RD NOVEL முகவரியற்றவை - Tamil Novel

[மீ.ரா]

அத்தியாயம் -29

பொறாமை

என்று ஆரம்பித்திருந்தாள் யாழரசி

இந்த விஷயத்திற்கு நான் எப்படி ஒத்துக் கொண்டேன் என்று எனக்குமே இன்னும் தெரியவில்லை. இந்த மாதிரி நான் நடந்து கொண்டதில்லை. அதுவும் பார்த்து சில நாட்களே ஆன வெற்றிக்காக சம்மதித்தேன்.

கொஞ்சம் பழைய டிரிக் தான். ஆனால் வொர்க் அவுட் ஆகும் ஒன்று. ஷாலினி வெற்றிக்கு ஓகேவும் சொல்லவில்லை. நோவும் சொல்லவில்லை. உண்மையாக அவள் மனதில் என்னதான் இருக்கிறது என்று தெரிந்து கொள்ளவும் , வெற்றியும் தன்னால் மூவ் ஆன் ஆக முடியும் என்பதைக் காட்டுவதற்காக இதைச் செய்ய நானும் சம்மதித்தேன். வேற என்ன ? வேற ஒரு பொண்ணு கூட வெளியில் அவுட்டிங்க் போறதுதான். அந்த பொண்ணு நான் தான்.

‘ஐ எக்ஸ்பெக்ட்டு இட்.’ தேவ் முனுமுனுத்தான்.

முதலில் டிரஸ் செலக்சன். ஓரே மாதிரி டிரஸ் இரண்டு பேரும் போட வேண்டும். எங்க இரண்டு பேரிடமும் ஓரே மாதிரி நிறத்தில் டிரஸ் அதிகமாக இல்லை. ஒரு கருநீலம், கோல்டன் கலர் கலந்த டிரஸ் இருந்தது. அதற்கு மேட்சாக வெற்றி சாண்டல் கலர் சர்ட் வைத்து மேட்ச் செய்து கொண்டான். இதுக்கு வாட்ஸ் அப்பில் அரை மணி நேரம் டிஸ்கசன் வேற செஞ்சோம். நான் டிரஸ் எடுக்கவே பத்து நிமிஷம்தான் ஆகும். இரண்டாவது இடம் . சிம்பிளா பக்கத்தில் ஒரு குல்ஃபி ஷாப் இருந்தது. அங்கே செல்லலாம் என்று முடிவெடுக்கப்பட்டது.

எங்க கூட இன்னொரு பையனும் வருவான். வெற்றியோட பிரண்ட் ராகுல். மீனினி வயதுதான். ராகுல் மலையாளி. தம்பி என்பதால் அனியன் என்று கூப்பிடுவேன். ராகுலை எங்களுடன் இருக்க அழைத்து வருவதற்குக் காரணம் நான் கம்பர்டபிளா இருக்கனும் . அதனால் வெற்றி ராகுலையும் வரச் சொன்னது.

குல்ஃபி சாப்பிட்ட பின் போட்டோ எடுப்போம். முன்னாடியே ஷாலினி பிரண்ட் நம்பர் வாங்கிட்டேன். கேண்டீனில் வைத்து ஒரு தடவை ஷாலினி மற்றும் அவளது தோழியிடம் அறிமுகமாகி போன் நம்பர் வாங்கிட்டேன்.

அப்புறம் என்ன மூணு பேரும் குல்ஃபி சாப்பிட்டு செல்ஃபி எடுத்தோம். அதை வாட்ஸ்ப் மற்றும் இன்ஸ்டாவில் ஸ்டேட்டஸ் போட்டாச்சு. என்னோட குரூப் மெம்பர்ஸ் பார்த்து ஷாக்காகிட்டாங்க. நான் தான் பசங்க கூட பேசி அவங்க பார்த்ததே இல்லை. ஆனால் என்னோட இன்ஸ்டாவில் நான் ஃபேம்லி , பிரண்ட்ஸ் போட்டோ போடுவது வழக்கம் என்பதால் ரொம்பவும் பெரிதாக எடுத்துக் கொள்ளவில்லை. கூட ராகுலும் இருப்பதால் பிரச்சினை இல்லை.

இவ்வளவு ரிஸ்க் எடுத்தோம் இல்லை. அதுக்கு ரியாக்சன் எதிர்பார்த்தோம். நாங்க வெளியில் போனத எப்படியோ தெரிஞ்சுகிட்ட ஷாலினி என்னிடம் கொஞ்சம் நன்றாகப் பழக ஆரம்பித்தாள்.

வெற்றியோட காதல் ரொம்பவும் ஆழமானது. அவன் சொன்ன ஒரு விஷயம் என்னை மிகவும் வியப்பில் ஆழ்த்தியது. ஒரு படி மேலே போய்விட்டான் . ‘அவ என் கூட இல்லாட்டியும் பரவாயில்லை. அவளுக்கு யூபிஎஸ்சி பாஸ் பன்னறது ரொம்ப முக்கியம். அது அவளோட கனவு. அவளோட பியூட்சர் ஹஸ்பண்ட் அதுக்கு சப்போர்ட் செய்வாரானு தெரியல. அவளோட கனவு எப்படியாவது நிறைவேறனும். அதுதான் எனக்கு கவலை.’ இப்படி என்னிடம் ஒருநாள் கூறினான்.

அன் கண்டிஷனல் லவ்வர் அவன். பதிலுக்கு அவனுக்கு கிடைத்தது கேரக்டர் டிபேமஷன். அகாடமியில் சூப்பரா ஒரு லைப்ரரி இருக்கு. அதில் படித்துக் கொண்டிருக்கும் இடம் எங்கிருந்தாலும் ஷாலினியைப் பார்க்கும்படி இருக்கும். நாலுபேர் அமரும் படி வட்ட மேசை நடுவில் இருக்கும். ஷாலினி அருகில் இன்னொரு பேட்ச் மேட் பெண்ணும் அமர்ந்திருக்கிறாள்.

இவன் ஷாலினியைப் பார்க்க , இவள் டெலிகிராமில் யாரைப் பார்க்கிறாய் என்று கேட்டாள். வெற்றி ‘நான் உன்னைப் பார்க்கவில்லை. பக்கத்தில் இருந்த பொண்ணைத் தான் பார்த்தேன்’ பதில் கொடுத்திருக்கிறான்.

இப்படி ஏது எதுவோ பேச இறுதியில் ஷாலினி பக்கத்தில் இருந்த பெண்ணிடம் என்ன சொன்னாள் என்று தெரியவில்லை. அந்தப் பெண் போய் மெண்டரிடம் கம்பிளையிண்ட் செய்துவிட்டாள்.

இரண்டு மெண்டர்கள் அழைத்து அவன் விசாரித்தார்கள். கிட்டதட்ட பொறுக்கி அளவுக்கு அவன் பெயர் கெட்டுவிட்டது. ஸ்டூடன்ஸ் யாருக்கும் தெரியாது. மெண்டர்களுக்கு மட்டும்தான் தெரியும். பின்னாடி வந்த நாளில் அந்த மெண்டர்களே வெற்றியிடம் நல்ல பிரண்டாகிவிட்டனர்.

நடந்த விஷயத்தை எல்லாம் வெற்றி சொன்ன போது நானும் மீனினியும் பொங்கி விட்டோம். காதலுக்கு இதைவிட சிறந்த பரிசு யாராவது தர முடியுமா? ஷாலினிக்கு தெளிவான மனநிலை கிடையாது.

நான் தனியாக என்னொட காலேஜ் கேண்டீனில் சாப்பிட்டுருக்கேன். ஹோட்டல்ஸ் தனியா சாப்பிட்டுருக்கேன். முன்ன பின்ன தெரியாதவர்களுடன் சாப்பிட்டு இருக்கேன். தனியாக டிராவல் செய்திருக்கேன். ஏன் கிடாவெட்டில் தயிர்சாதம் கூட சாப்பிட்டு இருக்கேன். ஆனால் நான் ஷாலினி கூட ஒரு லன்ச் கேண்டீனில் சாப்பிட்டேன். தி மோஸ்ட் ஆக்வர்டு லஞ்ச் ஐ எவர் ஹேட்.

அவ கூட ஏப்படி சாப்பிட நேர்ந்தது தெரியுமா? அன்று ஒரு மாக் டெஸ்ட் இருந்தது. வெற்றி எனக்கு கேண்டீனில் வைத்து ஆல் தி பெஸ்ட் கூறிவிட்டான். அவளும் எனக்கு அருகில்தான் இருந்தாள்.

டெஸ்ட் முடிந்த பிறகு , மதியம் சாப்பிடாமல் இருந்தேன். வழக்கமாக நான் லஞ்ச் சாப்பிட மாட்டேன். தாராபுரம் போக வேண்டும் என்பதால் என்னோட லஞ்ச் மதுரை பஸ்ஸில் சாப்பிட்டு விடுவேன். தேர்வு சீக்கிரம் முடிந்தது. அன்று அம்மாய் வீட்டுக்குச் செல்வதால் திருப்பூர் செல்ல வேண்டும். டைம் இருந்தது.

இப்படி இருக்கும் போது மீனினி அவளுடன் சாப்பிட அழைத்திருந்தாள். ஷாலினியும் அவள் தோழியும் அன்று அவர்களுடன் சாப்பிட அழைத்தனர். மீனினியிடம் அவர்களுடன் சாப்பிடுவதாகச் சொல்லிவிட்டேன்.

அதே மாதிரி சாப்பிடவும் சென்றேன். ஒருத்தரோட உள்நோக்கம் என்னனு உள்ளுணர்வு சொல்லி விடும்.. எனக்கும் புரிந்தது. ரொம்ப அன் கம்பர்டபிளா பீல் செய்தேன். அன்று பிடித்து வெற்றியிடம் புலம்பித் தீர்த்து விட்டேன். வெற்றி எனக்கு விஷ் செய்ததால் என்னைச் சாப்பிட அழைத்தனர் என்பது உண்மை. வெற்றி எந்தப் பெண்ணிடம் பேசினாலும் இப்படித்தான் செய்து கொண்டிருந்தனர்.

அவனுக்கு நீ ஓகேவும் சொல்லப் போறது இல்லை. அதே சமயம் உனக்கு எங்கேஜ்மெண்ட் ஆகிருச்சு. முடிஞ்ச அளவுக்கு ஒதுங்கி இருக்கனும். அல்லது பிரண்டா தன்னோட எல்லையில் இருந்து பழகிருக்கனும். பொதுவாக எனக்கு பெரும்பான்மையான ஆண்களின் குணம் பிடிப்பதில்லை. அதே சமயம் எனக்கு பெண்களின் சில டைப்ஸ் பிடிக்காது. ரொம்ப அலம்பல் செய்யற ஆளுங்க , செல்ஃப்பிஷ் டைப் , நாலடி நடக்கறதுக்கு அரை மணி நேரம் செய்யறவங்க. அழுதே காரியம் சாதிக்கும் மேனிப்புளேட்டிவ் டைப் இப்படி சொல்லிக்கிட்டே போகலாம்.

‘பொதுவா பொண்ணுங்க் பசங்க இப்படி இருக்கனும் டைப் வச்சுருப்பாங்க. நீ என்னமா பொண்ணுங்களுக்கே டைப் வச்சுருக்க? ரொம்ப கஷ்டம் ‘ தேவின் மனதில் இதுதான் ஓடியது.

நானும் மீனுவும் சேர ஒரு ஆள வெறுத்தோம்னா அது ஷாலினிதான். அவளைத் திட்டாத நாள் கிடையாது. அதே சமயம் அவள் மனசு மாறி வெற்றிக்கு ஓகே சொன்னா பரவாயில்லைனு கூட சில சமயம் தோனியிருக்கு. வெற்றியோட காதல் என்னை வியக்க வைத்த காதல். அவள் கனவை நிஜமாக்க வேண்டும் என்று நினைத்த காதல்.

ஒருத்தரை இவ நடத்துன மாதிரி நடத்தக் கூடாது. பசங்க உண்மையா காதலிச்சா இப்படித்தான் இருப்பாங்க. ஆனா பொண்ணுங்க தூக்கி எறிஞ்சுருவாங்க. வைஸ் வர்ஸா மாதிரி பெண்களை ஏமாற்றும் ஆண்களும் உண்டு. ஆனால் என்ன சினிமால கூட ஆண்களால் ஏமாறும் பெண்களுக்கு பாட்டெழுவது குறைவுதான். ஒட்டு மொத்தமாக பொண்ணுங்களே இப்படித்தான் பாடுவாங்க. கடலை கூட ஆழமில்லை பொண்ணுங்க மனசு ஆழம்னு பாட்டுப்பாடுவாங்க. அதை விட ஏதாவது பெட்டராகச் செய்யலாம். ஆனால் மனிதர்கள் எல்லாருக்கும் ஏமாற்றத் தெரியும். அதுதான் நிதர்சனம்.





ஷாலினிக்கு தெளிவான ஐடியாலஜி கிடையாது. ஆனால் பெற்றவர்களை மீறி எதுவும் செய்ய மாட்டாள். அதாவது திருமணம் போன்றவை பெரிய முடிவுகளை அவள் எடுக்க மாட்டாள்.

எனக்கும் அந்த பெண்ணைப் பற்றி பேச விருப்பமில்லை. ஆனால் அவள் வெற்றிக்கு செய்தது தவறு என்றே தோன்றியது. அவங்க லவ் லைஃப்ல நாம கருத்து சொல்ல முடியாது. வெற்றிக்கும் இது தெரியும். அவன் விருப்பப்பட்டு செய்ததுதான் இது எல்லாம்.



அவளை விடு. நானும் வெற்றியும் அப்பப்ப காஃபி சாப்பிட போவோம். பக்கத்தில் காஃபி ஷாப்ஸ் நிறைய இருக்கும். போர் அடிச்சுதுனா அப்படியே ஸ்டீரிட் வாக்கிங்க் போவோம். ராகுலும் கூட இருப்பான். நாங்க மூணு பேரும் பேசிக் கொண்டே நடந்து செல்வோம். அவனோட பார்ட்னர் நான். பார்ட்னர் இன் கிரைம். அவனுடன் பிரண்டானது கோச்சிங்க் கிளாஸ் கிட்டதட்ட முடியும் கட்டத்தில் தான். ஷார்ட் டைமில் என்னோட பிரண்ட் ஆகிட்டான். என்ன ஹெல்ஃப் கேட்டாலும் செய்வான். மை பார்ட்னர். அவன் மேல என்ன கோபம் இருந்தாலும் பேசியே சாமாளிச்சுருவான்.

ஒரு இடத்தில் நானும் வெற்றியை ஃபேக் பாய் பிரண்டாக உபயோகித்திருக்கிறேன். ஒரு இடியட் கிட்ட இருந்து என்னைக் காப்பாத்தான். ஒவ்வொரு தடவை பேசும் போதும் எதாவது புதுசு புதுசா சொல்லுவான். ரொம்ப நேரம் பேசிட்டே இருப்போம். இன்னுமே அவனைப் பத்தி நிறைய எனக்குத் தெரியாது. அவனுக்கும் என்னைப் பத்தி கண்டிப்பாகத் தெரியாது.

தேவையும் இல்லை. நாங்க பிரண்ட்ஸா இருக்கனும் கூட அவசியம் இல்லை. ஆனால் நாங்கள் நண்பர்கள். அதை யாராலும் மாற்ற முடியாது.



வெற்றியும் முகவரி அற்றவன். அவன் அன்புக்கு இதுவரை சரியான முகவரி கிடைக்கவில்லை. அவன் அறிவுக்கும் முகவரி கிடைக்கவில்லை. வெற்றி போல் இருக்கின்றனர். ஏதோ ஒரு தேடலுடன் வாழ்வில் போய்க் கொண்டே இருப்பார்கள். இருந்தாலும் என்றாவது ஒரு நாள் அவனுடைய முகவரியை அடைவான் என்று நான் நம்புகிறேன்.

இப்படியே போய்கிட்ட இருந்த எங்க லைஃப்ல இல்லை உலகத்தேயே ஆட்டிப் படைத்த கொரானா வர அகாடமி மூடப்பட்டது. அதற்குப்பிறகு எங்களுடைய நட்பு போனில்தான் வளர்ந்தது.

‘என்ன இது அவ்வளவுதானா? ‘ என்று நினைத்த தேவ் ஊர் பற்றிய குறிப்புகளை மீண்டும் பேப்பரில் எழுதி வைத்தான்.

அலைவான்.............

 

[மீ.ரா]

அத்தியாயம்-30

எனக்கு ஒரு பழக்கம் இருக்குது. அது உனக்கே தெரியும். நான் ஒரு சைபர் செயிண்ட். ரேராதான் டெக்ட், கால்ஸ் எல்லாம் செய்வேன். கால் லிஸ்ட் பார்த்தா ஒன்னும் இருக்காது. எனக்கு எவ்வளவு குளோஸ் பிரண்டா இருந்தாலும் போன் கால்ஸ் ஆடிக்கு ஒரு முறை அமவாசைக்கு ஒரு தடவை செய்யற சோம்பேறியான நானே என் கிட்ட இந்த மாதிரி ஒரு பிகேவியர எதிர்பார்க்கவில்லை. நான் தினமும் ஒருத்தருக்கு போன் செஞ்சு பேசறதா? நோ வே. எல்லா விதிகளும் என்றாவது ஒரு நாள் உடைக்கப்படும்.

மீனினி என்று தலைப்பிட்டு யாழரசி எழுதியிருந்தாள்.

அப்படிப் பேசுன முதல் ஆள் மீனினி. இரண்டாவது ஆள் வெற்றிவேள். பிபிக்கு அப்ப அப்ப தான் கூப்பிடுவேன். சில சமயம் கான்பிரஸ் கால் உண்டு. மூணு பேரும் ஒன்னா சேர்ந்து என்னை கலாய்ப்பாங்க.

வெற்றி மாதிரி இல்லாம நான் மீனினியை முன்னாடியே மீட் பன்னிட்டேன்.

லெட் மீ இண்டர்டியூஸ் மீனினி. என்னோட ஸ்வீட் நத்திங்க்ஸ், பாலிட்டி டிஸ்கஸன், நாட்டு நடப்பு வாதங்கள், வீட்டு பிரச்சினைகள் இப்படி எல்லாம் இவ கூடதான் பேசுவேன். இந்த உலகத்திலேயே அதிகம் நான் மனம்விட்டு பேசிய ஒரே ஆள் மீனினி. அதே மாதிரி அவளோட மிகப்பெரிய ரகசியத்தை சுமக்கும் ஒரே ஆள் நான் தான். அத என்னனு பின்னாடி சொல்றேன்.



அவ தேர்ட் ரோ தான். அவளொட டீம் மேட் என் காலேஜ் சீனியர். அவளோட அண்ணா என்னோட பேட்ச் மேட். அவனொட பிரண்ட் என்னோட பிரண்ட். இப்படி எனக்கும் மீனினிக்கும் இன்விசிபிளா ஒரு கனக்ஷன் 2013-ல் இருந்தே இருந்திருக்கிறது.

எங்களோட பாண்ட் ரொம்பவும் ஸ்பெஷல். மீனினியும் நானும் நன்றாக பேசியது கேண்டீனில் தான். நல்லா புட் ஷேர் செய்வோம். அப்படி ஒரு நாள் மதியம் தான் இருவரும் பேசத் தொடங்கியது. நான் சைக்காலஜி படித்ததும் ஒரு காரணம்.

என்னோட சீனியர் அக்கா அவங்களுக்கும் ஒரு டிராமா இருந்தது. அதைப் பற்றி என்னிடம் பேசுவார்கள். அந்த அக்கா ஒரு குட் சோல். அவங்க எங்கள விட வயதில் மூத்தவர் என்பதால் மிக நன்றாகக் கவனித்துக் கொள்வார்,

அவர்தான் மீனினிக்கு ஒரு பிரச்சினை இருக்கு. அத எப்படியாவது சரி செய்தே ஆகனும் என்று என்னிடம் முதலில் கூறியவர். மீனினி இருபது வயது கூட முடியவில்லை. என்னை மாதிரிதான் பத்தொன்பது வயது ,முடிவதற்குள் அவளும் யூஜி முடித்து விட்டு அகாடமியில் சேர்ந்திருந்தாள்.

எனக்கு தெரிந்த வரை அகாடமியில் உள்ளதில் மிகவும் சிறியவள் மீனினியாக இருக்க வாய்ப்பு உள்ளது. மீனினி என்னை அந்த பெயர் மிகவும் கவர்ந்தது. ரொம்பவும் யூனிக்கான நேம்.

என்னிடம் முதலில் கவுன்சிலிங்க் வேண்டும் என்று கேட்டாள். நான் உன்னொட லிசனரா வேணா இருப்பேன். ஆனால் பிரன்ட்ஸ்க்கு கவுன்சிலரா இருக்க முடியாதுனு சொல்லிட்டேன். ஏனென்றால் அது ஒரு தடவை பேக்ஃபயர் ஆனது போதாது.

நானும் மீனினியும் ரொம்பவும் குளோசாகும் போகும் போது எனக்கும் ஒரு வித இன்செக்கியூரிட்டி இருந்தது. எங்க முன்னாடி நடந்த மாதிரி ஆகிடுமோ என்று? ஐ வாஸ் இன்செக்யூர். ஆனால் வெளியில் சொல்லிட்டா அது யாழரசி இல்லையே. மீனினிக்கு நன்றாக உள்ளுணர்வு வேலை செய்யும். நன்றாக ஆட்களையும் எடை போடுவாள். செம ஸ்மார்ட்ம் கூட. ரொம்ப பர்சப்டிவ். எதையும் சீக்கிரம் புரிஞ்சுக்க முடியும். அப்புறம் புக் ரீடர் கூட புக்ஸ் பத்தி நிறைய பேசுவோம். நல்லா மூவிஸ் பத்தி பேசுவோம். கே டிராமாஸ் பார்ப்போம்.

என்னோட குரூப் மெம்பர்ஸ் விட அவளிடம் மிகவும் குளோசாக ஆரம்பித்தோம். நான் அடிக்கடி காபி ஷாப் போனது இவளுடன் தான். அங்கு ஒரு பேக்கரி இருக்கும். ஒன்றாகச் சாப்பிடுவோம்.

நான் இந்த அகாடமிக்கு வரதுக்காக என்னோட டீச்சிங்க் ஜாப்ப விட்டுட்டு வந்தேன். எனக்கு பெரிதாக யாருடனும் பேசவோ பழகவோ விருப்பமில்லை. ஆனாலும் என்னோட குரூப் மெம்பர்ஸ் , மீனு இவங்கள எல்லாம் மீட் செஞ்சது இட்ஸ் மை பேட்தான்.

கோயம்புத்தூர் வந்துட்டு போறதில் கிட்டதட்ட ஆறு மணி நேரம் பேருந்து பயணத்தில் கழியும். இதன் விளைவாக ஒட்டுமொத்தமாக ஒரு மாதத்தில் எட்டு ஆக்சிடண்ட் பார்த்தேன். அதனால் டிப்ரஸனில் விழுந்தேன்.

புத்தகங்களில் இருக்கும் ஒரு வார்த்தை கூட படிக்க முடியாது. பிளாங்கா ஸ்டேரிங்க் மட்டும் தான் செய்ய முடியும்.

அப்ப எல்லாம் என் கூட இருந்தது மீனினி தான். அவளோட பிரச்சினை எல்லாம் தீர்க்க என்னிடம் வந்தாள். அவளுடைய பிரசன்ஸ் என்னை ஹீல் செய்ய ஆரம்பித்தது என்பதுதான் உண்மை.

சரி இப்ப மீனினி குடும்பத்தைப் பத்திப் பார்க்கலாம். மீனினி கொங்கு நாட்டில் அப்பர் கேஸ்ட்டா பார்க்கப் படும் ஒரு பிரிவைச் சார்ந்தவள். ஏன் சாதியைப் பற்றிப் பேச வேண்டும் என்று கேட்கலாம். நானும் அதே கொங்கு நாட்டில் மற்றொரு உயர்வகுப்பைச் சார்ந்தவள்.

அதிலும் நடுத்தர குடும்பத்தைச் சார்ந்தவர்கள் எனில் கட்டுப்பாடுகள் அதிகம். மீனினியும் நானும் ஒரே மாதிரி மனப்பான்மை கொண்ட குடும்பத்தைச் சார்ந்தவர்கள். ஆமாம் நாங்கள் ஸ்கேரி டேல் சொல்லி வளர்க்கப்பட்டவர்கள். மிகவும் செல்லமாக வளர்க்கப்பட்ட பெண் மீனினி. எனக்கு ஐம்பது சதவீத சுதந்திரம் என்றால் மீனுக்கு முப்பது சதவீதம்தான்.

அவளும் அவள் அண்ணனும் மிகவும் ஒற்றுமையாக இருப்பார்கள். கேட்டது கிடைக்கும். மீனு எதிர்த்துக் கூட பேச மாட்டாள். என்னை மாதிரி ரிபெல் கிடையாது.

அவளுக்கு சிறுவயதிலிருந்தே நண்பர்கள் கிடையாது. ஊரில் யார் பிரண்ட் என்று கேட்டால் அவளுக்குச் சொல்ல ஒருவரும் கிடையாது.

மொத்தத்தில் காஸ்மோபாலிட்டன் சிட்டியில் கன்சர்வேட்டிவாக வளர்க்கப்பட்ட பெண். நான் பட்டிக்காட்டில் கொஞ்சம் பிராட் மைண்டடு ஆட்களால் வளர்க்கப்பட்டவள்.

உடல்களுக்குத்தான் முகவரி உண்டு. உள்ளங்கள் முகவரி அற்றவை. எப்படி யாரு யோசிப்பார்கள் என்று யாராலும் கட்டுப்படுத்த இயலாது. தளைகள் மெய்களுக்குதான். மனங்களுக்கு இல்லை. நானும் மீனுவும் யோசிப்பது எல்லாம் இந்த சமூகத்தின் கட்டமைப்புக்கு பெரும்பாலும் எதிராகத் தான் இருக்கும்.



அவளது பெற்றோர்கள் பெருமையாகச் சொல்லக் கூடிய விஷயம் “என் பொண்ணுக்கு பிரண்ட்ஸே கிடையாது “ என்பதுதான். நண்பர்கள் இல்லை என்பது பெருமையான விஷயம். எங்க வீட்டில் ஆப்போசிட். என் சித்தி , அம்மா எல்லாம் தோஸ்த் படா தோஸ்த்னு இன்னும் பிரண்ட்சிப்ப மெயிண்டெயின் பன்ற ஆட்கள்.

அவ்வளவு அருமையான பெண். அவளுடைய பெரியப்பா மகன்கள், அத்தை மகள்களுடன் ஒரு நல்ல தோழமை இருந்தது. அவள் கூட பிறந்த அண்ணன் கார்த்தி சொன்னால் கூட கேட்காத மீனு அவளுடைய பெரியப்பாவின் மகன் வாசு சொன்னால் கேட்பாள். வாசு அண்ணாவுக்கும் மீனு என்றால் மிகவும் பிடிக்கும். அவர் வெளிநாட்டில் வேலை செய்பவர். எப்போது ஊருக்கு வந்தாலும் மீனுவைப் பார்க்காமல் போகாமல் போக மாட்டார். அந்த அளவு அவருக்கும் இவளைப் பிடிக்கும்.

ஆரம்ப கால கட்டங்களில் நானும் மீனுவும் வகுப்பு பற்றித்தான் பேசுவோம். கிளாஸ் செட்யூல் எல்லாம் ரொம்ப ஹெக்டிக்கா இருக்கும். அடிக்கடி பேச முடியாது. பிரேக்ல டைம் கிடைத்தால் பேசுவோம். மற்றபடி பேசமாட்டோம். தெரிந்த பெண் அவ்வளவுதான். சின்ன பொண்ணு.

எனக்கு யாரு முன்னாடியும் அழறது பிடிக்காது. அப்படி இருக்கற நான் வகுப்பில் எல்லார் முன்னாடியும் அழுதுட்டேன். முன்னாடி ரோ அதனால் முன்னாடி அழ வேண்டியதாகிடுச்சு,

யூபிஎஸ்சி மேல ரொம்ப அப்செஸ்டா இருந்தேன். அது மட்டும் இல்லாமல் வீட்டிலும் என் சம்பந்தமாக சில பிரச்சினைகள். அழுத நாளன்று சித்தி வீட்டில் கோவையில் தங்கியிருந்தேன். முந்தைய நாள் இரவு சித்தி சொன்ன சில விஷயங்கள் என்னை உணர்வுப் பூர்வமாகப் பாதித்திருந்தது. ஸ்டிரஸ் கொஞ்சம் கொஞ்சமா பில்ட்ப் ஆகிட்டு இருந்தது. எனக்குத்தான் அவ்வளவு ஈசியாக அழுகை வராது உனக்கே தெரியும் பெக்கி. கோபம் வேணா கந்து வட்டி மாறி அளவு இல்லாமல் வரும். ஒருவேளை அழுது சீன் கிரியேட் நிறைய இடத்தில் செய்திருந்தால் என்னைப் பார்த்து நிறைய பேர் பரிதாபப்பட்டிருப்பார்களோ என்னவோ?

மேட்டருக்கு வரேன். எப்போதும் போல் வகுப்புக்கு அரைமணி நேரம் முன்னாடி வந்துட்டேன். மழை வந்தால் நகரத் தெருக்களின் நிலையைச் சொல்ல வேண்டியது இல்லை. ஐ ஹேட் இட். எனக்கு கால் செருப்பு கூட அழுக்கா இருக்கக் கூடாது. சோ ரெஸ்ட் ரூம் போய் கீளின் செய்திட்டுதான் வருவேன்.

அகாடமி துப்பரவு செய்யும் ஒரு அக்கா இருப்பார்கள். அந்த அக்கா எப்போதும் ஒரு வகை விரக்தியுடனே இருப்பார்கள். காலையில் நான் அவர்களை கிராஸ் செய்யும் போதே நிறுத்தி “நீ தான் நேத்து பாத்ரூம் யூஸ்பன்னிட்டு “ இப்படி ஆரம்பித்து என்னைத் திட்டத் தொடங்கிவிட்டார்கள்.

இதில் என்ன ஐரானி என்றால் நான் அதற்கு முந்தைய நாள் மேல் புளோரில் உள்ள பாத்ரூமைத் தான் உபயோகித்தேன். நானும் நான் இல்லைக்கானு சொல்லிப் பார்த்தேன். அந்த அக்கா எதையும் கண்டு கொள்ளாமல் கத்த ஆரம்பித்துவிட்டார்கள்.

நானும் பேசாமல் வகுப்பு நடக்கும் இரண்டாவது மாடிக்கு படியேற ஆரம்பித்துவிட்டேன். ஆனால் அதற்குள் இந்த விஷயத்தைப் பார்த்துவிட்ட பசங்க சிலர் ஸ்டூண்ட் கோ ஆர்டினேட்டர் இன்ஃபார்ம் செய்யவும் அவர் கீழே இறங்கி வந்தார்.

அதற்குள் இந்த விஷயம் எல்லாருக்கும் தெரிந்து விட்டது. எனக்குப் பின்னால் இருப்பவர்கள் பேச ஆரம்பித்து விட்டார்கள். அது நான் அப்படினு எல்லாருக்கும் தெரிஞ்சுருச்சு. இது ஒரு இஸ்யூ ஆகும்னு எனக்குத் தெரியும். எங்க இருந்து எனக்குக் கண்ணீர் வந்ததுனு தெரியல. முதல் மூணு ரோல இருக்க என்னோட பிரண்ட்ஸ் எல்லாரும் ஆறுதல் சொன்னார்கள். ஸ்டூண்ட் கோ ஆர்டினேட்டர் தங்கமான மனுசன். அவரும் ஆறுதல் சொன்னார்.

பின்னாடி இருந்த சில பெண்களும் அந்த அக்கா இப்படித்தான் காலையில் வழி மறித்துத் திட்டுவதாக கம்பிளெயிண்ட் செய்தார்கள். பிரச்சினைக்கு ஒரு முடிவு கட்டப்பட்டது.

ஒரு சில ஸ்டிரியோ டைப் இருக்கும் . எப்பவும் மக்கள் துப்புரவு பணியாளர்களை மதிப்பதில்லை என்று. எல்லாரும் அப்படி இல்லை. துப்பரவு வேலை செய்யறதுனால் என்னை மாதிரி ஆளுங்களை இப்படி நடத்தவும் அவங்களுக்கு உரிமை இல்லை. என்னைப் பொறுத்த வரை யாருக்கும் யாரையும் ஹர்ட் செய்ய உரிமை கிடையாது. நான் அழுது பிரச்சினையான பிறகு துப்புரவுப் பணியாளர்கள் யாரும் மாணவர்களுடன் பேசக்கூடாது என்ற ரூல் போடப்பட்டது. என்னை திட்டினார்கள் என்பதால் அந்த அக்கா மீது எனக்குக் கோபம் இல்லை. இன்பாக்ட் என்னை அழ வைத்தார்கள் என்பதற்கு சந்தோஷப்பட்டேன்.

தீவிரமாக வாசித்த தேவ் “நீ லூசுனு தெரியும். ஆனால் இந்த அளவுக்கு என்று தெரியாது. அழுததற்கு சந்தோசப்பட்டாங்களாம் மேடம் “ சத்தமாகவே சொன்னான். தன் தலை முடியைக் கோதி விட்டவன் மீண்டும் படிக்க ஆரம்பித்தான்.

நான் அழுததப் பார்க்கவும் மீனு தேர்ட் ரோவில் இருந்து எழுந்து வந்து என்னை ஹக் செஞ்சுட்டாள். “ஒன்னு இல்லைக்கா. அழதா” என்று ஆறுதல் படுத்தினாள்.

“என்னக்கா நீ அழுவேனு நினைச்சே பார்க்கல. நீ எவ்வளவு ஸ்டார்ங்க்.” அப்படி இப்படினு சொல்லி சமாதானம் செய்தாள்.

நானே முன்னூறு பேருக்கு முன்னாடி பப்ளிக்கா கண்ணீர் விட்டேன் எம்பாரசிங்கா ஃபீல் செஞ்சுட்டு இருந்தேன். கண்ணீர் எல்லாம் நின்றுவிட்டது. ஆனால் மூட் மட்டும் டெரிபிளா இருந்தது.

இந்த விஷயத்தினால் மீனு முன்னாடி என்னோட இமேஜ் டேமேஜ் ஆனது. அவ மைண்ட்ல என்னை ரொம்ப ஸ்ட்ராங்க்னு நினைச்சுருக்கா. எவ்வளவு மனவலிமை படைத்தவர்களாக இருந்தாலும் ஒரு கட்டத்தில் கண்ணீர் வரும். அது உண்மை, சரியான நேரத்தில் தூக்கம் வருதலும் , அழுதலும் வரம்.




அலைவான்.............

 

[மீ.ரா]

அத்தியாயம் -31

“வலிமை”

நீ எது பலம் என்று நினைக்கிற பெக்கி? அது உடல் வலிமையா ? இல்லை உள்ளத்தின் வலிமையா? இல்லை இரண்டும் சேர்ந்ததா? வலிமைக்கு அளவுகோல் இருக்கிறதா?

வலிமையும் மனிதர்களுக்கு மனிதர்கள் மாறுபடும்.

எப்போது நம்மால் எழுந்து கொள்ள முடியாது என்று தோன்றுகிறதோ அப்போது ஒரு காலடி எடுத்து வைக்க முயற்சி செய்தால் அது வலிமை.

ஆனால் ஒவ்வொரு அடி எடுத்து வைக்க முயற்சி செய்யும் போதெல்லாம் காலில் சுத்தியலில் அடித்தால் எப்படி இருக்கும்?

அடுத்த அடி எடுத்து வைக்க முடியுமா? அந்த சுத்தியல் ஏற்படுத்திய காயத்துடனும் வலியுடனும் வாழ வேண்டும் என்றால் முடியுமா?

என்னோட சீனியர் அக்கா சொன்ன வரைக்கும் மீனுவுக்கு லவ் பெயிலியர் ஏதோ இருக்குனு தெரியும். ரீலேசன்ஷிப் தெரியும். அதே மாதிரி ரீபவுண்ட் ரிலேசன்ஷிப்னா என்ன என்று தெரியுமா?

மீனினிக்கு இரண்டுமே நடந்தது. அதுவும் எப்போது தெரியுமா? பதினேழு வயதில் ஆரம்பித்தது. மீனினி கல்லூரி வாழ்க்கையில் முதலடி எடுத்து வைத்திருக்கிறார்கள். மீனு என்னை மாதிரி கிடையாது. ரொம்பவும் அமைதியான பொண்ணு. ஷை டைப் என்று பார்ப்பவர்களுக்குத் தோன்றும்.

அவளொட சர்க்கிளில் மிகவும் ஆட்கள் குறைவு. கல்லூரிக்கு வருவாள் போவாள். தான் உண்டு தனது வேலை உண்டு என்று இருப்பாள். அவள் படித்தது கோவையில் புகழ்பெற்ற மகளிர் கல்லூரி. கணினி சம்பந்தப்பட்ட படிப்பு படித்தாள்.

அவளுடைய மாமாவின் பெண் ஒருத்தி இருக்கிறாள். பெயர் சந்தியா. அவளும் அதே கல்லூரியில் முதுகலை படித்தாள். சந்தியாவும் மீனினியும் சிறுவயதிலிருந்தே ஒன்றாக வளர்ந்தவர்கள் . மீனினி சந்தியாவுக்காக எதுவும் செய்வாள். அவ்வளவு நெருக்கம். சந்தியா மூன்றுவருடம் மீனுவை விட மூத்தவள். அதனால் அவளும் மீனுவை நன்றாக பார்த்துக் கொள்வாள்.

சந்தியா வகுப்புத் தோழிகள் உண்டு. அதில் ஒரு தோழியின் நண்பன் என்று சந்தியாவுக்கு அறிமுகமானவன் ராம் . சந்தியாவுக்கு தெரிந்தவன் என்றால் மீனுவுக்கு தெரியாமல் போவானா? மீனினிக்கும் அவனுக்கும் அறிமுகம் உண்டு. சந்தியாவும் ராமும் அடிக்கடி பேச ஆரம்பித்தார்கள்.

சந்தியா மீனினிக்கு ராமுடன் பேச வேண்டாம் என்று கட்டளை இட்டு விட்டாள். ராமிடமும் மீனினியுடன் பேச வேண்டாம் என்று கூறிவிட்டாள்.

இப்படியே நாட்கள் போகின்றது. மீனு முதல் வருடம் கல்லூரியில் படிக்கும் போது அவள் வீட்டில் பேசிக் மாடல் மொபைல் போன் வாங்கித் தந்துள்ளனர். அதனால் மூஞ்சிபுக் , வாட்ஸப்ப் இல்லை. தீடிரென்று ஒரு நாள் மீனு மொபைலைக்கு ஒரு அழைப்பு வருகிறது. அதை அவள் எடுக்கவில்லை. அவளின் அம்மா எடுக்கிறார். அவர் பேசியதைக் கேட்டதும் மறுமுனையில் அமேசானின் ஏதோ பொருள் ஆர்டர் செய்ததாகவும் அட்ரஸ் தரும்படி கேட்டும் பேசியுள்ளனர். மீனுவின் அம்மாவும் அப்படி எதுவும் ஆர்டர் செய்யவில்லை என்று கூறி அந்தக் போன் காலை துண்டித்துவிட்டார்.

ஆனால் மீனுவுக்கு நன்றாகத் தெரியும். அவள் அண்ணா மொபைலில் மட்டும்தான் அமேசானில் ஆர்டர் செய்ய முடியும். அதனால் தற்போது வந்த போன் கால் கண்டிப்பாக வேறு யாரோ என்று புரிந்திருக்கிறது.

சிறிது நேரம் கழித்து அதே நம்பரில் இருந்து மீண்டும் அழைப்பு வந்திருக்கிறது. மீனுவும் எடுத்துப் பேசியிருக்கிறாள். அப்போதுதான் தெரிந்திருக்கிறது. ஆமாம் பெக்கி அது ராம். அவன் சந்தியாவின் கைப்பேசியிலிருந்து ரகசியமாக போன் நம்பரை எடுத்து மீனுவுக்கு அழைத்திருக்கிறான்.

இது ஒரு முக்கியமான திருப்பு முனை. இந்த ராம் யார் தெரியுமா? சந்தியாவின் தோழி ஒருத்தியால் காதலித்து ஏமாற்றப்பட்டவன். பணக்காரப் பசங்களும் காதலித்து ஏமாறுவார்கள். இந்த விஷயம் மீனுவுக்கும் முன்னாடியே தெரியும். அதனால் ராம் மீது மீனுவுக்கு ஒரு சாப்ட் கார்னர் உண்டு, அட்ராக்சனும் உண்டு.

அதை அவள் பெரிதாக எடுத்துக் கொள்ளவில்லை. ஆரம்பத்தில் நல்ல நண்பர்களாகப் பழகி இருக்கிறார்கள். ஆனால் இந்த விஷயம் சந்தியாவுக்குத் தெரியாது. மீனுவுக்கு கல்லூரியில் சில தோழிகள் கிடைத்திருக்கிறார்கள். இதில் இரண்டு பெண்கள் மீனு குளோஸ் இவர்களுக்கும் இந்த விஷயம் தெரியும். நாட்கள் நகர இரண்டாவது வருடம் நான்காவது

செமஸ்டரும் வருகிறது. கல்லூரி வாழ்க்கை நமக்கு பல பாடங்களைக் கற்றுக் கொடுக்கும். ஆப்டர் ஆல் ஐஞ்சுவையும் கலந்ததுதான் வாழ்க்கை.

மீனினி தன்னோட வாழ்க்கையில் இப்படி நடக்கும் என்று நினைத்துப் பார்த்திருக்க மாட்டாள். மீனினிக்கு ராமின் மீது சலனம் இருந்தது உண்மை. ஆனால் அது ட்ரூ லவ் கிடையாது .

சந்தியாவுக்கு மீனினி ராமிடம் பேசிக் கொண்டு இருக்கிறாள் என்பது தெரிய வந்துவிட்டது. மீனினியிடம் ஆண்டார்ய்ட் மொபைலும் வீட்டில் வாங்கி தந்துவிட்டார்கள். சந்தியாவுக்கு எப்படி தெரிய வந்தது தெரியுமா?

மீனினியும் ஒரு அரசியல் சம்பந்தமான கேம்ப் சென்றிருக்கிறார்கள். ராம் ஏதோ வாட்ஸ்ப்பில் ஸ்டேட்டஸ் போட்டிருக்கிறான். மீனு ஏதோ ஸ்டேட்டஸ் போட அது ராமுக்கு பதில் தரும் ஸ்டேட்டஸாக அமைந்துவிட்டது. உடனே ராமும் மீண்டும் ஸ்டேட்டஸ் பதிலுக்குப் போட்டிருக்கிறான்.

மீனும் மாற்றி மாற்றி போட இப்படி விளையாட்டு தொடர்ந்திருக்கிறது. இவர்களின் வாட்ஸப்பைப் பார்ப்பவர்களுக்கு இது புரியாமல் போகுமா? அந்த கேம்ப் முடிந்த அன்று மீனினியை அழைத்துச் செல்ல தன்னுடைய காரை எடுத்து வந்திருக்கிறான் ராம். ராம் மீனு இருவரும் ஒரே ஊரைச் சார்ந்தவர்கள். அவர்கள் வகுப்பினர் . சந்தியாவின் பிரண்ட் என்பதால் எந்த பிரச்சினையும் இல்லை. மீனுவைப் பொறுத்தவரை அவள் தான் எல்லாருக்கும் கடைக்குட்டி. நோ ஒன் டிரிட்ஸ் லைக் ஹெர் அடல்ட். பொதுவாக நடக்குறதுதான். நாம ஏதாவது ஓப்பினியன் சொன்னா “சின்ன புள்ள உனக்கு ஒன்னும் தெரியாது “ இப்படி வீட்டினர் கூறுவர். ஏதாவது மிஸ்டேக் செய்துவிட்டால் “இவ்வளவு பெரிசாயும் உனக்கு அறிவில்லை “ என்று திட்டுவர்.

ஆக மொத்தத்தில் இந்தியக் குழந்தைகள் எப்போது பெரிதாவர்கள் என்று எனக்கும் தெரியவில்லை. என்னுடன் பிஜி படித்த அக்கா ஒருவருக்கு இரண்டு குழந்தைகள் உள்ளது. இன்னமும் அவர்கள் வீட்டில் ஏதாவது கருத்து சொன்னால் “ நீ சின்ன புள்ளை உனக்கு ஒன்னும் தெரியாது” என்று பேரண்ட்ஸ் கூறுவார்களாம்.

சின்னவங்களா ? இல்லை பெரியவங்களா? அப்படினு தெரியறதுக்குள்ள நமக்கு வயசாகிடும். ஒருவேளை நாமளும் இப்படி வருங்காலத்தில் ஆகிடுவோமா? கன்பூசிஸ்ட் இண்டியன் கேர்ள்ஸ்னு நானும் ஒருத்தி.

மீனு சொல்ற ஒப்பினியனை யாரும் கண்டுக்கவே மாட்டாங்க. தொண்டை கிழிய கத்தற வீட்டுத் தலைப்புள்ளையோட தலைமகளை, நாலவது தலைமுறையில் முதல் ஆளான நம்பர் ஒன் பேத்தியான என்னையே எங்க வீட்டில் கண்டுக்க மாட்டாங்க.

சரி அதை விடு. சோ சந்தியாவுக்கும் ராமும் , மீனுவும் பேசிக் கொண்டிருப்பது தெரிந்துவிட்டது. சந்தியாவுக்கு ரொம்ப கோபம். அதுவும் வெடிச்சுருச்சு.

ஏனென்றால் ராமும் . சந்தியாவும் ரிலேசன்ஷிப்பில் இருந்திருக்கிறார்கள். அதே மாதிரி மீனுவிடமும் ராம் பேசியிருக்கிறான். டூ டைமிங்க் தான். உடனே இவ்வளவுதான அப்படினு நீ நினைக்கலாம்.

டிவிஸ்டே இங்க தான். ராம் என்பவன் சந்தியாவின் ஒரு தோழியால் காதலித்து ஏமாற்றப்பட்டவன். ஆனால் ராம் சந்தியாவிடன் காதலிப்பது போல் பழகியுள்ளான். ஆனால் சந்தியாவுக்கும் வாசு அண்ணனும் ரிலேசன்ஷிப்பில் ஏற்கனவே இருந்துள்ளனர்.

இந்த விஷயம் வாசு அண்ணாவுக்கும் தெரிய வர மீனினி வீட்டிற்கு வந்திருக்கும் சந்தியாவிடம் கேட்க பிரச்சினை பெரிதாயிருக்கிறது. ஆனால் மீனுவுக்கு தான் ஏமாந்ததும் புரிந்தாலும் வாசு அண்ணாவுக்கும் சந்தியாவுக்கு இடையில் இருந்த ரிலேசன்ஷிப் தெரியவில்லை. அதனால் வாசு அண்ணாவிடம் சண்டை போட்டிருக்கிறாள். வாசு அண்ணாதான் டிஸ்டர்ப் செய்கிறான் என்று நினைத்து விட்டதால் வந்த வினை. அதற்குப் பிறகு உண்மை தெரிய வந்ததும் ராமை நல்லவன் என்று நினைத்து அவன் சந்தியாவிடம் இருந்து தப்பித்தால் நல்லது என்று நினைத்திருக்கிறாள்.

ஆனால் இது எல்லாம் தூக்கிச் சாப்பிடும் வகையில் ராம் அந்த வருடமே வீட்டில் பார்த்த ஒரு பெண்ணைத் திருமணம் செய்து கொண்டான். இது எப்படி இருக்கு?

“பிராவோ…சான்சே இல்லை. இடியாப்பக் காதல் கதை “ தேவ் சத்தமாகவே சொன்னான். மீண்டும் படிப்பதில் ஆழ்ந்தான்.

என்னடா இப்படி ஆகிடுச்சேனு நீ நினைக்கலாம். மனித உறவுகள் எப்போதும் எளிமையான ஒன்றல்ல. மனித மனமும் உணர்வுகளும் மாறிக் கொண்டே இருக்கும் ஒருத்தரை நேற்று வெறுத்திருக்கலாம் . அதே நபர் ஏதோ ஒரு நல்லதைச் செய்து இன்று நம் மனதில் இடம் பிடிக்கலாம். நாளை இன்னொரு நபர் நம் மனதில் இருக்கலாம். காதல் யாரு மேல யாருக்கு எந்த நொடியில் வரும்னு யாராலும் சொல்ல முடியாது.

இத ராம் செய்யறதுக்கான காரணம் என்னவாக இருக்கும்.? சந்தியாவுக்கும் மீனினிக்கு உள்ள ஆழ்ந்த உறவு உடைய ஒரு காரணம் ராம். அதே மாதிரி வாசு அண்ணாவுக்கும் மீனுவுக்கும் விரிசல் விழக் காரணம் ராம்.

இத எல்லாம் ஏன் அவன் செய்யனும்? என்ன காரணம் இருக்க முடியும். நிச்சயமாக எனக்குத் தெரியாது. ஏன் மீனினிக்கும் தெரியாது. அவன் பழிவாங்க செய்திருக்கலாம். இல்லை டைம்பாஸ்க்காகச் செய்திருக்கலாம். ஏன் இப்படி ராம் செய்தான் என்பதற்கு அவன் மட்டும் தான் விடை கொடுக்க முடியும். ஆனால் ஒரு உண்மையை ஒத்துக் கொள்ள வேண்டும். வாழ்கையில் எல்லாக் கேள்விகளுக்கும் பதில் கிடைக்காது.



அலைவான்...............

 

[மீ.ரா]

அத்தியாயம் -32

மீனினி ராமிடம் பேசுவது அவளது கிளாஸில் படிக்கும் அந்த இரண்டு குளோஸ் பிரண்ட்ஸ்க்கும் தெரியும். மீனுவுக்கும் அந்தப் பெண்ணுக்கும் ஏதோ ஒரு விஷயத்தில் சண்டை வந்திருக்கிறது. சின்ன சின்ன வாக்குவாதங்கள் வருவதுதானே . ஆனால் அந்தப் பெண் “நீ ராம் கூட அப்யர்ல் இருக்கறவதானே “ என்று கூறிவிட்டாள்.

மீனினிக்கு அப்போதுதான் புரிந்தது. தன்னைப் பற்றி இழிவாக நினைத்திருக்கிறாள் என்று, அந்த பெண்ணின் நட்பு முடிந்து போனது. இந்த டீனேஜர்ஸ்க்கு ஒரு பழக்கம் இருக்கும். எதைச் செய்ய வேண்டாம் என்று சொல்கிறோமோ அதைத்தான் செய்வர். சந்தியா ராமிடம் பேச வேண்டாம் என்று சொன்னதும் மீனுவுக்கு ஏன் பேசினால் என்னவென்று தோன்றியிருக்கிறது. ராமே வந்து பேசவும் இவளும் பேசியிருக்கிறாள். இதில் ஹைலைட் என்னவென்றால் ராம் மீனுவின் மீது மிகவும் ஆர்வமுள்ளவன் போல் பேசி இருக்கிறான். அந்தப் பருவத்தில் கிடைக்கும் அட்டேன்சன் அவளை மகிழ வைத்திருக்கிறது. தன் மேலும் அக்கறை எடுக்க ஒருவர் உள்ளார் என்ற ஆனந்தம்.

அது துரோகத்தால் பின்னப்படப் போகும் நட்பு என்று அவளுக்கு அப்போது தெரிந்திருக்கவில்லை. இரண்டு வருடத்தில் தனக்கு முக்கியமான சிலரின் உறவுகளில் விரிசல் அதனால் ஏற்படப் போகிறது என்று அறிந்திருக்கமாட்டாள்.

இந்த விஷயம் வீட்டினருக்கு முழுதாகத் தெரியவில்லை. ஆனால் பிரச்சினை நடந்தது தெரியும்.

மேலும் மீனினியும் மனதை உடைக்கும் சம்பவம் ஒன்று நடந்தது. சந்தியாவின் உண்மை முகம் ஒன்று வெளிப்பட்டது. சந்தியாவின் பெஸ்ட் பிரண்ட் ஒருத்தியிடம் மீனுவைப் பற்றி திட்டிப் பேசியிருக்கிறாள். “அவளைக் கூட வைத்திருப்பதே தன்னோட இமேஜா இம்பூருவ் செய்யதான். மீனு குண்டாக இருப்பதால் நான் அழகாத் தெரிவேன்.” இப்படி ஒரு வார்த்தையே விட்டிருக்கிறாள்.

மியூட்சுவல் பிரண்ட்ஸ் இருந்தால் தான் பிரச்சினை. சந்தியாவின் பெஸ்ட் பிரண்ட் இந்த விஷயத்தை வெளியில் சொல்ல அது அங்க சுற்றி , இங்க சுற்றி மீனுவின் காதுக்கு வரவும் மனமுடைந்து போய்விட்டாள்.

எஸ் மீனினிக்கு உடல் பருமன் பிரச்சினை இருக்கிறது. அதனால் அவள் நிறைய இடங்களில் பாடி ஷேமிங்க் அனுபவிக்க நேர்ந்திருக்கிறது.

பாடி ஷேமிங்க் என்றால் என்ன தெரியுமா? ஒருவரின் உடலைப் பற்றி அவர்களின் மனது பாதிக்கும் வகையில் எதிர்மறையாக விமர்சனம் செய்வது. இது பல மனநலப் பாதிப்புகளைப் ஏற்படுத்தும். தாழ்வு மனப்பான்மை , இன்செக்யூரிட்டி இப்படி சொல்லிக்கொண்டே போகலாம்.

பாடி ஷேமிங்க் எங்கு தொடங்குகிறது என்றால் முதலில் வீட்டில் தான். ஆண்கள் பெண்கள் இருவருக்கும் பாடிஷேமிங்க் பொதுவானது. பெண்கள் ஆண்களை விட அதிமாக எதிர்கொள்ள வேண்டியிருக்கும்.

வீட்டில் எப்படி நடக்கும்? ஏன் இல்லை? ஒரு அம்மா மார்பகம் பெரிதாக உள்ள பெண்ணை அல்லது குண்டாக உள்ள மகளைப் பார்த்து ஒரு தடவை கூட அந்தப் பெண் மனம் வருந்தும்படி ஏதாவது கூறாமல் இருந்திருப்பார்களா என்றால் நிச்சயம் கூறியிருப்பார்.

வீட்டிலும் பாடிஷேமிங்க் என்பது தெரியாமலேயே நடக்கும். அதுதான் பிரச்சினையே. வெளியில் யாரவது இந்த மாதிரி கமெண்ட் அடித்தால் அது லீகலாக பிரச்சினை ஆகும்.

இந்திய பெற்றோர்களில் பெரும்பான்மையானவர்கள் தங்களுடைய விருப்பங்களை அக்கறை என்ற பெயரில் குழந்தைகளின் மீது திணிக்கின்றனர். குழந்தைகளும் அதை அன்பு என்றுதான் நினைக்கின்றனர்.

மீனினியும் பாடி ஷேமிங்க் அனுபவித்திருக்கிறாள். இவ்வளவு ஏன் எங்க கோச்சிங்க் செண்டரில் கூட அவளை கேலி செய்து விட்டு மென்ஸ் ரெஸ்ட்ரூமில் மறைந்த கோழைகளும் உண்டு. ஆமாம் பின்னே மாட்டினால் பிரச்சினை ஆகிவிடும்.

ஆனால் மீனினி சொல்வாள். “அக்கா நான் குண்டா இருக்கறதில் எந்த பிரச்சினையும் இல்லை. என்னை நான் முழுசா அக்சப்ட் பன்னிட்டேன். எனக்கு எப்பாவது ஒல்லியாகனும் தோணுதோ அப்ப கண்டிப்பாக குறைப்பேன். மத்தவங்க கிண்டல் செய்யறாங்கனோ இல்ல வீட்டில் சொல்றாங்கனோ நான் குறைக்க மாட்டேன். “ இப்படி பாடி பாசிட்டிவிட்டி கடைபிடிக்கற ஆளு அவள்.

எனக்கு பாடி பாசிட்டிவிட்டி குறைவு. ஏனென்றால் நான் ஒல்லியாக இருந்து லைட்டா ஓபேஸ் ஆகிட்டேன். ஹெல்த் பீரிக்கான நான் கண்டிப்பா கவலைப்படுவேன். இத்தனை வருஷம் ஒரு மாதிரி இருந்துவிட்டு தீடிரென்று வெயிட் ஏறியதை என்னால் ஏற்றுக் கொள்ள ,முடியவில்லை.

உனக்குத் தெரியுமா? மீனினி வெயிட்லாஸ் ஒல்லியாகினா கொரியன் ஆக்டர்ஸ் ஷின் மினா மாதிரி இருப்பாள். ஹையிட் , டிம்பில்ஸ் , யெல்லோ வைட்டிஸ் ஸ்கின், லைட் பிரவுன் ஹேர். அவ்வளவு அழகாக இருப்பாள். சந்தியா எல்லாம் இவள் முன்னாடி எதுவும் இல்லை. கம்பேர் செய்யக் கூடாது. ஆனால் நான் சொல்வது உண்மைதான். சந்தியாவுக்கும் மீனினியை யூஸ் பன்ன எந்த உரிமையும் இல்லை. அது நல்ல பண்பும் இல்லை.

இவ்வளவு பேசற எனக்கு மீனினி ஒன்றும் அவ்வளவு குண்டாகத் தோன்றியது இல்லை. ஆனால் மற்றவர்களுக்கு அப்படி இல்லையே. எங்க வீட்டு ஆளுங்களுக்கு கூடதான் என்னுடைய மூக்கு பிடிக்காது. மற்றவர்களை விட என்னுடைய மூக்கின் அடி நுனி வித்தியாசமாக இருக்கும். நானும் அதுக்காகத் திட்டு வாங்குவேன். பிறக்கும் போது அப்படி இல்லை. நான் கையால் இழுத்துதான் அப்படி மாறியது என்று சொல்வார்கள்.

மூக்கு ஒரு பெரிய விஷயம் இல்லை. ஆனால் மீனுவுக்கு சந்தியாவின் துரோகம் மனதை உடைத்து விட்டது என்று கூறலாம். ரோஸ் நிறக் கண்ணாடி உலகம் ஒரே நேரத்தில் உடைந்து சிதறிவிட்டது. உருவத்துக்காக தன்னைக் கூட வைத்திருந்த விஷயம் தெரிந்தால் யாராக இருந்தாலும் கண்டிப்பாக மனது அழும். தன்னுடைய உருவத்தை பற்றிப் பேசியது , ராமின் மற்றொரு முகம், வாசு அண்ணனின் பிரிவு அதனால் உண்டான ஒரு குற்ற உணர்வு , தோழியின் பேச்சு இது எல்லாம் மீனினியை மிகவும் பாதித்திருக்கிறது.

ஆண்டராய்ட் மொபைல் இருப்பது அவளுக்கு சிறிது ஆறுதல். அதிலும் ரியால்டியில் இருப்பது பிடிக்காமல் இ புக்ஸ்ஸில் நேரத்தை ஓட்டியிருக்கிறாள். இப்படி நாட்கள் போகையில் அவனுக்கு மூன்றாம் வருடத்தில் அறிமுகமானவன் மாதேஷ். இன்ஸ்டா கிராமில் ஏற்பட்ட நட்பு.

இவன் ஏதோ மியூட்சுவல் பிரண்ட் என்பதால் மீனினியும் அக்சப்ட் செய்திருக்கிறாள். மீனினி மெய்நிகர் உலகத்திலும் ஆட்களைக் கணிப்பதில் கொஞ்சம் வல்லவள். மாதேஷ் நல்ல மாதிரி என்று தோன்றவும் பேச ஆரம்பித்தாள்.

அவன் கோயம்புத்தூரில் வேறு ஒரு கல்லூரியில் இளங்கலை மூன்றாம் வருடம் படித்துக் கொண்டிருந்தான். கேரளாவாசி. கோவையில் படிப்பதற்கென்று வரும் கேரளா மக்கள் அதிகம். அப்படி வந்தவர்களில் மாதேஷும் ஒருவன்.

மீனினி தன்னோட வலியில் இருந்து கொஞ்சம் கொஞ்சமா விடுபட ஆரம்பித்தாள். முழுதாக இல்லை. மீனினிக்கு தன்னுடைய நிலை தெரியும். இருந்தாலும் ரிபவுண்ட் ரிலேசன்ஷிப்பாக மாதேஷுடன் ஆரம்பித்திருந்தாள். “அவனுடன் எனக்கு இருக்கும் அந்த பாண்டை பீல் செய்ய முடிந்தது என்றாள். நானும் அவனிடம் எதுவும் முழுதாக ஷேர் செய்யவில்லை. அவனும் அப்படித்தான். நாங்க சரியான சந்தர்ப்பத்தில் மீட் செய்திருந்தால் எங்களுக்குள் நன்றாக செட் ஆகியிருக்கும். ஆனால் என்னோட வாழ்க்கையில் டைமிங்க் என்ற ஒன்று சரியாகவே அமையாது. அப்படியே அமைந்தாலும் காதல் திருமணத்திற்கு வாய்ப்பே கிடையாது. என் பெற்றோர்கள் நான் என் காஸ்டை சேர்ந்த ஒருவனைக் காதலித்தாலே ஏற்றுக் கொள்ள மாட்டார்கள். அதில் வேறு மதம், வேறு மாநிலம் என்றால்???????? வாய்ப்பே கிடையாது அக்கா. என் அண்ணன் காதலித்த பெண்ணையே திருமணம் செய்யலாம். அதுவும் சொந்தத்தில் என்றால் நடக்கும். எனக்கு எல்லாம் காதல் என்ற வார்த்தையே அனுமதி கிடையாது. ஆப்டர் ஆல் ஒவ்வொரு குடும்பத்தின் கௌரவமும் பொண்ணுங்ககிட்ட தான் இருக்குது. பெற்றவர்கள் சொல்வதை எல்லாம் கேட்டு நடந்தால் தான் நான் நல்ல பெண். என் பேரண்ட்ஸ்க்கு நான் என்றால் ரொம்பச் செல்லம். என்ன கேட்டாலும் வாங்கித் தருவாங்கா. இப்படி இருக்கும் போது நான் காதல் என்கிற வார்த்தையே நம்பிக்கைத் துரோகம். என்னோட வாழ்க்கை முன்னாடியே டிசைன் செஞ்சுட்டாங்க. அதை மீறி நான் நடந்தால் அது பெரிய பாவம். ஒரு சின்ன விஷயம் சொல்றேன் கேளுங்க. என் அண்ணாவுக்கு பசங்க , பொண்ணுங்க பிரண்ட்ஸ் நிறைய உண்டு, அவங்க எல்லாரும் வீட்டுக்கும் வருவாங்க. அவங்களுக்கு எல்லாம் கவனிப்பு பயங்கரமா இருக்கும். அண்ணாவோட பிரண்ட்ஸ் மாதிரிதானே என்னோட பிரண்ட்ஸ்ம் என்று நினைத்து எனக்கு டிவல்த் படிக்கும் போது கிடைத்த பெஸ்ட் பிரண்ட் ஆரவ்வை வீட்டுக்கு கூட்டிட்டு வந்தேன். ஆனால் என் அம்மாவுக்கு முகமே மாறிவிட்டது. பெயருக்கு விசாரித்தார்கள். சாப்பிடக் கூட அழைக்கவில்லை. எனக்கு மிகவும் அவமானமாக இருந்தது. அவன் என்னுடைய லவ்வரா இருப்பானோ என்ற சந்தேகம்தான் காரணம். அதற்குப் பிறகு அவனை ஒரு வழியாக உபசரித்து அனுப்பி வைத்தேன். அப்பதான் எனக்குப் புரிஞ்சது. நான் பொண்ணு அதனால் ஒரு பையன் கூட இருக்கற பிரண்ட்சிப் தவறாக மட்டும் தான் என் வீட்டில் பார்க்கப்படும். இப்படி உயர்ந்த கொள்கை கொண்ட எங்க வீட்டில் லவ் பன்றேன்னு சொன்னா நில நடுக்கேமே வந்துரும். அதனால் மாதேஷ் உடன் இருக்கும் ரிலேஷன்ஷிப்பை மியூட்சுவலா சொல்லி பிரிஞ்சேன். அது மட்டும் இல்லாமல் அவனும் என்னை சீட் செய்திட்டான். எதுக்கு என் கூட பழகுற அப்படினு கேட்டதுக்கு உன்னோட உடம்புக்காகத்தான் அப்படினு சொல்லிட்டான். இட் புரோக் மை ஹார்ட். அகாடமியில் சேர்ந்த பின்னாடி இரண்டு மாசம் கழிச்சு எங்க இரண்டு பேருக்கு நடந்துச்சு. அதுக்கு இன்னொரு காரணம் இருக்குது. என் அப்பா ஒரு நாள் பேசிட்டு இருக்கும் போது என்னைப் பார்த்து உன் மேல் எனக்கு நம்பிக்கை இருக்கு மீனுனு சொல்லிட்டார். எனக்கு வீட்டுக்கு நம்பிக்கைத் துரோகம் செய்யறோம் என்று தோன்றியது. எனக்கும் தெரியும் நான் வீட்டைத் தாண்டி எதுவும் செய்ய மாட்டேன் என்று. என்னை அது ரொம்பவே அபெக்ட் செஞ்சுது. என்னோட ரிபவுண்ட் ரிலேஷன் ஷிப் கவுந்த கதை இதுதான்.”

நாங்க இரண்டு பேரும் போன்ல பேசும் போது மீனு சொன்ன விஷயங்கள் இது. மீனு எப்பவும் அன்புக்காக ஏங்கின ஆள். தனக்கு வெளியில் ஒரு ஆள் அன்பு வைக்கனும் என்று மிகவும் ஏங்கினாள். ஆனால் அந்த இரண்டுமே அவளுக்கு நடக்க வில்லை.


அலைவான்....

 

[மீ.ரா]

அத்தியாயம் -33

நானும் மீனினியும் பேச ஆரம்பித்த குறைவான காலத்தில் அவ்வளவு சீக்கிரம் நண்பர்களாக மாறிவிட்டோம். நான் அகாடமிக்கு தினமும் பேருந்தில் சென்று கொண்டிருந்தேன். 2020 பிறந்து அமேசான் காடு பற்றி எறிந்து கொண்டிருந்த கால கட்டம். ஜனவரி அப்படியே கழிந்தது.

இந்த சமயத்தில் நான் கோவையிலிருந்து தங்கி படிக்க முடிவு செய்தேன். ஹாஸ்டல் எதாவது வீடு கிடைக்குமா என்று பார்த்துக் கொண்டிருந்தேன். அப்போதுதான் மீனினி “எங்க வீட்டுக்கு வாக்கா” என்று அழைத்தான். நானும் பார்க்கலாம் என்று யோசித்தேன். மீனினி வீடு என்றால் பாதுகாப்புக்கு பிரச்சினை இல்லை என்று தோன்றியது.

உறவினர் வீடுகளில் கூட தங்காத நான் மீனினி வீட்டில் தங்க பர்மிஷன் கேட்டேன். ரெண்ட் கொடுத்துதான். பேயிங்க் கெஸ்ட் மாதிரி. எங்க வீட்டினர் தீவிரமாக டிஸ்கஸ் செய்தார்கள். மீனினி அப்பாவிடம் நேரடியாகப் பேசினேன். ரெண்ட் பற்றிக் கேட்டதற்கு “விவசாயி மகளிடம் நான் காசு வாங்க மாட்டேன் . நீ படிச்சு இந்த மாதிரி மத்தவங்களுக்கு ஹெல்ப் செய். அதுதான் ரெண்ட்.” அங்கிள் இப்படி பதில் கூறி வாயை அடைத்துவிட்டார்.

மீனினி “அக்கா என் அப்பா பிலாசிபி நிறைய பேசுவார். உனக்கும் ரொம்ப பிடிக்கும். “ என்று சொன்னாள்.

நானும் அவர்கள் வீட்டில் தங்கப் போகும் நாளை எதிர்பார்த்து காத்திருந்தேன். ஒரு புதிய அனுபவம் கிடைக்கும். எங்கள் வீட்டில் நிறைய யோசித்தனர். வேறு சாதி, வீட்டில் மீனினியின் அண்ணன் இருக்கிறான் இந்த இரண்டில் இரண்டாவது காரணம் மிகவும் பிரச்சினையாக இருந்தது.

ஆனால் மீனு அண்ணாவுக்கு லவ்வர் இருக்கா அது மட்டும் இல்லாமல் அவனுக்குத் திருமணம் செய்துவிடுவார்கள் என்று சொன்னதும் எங்கள் வீட்டிலும் ஒரு வழியாகச் சம்மதித்துவிட்டனர், நான் ரொம்ப கம்ஃபோர்ட் ஜேன்ல வளர்ந்த ஒருவள். என்னோட வீடு, அம்மாய் வீடு இந்த இரண்டிலும் தான் நான் மிகவும் கம்பர்ட்டபிளாக உணர்வேன். அது என்னுடைய இயல்பு. ஆனால் மீனு வீட்டுக்கு எப்படி போக சம்மதித்தேன் என்று இன்று வரை எனக்கும் தெரியவில்லை. எங்க வீட்டு ஆளுங்க பத்து பேரு சம்மதத்தை வாங்கிறதுக்கு உள்ள நானும் ஒரு வழி ஆகிட்டேன். ஓ காட். எனக்கு ஓட்டு வீடு என்றால் மிகப் பிடித்தம். அதுவும் செட்டி நாடு பாணியில் மழை நடுவில் விழுமாறு அமைக்கப்பட்ட வீடுகள் என்றால் கொள்ளைப் பிரியம். அப்பா அம்மா தங்கியிருந்த வீடு அப்படித்தான் இருக்கும். ரொம்பவும் ஸ்பேசோட இருக்கும். மார்டன் ஆர்க்கிடெக்சரில் ஒரு வித உயிர்ப்பு இல்லாதது போன்று தோன்றும். பழைய வீடுகளில் அதுவரை வாழ்ந்து விட்ட மனிதர்களின் சுக துக்கங்களைத் தாங்கி உயிர்ப்புடன் இருப்பதாகத் தோன்றும்.

மீனு வீட்டைப் பத்தி எனக்கும் எந்தக் கவலையும் இல்லை. என்னோட நோக்கம் படிக்கறது மட்டும்தான் .ஆனால் மீனினி வாட்ஸப்பில் வீடியோ காலில் அழைத்தாள். வீடியோகால் ஹோம் டூர் . “எங்க வீடு எப்படி இருக்குனு பாருங்க? “ என்று ஒவ்வொரு பகுதியாகச் சுற்றிக் காண்பிக்க ஆரம்பித்தாள்.

இரண்டு மாடிகளுடன் நவீன கட்டமைப்புகளுடன் கட்டப்பட்ட வீடு அது. சிம்பிளி பூயூட்டிபுள். சமையல் அறை , ஹால் பூசை அறை , அவளுடைய ரூம் , மாடி பாத்ரும் என்று ஒன்றையும் விடாமல் சுத்திக் காட்டினாள்.

அவளுக்கு நான் அடிக்கடி என் அப்புச்சி தென்னை மரத் தோப்பையும் , வயல்களையும் சுற்றிக் காட்டுவேன். எனக்குப் பிடித்த தென்னை மரத் தோப்பைக் காட்டி இது என்னை மிகவும் அமைதிப்படுத்தும் என்று நானும் வீட்டு டூருக்குப் பதிலாகக் காட்டினேன்.

ரொம்பவும் எக்சைட்மெண்டுடன் மீனு வீட்டுக்குப் போகும் நாளை எண்ணிக் காத்திருந்தேன் என்று சொல்லலாம். எங்க அம்மாய் வேறு நூறு அறிவுரை. என்னுடைய குணத்துக்கு எப்படி அட்ஜஸ்ட் செய்து இருப்பேன் என்று புலம்பிக்கிட்டே இருப்பார்கள். எனக்குப் பிடிக்காத இடத்தில் என்னை ஒருவராலும் தங்க வைக்க இயலாது. அதே மாதிரி தான் மனிதர்களுக்கும். ஆனால் எந்த ஒரு இடத்தையும் எந்தக் குறை இருந்தாலும் அதை அப்படியே ஏற்றுக் கொண்டும் என்னால் இருக்க முடியும். எந்த ஒரு மனிதனும் , எந்த ஒரு இடமும் பர்ஃபெக்ட் கிடையாது. என்னோட யூஜி ஹாஸ்டல் வார்டன் எப்போதும் சொல்லிக் கொண்டே இருப்பார். “எல்லா இடத்திலும் நீ அட்ஜஸ்ட் பன்னி இருந்துக்கிற நீ.” அப்படிப்பட்ட என்னைப் பார்த்து என் வீட்டினர் புலம்புவார்கள். சோ சேட் பட் நாட் மச்.

மீனு வீட்டுக்குச் செல்வதற்கு ஆயத்தங்கள் செய்யத் தொடங்கினேன். டிராலி வேண்டியது இல்லை. சிம்பிளா ஹேண்ட் பேக் போதும் என்று நினைத்தேன். வார இறுதி நாட்களில் எப்படி இருந்தாலும் வீட்டுக்கு வந்து விடுவதாகத் திட்டம். அப்புறம் புக்ஸ் வேற நிறைய எடுத்துச் செல்லும் மாறு இருக்கும் . அதையும் மீனுவின் அப்பாவின் மூலம் முன்னாடியே கொடுத்து விட்டுட்டோம். நானும் மீனுவும் பக்காவா தலைவர் அறிவுரையான “எல்லாத்தையும் பிளான் பன்னி பன்னனும் “ என்பதை சரியாகக் கடை பிடித்தோம்.

அதற்குப் பிறகு பிப்ரவரி ஒன்றாம் தேதி மீனு வீட்டுக்குச் சென்றேன். மீனுவிடம் பஸ் ரூட் எல்லாம் கேட்டு விட்டேன். பஸ் நம்பர்ஸ் எல்லாம் வாட்ஸப்பில் மெசேஜ் செய்துவிட்டதால் எனக்கும் சுலபமாக இருந்தது.

மீனினியின் ஊர் ஈசா போகும் வழியில் இருந்தது. கோவை மாநகரை ரசித்தப்படி பயணத்தைத் தொடர்ந்தேன். ஊர் வந்ததும் மீனுவுக்கு அழைத்தவுடன்.

அவள் வந்து என்னை அழைத்துச் சென்றுவிட்டாள்.

ஒரு சிறு ரோட்டில் நுழைந்ததும் முதலில் இருந்தது அந்த ஊரின் பெயரிலேயே இருந்த அம்மன் கோவில்தான். ஊர் மக்கள் சிலரும் அங்கு இருந்தனர்.

கோவிலுக்குப் பின்னே தான் வீடு அமைந்திருந்தது. மீனினியின் அத்தை வீடு அருகில் தான் அமைந்திருந்தது. அவர்கள் அனைவருக்கும் நான் அறிமுகம் செய்து வைக்கப்பட்டேன்.

மீனுவின் அம்மா அப்பாவை அங்கிள் ஆண்ட்டி என்றே அழைத்தேன் . என் அப்பா அம்மாவைத் தவிர யாரையும் அப்பா அம்மா என்று அழைக்க எனக்கு அவ்வளவுவாக வராது.

மீனுவின் ரூம் மாடியில் அமைந்துள்ளது. அதனால் அங்கு சென்று பொருட்களை அடுக்கினோம். மீனு ஸ்டடி ரூம் அவளுடைய அண்ணன் ரூம். மீனு ரூமில் ஒரு விஷேசம் உண்டு. அதில் கொஞ்ச நேரம் இருந்தால் தூக்கம் வந்து விடும். அதனால் ஸ்டடி ரூமாக அதைப் பயன்படுத்தினாள். நான் அந்த ரூமில் கொஞ்ச புத்தகங்கள் இந்த ரூமில் கொஞ்ச புத்தகங்கள் என்று மாற்றி மாற்றி வைத்திருந்தேன். ஆண்ட்டி மிகவும் நன்றாக கவனித்துக் கொண்டார்.

மீனு செய்யும் வேலைகள் எல்லாம் நான் அவள் வயதாயிருக்கும் போது செய்தது இல்லை. மீனு என்னை விட நன்றாக சமைப்பாள். என்னதான் கிராமத்தில் வளர்ந்தாலும் என் ஊரில் என் வயதில் இருக்கும் ஆட்கள் செய்யும் வேலையை நான் செய்தது இல்லை.

மீனு என்னதான் லேசினாலும் வேலையை நிதானமாக செய்து முடிப்பாள். முதல் நாள் நன்றாகச் சென்றது. நிறையப் பேசிக் கொண்டே இருந்தோம். சாப்பிடும் போது அனைவரும் பெரும்பாலும் காலை மற்றும் இரவு நேரங்களில் ஒன்றாகத் தான் சாப்பிடுவார்கள். நானும் ஜோதியில் ஐக்கியமாகிட்டேன். டைம் டிப்ரன்ஸ் ரொம்ப இருந்தது. எங்க வீட்டில் ஒன்பது மணிக்கே இரவு உறங்கி விடுவர். ஆனால் இங்கு சாப்பிடுவதே ஒன்பது மணிக்குத்தான். ஏழு மணிக்கே கொட்டிக் கொள்ளும் பழக்கம் இருக்கும் ஆள் நான்.

அதே நேரம் காலையில் நான்கு மணிக்கே கண்விழிப்பது எங்கள் வீட்டு வழக்கம். மீனு வீட்டில் எழுவதே ஆறு மணிக்குத்தான். மீனுவின் அப்பாவுடன் பேசும் பொழுதுகள் எனக்கு மிகவும் பிடிக்கும்.

ஒரு வாரம் அகாடமியில் நேரம் விரைவில் கழிந்தது. ஆனால் வார முடிவில் எனக்கு ஒரு பிரச்சினை வந்து சேர்ந்தது. எனக்கு மண்ணாங்கட்டி மாரியாத்தா என்றழைக்கப்படும் பொன்னுக்கு வீங்கி வந்து விட்டது. நாம படிக்கலானு கிளம்புனாதான் எங்கோ இருக்கற வைரஸ் ஏம்மேல ஏறாத்தா மாதிரி ஏறித் தொலைந்தது.

“வாட் பொன்னுக்கு வீங்கி , மாரியாத்தா ?’ யோசித்தான் தேவ். சரி இருக்கவே இருக்கு கூகுளாத்தாள் என்று அதில் பொன்னுக்கு வீங்கி என்று அடித்து தேடியதும் அவனுக்கான பதில் கிடைத்தது. அதைப் பார்த்ததும் சிரிப்பு வந்து விட்டது. இதுதான் அந்த வைரஸா? என்று சிரிப்பு வந்தது.

வாய் கண்ணம் விங்கி விட்டது. சாப்பிட வேற முடியல. ஆண்ட்டி நானே பார்த்துக்கிறேன் என்றார்கள். ஆனால் எனக்குத்தான் சங்கடமாக இருந்தது. மீனுவும் அதைத்தான் சொன்னாள். ஆனால் என் வீட்டினரும் கிளம்பி வரச் சொல்லி விட்டனர்.

போனது தான் போனேன். மாத்தி மீனுவோட மோட்டோ சார்ஜரையும் தூக்கிப் போட்டுட்டு போய் அவளைச் சிரமப் படுத்திவிட்டேன். அந்த சார்ஜர் அதிகமாகக் கிடைக்காது. பாவம் அவள். அதற்குப் பிறகு தெரிந்த ஒருவரிடம் சார்ஜரை வாங்கி பயன்படுத்தி இருக்கிறார்கள்.

எங்க வீட்டில் வேற வேப்பிலையும் , மஞ்சளும் அரைத்துப் பூசி விட்டனர். என்னுடைய கன்னம பன்னு மாதிரி வீங்கிக் கிடந்தது. கூட ஒரு தங்கச் சங்கிலியும் கழுத்தில் அணிவித்து விட்டனர், மாரியாத்தா தங்கத்துக்கு ஆசைப்பட்டு நோயைத் தருவதாகச் சொல்வார்கள், அது ஒரு மூடநம்பிக்கை. ஆனாலும் தமிழில் இந்த நோயை பொன்னுக்கு வீங்கி என்று அழைப்பார்கள்.

நல்லா வீங்குச்சு. என் வீட்டில் அந்தப் போனைப் பார்க்காமல் தூங்கு என்று அறிவுரை வேறு. தூக்கம் வந்தா தூங்க மாட்டாமோ? வெயிலில் வெளியில் செல்லக் கூடாது. எனக்கு பொழுது சென்றதே மீனினியின் போன் கால்சால் தான். இதிலும் எனக்குத் தொண்டை வீங்கிச் சரியாகப் பேச முடியவில்லை. ஆனாலும் இருவரும் பேசிக் கொண்டே இருந்தோம். எங்களுக்கு பேசுவதற்கு கண்டெண்ட் இல்லாமல் இருக்காது. ஐந்து நிமிஷத்தில் வைக்கிறோம் என்ற போன் கால் குறைந்தது இரண்டு மணி நேரமாகிவிட்டும்.

வெற்றி மீனுவுடன் கான்பிரசில் வந்து “வாயைக் குறை பார்ட்னர் “ என்று அட்வைஸ் வேறு. ஆமாம் வீட்டிலும் என்னை யாரும் பேச வேண்டாம் என்று சொல்லிவிட்டனர். ஆனால் தினமும் மீனினியும் நானும் பேசாமல் இருக்க மாட்டோம். அகாடமியிலும் மெயிலில் லீவ் கேட்டதால் பிரச்சினை இல்லை.

ஒரு வாரம் கழித்து மீண்டும் கோவை திரும்பி மீனு வீட்டுக்கு வந்தேன். நாம எங்காவது போய் நொறுக்குத்தீனி கொடுக்காமல் விட்டிருக்கிறார்களா? மீனு வீட்டில் அப்படியே கொண்டு போய் கொடுத்தாச்சு.

நானும் மீனுவும் மறுபடியும் அகாடமி சென்றோம். மீனுவின் மாடியில் இருந்துப் பார்த்தால் மேற்குத் தொடர்ச்சி மலையில் அழகை ரசிக்கலாம். நானும் அடிக்கடி நின்று ரசிப்பேன். இரவு நேரம் நிறையப் பேசுவோம். அவளுடைய விஷயங்கள் எல்லாம் என்னிடம் சொல்வாள்.

இப்படி இருக்கையில் நான் மீனு ரூமில் மெத்தையில் அமர்ந்து படித்துக் கொண்டிருந்தேன். மீனு பேசிட்டு அந்தப் பக்கம் போனாள். திரும்ப வந்து ஒரு விஷயம் சொன்னாள். எனக்கு ஹார்ட் அட்டாக் வராத குறைதான்.


அலைவான்............