்.
பக்கத்தில் இருந்த துண்டு செய்தியை படிக்க ஆரம்பித்தார் அவரால் கிழிந்த பேப்பரிலிருந்து செய்தியை முழுதாக அறிந்து கொள்ள முடியவில்லை. எண்ணெயில் பேப்பர் முழுவதுமாக நனைந்திருந்ததால் அவரால் செய்தியை முழுதாக படிக்க முடியவில்லை.அவருக்கு அந்த செய்தியில் அந்த முகத்தில் தனக்கான ஏதோ ஓரு சேதி ஓளிந்திருப்பதாக தோன்றியது. அந்த செய்தியிலிருந்து அந்த புகைப்படத்தில் இருக்கும் பெண்ணின் பெயர் ப்ரியா என்று மட்டும் அவருக்கு தெரிந்தது.
நியூஸ் பேப்பர் எழுத்துகளை வைத்து பேப்பரின் பெயரை இனம் கண்டு கொண்டவர் அந்த நாளிதழ் ஆப்பை டவுன்லோடு செய்தார்.
சிங்கின் அதிர்ஷ்டம் துண்டு பேப்பரில் மாதம் தெளிவாக இருந்ததால் அந்த மாதத்தின் பேப்பர்களை சர்ச் பண்ணி படிக்க தொடங்கினார்.
டீ ஆறிக் கொண்டிருப்பதை பார்த்தவர் அதை குடித்தபடி தன் தேடலை தொடங்கினார்.
நீண்ட நேர தேடலுக்கு பின் அந்த செய்தியை சிங் கண்டுபிடித்தே விட்டார். செய்தி கிழ்கண்டவாறு இருந்தது.
"சின்னத்திரை நடிகை ப்ரியாவுக்கு கொலை மிரட்டல் விடுத்த வாலிபர் .பிரபல சின்னத்திரை நடிகை ப்ரியா சில சீரியல்களில் நடித்து புகழ் பெற்று வருகிறார். இவரை மோகன் என்ற வாலிபர் காதலித்து வந்தார். நடிகை ப்ரியா தற்போது சினிமாவில் நடிக்க ஆரம்பித்திருப்பதால் தன் காதலை முறித்து கொண்டார். அதனால் கோபமடைந்த வாலிபர் சூட்டிங் ஸ்பாட்டில் நடிகையை கத்தியால் குத்த முயற்சி செய்த போது சுற்றியிருந்தவர்கள் வளைத்து பிடித்தனர் "
சிங்கிற்கு பளிச்சென்று எல்லாமும் நினைவுக்கு வந்து விட்டது.இந்த ப்ரியா இப்போது உயிரோடு இல்லை. சிங் தேடும் கொலைகாரன் செய்த ஐந்தாவது கொலை இவள் தான். இந்த செய்தியும் தகவலும் சிங்கின் கண்களுக்கும் காதுகளுக்கும் இதுவரை வராமலேயே போய்விட்டன.
வடை வாங்கிய பேப்பரால் இதுவரை கவனிக்காத ஒரு விசயம் சிங்கின் கண்களில் பட்டு விட்டது. சிங்கின் முகத்தில் திடிரென ஒரு வெளிச்சம் பரவியது.
ஒரு வேளை காதலித்து ஏமாற்றிய பெண்கள் தான் கொலைகாரனின் இலக்காக இருக்குமோ என்ற எண்ணம் சிங்கின் மனதில் எழுந்தது.
நடந்த கொலைகள் அனைத்திற்கும் காதல் தான் காரணமாக இருக்குமோ என்று தோன்றியதும் சிங் சுறுசுறுப்படைந்தார். இத்தனை நாட்களாக இப்படி ஒரு செய்தி எப்படி தன் பார்வையில் படாமல் இருந்தது என்று சிங்கிற்கு சற்று வெட்கமாக கூட இருந்தது. தன்னை காதலித்து ஏமாற்றியதற்காக அந்த மோகன் ப்ரியாவை கொல்வதில் ஒரு லாஜிக் இருக்கிறது. மற்ற கொலைகளையும் அந்த மோகன் செய்திருக்கலாம். ஒரு வேளை சொல்லப்பட்ட அத்தனை பெண்களின் பிண்ணனியையும் தோண்டி துருவினால் இதே மாதிரியான காதல் விவகாரங்கள் வெளிப்படலாம். இப்படி ஒரு எண்ணம் தோன்றியதும் சிங்கிற்குள் ஓரு திடீர் உற்சாகம் தோன்றியது.
அதே நேரம் உள்ளே நுழைந்த கோபி சிங் உற்சாக மனநிலையை பார்த்து திகைத்தான்
"என்ன சார் ? வழக்கில் திடிர் கண்டுபிடிப்பு ஏதாவது உண்டா.? திடிரென வெகு உற்சாகமாக இருக்கிறீர்களே?" என்றான் கோபி.
"ஆமாம். ஒரு புதிய விசயத்தை நான் கண்டுபிடித்திருக்கிறேன். அதை நான் பிறகு சொல்கிறேன். முதலில் நீ போய் வந்த காரியத்தை பற்றி கூறு"
" சொல்கிறேன் சார். எல்லா போலீஸ் ஸ்டேசன்களிலும் அலசி ஆராய்ந்ததில் மூன்று மிஸ்ஸிங்கேஸ்கள் வெவ்வேறு ஸ்டேசன்களில் பதிவாகி இருக்கின்றன. எல்லா எப்.ஐ.ஆர் காப்பிகளையும் எடுத்து வந்திருக்கிறேன்."
"வெரி குட். ஒவ்வொன்றையும் வரிசைப்படுத்தி கூறு" என்றார் சிங் ஆவலுடன் .
" சொல்கிறேன் சார். முதல் மிஸ்ஸிங்கேஸ் நிர்மல்குமார்.தின பூமி பத்திரிக்கையின் நிருபர்.ஓரு வீட்டில் பேயிங் கெஸ்டாக தங்கியிருந்திருக்கிறான். இரண்டு நாட்களுக்கு முன் வீட்டை விட்டு வெளியேறியவன் வீட்டுக்கு திரும்ப வரவில்லை. அந்த குடும்பம் தான் அவனை காணவில்லை என்று கம்ளைண்ட் செய்திருக்கிறது.அப்படி காணாமல் போனது. வேறு யாருமல்ல. ஹாஸ்பிட்டலில் அட்மிட்டாகி இருக்கும் நம் ஹீரோ தான் "
" அவன் ஹீரோவா இல்லை வில்லனா என்பதை நாம் தான் முடிவு செய்ய வேண்டும்"
"கரெக்ட். நான் அவனது அலுவலகத்தில் அவனைப் பற்றி விசாரித்தேன். கிடைத்த செய்திகள் அவ்வளவு நல்லதாக இல்லை." என்றான் கோபி.
"நீ கேட்டதை மறைக்காமல் சொல் "
"இந்த நிர்மல்குமார் சின்ன வயதிலேயே ஒரு கார் விபத்தில் தன் தாய் தந்தையை இழந்தவன். தன் பாட்டியின் பராமரிப்பில் வளர்ந்தாலும் முரடனாகவும் தான் தோன்றி தனமாக செயல்படுபவனாகவும் இருந்திருக்கிறான். அதற்காக மனநல சிகிச்சையும் கூட பெற்றிருக்கிறான். அடுத்த செய்தியை கேட்டால் இன்னும் அதிர்ச்சியாக இருக்கும்."
"தாங்கி கொள்கிறேன். அதையும் சொல் " என்றார் சிங் சிகரெட்டை பற்ற வைத்தபடி.
"நிர்மல்குமார் ஜர்னலிஸ்டான பிறகு அட்டென்சன் சீக்கிங்கிற்காக பல விஐபிகளை கேள்வி கேட்டு கடுப்பேற்றியிருக்கிறான். இவனுக்கு போதை பொருள் பழக்கமும் இருந்திருக்கிறது. நடக்க போகும் குற்றங்களை முன்னதாகவே செய்தியாக கொடுத்து எல்லோரையும் அசர வைத்திருக்கிறான். அந்த குற்றங்களையெல்லாம் இவனே தான் செட்டப் செய்திருக்கிறான் என்ற சந்தேகம் சீக்கிரமாகவே எல்லோருக்கும் வந்து விட்டது. அது உண்மை தான் என்பது அவன் கையும் காலுமாக மாட்டிய போது வெளிஉலகத்திற்கு தெரிந்து விட்டது. அதற்காக ஓரு வழக்கு அவன் மீது இருக்கிறது'
" அவன் சாவதற்குள் தீர்ப்பு வந்து விடும்" என்றார் சிங் .
"சமீபமாக நீங்கள் ஹேண்டில் பண்ணும் அதே கேசை இவனும் பாலோ செய்திருக்கிறான். இதுவரை நடந்த எட்டு கொலைகளை பற்றிய பல விவரங்களை சேகரித்து வைத்திருக்கிறான். அப்படி ஒரு பைலை தான் நாம் விபத்தான காரில் பார்த்தோம்.அதைப் பற்றிய ஒரு கட்டுரை எழுதி இழந்த புகழை பெற வேண்டும் என்று தன் அலுவலக நண்பர்களிடம் சொல்லியிருக்கிறான். அநேகமாக கொலையாளியை நமக்கு முன்பாக இவன் கண்டுபிடித்திருக்கலாம்"
"அப்படி கண்டுபிடித்தாலும் அதை சொல்லும் நிலையில் அவன் இல்லையே?"
"ஆமாம் - அவன் தான் சுயநினைவை இழந்து விட்டானே ?" என்றான் கோபி.
"எனக்கென்னவோ பப்ளிசிட்டிக்காக இத்தனை கொலைகளையும் இவனே செய்திருப்பானோ என்று எனக்கு தோன்றுகிறது "
"என்ன சார் சொல்கிறீர்கள்?"
"அப்படியும் யோசித்து பார்ப்போமே? ஏற்கனவே இதே போல் தானே செய்திருகிறான்.? இவன் ஏன் கொலைகாரனாக இருக்க கூடாது.?"
சிங்கிற்கு கோபி சொன்ன தகவல்களை கேட்டு ஆயாசமாக இருந்தது. தன் கண்ணுக்கு எதிராகவே ஆதாரமும் தடயங்களும் இருந்தும் தான் எப்படி அதை கவனிக்காமல் அலட்சியமாக கடந்து வந்து விட்டோம் என்று அவருக்கு அவர் மீதே கோபம் கோபமாக வந்தது.
ஐந்தாவதாக சைக்கோ கில்லரால் கொல்லப்பட்ட பெண்ணிற்கும் அனிதாவிற்கும் இப்படி ஓருரத்த சம்மந்தமான உறவு இருக்கும் அவர்கள் இருவரும் அக்கா தங்கையாக இருப்பார்கள் என்பதை அவர் சிறிதும் எதிர்பார்த்திருக்கவில்லை. அவர் திடிரென அமைதியாகி சிந்தனையில் ஆழ்ந்து விட்டதை கவனித்த கோபி " என்ன சார் ? திடிரென அமைதியாகி விட்டீர்கள் ? " என்றான்.
"ஓன்றுமில்லை கோபி. நீ அனிதாவை பற்றி சேகரித்த விசயங்களை தொடர்ந்து கூறு. நான் அவற்றை கவனித்து கொண்டு தான் இருக்கிறேன்." என்றார் சிங் தனது சிந்தனையை கலைத்தபடி.
"அனிதாவும் அவளது அக்கா ப்ரியாவும் லேடீஸ் ஹாஸ்டலில் தான் ஓன்றாக தங்கியிருந்திருக்கின்றனர். இவர்களின் பெற்றோர் பெங்களுரில் இருக்கின்றனர். ப்ரியா டிவி சீரியலில் நடித்து வருகிறாள். அவளை ஒருவன் காதலிப்பதாக கூறி பின் தொடர்ந்து டார்ச்சர் செய்திருக்கிறான். முதலில் ப்ரியாவும் அவனை காதலித்திருக்கிறாள். அவளுக்கு சினிமா வாய்ப்புகள் கிடைக்க ஆரம்பித்ததும் காதலர்களிடையே பிரச்சனை ஏற்பட்டிருக்கிறது" என்ற கோபியை கையை நீட்டி மேலே சொல்லாதே நிறுத்து என்பது போல் சைகை செய்த சிங்" அந்த காதலனின் பெயர் மோகனா ?" என்றார்.
கோபியின் புருவங்கள் வியப்பால் உயர்ந்தன.
"அப்படியானால் இந்த காதல் விவகாரத்தை பற்றி நீங்கள் முன்பே அறிவீர்களா?" என்றான் கோபி,
"இல்லை. எனக்கு இன்று தான் இந்த காதல் விவகாரத்தை பற்றி தெரியும். அதுவும் வடை வாங்கிய பேப்பரிலிருந்து தான் தற்செயலாக தெரிந்து கொண்டேன் - " என்ற சிங் அந்த துண்டு சீட்டை அவனிடம் நீட்டினார்.
"இந்த விசயம் எனக்கு முன்பே தெரிந்திருந்தால் கேசை நான் வேறு வகையில் நகர்த்தி சென்றிருப்பேன். ரொம்பவும் தாமதமாக இந்த விசயம் தெரிய வந்ததால் மேலும் நான்கு உயிர்கள் பலியாகியிருக்கின்றன. என்னுடைய அலட்சியம் தான் அதற்கு காரணம். என் வழக்கை நான் சரியாக விசாரிக்கவில்லையோ என்ற குற்றவுணர்வு என்னை கொல்கிறது " என்றார் சிங் வருத்தத்துடன் .
"கவலைப் படாதீர்கள் சிங் . கொலைகாரன் அடுத்தடுத்து கொலை செய்து உங்களை பிசியாகவே இருக்க வைத்து விட்டான். அதனால் சில தகவல்கள் உங்கள் கண்களுக்கு தெரியாமல் போயிருக்கலாம். சிலவற்றில் நீங்கள் கவனம் செலுத்த வேண்டியதில்லை என்று மெத்தனமாக கூட இருந்திருக்கலாம். ஆனால் இனிமேல் நாம் மிகுந்த எச்சரிக்கையுடன் இருப்போம். முன்பு நீங்கள் தனி ஆளாக இருந்ததால் சில தவறுகள் நடந்திருக்கலாம். இப்போது நாம் இருவர் இருக்கிறோம். அதனால் நீங்கள் கவலைப்பட வேண்டியதில்லை." என்றான் கோபி.
"நீ சொல்வதும் சரிதான். அவன் பத்தாவது கொலையை செய்யும் முன்பாக நாம் அவனைப் பிடித்தாக வேண்டும். எனக்கென்னவோ காதலித்து ஏமாற்றிய பெண்களை மட்டுமே அந்த சைக்கோ தேர்ந்தெடுத்து கொல்வதாக எனக்கு தோன்றுகிறது. நான் இதுவரை அந்த திசையில் யோசிக்கவும் இல்லை. விசாரிக்கவும் இல்லை. இனி தான் அந்த கோணத்தில் விசாரிக்க வேண்டும்."
"கவலைப்படாதீர்கள். அவனால் கொல்லப்பட்ட அத்தனை பெண்களின் பிண்ணனியையும் சல்லடை போட்டு சலித்து கொண்டு வந்து உங்கள் முன்னால் கொட்டுகிறேன்." என்றான் கோபி.
.
"சரி. உன்னுடைய உதவி எனக்கு தேவைதான். அந்த மூன்றாவது மிஸ்ஸிங்கேஸ் யார்?"
"கார் டிக்கியில் இருந்த பெண் தான் அந்த மூன்றாவது மிஸ்ஸிங் கேஸ்.அவள் பெயர் மாலினி. வளர்ந்துவரும் ஒரு மாடல். ஒரு பேசன் ஷோவில் கலந்து கொண்டு தன் இருப்பிடத்திற்கு திரும்பி வரும்போது இரவில் கடத்தப்பட்டிருக்கிறாள். "
.
சிங்கிற்கு அவள் அணிந்திருந்த ஹை ஹீல்ஸ் நினைவிற்கு வந்தது.
சிங் தன் போனை எடுத்து டாக்டர் அருளானந்தத்தை அழைத்தார்.
"அவள் பெயர் மாலினி. போஸ்ட் மார்டம் ரிப்போர்டை தயார் செய்யுங்கள் "என்றார் சிங் .
" நல்லது. ரிப்போர்டை தயார் செய்கிறேன்" என்று சொல்லிவிட்டு இணைப்பை துண்டித்தார் அருளானந்தம் -
"அந்த ப்ரியாவை லவ் டார்ச்சர் செய்த மோகன் மீது எனக்கு சந்தேகமாக இருக்கிறது. அவனை நாம் ஓரு முறை விசாரித்தால் என்ன?" என்றார் சிங் .
"நீங்கள் ரொம்பவும் தாமதித்து விட்டீர்கள் சிங் .காதல் தோல்வியை தாங்க முடியாமல் அவன் மாடியிலிருந்து கீழே குதித்து தற்கொலை செய்து கொண்டு விட்டான். அதுவும் ப்ரியா நம் சைக்கோ கில்லரால் கடத்தி கொல்லப்படுவதற்கு முன்பே அவன் தற்கொலை செய்து கொண்டு இறந்து விட்டான். இறந்தவனை நாம் எப்படி விசாரிப்பது?" என்றான் கோபி.
சிங் தனது நெற்றியை பிடித்தபடி நாற்காலியில் சரிந்து உட்கார்ந்தார்.
எப்படி போனாலும் கேட் விழும் இந்த கேஸை நினைத்து ஆயாசத்துடன் பெருமூச்சு விட்ட இன்ஸ்பெக்டர் சிங் தனக்கு எதிராக அமர்ந்திருந்த கோபியை ஆயாசத்துடன் பார்த்தார்.
"பார் கோபி.இந்த வழக்கில் ரொம்ப நாட்களுக்கு பிறகு ஒரு புதிய வெளிச்சம் பிறந்திருக்கிறது. இது வரை கில்லர் எதற்காக கொலை செய்கிறான் என்ற மோட்டிவ் நமக்கு தெரியவில்லை. இன்று ஏதேச்சையாக கிடைத்த தடயம் ஒன்றை வைத்து அது தான் அவனது மோட்டிவ் என்று நாம் நம்பி கொண்டிருக்கிறோம். இதுவரை எந்த திசையில் போவதென்று நமக்கு தெரியவில்லை. இப்போது கலங்கரை விளக்கம் போல் ஓரு வெளிச்சம் தென்படுகிறது. அந்த திசையில் கேசை நகர்த்தித்தான் பார்ப்போமே?" என்றார் சிங் .
'உங்களின் யூகம் சரியா ? தவறா என்று ஆதாரப்பூர்வமாக தெரிந்து கொள்வது நல்லது தான்" என்றான் கோபி.
" ரைட். இப்போது கொலைகாரன் காதல் விவகாரத்திற்காக கொலை செய்கிறான் என்றே வைத்து கொள்வோம்.. என் இதய பிரச்சனைக்காக அவன் இரண்டு கொலைகளை செய்திருக்கிறான். அந்த இரண்டு கொலைகளை நம் விசாரணையில் இருந்து கழித்து கொள்வோம் ஏன் கழிக்க சொல்கிறேன் தெரியுமா? எனக்காக அவன் கொலை செய்த இருவரும் ஆண்கள். காதலித்து ஏமாற்றிய பெண்களை கொல்வது தான் அவனது நோக்கம்.அந்த நோக்கத்திலிருந்து விலகி இரண்டு கொலைகளை அவன் செய்திருப்பது எனக்காக மட்டும் தான். இதுவரை ஒன்பது பெண்களை அவன் கொன்றிருக்கிறான். அதில் ஐந்தாவதாக கொல்லப்பட்ட பெண்ணிற்கு மோகன் என்பவன் காதல் தொல்லை கொடுத்திருக்கிறான். பிறகு அவனும் தற்கொலை செய்து கொண்டு இறந்து விட்டான். மீதி உள்ள எட்டு பெண்களுக்கும் இதே போன்ற காதல் விவகாரங்கள் இருக்கிறதா என்பதை நாம் விசாரித்து அறிய வேண்டும். முடிந்த வரை இந்த விசாரணையில் பெண்ணின் பெற்றோர்களை தவிர்த்து விடலாம்"
"ஏன் சார் ?"
"அவர்கள் பெண்ணை இழந்த துக்கத்தில் இருப்பார்கள். அந்த துக்கத்திலிருந்து இயல்பு வாழ்க்கைக்கு திரும்ப நினைப்பவர்களை நாம் தொந்தரவு செய்ய கூடாது. மேலும் பெண்களுக்கு காதல் விவகாரம் இருந்தால் பெற்றோர் குடும்ப கௌரவம் கருதி அதை மூடிமறைக்கவே நினைப்பார்கள். அதனால் உண்மையை சொல்ல மாட்டார்கள். இறந்த பெண்களின் நண்பர்களை முக்கியமாக விசாரிப்போம்.இந்த காலத்து பெண்களின் காதலை அவர்களின் தோழிகள் தான் நன்றாக அறிந்திருப்பார்கள். காதலுக்கு உதவுவதே அவர்கள் தானே?" என்றார் சிங் .
"ஓகே சார். நீங்கள் சொன்னதை நான் கவனத்தில் வைக்கிறேன்" என்றான் கோபி.
மேஜை டிராயரை திறந்து ஒரு பைலை எடுத்து போட்ட சிங்" இது கொலையானவர்களின் டீடெய்ல் அடங்கிய பைல். இதில் முதல் நான்கு பெண்களை பற்றி நான் விசாரிக்கிறேன். ஐந்தாவது பெண்ணை பற்றி நான் விசாரிக்க வேண்டியதில்லை. நீ கடைசி நான்கு பெண்களை பற்றி விசாரி. நம் கணிப்பு உண்மையா என்று பார்க்க வேண்டும். அதோடு எனக்கு ஒரு டவுட் இருக்கிறது." என்றார் சிங் .
"என்ன சார் ? " என்றான் கோபி.
"ஐந்தாவது பெண்ணான ப்ரியாவை பற்றி அவளது காதல் விவகாரத்தை பற்றி நியூஸ் பேப்பரில் செய்தி வந்திருக்கிறது. இந்த செய்தியை நான் படிக்க வில்லை. ஆனால் கொலைகாரன் படித்திருக்கிறான். நம் தியரி சரியாக இருந்தால் காதலித்து ஏமாற்றுபவர்களை கொல்வது அவனது நோக்கமாக இருந்ததால் அவன் ப்ரியாவை தேர்வு செய்து கடத்தி கொலை செய்திருக்கிறான். மீதி எட்டு பெண்களும் யாரையாவது காதலித்து ஏமாற்றியிருந்தால் அந்த விசயம் எப்படி கொலைகாரனுக்கு தெரிந்திருக்கும்?" என்றார் சிங் .
" என்ன சொல்கிறீர்கள் சார்?" என்றான் கோபி.
" இதை ஒரு பேச்சுக்குத் தான் சொல்கிறேன். நம் தியரிப் படி அந்த கொலையுண்ட எட்டு பெண்களின் காதல் விவகாரம் கொலைகாரனுக்கு எப்படி தெரிந்திருக்கும்? அவன் அந்த எட்டு பெண்களுக்கும் பொதுவானவனாக இருக்க வேண்டும். இல்லை. இந்த எட்டு பெண்கள் காதலித்து ஏமாற்றினார்களே அந்த எட்டு ஆண்களுக்கும் பொதுவான தெரிந்த நபராக கொலைகாரன் இருந்திருக்க வேண்டும்." என்றார் சிங் . பைலின் கடைசி நான்கு பேப்பர்களை தனியே எடுத்து கோபியிடம் நீட்டியபடி. .
"நீங்கள் சொல்வதும் சரிதான். நான் இதுவரை இந்த சோணத்தில் யோசிக்கவே இல்லை.இது தான் நான் விசாரிக்க வேண்டிய பெண்களா?" என்றான் கோபி.
"ஆமாம். நான் சொன்னதை மறந்து விடாதே" என்ற சிங்கின் மனம்" என் இனிய எதிரியே' இந்த நகரத்தில் நீ எங்கே ஒளிந்திருக்கிறாய்?" என்றது.
This site uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.
